Тархал 19
19
РацӀцӀалъиялъул лъим
1БЕТӀЕРГЬАНАС Мусадаги Гьарунидаги абуна:
2«Гьале Дица – БЕТӀЕРГЬАНАС – нужее чӀезабулеб къанун. ГӀизраилазда абе киданиги рукьалдаги бачӀеб ва кинабгӀаги жагъаллъиги гьечӀеб багӀараб гӀачӀар духъе бачеян абун. 3Гьеб кье кашиш Элеазарихъе. Хадуб биччанте гьеб бачине халкъалъ къайи чӀвараб бакӀалдаса къватӀибехун ва кашишасда цебе хъвезе. 4Кашиш Элеазарица, гӀачӀрал бидулъ жиндирго килищги ччун, гьеб би анкьцӀул пунхъизабе ДандчӀваялъул Чадиралдехун. 5Гьеб гӀачӀар бухӀизе ккола гьесдаги бихьун: гӀачӀаралъул тӀомги, гьанги, биги – гьеб кинабго, цадахъ гьелъул хъублъигун, бухӀизе ккола. 6Цинги кашишас босила кедралъул хъвалхьенги, иссопалъул квацӀиги ва багӀараб квасги ва гьеб кинабго рехила гӀачӀар бухӀулеб цӀадулъе. 7Гьелдаса хадуб кашишас жиндирго ретӀелги чурила, черхалдаса лъимги бахъила ва гьениса тӀадвуссина. Гьев маркӀачӀумех щвезегӀан хъубавлъун вукӀина. 8ГӀачӀар бухӀарав чиясги чурила жиндирго ретӀел ва черхалдаса лъимги бахъила. Гьевги хъубавлъун вукӀина маркӀачӀумех щвезегӀан.
9ВацӀцӀадго вугев чияс бакӀарила гӀачӀаралъул рохъо ва гьеб лъела къватӀибехун, бацӀцӀадаб бакӀалда. Гьеб рохъо цӀунизе ккола ГӀизраилалъул халкъалъе рацӀцӀалъиялъул лъим хӀадуриялъе. Гьеб буго рацӀцӀалъиялъул къурбан.
10ГӀачӀаралъул рохъо бакӀарарав чиясги чуризе ккола жиндирго ретӀел; гьевги хъубавлъун вукӀуна маркӀачӀумех щвезегӀан. ГӀизраилазеги гьезда цадахъ гӀумру гьабулел чияр ракьалъул гӀадамазеги гьебго низам букӀине буго даимаблъун. 11Инсанасул жаназаялда хъварав щивав чи анкьго къоялъ хъубавлъун рикӀкӀуна. 12Гьесде гьеб рацӀцӀалъиялъул лъим пунхъизе ккола лъабабилеб ва анкьабилеб къоялъ, цинги гьев вацӀцӀалъула. Амма гьесде лъабабилебги анкьабилебги къоялъ гьеб лъим пунхъичӀони, гьев вацӀцӀалъуларо. 13Инсанасул жаназаялда хъварав ва рацӀцӀалъиялъул низам гьабичӀев чияс Дир Чадир хъублъизабула. Гьединав чи гӀизраилазда гьоркьов тезе бегьуларо, нахъе вачахъизе ккола. Гьесде рацӀцӀалъиялъул лъим пунхъизабичӀони, гьев хъубав ккола – гьесул хъублъи гьесда тӀадго хутӀула.
14Гьале чадиралда жанив чи хвани букӀунеб къанун: жаназа бугеб чадиралда жаниве лъугьарав ва гьелда жанив вугевги бокьарав чи хъубавлъун рикӀкӀуна анкьго къоялъ, 15ва, гьеб чадиралда жаниб бугеб, тӀад тӀалъел гьечӀеб бокьараб цӀарагӀги хъублъула.
