Тархал 29
29
Суразул байрам
(Лев. 23:23-25)
1Анкьабилеб моцӀалъул тӀоцебесеб къоялъ#29:1 Хасалихълъиялъул авал. динияб данделъи ахӀе, ва гьеб къоялъ кинабгӀаги хӀалтӀи гьабуге. Гьеб буго сурал пулеб къо. 2Гьеб къоялъ тӀубан бухӀулеб къурбаналъе хъве кинабгӀаги жагъаллъи гьечӀел тӀаса рищун, цо басиги, цо куйги, анкьго лъагӀараб кьегӀерги, БЕТӀЕРГЬАНАСЕ бокьулеб махӀ бахъинабизе. 3Гьезда цадахъ бачӀине ккола зайтуналъул нахги гъорлъе жубараб ролъул хирияб садакъаги: щибаб басиялда цадахъ – ефаялъул анцӀго бутӀа гьабун лъабго бутӀа ханждал; куялда цадахъ – ефаялъул анцӀго бутӀа гьабун кӀиго бутӀа; 4щибаб кьегӀералда цадахъ – ефаялъул анцӀго бутӀа гьабун цо бутӀа ханждал. 5Нужго мунагьаздаса рацӀцӀалъиялъе, мунагь чуриялъул къурбаналъе цо дегӀенги хъве. 6Гьал къурбанал гьаризе ккола къойил гьарулел къурбаназдаги, цӀияб моцӀ баккиялъул къурбаназдаги ва гьезда цадахъ рачӀунел чадилгун чагъиралъул хириял садакъабаздаги тӀаде. Гьеб буго БЕТӀЕРГЬАНАСЕ рокьулел махӀал рахъинариялъе тӀубанго бухӀулеб цӀадул къурбан.
Кипурималъул къо#29:7 Кипурималъул къо – тархъанлъиялъул къо, мунагьаздаса хвасарлъиялъул къо. Кипурималъул къоялъ КӀудияв кашиш унаан Бищунго Мукъадасаб бакӀалда жаниве БЕТӀЕРГЬАНАСДА цеве, жиндасаго хъурабги тӀолабго халкъалдаса хъурабги хасаб къурбаналъул биги босун, лъагӀалида жаниб халкъалъухъа ккарабщинаб мунагьалда Аллагь тӀасалъугьиналъул мурадалда.
(Лев. 23:26-32; Лев. 16:1-32)
7Анкьабилеб моцӀалъул анцӀабилеб къоялъ динияб данделъи ахӀе – гьеб къоялъ, Аллагьасе мутӀигӀлъун, кӀал ккве ва кинабгӀаги хӀалтӀи гьабуге. 8ТӀубан бухӀулеб къурбаналъе хъве кинабгӀаги жагъаллъи гьечӀел тӀаса рищун, цо басиги, цо куйги, анкьго лъагӀараб кьегӀерги, БЕТӀЕРГЬАНАСЕ бокьулеб махӀ бахъинабизе. 9Гьезда цадахъ босе зайтуналъул нахги гъорлъе жубараб ролъул хирияб садакъаги: щибаб басиялда цадахъ – ефаялъул анцӀго бутӀа гьабун лъабго бутӀа ханждал; куялда цадахъ – ефаялъул анцӀго бутӀа гьабун кӀиго бутӀа; 10щибаб кьегӀералда цадахъ – ефаялъул анцӀго бутӀа гьабун цо бутӀа ханждал. 11Гьединго мунагь чуриялъул къурбаналъе цо дегӀенги хъве. Гьеб гьабе, мунагьаздаса хвасарлъиялъул къурбаназдаги, гьединго къойил гьарулел къурбаназдаги ва гьезда цадахъ рачӀунел чадилгун чагъиралъул хириял садакъабаздаги тӀаде.
Хъошазул байрам
(Лев. 23:33-43; Къан. 16:13-17)
12Анкьабилеб моцӀалъул анцӀила щуабилеб къоялъги динияб данделъи ахӀе, ва гьеб къоялъ кинабгӀаги хӀалтӀи гьабуге. Анкьго къоялъ БЕТӀЕРГЬАН кӀодо гьавун байрам тӀобитӀе. 13ТӀубан рухӀулел къурбаназе, БЕТӀЕРГЬАНАСЕ бокьулеб гьуинаб махӀ бахъинабиялъе хъве: анцӀила лъабго басиги, кӀиго куйги, анцӀила ункъго лъагӀараб кьегӀерги – кинабгӀаги жагъаллъи жиндилъ гьечӀел тӀаса рищун. 14Гьезда цадахъ бачӀине ккола зайтуналъул нахги гъорлъе жубараб ролъул хирияб садакъаги: анцӀила лъабабго басиялъул щибалда цадахъ – ефаялъул анцӀго бутӀа гьабун лъабго бутӀа ханждал; щибаб куялда цадахъ – ефаялъул анцӀго бутӀа гьабун кӀиго бутӀа; 15анцӀила ункъабго кьагӀрил щибалда цадахъ – ефаялъул анцӀго бутӀа гьабун цо бутӀа ханждал. 16Гьединго, къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде, мунагь чуриялъул къурбаналъе цо дегӀенги хъве.
