Тархал 28
28
Къойил гьарулел къурбанал
(Тархъ. 29:38-42)
1БЕТӀЕРГЬАНАС Мусада абуна:
2«ГӀизраилил халкъалда лъазабе къурбаназул тадбир мухӀканго тӀубазабеян, жинди-жиндир ригьалда Дие къурбаналги ролъул хириял садакъабиги гьареян. Гьел руго цӀадудалъун Дие кьолел ва жидер махӀ дие хириял къурбанал. 3Гьезда абе: „Гьале нужеца БЕТӀЕРГЬАНАСЕ къойил гьабизе кколеб цӀадул къурбан: кинабгӀаги жагъаллъи жиндилъ гьечӀеб кӀиго лъагӀараб кьегӀер. Гьединаб букӀине буго къо гьоркьоб биччачӀого гьабулеб тӀубан бухӀулеб къурбан. 4Цояб кьегӀер рогьалил къурбаналъе, цогидаб бакъанил къурбаналъе хъве; 5гьелда цадахъ букӀине ккола ролъул хирияб садакъаги: бацӀцӀадаб зайтуналъул нахул гиналъул#28:5 875 гр. ункъго бутӀа гьабун цо бутӀаги гъорлъе жубараб, ефаялъул#28:5 ГӀага-шагарго 2,2 литра. анцӀго бутӀа гьабун цо бутӀа ханждал. 6Гьел кидагосел тӀуран рухӀулел къурбаназул тадбир чӀезабуна Синай магӀардаго. Гьеб буго БЕТӀЕРГЬАНАСЕ рокьулел махӀал рахъинариялъе тӀубанго бухӀулеб цӀадул къурбан. 7Щибаб кьегӀералда цадахъ букӀине ккола гиналъул ункъго бутӀа гьабун цо бутӀа чагъиралъулги. Гьеб чагъир тӀезе ккола БЕТӀЕРГЬАНАСУЛ мукъадасаб бакӀалде. 8КӀиабилеб кьегӀер къурбан гьабизе ккола бакъанида, радал бачӀаралда цадахъго гӀадин, ролъул хирияб садакъагун ва чагъиргун. Гьеб буго БЕТӀЕРГЬАНАСЕ рокьулел махӀал рахъинариялъе тӀубанго бухӀулеб цӀадул къурбан.
Шаматкъоялъул къурбан
9Шаматкъоялъ къурбаналъе хъве кинабгӀаги жагъаллъи жиндилъ гьечӀеб кӀиго лъагӀараб кьегӀер. Гьезда цадахъ букӀине ккола ролъул хирияб садакъаги: гъорлъе зайтуналъул нахги жубараб, ефаялъул анцӀго бутӀа гьабун кӀиго бутӀа ханждал ва цадахъго чӀезабураб къадаралда чагъирги. 10Кидаго гьаризе тӀадал щибаб къоялъул аслиял къурбаналги гьезда цадахъ букӀине кколеб чагъирги малъичӀого, гьел руго щибаб шаматкъоялъ гьарулел тӀуран рухӀулел къурбанал.
Щибаб моцӀалъул къурбанал
11Щибаб моцӀалъул тӀоцебесеб къоялъ БЕТӀЕРГЬАНАСЕ тӀубан бухӀулеб къурбаналъе хъве жагъаллъи гьечӀеб кӀиго басиги, цо куйги, анкьго лъагӀараб кьегӀерги. 12Гьезда цадахъ букӀине ккола зайтуналъул нахги гъорлъе жубараб ролъул хирияб садакъаги: басиялда цадахъ – ефаялъул анцӀго бутӀа гьабун лъабго бутӀа ханждал, куялда цадахъ – ефаялъул анцӀго бутӀа гьабун кӀиго бутӀа 13ва щибаб кьегӀералда цадахъ – ефаялъул анцӀго бутӀа гьабун цо бутӀа. Гьеб буго БЕТӀЕРГЬАНАСЕ хириял махӀал рахъинариялъе тӀубанго бухӀулеб цӀадул къурбан. 14Щибаб басиялда цадахъ бачӀине ккола бащадаб гин цӀураб чагъир; куялда цадахъ – гиналъул лъабго бутӀа гьабун цо бутӀа; ва кьегӀералда цадахъ – гиналъул ункъго бутӀа гьабун цо бутӀа. Гьеб буго щибаб моцӀрол авалалда тӀобитӀулеб тӀубан бухӀулеб къурбан, гьедин гьабизе ккола лъагӀалил щибаб моцӀалъул тӀоцебесеб къоялъ. 15ТӀубанго рухӀулел къурбаназда тӀаде, мунагь чуриялъул къурбаналъе БЕТӀЕРГЬАНАСДА цебе цо дегӀенги хъвезе ккола.
