Тархал 8
8
Нахучирахъ
1БЕТӀЕРГЬАНАС Мусада абуна:
2«Гьарунида лъазабе: „Дуца нахучирахъалда анкьго гьитӀинчирахъ рекъезабулеб мехалда, гьел чирахъал лъе гьезда цебесеб рахъ гьез гвангъизабулеб куцалъ“, – ин».
3Гьаруница кинабго гьабуна БЕТӀЕРГЬАНАС Мусаде гьабураб амруялда рекъон: гӀисинчирахъал лъуна цебесеб рахъ гвангъизабулеб куцалда. 4Нахучирахъ гьабуна рачитӀа меседги бухун – ахалъиялдаса бахъараб тӀадехун ругел меседил тӀугьдузул сипатазде гӀунтӀун – кинабго БЕТӀЕРГЬАНАС Мусада бихьизабураб сипаталда рекъон.
Левийилал рацӀцӀад гьари
5БЕТӀЕРГЬАНАС Мусада абуна:
6«Левийил наслаби цогидал гӀизраилаздаса ратӀа гьаре ва гьел рацӀцӀад гьаре. 7Гьел рацӀцӀад гьаре хадусеб къагӀидаялъ: гьезде динияб рацӀцӀалъиялъул лъим пунхъизабе ва биччанте гьез тӀолго черхалдаса рас кӀкӀвазе ва жидерго партал чуризе. Цинги гьел рацӀцӀадаллъун лъугьина. 8Хадуб биччанте гьез бачӀине тӀубан бухӀулеб къурбаналъе хъвезе цо баси, цадахъ букӀине кколеб ролъул хирияб садакъагун, ай зайтуналъул нахгун жубараб бищун лъикӀаб ханжугун, ва цоги баси – мунагьал чурулеб къурбаналъе. 9Цинги левийилал (левитал) ДандчӀваялъул Чадиралда цере ахӀе. ГӀизраилазул тӀолго жамагӀатги гьенибе бакӀарун, 10Левийил наслаби БЕТӀЕРГЬАНАСДА цере чӀезаре, ва биччанте гӀизраилаз гьезда тӀад кверал лъезе. 11Гьаруница рачине ккола левитал БЕТӀЕРГЬАНАСДА цере, ГӀизраилил халкъалъул рахъалдасан Гьесие кьолеб хасаб сайгъат хӀисабалда, гьелдаса нахъе гьел БЕТӀЕРГЬАНАСЕ хъулухъалъе рукӀине.
12Цинги биччанте Левийил наслабаз оцазул бутӀрузда кверал лъезе ва цо оц БЕТӀЕРГЬАНАСЕ мунагь чурулеб къурбаналъе, кӀиабилеб оц тӀубанго бухӀулеб къурбаналъе хъвезе. Гьел къурбаназдалъун рацӀцӀалъила левитал. 13Дуца Левийил наслаби Гьарунидаги гьесул васаздаги цере раче ва гьезул нухмалъиялде кье, БЕТӀЕРГЬАНАСЕ кьолеб хасаб сайгъат хӀисабалда. 14Гьедин дуца левитал ратӀа гьарила цогидал гӀизраилаздаса, гьел Дираллъун рукӀиналъе гӀоло.
15Гьеб кинабго гьабун хадуб, ай дуца гьел, рацӀцӀадги гьарун, хасаб сайгъатлъун БетӀергьанасе кьун хадуб, Левийил наслаби ДандчӀваялъул Чадиралъуре лъугьине бегьула, гьенир хъулухъалъе чӀезе. 16ГӀицӀго гьел руго ГӀизраилил халкъалда гьоркьоса тӀуранго Дие кьезе ратӀа гьарурал гӀизраилал. Дица гьел Диего рачана, хутӀарал гӀизраилазул тӀоцере гьарурал бихьинлъималазул бакӀалда. 17ГӀизраилалда гьабураб тӀоцебесеб бихьинлъимер Дир ккола, гьединго хӀайваналъул тӀоцебесеб тӀинчӀги ккола Дир. Мисриялъул тӀолалго тӀоцере гьарурал лъимал хвезарураб къоялъ Дица гӀизраилазул тӀоцере гьарурал лъимал Диего ратӀа гьаруна. 18Гьанжеян абуни, Дица цохӀо Левийил тӀолалго наслаби росана Диего гӀизраилазул киналго тӀоцере гьарурал бихьинлъималазул бакӀалда. 19Дица левитал ратӀа гьаруна ГӀизраилил халкъалда гьоркьоса ва Гьаруниеги гьесул васазеги сайгъатлъун кьуна гьел; ДандчӀваялъул Чадиралъуб тӀолалго гӀизраилазул бакӀалда хъулухъ гьабизе ккола гьез; гьел рукӀине руго ГӀизраилил халкъалъухъ босараб хӀакълъун. Цинги, гӀизраилал Мукъадасаб бакӀалде гӀагарлъиларо ва квешаб унти яги балагь бачӀиналдаса цӀунун рукӀина».