17КӀиабилеб къоялъ къурбаналъе хъве кинабгӀаги жагъаллъи гьечӀел тӀаса рищун, анцӀила кӀиго басиги, кӀиго куйги, анцӀила ункъго лъагӀараб кьегӀерги. 18Бусбуздаги, куйдуздаги, кьагӀраздаги цадахъ рукӀине кколел ролъулгун чагъиралъул хириял садакъабиги гьаре, чӀезабураб роценалда рекъон. 19Гьединго, къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде, мунагь чуриялъул къурбаналъе цо дегӀенги хъве.
20Лъабабилеб къоялъ – кинабгӀаги жагъаллъи жиделъ гьечӀел тӀаса рищун, анцӀила цо басиги, кӀиго куйги, анцӀила ункъго лъагӀараб кьегӀерги. 21Бусбуздаги, куйдуздаги, кьагӀраздаги цадахъ рукӀине кколел ролъулгун чагъиралъул хириял садакъабиги гьаре, чӀезабураб роценалда рекъон. 22Гьединго, къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде, мунагь чуриялъул къурбаналъе цо дегӀенги хъве.
23Ункъабилеб къоялъ – кинабгӀаги жагъаллъи жиделъ гьечӀел тӀаса рищун анцӀго басиги, кӀиго куйги, анцӀила ункъго лъагӀараб кьегӀерги. 24Бусбуздаги, куйдуздаги, кьагӀраздаги цадахъ рукӀине кколел ролъулгун чагъиралъул хириял садакъабиги гьаре, чӀезабураб роценалда рекъон. 25Гьединго, къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде, мунагь чуриялъул къурбаналъе цо дегӀенги хъве.
26Щуабилеб къоялъ – кинабгӀаги жагъаллъи жиделъ гьечӀел тӀаса рищун, ичӀго басиги, кӀиго куйги, анцӀила ункъго лъагӀараб кьегӀерги. 27Бусбуздаги, куйдуздаги, кьагӀраздаги цадахъ рукӀине кколел ролъулгун чагъиралъул хириял садакъабиги гьаре, чӀезабураб роценалда рекъон. 28Гьединго, къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде, мунагь чуриялъул къурбаналъе цо дегӀенги хъве.
29Анлъабилеб къоялъ – кинабгӀаги жагъаллъи жиделъ гьечӀел тӀаса рищун, микьго басиги, кӀиго куйги, анцӀила ункъго лъагӀараб кьегӀерги. 30Бусбуздаги, куйдуздаги, кьагӀраздаги цадахъ рукӀине кколел ролъулгун чагъиралъул хириял садакъабиги гьаре, чӀезабураб роценалда рекъон. 31Гьединго, къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде, мунагь чуриялъул къурбаналъе цо дегӀенги хъве.
32Анкьабилеб къоялъ – кинабгӀаги жагъаллъи жиделъ гьечӀел тӀаса рищун, анкьго басиги, кӀиго куйги, анцӀила ункъго лъагӀараб кьегӀерги. 33Бусбуздаги, куйдуздаги, кьагӀраздаги цадахъ рукӀине кколел ролъулгун чагъиралъул хириял садакъабиги гьаре, чӀезабураб роценалда рекъон. 34Гьединго, къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде, мунагь чуриялъул къурбаналъе цо дегӀенги хъве.
35Микьабилеб къоялъ байрамалъул данделъи ахӀе ва кинабгӀаги хӀалтӀи гьабуге. 36Гьеб къоялъ БЕТӀЕРГЬАНАСЕ бокьулеб гьуинаб махӀ бахъинабиялъе тӀубан бухӀулеб къурбаналъе хъве цо оцги, цо куйги, анкьго лъагӀараб кьегӀерги – кинабгӀаги жагъаллъи гьечӀел тӀаса рищун. 37Басиялдаги, куялдаги, кьагӀраздаги цадахъ рукӀине кколел ролъулгун чагъиралъул хириял садакъабиги гьаре, чӀезабураб роценалда рекъон. 38Гьединго, къойил гьарулел къурбаназдаги гьезда цадахъ рачӀунел чадилгун чагъиралъул садакъабаздаги тӀаде, мунагь чуриялъул къурбаналъе цо дегӀенги хъве.
39Гьал киналго къурбанал гьаре БЕТӀЕРГЬАНАСДА цере нужее рихьизарурал байрамкъояз, назруялъул къурбаналги, суннатал къурбаналги, тӀуран рухӀулел къурбаналги, ролъул ва чагъиралъул хириял садакъабиги, ракълил къурбаналги рикӀкӀинчӀого“».
Currently Selected:
Тархал 29: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