16Авлахъалда чӀварав яги Аллагьасул къадар щун хварав чиясул жаназаялда, яги инсанасул ракьаялда, яги хобалда квер хъварав бокьарав чи хъубавлъун вукӀуна анкьго къоялъ. 17Гьединав чи вацӀцӀадавлъун гьавизе, хъабинибе бай рацӀцӀалъиялъул къурбаналъе бухӀараб жоялъул рохъо ва тӀаде тӀе чвахулеб бакӀалдаса босараб бацӀцӀадаб лъим. 18Биччанте вацӀцӀадго вугев чияс иссопалъул квацӀи босизе ва гьебги лъадалъ ччун, рацӀцӀалъиялъул лъим пунхъизе чадиралде, гьениб бугеб къайиялде ва гӀадамазде, гьединго инсанасул ракьаялда, хобалда, чӀварасул яги къадар щун хварасул жаназаялда хъварав чиясде. 19ВацӀцӀадго вугев чияс хъублъарав чиясде рацӀцӀалъиялъул лъим пунхъизабе лъабабилеб къоялъ ва нахъеги анкьабилеб къоялъ. ВацӀцӀалъарас чурила жиндирго ретӀел ва черхалдаса лъим бахъила – маркӀачӀумехалде гьев вацӀцӀалъила. 20Амма пуланав чи хъублъани ва гьес рацӀцӀалъиялъул низам гьабичӀони, гьев халкъалда гьоркьоса вачахъизе ккола, гьес БЕТӀЕРГЬАНАСУЛ Чадир хъублъизабуралъухъ. Гьесде рацӀцӀалъиялъул лъим пунхъичӀелъул, гьев хъубавлъун хутӀула. 21Гьаб низам букӀина нужее даимаблъун. РацӀцӀалъиялъул лъим цогидасде пунхъизабурав чиясги чуризе ккола жиндирго ретӀел. РацӀцӀалъиялъул лъеда хъварав щивав чи маркӀачӀумех щвезегӀан хъубавлъун вукӀуна.
22Хъубав чияс квер хъварабщинаб жоги хъублъула ва гьесда хъваравги маркӀачӀумех щвезегӀан хъублъун вукӀуна».
Currently Selected:
Тархал 19: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархал 19
19
РацӀцӀалъиялъул лъим
1БЕТӀЕРГЬАНАС Мусадаги Гьарунидаги абуна:
2«Гьале Дица – БЕТӀЕРГЬАНАС – нужее чӀезабулеб къанун. ГӀизраилазда абе киданиги рукьалдаги бачӀеб ва кинабгӀаги жагъаллъиги гьечӀеб багӀараб гӀачӀар духъе бачеян абун. 3Гьеб кье кашиш Элеазарихъе. Хадуб биччанте гьеб бачине халкъалъ къайи чӀвараб бакӀалдаса къватӀибехун ва кашишасда цебе хъвезе. 4Кашиш Элеазарица, гӀачӀрал бидулъ жиндирго килищги ччун, гьеб би анкьцӀул пунхъизабе ДандчӀваялъул Чадиралдехун. 5Гьеб гӀачӀар бухӀизе ккола гьесдаги бихьун: гӀачӀаралъул тӀомги, гьанги, биги – гьеб кинабго, цадахъ гьелъул хъублъигун, бухӀизе ккола. 6Цинги кашишас босила кедралъул хъвалхьенги, иссопалъул квацӀиги ва багӀараб квасги ва гьеб кинабго рехила гӀачӀар бухӀулеб цӀадулъе. 7Гьелдаса хадуб кашишас жиндирго ретӀелги чурила, черхалдаса лъимги бахъила ва гьениса тӀадвуссина. Гьев маркӀачӀумех щвезегӀан хъубавлъун вукӀина. 8ГӀачӀар бухӀарав чиясги чурила жиндирго ретӀел ва черхалдаса лъимги бахъила. Гьевги хъубавлъун вукӀина маркӀачӀумех щвезегӀан.
9ВацӀцӀадго вугев чияс бакӀарила гӀачӀаралъул рохъо ва гьеб лъела къватӀибехун, бацӀцӀадаб бакӀалда. Гьеб рохъо цӀунизе ккола ГӀизраилалъул халкъалъе рацӀцӀалъиялъул лъим хӀадуриялъе. Гьеб буго рацӀцӀалъиялъул къурбан.