Песахалъул байрам ва Бугьурго Чадазул байрам
(Тархъ. 12:14-20; Лев. 23:5-8; Къан. 16:1-8)
16ТӀоцебесеб моцӀалъул анцӀила ункъабилеб къоялъ (ихдалил авал) БЕТӀЕРГЬАНАСЕ Песахалъул къурбанал тӀоритӀе. 17АнцӀила щуабилеб къо байрамкъолъун букӀина; анкьго къоялъ бугьурго чед кванай. 18Гьеб анкьил тӀоцебесеб къоялъ динияб данделъи ахӀе ва кинабгӀаги хӀалтӀи гьабуге. 19БЕТӀЕРГЬАНАСЕ тӀубанго бухӀулеб цӀадул къурбаналъе жагъаллъи гьечӀеб кӀиго басиги, цо куйги, анкьго лъагӀараб кьегӀерги хъве. 20Гьезда цадахъ ролъул хирияб садакъаги босе: щибаб басиялда цадахъ – зайтуналъул нахги жубараб, ефаялъул анцӀго бутӀа гьабун лъабго бутӀа ханждал; куялда цадахъ – ефаялъул анцӀго бутӀа гьабун кӀиго бутӀа; 21щибаб кьегӀералда цадахъ – ефаялъул анцӀго бутӀа гьабун цо бутӀа. 22Нужго мунагьаздаса рацӀцӀалъиялъе, мунагь чуриялъул къурбаналъе цо дегӀенги хъве. 23Гьал къурбанал гьаризе ккола кидаго гьаризе тӀадал щибаб къоялъул рогьалил къурбаназда тӀаде. 24Гьединал къурбанал гьаре анкьго къоялъ, БЕТӀЕРГЬАНАСЕ рокьулел махӀаздалъун Гьесие кьолеб нигӀмат хӀисабалда. Гьел къурбанал гьаре кидаго гьаризе тӀадал цӀадул къурбаназда ва хириял садакъабазда тӀаде. 25Цинги анкьабилеб къоялъги динияб данделъи ахӀе ва гьеб къоялъги кинабгӀаги хӀалтӀи гьабуге.
Анкьазул байрам
(Лев. 23:15-22; Къан. 16:9-12)
26ХӀалухъен бакӀаризе байбихьиялъул къоялъ, ай цӀияб тӀорщалидаса ролъул хирияб садакъа БЕТӀЕРГЬАНАСЕ кьолеб Анкьазул байрамкъоялъ, динияб данделъи ахӀе, ва гьеб къоялъ щибго хӀалтӀи гьабуге. 27БЕТӀЕРГЬАНАСЕ бокьулеб махӀ бахъинабизе тӀубан бухӀулеб къурбаналъе хъве кӀиго басиги, цо куйги, анкьго лъагӀараб кьегӀерги. 28Гьезда цадахъ ролъул садакъаги босе: щибаб басиялда цадахъ – зайтуналъул нахги жубараб, ефаялъул анцӀго бутӀа гьабун лъабго бутӀа ханждал; куялда цадахъ – ефаялъул анцӀго бутӀа гьабун кӀиго бутӀа; 29щибаб кьегӀералда цадахъ – ефаялъул анцӀго бутӀа гьабун цо бутӀа. 30Нужго мунагьаздаса рацӀцӀалъиялъе, мунагь чуриялъул къурбаналъе цо дегӀенги хъве. 31Гьал къурбанал гьаризе ккола къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде. Нужеца къурбаналъе хъвезе рачӀарал хӀайванал рукӀине ккола кинабгӀаги жагъаллъи гьечӀел.
