Тархал 16
16
КъорахӀги, Датанги, Авирамги Мусада данде рахъин
1Левийил къавмалдаса Кехатил Ицхарил вас КъорахӀги, Рувимил къавмалдаса Элиавил васал Датангун Авирамги, Пелетил вас Онги 2Мусада данде чӀана. Гьезул рахъ ккуна кӀинусиялда кӀикъоялда анцӀго чияс; гьел киналго рукӀана гӀизраилазул церехъаби, рагӀи билълъарал къадруял чагӀи. 3Гьез сверун ккуна Мусаги Гьарунги ва гьезда кӀалгьикъизе лъугьана:
«ГӀела, цӀакъго тӀасан кколел руго нуж! ТӀолабго халкъги бацӀцӀадаб буго, халкъгунги БЕТӀЕРГЬАН вуго. Щайха нужеца нужго БЕТӀЕРГЬАНАСУЛ тӀолабго жамагӀаталдаса тӀадегӀаналлъун гьарулел?»
4Гьеб рагӀидал, Муса чӀарбида накабазде ккана. 5Хадуб гьес КъорахӀидаги гьесда цадахъ рукӀараздаги абуна:
«Метер радал БЕТӀЕРГЬАНАС Жиндицаго бихьизабила, щив Гьесул кколевалиги, щив вацӀцӀадав вугевалиги, лъие Гьес Жинде гӀагарлъизе ихтияр кьолебалиги. Гьес тӀаса вищарав чиясе рес букӀина Гьесде гӀагарлъизе. 6Дуца, КъорахӀ, ва дуда цадахъ ругел киназго гьадин гьабе: росе жаниб гьуинмахӀал рухӀулел щурмал 7ва метер гьезда жаниб лъе цӀа рекӀараб тӀурччиги, тӀурччиялда тӀаде бай хирияб гьуинмахӀалъул жубанжоги, цинги гьеб кинабго БЕТӀЕРГЬАНАСДА цебе лъе. БЕТӀЕРГЬАНАС тӀаса вищарав вукӀина вацӀцӀадавлъун. ГӀела гьанже нужее, Левийил наслаби!»
8Мусаца КъорахӀида жеги абуна:
«ГӀенеккея, Левийил наслу! 9Нужее гӀоларогойищ бугеб ГӀизраилил Аллагьас цогидал гӀизраилаздаса ратӀаги гьарун, нуж Жиндего гӀагарлъизари ва БЕТӀЕРГЬАНАСУЛ Мукъадасаб Чадиралда хъулухъ гьабизеги, жамагӀаталда цере рахъун халкъалъе динияб хъулухъ гьабизеги тӀами? 10Мунги дур вацал левиталги Гьес Жиндего гӀагарлъизе гьаруна, нужецайин абуни, гьелда тӀадеги нужеего кашишлъиги тӀалаб гьабулеб буго! 11Мунги дур ишцоялги БЕТӀЕРГЬАНАСДА данде чӀун руго! Гьаруница щиб гьабун бугеб, нужеца гьедин гьев какизе ккани?»
12Мусаца Элиавил васал Датанги Авирамги ахӀизе чагӀи ритӀана. Амма гьез абуна:
«Ниж рачӀинаро! 13Рахьги гьоцӀоги чвахулеб ракьалдаса нахъеги рачун, гьаб салул авлахъалда хвезе ниж рачараблъи гӀоларогойищ дуе бугеб? Гьанже нижеда тӀад тарав ханлъун вукӀинегийищ дуе къваригӀун бугеб? 14Дуца ниж рачинчӀо рахьги гьоцӀоги чвахулеб ракьалде, кьечӀо нижее хурзалги цӀолбол ахалги. Дуда гӀадамал беццал ругиланищ кколеб? Ниж рачӀинаро духъе!»
15Квешго ццин бахъана Мусал гьебмехалъ, ва гьес абуна:
«Я БЕТӀЕРГЬАН, къабул гьаруге гьезул къурбаналгун садакъаби! Дица хӀамацин тӀалаб гьабичӀо гьезухъа, гьезул цонигиясе квешлъиги гьабичӀо!» – ян.
16Мусаца КъорахӀида абуна:
«Мунги дур ишцоялги метер БЕТӀЕРГЬАНАСДА цере чӀезе ккола: мунги, долги, Гьарунги. 17Жаниб махӀгьуинаб жубанжоги лъун, нужер щивас гьенибе босе гьуинмахӀал рухӀулеб щурун; кӀинусиялда кӀикъоялда анцӀабго щурун букӀа абе БЕТӀЕРГЬАНАСДА цебе. Дуцаги босе дурго щурун, Гьаруницаги босе жиндиргояб». 18Кинацаго росана жидерго щурмал, лъуна гьезда жаниб бухӀараб тӀурччиги хирияб махӀгьуинаб жубанжоги, ва Мусадаги Гьарунидаги аскӀор ДандчӀваялъул Чадиралъул кӀалтӀа эхетана киналго. 19КъорахӀица ДандчӀваялъул Чадиралъул кӀалтӀе бакӀарана Мусада данде чӀаразул тӀолабго жамагӀат. Гьебмехалда кинабго халкъалъе БЕТӀЕРГЬАНАСУЛ къудрат загьирлъана. 20Ва БЕТӀЕРГЬАНАС Мусадаги Гьарунидаги абуна:
21«Гьеб жамагӀаталда аскӀоса дорегӀан а, Дица цо параялъ тӀагӀинарила гьел киналго!»