10ГӀачӀаралъул рохъо бакӀарарав чиясги чуризе ккола жиндирго ретӀел; гьевги хъубавлъун вукӀуна маркӀачӀумех щвезегӀан. ГӀизраилазеги гьезда цадахъ гӀумру гьабулел чияр ракьалъул гӀадамазеги гьебго низам букӀине буго даимаблъун. 11Инсанасул жаназаялда хъварав щивав чи анкьго къоялъ хъубавлъун рикӀкӀуна. 12Гьесде гьеб рацӀцӀалъиялъул лъим пунхъизе ккола лъабабилеб ва анкьабилеб къоялъ, цинги гьев вацӀцӀалъула. Амма гьесде лъабабилебги анкьабилебги къоялъ гьеб лъим пунхъичӀони, гьев вацӀцӀалъуларо. 13Инсанасул жаназаялда хъварав ва рацӀцӀалъиялъул низам гьабичӀев чияс Дир Чадир хъублъизабула. Гьединав чи гӀизраилазда гьоркьов тезе бегьуларо, нахъе вачахъизе ккола. Гьесде рацӀцӀалъиялъул лъим пунхъизабичӀони, гьев хъубав ккола – гьесул хъублъи гьесда тӀадго хутӀула.
14Гьале чадиралда жанив чи хвани букӀунеб къанун: жаназа бугеб чадиралда жаниве лъугьарав ва гьелда жанив вугевги бокьарав чи хъубавлъун рикӀкӀуна анкьго къоялъ, 15ва, гьеб чадиралда жаниб бугеб, тӀад тӀалъел гьечӀеб бокьараб цӀарагӀги хъублъула.
16Авлахъалда чӀварав яги Аллагьасул къадар щун хварав чиясул жаназаялда, яги инсанасул ракьаялда, яги хобалда квер хъварав бокьарав чи хъубавлъун вукӀуна анкьго къоялъ. 17Гьединав чи вацӀцӀадавлъун гьавизе, хъабинибе бай рацӀцӀалъиялъул къурбаналъе бухӀараб жоялъул рохъо ва тӀаде тӀе чвахулеб бакӀалдаса босараб бацӀцӀадаб лъим. 18Биччанте вацӀцӀадго вугев чияс иссопалъул квацӀи босизе ва гьебги лъадалъ ччун, рацӀцӀалъиялъул лъим пунхъизе чадиралде, гьениб бугеб къайиялде ва гӀадамазде, гьединго инсанасул ракьаялда, хобалда, чӀварасул яги къадар щун хварасул жаназаялда хъварав чиясде. 19ВацӀцӀадго вугев чияс хъублъарав чиясде рацӀцӀалъиялъул лъим пунхъизабе лъабабилеб къоялъ ва нахъеги анкьабилеб къоялъ. ВацӀцӀалъарас чурила жиндирго ретӀел ва черхалдаса лъим бахъила – маркӀачӀумехалде гьев вацӀцӀалъила. 20Амма пуланав чи хъублъани ва гьес рацӀцӀалъиялъул низам гьабичӀони, гьев халкъалда гьоркьоса вачахъизе ккола, гьес БЕТӀЕРГЬАНАСУЛ Чадир хъублъизабуралъухъ. Гьесде рацӀцӀалъиялъул лъим пунхъичӀелъул, гьев хъубавлъун хутӀула. 21Гьаб низам букӀина нужее даимаблъун. РацӀцӀалъиялъул лъим цогидасде пунхъизабурав чиясги чуризе ккола жиндирго ретӀел. РацӀцӀалъиялъул лъеда хъварав щивав чи маркӀачӀумех щвезегӀан хъубавлъун вукӀуна.
22Хъубав чияс квер хъварабщинаб жоги хъублъула ва гьесда хъваравги маркӀачӀумех щвезегӀан хъублъун вукӀуна».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023