Тархал 4
4
Кехатил наслабазда тӀадал ишал
1БЕТӀЕРГЬАНАС Мусадаги Гьарунидаги абуна:
2«Левийил вас Кехатидасан лъугьарал наслабазул сияхӀ гьабе, гьезул щивасул тухум-кьибилги инсул агьлуги хӀисабалдеги босун. 3Нужеца рикӀкӀе ДандчӀваялъул Чадиралда хъулухъ гьабизе ярагьунел лъебергоялдаса кӀикъоялда анцӀгоялде щвезегӀан соназул ригьалда ругел киналго бихьинал.
4Гьале Кехатил наслабаз ДандчӀваялъул Чадиралъуб гьабизе кколеб хъулухъ: гьез тӀалаб гьабизе ккола Мукъадасаб Чадиралъул бищунго хирияб къайиялъул.
5ТӀолабго халкъ сапаралде бахъунеб мехалда, Гьаруницаги гьесул васазги хасаб пардав нахъе бахъила ва гьеб КъотӀиялъул гъамасалда тӀад бала. 6Хасаб пардавалда тӀасан тӀеренал цӀаказул гьабураб пардав базе ккола, гьелдаги тӀасан – хъахӀилаб пардав. Гьеб кинабго гьабун хадуб, гъамас баччулел гӀурдул горазда жанире ккезарила.
7Мукъадасаб чед лъолеб столалда тӀад гьез тӀамила канчӀхъахӀилаб пардав ва гьелда тӀад сокӀкӀина суркӀабиги, гелалги, лъамалъи тӀолел щурмалги, гулгуналги. Столалда тӀад букӀунеб мукъадасаб чедги биччанте гьенибго букӀине. 8Гьезда тӀасан гьез тӀамила билбагӀараб пардав, гьелдаги тӀасан тӀамила тӀеренал цӀаказул гьабураб пардав ва стол баччулел гӀурдул горазда жанир лъела.
9Цинги гьез босила канчӀхъахӀилаб пардав ва гьеб бала кӀудияб нахучирахъалдаги кинабго гьелъул цӀарагӀалдаги тӀад: гӀисинал чирахъазда, билта бацӀцӀунел гъунцӀбузда, билта бацӀцӀараб лахӀ лъолел суркӀабазда ва чирахъалъул нах тӀолеб тӀолабго цӀарагӀалда тӀад. 10Хадуб гьеб кинабго цадахъ жемила тӀеренал цӀаказул гьабураб пардавалъулъ ва молода тӀад лъела.
11Биччанте гьез меседил къурбан-бакӀалда тӀад канчӀхъахӀилаб пардавги, гьелда тӀасан тӀеренал цӀаказул гьабураб пардавги тӀамизе ва гьеб баччулел гӀурдул горазда жанир лъезе.
12Мукъадасаб бакӀалда хъулухъ гьабиялъе хӀажалъулеб кинабго къайиги бакӀарун, гьеб жемила канчӀхъахӀилаб пардавалъулъ, гьелда тӀасан тӀамила тӀеренал цӀаказул гьабураб пардав ва гьебги лъела молода тӀад.
13Мазгарул къурбан-бакӀалда тӀаса рохъоги лъухьун, гьелда тӀад гьез тӀамила багӀараб пардав, 14ва гьелда тӀад лъела къурбан бухӀиялъе хӀажалъулеб кинабго цӀарагӀ: бухӀараб тӀурччи лъолел тӀабкӀал, гӀучӀал, рахъубахъал ва би жанибе тӀолел щурмал. Гьеб киналдаго тӀасан тӀамила тӀеренал цӀаказул пардав ва къурбан-бакӀ баччулел гӀурдул горазда лъела.
15Сапаралде рахъине хӀадурлъулелъул, биччанте цин Гьаруницаги гьесул васазги мукъадасаб бакӀалъул кинабго къайи пардавазулъ жемизе; цинги кехатилал рачӀина гьеб кинабго босизе. Амма жибго мукъадасаб цӀарагӀалда кехатилаз квер хъвазе бегьуларо – хъвани, гьел хвезе руго. Гьеб кинабго ДандчӀваялъул Чадиралъул цӀарагӀ баччизе ккола гьез.