20Мусацаги, Гьаруницаги ва ГӀизраилалъул тӀолго жамагӀаталъги кинабго гьабуна БЕТӀЕРГЬАНАС Мусаде гьабураб амруялда рекъон. 21Левийилаз рацӀцӀалъи гьабуна ва партал чурана. Гьаруница гьел БЕТӀЕРГЬАНАСДА цере рачана, Гьесие кьолеб хасаб сайгъат хӀисабалда, ва рацӀцӀалъиялъул низам тӀобитӀана, кинаб батаниги мунагь-хӀакъалдаса гьел рацӀцӀад гьаризелъун. 22Гьелдаса хадуб левитал, Гьарунилги гьесул васазулги нухмалъиялда гъоркь, ДандчӀваялъул Чадиралъур хъулухъ гьабизе лъугьана. Левийилазе кинабго гьабуна БЕТӀЕРГЬАНАС Мусаде гьабураб амруялда рекъон.
23БЕТӀЕРГЬАНАС Мусада абуна:
24«Гьале левитазул рахъалъ къанун: къоло щуго сонил ригьалде вахарав щивав чияс байбихьизе ккола ДандчӀваялъул Чадиралъуб хъулухъ гьабизе, 25амма кӀикъоялда анцӀго сон бараб мехалда гьез хъулухъ тезе ккола – гьелдаса хадуб гьез тӀокӀалъ хъулухъ гьабизе кколаро. 26Гьез кумек гьабизе бегьула ДандчӀваялъул Чадиралъуб хъулухъ гьабулел жидерго вацазе, амма жидецаго хъулухъ гьабизе кколаро. Гьезда тӀадаб хъулухъалъул хӀакъалъулъ гьедин лъазабе левитазда».
Currently Selected:
Тархал 8: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархал 8
8
Нахучирахъ
1БЕТӀЕРГЬАНАС Мусада абуна:
2«Гьарунида лъазабе: „Дуца нахучирахъалда анкьго гьитӀинчирахъ рекъезабулеб мехалда, гьел чирахъал лъе гьезда цебесеб рахъ гьез гвангъизабулеб куцалъ“, – ин».
3Гьаруница кинабго гьабуна БЕТӀЕРГЬАНАС Мусаде гьабураб амруялда рекъон: гӀисинчирахъал лъуна цебесеб рахъ гвангъизабулеб куцалда. 4Нахучирахъ гьабуна рачитӀа меседги бухун – ахалъиялдаса бахъараб тӀадехун ругел меседил тӀугьдузул сипатазде гӀунтӀун – кинабго БЕТӀЕРГЬАНАС Мусада бихьизабураб сипаталда рекъон.
Левийилал рацӀцӀад гьари
5БЕТӀЕРГЬАНАС Мусада абуна:
6«Левийил наслаби цогидал гӀизраилаздаса ратӀа гьаре ва гьел рацӀцӀад гьаре. 7Гьел рацӀцӀад гьаре хадусеб къагӀидаялъ: гьезде динияб рацӀцӀалъиялъул лъим пунхъизабе ва биччанте гьез тӀолго черхалдаса рас кӀкӀвазе ва жидерго партал чуризе. Цинги гьел рацӀцӀадаллъун лъугьина. 8Хадуб биччанте гьез бачӀине тӀубан бухӀулеб къурбаналъе хъвезе цо баси, цадахъ букӀине кколеб ролъул хирияб садакъагун, ай зайтуналъул нахгун жубараб бищун лъикӀаб ханжугун, ва цоги баси – мунагьал чурулеб къурбаналъе. 9Цинги левийилал (левитал) ДандчӀваялъул Чадиралда цере ахӀе. ГӀизраилазул тӀолго жамагӀатги гьенибе бакӀарун, 10Левийил наслаби БЕТӀЕРГЬАНАСДА цере чӀезаре, ва биччанте гӀизраилаз гьезда тӀад кверал лъезе. 11Гьаруница рачине ккола левитал БЕТӀЕРГЬАНАСДА цере, ГӀизраилил халкъалъул рахъалдасан Гьесие кьолеб хасаб сайгъат хӀисабалда, гьелдаса нахъе гьел БЕТӀЕРГЬАНАСЕ хъулухъалъе рукӀине.