Currently Selected:
Тархал 28: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархал 28
28
Къойил гьарулел къурбанал
(Тархъ. 29:38-42)
1БЕТӀЕРГЬАНАС Мусада абуна:
2«ГӀизраилил халкъалда лъазабе къурбаназул тадбир мухӀканго тӀубазабеян, жинди-жиндир ригьалда Дие къурбаналги ролъул хириял садакъабиги гьареян. Гьел руго цӀадудалъун Дие кьолел ва жидер махӀ дие хириял къурбанал. 3Гьезда абе: „Гьале нужеца БЕТӀЕРГЬАНАСЕ къойил гьабизе кколеб цӀадул къурбан: кинабгӀаги жагъаллъи жиндилъ гьечӀеб кӀиго лъагӀараб кьегӀер. Гьединаб букӀине буго къо гьоркьоб биччачӀого гьабулеб тӀубан бухӀулеб къурбан. 4Цояб кьегӀер рогьалил къурбаналъе, цогидаб бакъанил къурбаналъе хъве; 5гьелда цадахъ букӀине ккола ролъул хирияб садакъаги: бацӀцӀадаб зайтуналъул нахул гиналъул#28:5 875 гр. ункъго бутӀа гьабун цо бутӀаги гъорлъе жубараб, ефаялъул#28:5 ГӀага-шагарго 2,2 литра. анцӀго бутӀа гьабун цо бутӀа ханждал. 6Гьел кидагосел тӀуран рухӀулел къурбаназул тадбир чӀезабуна Синай магӀардаго. Гьеб буго БЕТӀЕРГЬАНАСЕ рокьулел махӀал рахъинариялъе тӀубанго бухӀулеб цӀадул къурбан. 7Щибаб кьегӀералда цадахъ букӀине ккола гиналъул ункъго бутӀа гьабун цо бутӀа чагъиралъулги. Гьеб чагъир тӀезе ккола БЕТӀЕРГЬАНАСУЛ мукъадасаб бакӀалде. 8КӀиабилеб кьегӀер къурбан гьабизе ккола бакъанида, радал бачӀаралда цадахъго гӀадин, ролъул хирияб садакъагун ва чагъиргун. Гьеб буго БЕТӀЕРГЬАНАСЕ рокьулел махӀал рахъинариялъе тӀубанго бухӀулеб цӀадул къурбан.
Шаматкъоялъул къурбан
9Шаматкъоялъ къурбаналъе хъве кинабгӀаги жагъаллъи жиндилъ гьечӀеб кӀиго лъагӀараб кьегӀер. Гьезда цадахъ букӀине ккола ролъул хирияб садакъаги: гъорлъе зайтуналъул нахги жубараб, ефаялъул анцӀго бутӀа гьабун кӀиго бутӀа ханждал ва цадахъго чӀезабураб къадаралда чагъирги. 10Кидаго гьаризе тӀадал щибаб къоялъул аслиял къурбаналги гьезда цадахъ букӀине кколеб чагъирги малъичӀого, гьел руго щибаб шаматкъоялъ гьарулел тӀуран рухӀулел къурбанал.
Щибаб моцӀалъул къурбанал
11Щибаб моцӀалъул тӀоцебесеб къоялъ БЕТӀЕРГЬАНАСЕ тӀубан бухӀулеб къурбаналъе хъве жагъаллъи гьечӀеб кӀиго басиги, цо куйги, анкьго лъагӀараб кьегӀерги. 12Гьезда цадахъ букӀине ккола зайтуналъул нахги гъорлъе жубараб ролъул хирияб садакъаги: басиялда цадахъ – ефаялъул анцӀго бутӀа гьабун лъабго бутӀа ханждал, куялда цадахъ – ефаялъул анцӀго бутӀа гьабун кӀиго бутӀа 13ва щибаб кьегӀералда цадахъ – ефаялъул анцӀго бутӀа гьабун цо бутӀа. Гьеб буго БЕТӀЕРГЬАНАСЕ хириял махӀал рахъинариялъе тӀубанго бухӀулеб цӀадул къурбан. 14Щибаб басиялда цадахъ бачӀине ккола бащадаб гин цӀураб чагъир; куялда цадахъ – гиналъул лъабго бутӀа гьабун цо бутӀа; ва кьегӀералда цадахъ – гиналъул ункъго бутӀа гьабун цо бутӀа. Гьеб буго щибаб моцӀрол авалалда тӀобитӀулеб тӀубан бухӀулеб къурбан, гьедин гьабизе ккола лъагӀалил щибаб моцӀалъул тӀоцебесеб къоялъ. 15ТӀубанго рухӀулел къурбаназда тӀаде, мунагь чуриялъул къурбаналъе БЕТӀЕРГЬАНАСДА цебе цо дегӀенги хъвезе ккола.