16Кашиш Гьарунил вас Элеазарица тӀалаб гьабизе ккола нахучирахъалъе хӀажалъулеб нахулги, гьуинмахӀал рухӀизе хӀалтӀизабулеб махӀгьуинаб жубанжоялъулги, къойил Аллагьасе гӀоло гьабулеб ролъул хирияб садакъаялъулги, бахунеб хирияб нахулги. Гьединго Мукъадасаб Чадиралъулги гьелда жаниб букӀунеб кинабго къайи-цӀаялъулги жаваб кьезе ккола гьес».
17БЕТӀЕРГЬАНАС Мусадаги Гьарунидаги абуна:
18«Вореги, Кехатил наслаби тӀагӀине риччаге – Левийил къавмалдаса гьел нахъе хъвагӀазе тоге. 19Мукъадасаб къайи-цӀаялде гӀагарлъулаго гьел хунгутӀизе гьадин гьабе: биччанте Гьаруницаги гьесул васазги жидецаго бихьизабизе кехатилазда гьезул щивасул хъулухъги, гьесул раччиги. 20Амма Кехатил наслабаз, жалго мукъадасаб бакӀалдеги лъугьун, къайиялъухъ цо бер речӀчӀизабизецин бегьуларо, гурони гьел хвезе руго».
Гершонил наслабазда тӀадал ишал
21БЕТӀЕРГЬАНАС Мусада абуна:
22«Гершонил наслабазулги сияхӀ гьабе, щивасул инсул агьлуги тухум-кьибилги хӀисабалдеги босун. 23ДандчӀваялъул Чадиралда хъулухъ гьабизе бегьулел лъебергоялдаса кӀикъоялда анцӀгоялде щвезегӀан соназул ригьалда ругел киналго бихьинал малълъе.
24Гьале гершонилазул наслабаз гьабизе кколеб хӀалтӀи ва гьез баччизе кколеб къайи. 25Гьез раччизе ккола: Мукъадасаб Чадиралъул, ай ДандчӀваялъул Чадиралъул пардавалги, гьелда тӀасан балеб пардавги, гьелдаги тӀасан балеб тӀеренал цӀаказул пардавги, Чадиралъул кӀалтӀа бигъулеб пардавги, 26Чадирги мазгарул къурбан-бакӀги жаниб лъолеб азбаралъул пардавалги, азбаралъул кӀалтӀа балеб пардавги, кваралги, пардавазда цадахъ букӀунебщинаб къайиги. Гьеб киналдаго хурхарал хӀалтӀабиги гьаризе ккола гьез. 27Гершонилаз киналго хӀалтӀаби гьаризе ккола Гьарунилги гьесул васазулги нухмалъиялда гъоркь. Нужеца бихьизабе гьезда гьез баччизе кколеб къайиги, гьелда сверухъ гьабизе кколеб хӀалтӀиги. 28Гьединаб букӀине буго гершонилазул наслабаз ДандчӀваялъул Чадиралъуб гьабулеб хъулухъ. Биччанте гьез жидеда тӀадаб хъулухъ тӀубазе кашиш Гьарунил вас Итамарил нухмалъиялда гъоркь.
Мерарил наслабазда тӀадал ишал
29Мерарил наслаби рикӀкӀе щивасул тухум-кьибилги инсул агьлуги хӀисабалдеги босун; 30лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе бегьулел киналго бихьинал малъе. 31Гьале ДандчӀваялъул Чадиралъуб гьезда тӀалъулел хъулухъал: гьез раччизе ккола Мукъадасаб Чадиралъул рамаби, рахал, хӀубал ва гьезул гъоркьчӀелал, 32азбаралъул хӀубалгун гъоркьчӀелал, гъазихъалгун кварал ва гьеб киналдаго цадахъ къваригӀунебщинаб цогидаб къайи-алат. ЦӀар-цӀарккун жив-живасда бихьизабе гьесда тӀадаб, щивас жаваб кьезе кколеб гьезул раччи. 33Гьединаб буго Мерарил наслабаз кашиш Гьарунил вас Итамарил нухмалъиялда гъоркь ДандчӀваялъул Чадиралъуб гьабизе кколеб хъулухъ».
Левийилазул тухумазул сияхӀ гьаби
34Мусацаги, Гьаруницаги, халкъалъул кӀудиязги Кехатил наслабазул сияхӀ гьабуна, щивасул тухум-кьибилги инсул агьлуги хӀисабалдеги босун. 35Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе бегьулел, 36тухум-кьибилги инсул агьлуги хӀисабалде босун рикӀкӀарал бихьиназул вукӀана 2750 чи. 37Гьеб буго ДандчӀваялъул Чадиралъуб хъулухъ гьабулел рукӀарал кехатилазул гӀаммаб къадар. Мусацаги Гьаруницаги гьезул рикӀкӀен гьабуна БЕТӀЕРГЬАНАС Мусадасан тӀалаб гьабураб амруялда рекъон.