12Цинги биччанте Левийил наслабаз оцазул бутӀрузда кверал лъезе ва цо оц БЕТӀЕРГЬАНАСЕ мунагь чурулеб къурбаналъе, кӀиабилеб оц тӀубанго бухӀулеб къурбаналъе хъвезе. Гьел къурбаназдалъун рацӀцӀалъила левитал. 13Дуца Левийил наслаби Гьарунидаги гьесул васаздаги цере раче ва гьезул нухмалъиялде кье, БЕТӀЕРГЬАНАСЕ кьолеб хасаб сайгъат хӀисабалда. 14Гьедин дуца левитал ратӀа гьарила цогидал гӀизраилаздаса, гьел Дираллъун рукӀиналъе гӀоло.
15Гьеб кинабго гьабун хадуб, ай дуца гьел, рацӀцӀадги гьарун, хасаб сайгъатлъун БетӀергьанасе кьун хадуб, Левийил наслаби ДандчӀваялъул Чадиралъуре лъугьине бегьула, гьенир хъулухъалъе чӀезе. 16ГӀицӀго гьел руго ГӀизраилил халкъалда гьоркьоса тӀуранго Дие кьезе ратӀа гьарурал гӀизраилал. Дица гьел Диего рачана, хутӀарал гӀизраилазул тӀоцере гьарурал бихьинлъималазул бакӀалда. 17ГӀизраилалда гьабураб тӀоцебесеб бихьинлъимер Дир ккола, гьединго хӀайваналъул тӀоцебесеб тӀинчӀги ккола Дир. Мисриялъул тӀолалго тӀоцере гьарурал лъимал хвезарураб къоялъ Дица гӀизраилазул тӀоцере гьарурал лъимал Диего ратӀа гьаруна. 18Гьанжеян абуни, Дица цохӀо Левийил тӀолалго наслаби росана Диего гӀизраилазул киналго тӀоцере гьарурал бихьинлъималазул бакӀалда. 19Дица левитал ратӀа гьаруна ГӀизраилил халкъалда гьоркьоса ва Гьаруниеги гьесул васазеги сайгъатлъун кьуна гьел; ДандчӀваялъул Чадиралъуб тӀолалго гӀизраилазул бакӀалда хъулухъ гьабизе ккола гьез; гьел рукӀине руго ГӀизраилил халкъалъухъ босараб хӀакълъун. Цинги, гӀизраилал Мукъадасаб бакӀалде гӀагарлъиларо ва квешаб унти яги балагь бачӀиналдаса цӀунун рукӀина».
20Мусацаги, Гьаруницаги ва ГӀизраилалъул тӀолго жамагӀаталъги кинабго гьабуна БЕТӀЕРГЬАНАС Мусаде гьабураб амруялда рекъон. 21Левийилаз рацӀцӀалъи гьабуна ва партал чурана. Гьаруница гьел БЕТӀЕРГЬАНАСДА цере рачана, Гьесие кьолеб хасаб сайгъат хӀисабалда, ва рацӀцӀалъиялъул низам тӀобитӀана, кинаб батаниги мунагь-хӀакъалдаса гьел рацӀцӀад гьаризелъун. 22Гьелдаса хадуб левитал, Гьарунилги гьесул васазулги нухмалъиялда гъоркь, ДандчӀваялъул Чадиралъур хъулухъ гьабизе лъугьана. Левийилазе кинабго гьабуна БЕТӀЕРГЬАНАС Мусаде гьабураб амруялда рекъон.
23БЕТӀЕРГЬАНАС Мусада абуна:
24«Гьале левитазул рахъалъ къанун: къоло щуго сонил ригьалде вахарав щивав чияс байбихьизе ккола ДандчӀваялъул Чадиралъуб хъулухъ гьабизе, 25амма кӀикъоялда анцӀго сон бараб мехалда гьез хъулухъ тезе ккола – гьелдаса хадуб гьез тӀокӀалъ хъулухъ гьабизе кколаро. 26Гьез кумек гьабизе бегьула ДандчӀваялъул Чадиралъуб хъулухъ гьабулел жидерго вацазе, амма жидецаго хъулухъ гьабизе кколаро. Гьезда тӀадаб хъулухъалъул хӀакъалъулъ гьедин лъазабе левитазда».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023