Песахалъул байрам ва Бугьурго Чадазул байрам
(Тархъ. 12:14-20; Лев. 23:5-8; Къан. 16:1-8)
16ТӀоцебесеб моцӀалъул анцӀила ункъабилеб къоялъ (ихдалил авал) БЕТӀЕРГЬАНАСЕ Песахалъул къурбанал тӀоритӀе. 17АнцӀила щуабилеб къо байрамкъолъун букӀина; анкьго къоялъ бугьурго чед кванай. 18Гьеб анкьил тӀоцебесеб къоялъ динияб данделъи ахӀе ва кинабгӀаги хӀалтӀи гьабуге. 19БЕТӀЕРГЬАНАСЕ тӀубанго бухӀулеб цӀадул къурбаналъе жагъаллъи гьечӀеб кӀиго басиги, цо куйги, анкьго лъагӀараб кьегӀерги хъве. 20Гьезда цадахъ ролъул хирияб садакъаги босе: щибаб басиялда цадахъ – зайтуналъул нахги жубараб, ефаялъул анцӀго бутӀа гьабун лъабго бутӀа ханждал; куялда цадахъ – ефаялъул анцӀго бутӀа гьабун кӀиго бутӀа; 21щибаб кьегӀералда цадахъ – ефаялъул анцӀго бутӀа гьабун цо бутӀа. 22Нужго мунагьаздаса рацӀцӀалъиялъе, мунагь чуриялъул къурбаналъе цо дегӀенги хъве. 23Гьал къурбанал гьаризе ккола кидаго гьаризе тӀадал щибаб къоялъул рогьалил къурбаназда тӀаде. 24Гьединал къурбанал гьаре анкьго къоялъ, БЕТӀЕРГЬАНАСЕ рокьулел махӀаздалъун Гьесие кьолеб нигӀмат хӀисабалда. Гьел къурбанал гьаре кидаго гьаризе тӀадал цӀадул къурбаназда ва хириял садакъабазда тӀаде. 25Цинги анкьабилеб къоялъги динияб данделъи ахӀе ва гьеб къоялъги кинабгӀаги хӀалтӀи гьабуге.
Анкьазул байрам
(Лев. 23:15-22; Къан. 16:9-12)
26ХӀалухъен бакӀаризе байбихьиялъул къоялъ, ай цӀияб тӀорщалидаса ролъул хирияб садакъа БЕТӀЕРГЬАНАСЕ кьолеб Анкьазул байрамкъоялъ, динияб данделъи ахӀе, ва гьеб къоялъ щибго хӀалтӀи гьабуге. 27БЕТӀЕРГЬАНАСЕ бокьулеб махӀ бахъинабизе тӀубан бухӀулеб къурбаналъе хъве кӀиго басиги, цо куйги, анкьго лъагӀараб кьегӀерги. 28Гьезда цадахъ ролъул садакъаги босе: щибаб басиялда цадахъ – зайтуналъул нахги жубараб, ефаялъул анцӀго бутӀа гьабун лъабго бутӀа ханждал; куялда цадахъ – ефаялъул анцӀго бутӀа гьабун кӀиго бутӀа; 29щибаб кьегӀералда цадахъ – ефаялъул анцӀго бутӀа гьабун цо бутӀа. 30Нужго мунагьаздаса рацӀцӀалъиялъе, мунагь чуриялъул къурбаналъе цо дегӀенги хъве. 31Гьал къурбанал гьаризе ккола къойил гьарулел къурбаназдаги гьезда цадахъ рачӀунел чадилгун чагъиралъул хириял садакъабаздаги тӀаде. Нужеца къурбаналъе хъвезе рачӀарал хӀайванал рукӀине ккола кинабгӀаги жагъаллъи гьечӀел.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023