38Гьединго Гершонил наслабазулги гьабуна рикӀкӀен, щивасул тухум-кьибилги инсул агьлуги хӀисабалдеги босун. 39Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе бегьулел, 40щивасул тухумги инсул агьлуги бихьун хӀисабалде росарал бихьиназул вукӀана кинавниги 2630 чи. 41Гьеб буго ДандчӀваялъул Чадиралъуб хъулухъ гьабулел рукӀарал Гершонил наслабазул гӀаммаб къадар. Мусацаги Гьаруницаги гьезул рикӀкӀен гьабуна БЕТӀЕРГЬАНАСУЛ амруялда рекъон.
42Гьединго Мерарил наслабазулги гьабуна рикӀкӀен щивасул тухумги инсул агьлуги хӀисабалдеги босун. 43Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе ярагьунел, 44щивасул тухумги инсул агьлуги бихьун хӀисабалде росарал киналниги бихьиназул вукӀана 3200 чи. 45Гьеб буго Мерарил наслабазул бихьиназул гӀаммаб къадар. Мусацаги Гьаруницаги гьезул рикӀкӀен гьабуна БЕТӀЕРГЬАНАС Мусадасан тӀалаб гьабураб амруялда рекъон.
46Гьедин Мусацаги, Гьаруницаги, ГӀизраилалъул кӀудиязги рикӀкӀана Левийидасан лъугьараб щибаб тухумалъул ва хъизан-агьлуялъул чагӀи. 47Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе ярагьунел, гьединго чадир баччизе бажарулел 48бихьиназул кинавниги вукӀана 8580 чи. 49БЕТӀЕРГЬАНАС Мусадасан тӀалаб гьабураб амруялда рекъон, гьезул щивасда тӀадкъана жинди-жиндир хъулухъ ва жинди-жиндир раччи; гьезул сияхӀалги гьаруна БЕТӀЕРГЬАНАС Мусаде гьабураб амруялда рекъон.
Currently Selected:
Тархал 4: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархал 4
4
Кехатил наслабазда тӀадал ишал
1БЕТӀЕРГЬАНАС Мусадаги Гьарунидаги абуна:
2«Левийил вас Кехатидасан лъугьарал наслабазул сияхӀ гьабе, гьезул щивасул тухум-кьибилги инсул агьлуги хӀисабалдеги босун. 3Нужеца рикӀкӀе ДандчӀваялъул Чадиралда хъулухъ гьабизе ярагьунел лъебергоялдаса кӀикъоялда анцӀгоялде щвезегӀан соназул ригьалда ругел киналго бихьинал.
4Гьале Кехатил наслабаз ДандчӀваялъул Чадиралъуб гьабизе кколеб хъулухъ: гьез тӀалаб гьабизе ккола Мукъадасаб Чадиралъул бищунго хирияб къайиялъул.
5ТӀолабго халкъ сапаралде бахъунеб мехалда, Гьаруницаги гьесул васазги хасаб пардав нахъе бахъила ва гьеб КъотӀиялъул гъамасалда тӀад бала. 6Хасаб пардавалда тӀасан тӀеренал цӀаказул гьабураб пардав базе ккола, гьелдаги тӀасан – хъахӀилаб пардав. Гьеб кинабго гьабун хадуб, гъамас баччулел гӀурдул горазда жанире ккезарила.
7Мукъадасаб чед лъолеб столалда тӀад гьез тӀамила канчӀхъахӀилаб пардав ва гьелда тӀад сокӀкӀина суркӀабиги, гелалги, лъамалъи тӀолел щурмалги, гулгуналги. Столалда тӀад букӀунеб мукъадасаб чедги биччанте гьенибго букӀине. 8Гьезда тӀасан гьез тӀамила билбагӀараб пардав, гьелдаги тӀасан тӀамила тӀеренал цӀаказул гьабураб пардав ва стол баччулел гӀурдул горазда жанир лъела.
9Цинги гьез босила канчӀхъахӀилаб пардав ва гьеб бала кӀудияб нахучирахъалдаги кинабго гьелъул цӀарагӀалдаги тӀад: гӀисинал чирахъазда, билта бацӀцӀунел гъунцӀбузда, билта бацӀцӀараб лахӀ лъолел суркӀабазда ва чирахъалъул нах тӀолеб тӀолабго цӀарагӀалда тӀад. 10Хадуб гьеб кинабго цадахъ жемила тӀеренал цӀаказул гьабураб пардавалъулъ ва молода тӀад лъела.
11Биччанте гьез меседил къурбан-бакӀалда тӀад канчӀхъахӀилаб пардавги, гьелда тӀасан тӀеренал цӀаказул гьабураб пардавги тӀамизе ва гьеб баччулел гӀурдул горазда жанир лъезе.
12Мукъадасаб бакӀалда хъулухъ гьабиялъе хӀажалъулеб кинабго къайиги бакӀарун, гьеб жемила канчӀхъахӀилаб пардавалъулъ, гьелда тӀасан тӀамила тӀеренал цӀаказул гьабураб пардав ва гьебги лъела молода тӀад.
13Мазгарул къурбан-бакӀалда тӀаса рохъоги лъухьун, гьелда тӀад гьез тӀамила багӀараб пардав, 14ва гьелда тӀад лъела къурбан бухӀиялъе хӀажалъулеб кинабго цӀарагӀ: бухӀараб тӀурччи лъолел тӀабкӀал, гӀучӀал, рахъубахъал ва би жанибе тӀолел щурмал. Гьеб киналдаго тӀасан тӀамила тӀеренал цӀаказул пардав ва къурбан-бакӀ баччулел гӀурдул горазда лъела.
15Сапаралде рахъине хӀадурлъулелъул, биччанте цин Гьаруницаги гьесул васазги мукъадасаб бакӀалъул кинабго къайи пардавазулъ жемизе; цинги кехатилал рачӀина гьеб кинабго босизе. Амма жибго мукъадасаб цӀарагӀалда кехатилаз квер хъвазе бегьуларо – хъвани, гьел хвезе руго. Гьеб кинабго ДандчӀваялъул Чадиралъул цӀарагӀ баччизе ккола гьез.
16Кашиш Гьарунил вас Элеазарица тӀалаб гьабизе ккола нахучирахъалъе хӀажалъулеб нахулги, гьуинмахӀал рухӀизе хӀалтӀизабулеб махӀгьуинаб жубанжоялъулги, къойил Аллагьасе гӀоло гьабулеб ролъул хирияб садакъаялъулги, бахунеб хирияб нахулги. Гьединго Мукъадасаб Чадиралъулги гьелда жаниб букӀунеб кинабго къайи-цӀаялъулги жаваб кьезе ккола гьес».
17БЕТӀЕРГЬАНАС Мусадаги Гьарунидаги абуна:
18«Вореги, Кехатил наслаби тӀагӀине риччаге – Левийил къавмалдаса гьел нахъе хъвагӀазе тоге. 19Мукъадасаб къайи-цӀаялде гӀагарлъулаго гьел хунгутӀизе гьадин гьабе: биччанте Гьаруницаги гьесул васазги жидецаго бихьизабизе кехатилазда гьезул щивасул хъулухъги, гьесул раччиги. 20Амма Кехатил наслабаз, жалго мукъадасаб бакӀалдеги лъугьун, къайиялъухъ цо бер речӀчӀизабизецин бегьуларо, гурони гьел хвезе руго».
Гершонил наслабазда тӀадал ишал
21БЕТӀЕРГЬАНАС Мусада абуна:
22«Гершонил наслабазулги сияхӀ гьабе, щивасул инсул агьлуги тухум-кьибилги хӀисабалдеги босун. 23ДандчӀваялъул Чадиралда хъулухъ гьабизе бегьулел лъебергоялдаса кӀикъоялда анцӀгоялде щвезегӀан соназул ригьалда ругел киналго бихьинал малълъе.
24Гьале гершонилазул наслабаз гьабизе кколеб хӀалтӀи ва гьез баччизе кколеб къайи. 25Гьез раччизе ккола: Мукъадасаб Чадиралъул, ай ДандчӀваялъул Чадиралъул пардавалги, гьелда тӀасан балеб пардавги, гьелдаги тӀасан балеб тӀеренал цӀаказул пардавги, Чадиралъул кӀалтӀа бигъулеб пардавги, 26Чадирги мазгарул къурбан-бакӀги жаниб лъолеб азбаралъул пардавалги, азбаралъул кӀалтӀа балеб пардавги, кваралги, пардавазда цадахъ букӀунебщинаб къайиги. Гьеб киналдаго хурхарал хӀалтӀабиги гьаризе ккола гьез. 27Гершонилаз киналго хӀалтӀаби гьаризе ккола Гьарунилги гьесул васазулги нухмалъиялда гъоркь. Нужеца бихьизабе гьезда гьез баччизе кколеб къайиги, гьелда сверухъ гьабизе кколеб хӀалтӀиги. 28Гьединаб букӀине буго гершонилазул наслабаз ДандчӀваялъул Чадиралъуб гьабулеб хъулухъ. Биччанте гьез жидеда тӀадаб хъулухъ тӀубазе кашиш Гьарунил вас Итамарил нухмалъиялда гъоркь.
Мерарил наслабазда тӀадал ишал
29Мерарил наслаби рикӀкӀе щивасул тухум-кьибилги инсул агьлуги хӀисабалдеги босун; 30лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе бегьулел киналго бихьинал малъе. 31Гьале ДандчӀваялъул Чадиралъуб гьезда тӀалъулел хъулухъал: гьез раччизе ккола Мукъадасаб Чадиралъул рамаби, рахал, хӀубал ва гьезул гъоркьчӀелал, 32азбаралъул хӀубалгун гъоркьчӀелал, гъазихъалгун кварал ва гьеб киналдаго цадахъ къваригӀунебщинаб цогидаб къайи-алат. ЦӀар-цӀарккун жив-живасда бихьизабе гьесда тӀадаб, щивас жаваб кьезе кколеб гьезул раччи. 33Гьединаб буго Мерарил наслабаз кашиш Гьарунил вас Итамарил нухмалъиялда гъоркь ДандчӀваялъул Чадиралъуб гьабизе кколеб хъулухъ».
Левийилазул тухумазул сияхӀ гьаби
34Мусацаги, Гьаруницаги, халкъалъул кӀудиязги Кехатил наслабазул сияхӀ гьабуна, щивасул тухум-кьибилги инсул агьлуги хӀисабалдеги босун. 35Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе бегьулел, 36тухум-кьибилги инсул агьлуги хӀисабалде босун рикӀкӀарал бихьиназул вукӀана 2750 чи. 37Гьеб буго ДандчӀваялъул Чадиралъуб хъулухъ гьабулел рукӀарал кехатилазул гӀаммаб къадар. Мусацаги Гьаруницаги гьезул рикӀкӀен гьабуна БЕТӀЕРГЬАНАС Мусадасан тӀалаб гьабураб амруялда рекъон.
38Гьединго Гершонил наслабазулги гьабуна рикӀкӀен, щивасул тухум-кьибилги инсул агьлуги хӀисабалдеги босун. 39Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе бегьулел, 40щивасул тухумги инсул агьлуги бихьун хӀисабалде росарал бихьиназул вукӀана кинавниги 2630 чи. 41Гьеб буго ДандчӀваялъул Чадиралъуб хъулухъ гьабулел рукӀарал Гершонил наслабазул гӀаммаб къадар. Мусацаги Гьаруницаги гьезул рикӀкӀен гьабуна БЕТӀЕРГЬАНАСУЛ амруялда рекъон.
42Гьединго Мерарил наслабазулги гьабуна рикӀкӀен щивасул тухумги инсул агьлуги хӀисабалдеги босун. 43Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе ярагьунел, 44щивасул тухумги инсул агьлуги бихьун хӀисабалде росарал киналниги бихьиназул вукӀана 3200 чи. 45Гьеб буго Мерарил наслабазул бихьиназул гӀаммаб къадар. Мусацаги Гьаруницаги гьезул рикӀкӀен гьабуна БЕТӀЕРГЬАНАС Мусадасан тӀалаб гьабураб амруялда рекъон.
46Гьедин Мусацаги, Гьаруницаги, ГӀизраилалъул кӀудиязги рикӀкӀана Левийидасан лъугьараб щибаб тухумалъул ва хъизан-агьлуялъул чагӀи. 47Лъебергоялдаса кӀикъоялда анцӀгоялде щвезегӀан соназул ригьалда ругел ва ДандчӀваялъул Чадиралъуб хъулухъ гьабизе ярагьунел, гьединго чадир баччизе бажарулел 48бихьиназул кинавниги вукӀана 8580 чи. 49БЕТӀЕРГЬАНАС Мусадасан тӀалаб гьабураб амруялда рекъон, гьезул щивасда тӀадкъана жинди-жиндир хъулухъ ва жинди-жиндир раччи; гьезул сияхӀалги гьаруна БЕТӀЕРГЬАНАС Мусаде гьабураб амруялда рекъон.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023