22Амма Мусаги Гьарунги накабазда чӀана ва гьез гьарана:
«Я Аллагь, чӀагоябщинаб жоялда рухӀ лъолев Аллагь! Цо чияс гьабураб мунагьалъухъ тӀолабго халкъалдагийищ ццин бахъунеб Дур?»
КъорахӀиеги, Датаниеги, Авирамиеги тамихӀ гьаби
23Цинги БЕТӀЕРГЬАНАС Мусада абуна:
24«Халкъалда абе КъорахӀилги, Датанилги, Авирамилги чадиралдаса рикӀкӀадегӀан айилан».
25Муса вилълъана Датанилги Авирамилги чадираздехун, ГӀизраилил халкъалъул кӀудиялги рилълъана гьесда хадур. 26Гьес халкъалда лъазабуна:
«Гьал мунапикъазул чадираздаса рикӀкӀадегӀан а! Гьезул къайи-къоноялда кверги хъваге, гурони гьезул мунагь сабаблъун нужги хвезе руго», – ян.
27Халкъ КъорахӀилги, Датанилги ва Авирамилги чадиралдаса рикӀкӀадегӀан ана. Датанги Авирамги жидерго лъудбигун, лъималгун ва хахулел гьитӀичалгун жидерго чадиразул кӀалтӀа эхетун чӀана.
28Цинги Мусаца абуна:
«Гьанже нужеда бихьила, дица кинабго, диего бокьун гуреб, БЕТӀЕРГЬАНАСУЛ амруялдалъун гьабулеб букӀин: 29нагагьлъун цогидал гӀадамалго гӀадин, гӀадатияб хвел рещтӀун гьел хвани, дун БЕТӀЕРГЬАНАС витӀарав чи кколаро. 30Амма БЕТӀЕРГЬАНАС гӀажаибаб лъугьа-бахъиналдалъун ракьги хъвалхьун, гьелги гьезул кинабго мулкги цадахъго ракьулъе тӀерхьинабуни, ва гьел чӀагого барзахалде ани, нужеда лъан букӀа, гьел БЕТӀЕРГЬАНАСДА данде чӀарал рукӀараллъи».
31Муса кӀалъан вахъиналде, гьезда гъоркь букӀараб ракь кьватӀун ана. 32Ракьалъ кӀал гьакӀкӀана ва гьел жалгоги, гьезул хъизан-къайги, КъорахӀил агьлуги, гьезул букӀарабщинаб магӀишатги ракьулъе тӀерхьун ана. 33Гьел чӀагого ана барзахалде, жидер тӀолабго магӀишатгун цадахъ; гьезда тӀад ракь данде ана ва гьелги халкъалда гьоркьоса тӀагӀана. 34Гьезул гӀасиял гьаркьалги рагӀун, сверухъ рукӀарал гӀизраилал рахъ-рахъалдехун лъутана: «Ракьалъ нижги къулчӀизехъин руго!» – ян ахӀи балаго.
35Хадуб БЕТӀЕРГЬАНАСДАСАН рещтӀараб цӀадуца гьуинмахӀал рухӀулел щурмалгун вачӀарав кӀинусиялда кӀикъоялда анцӀавго чи вухӀана. 36БЕТӀЕРГЬАНАС Мусада абуна:
37«Кашиш Гьарунил вас Элеазарида абе рухӀаразул гьуинмахӀал рухӀулел щурмалги ракӀарун, гьезда жаниса тӀурччи нахъе байилан. 38Гьанже гьел руго, мунапикъазул гӀумруги кьун, мукъадасаллъун лъугьарал щурмал. РачитӀаги рухун гьезул тӀанчал гьаре къурбан-бакӀалда тӀад кквезе. БЕТӀЕРГЬАНАСДА цере росун рукӀиналъ гьел щурмал мукъадасаллъун лъугьана. Биччанте гьеб хутӀизе ГӀизраилил халкъ цӀодорлъиялъе гӀаламатлъун», – ин.
39Кашиш Элеазарица ракӀарана цӀадуца рухӀаразухъ рукӀарал мазгарул щурмал ва гьезул тӀанчал гьаруна къурбан-бакӀалда тӀад кквезе, 40Мусаде БЕТӀЕРГЬАНАС гьабураб амруялда рекъон. Гьел къурбан-бакӀалда тӀад ккурал мазгарул тӀанчаз гӀизраилазда даимго ракӀалде щвезабизе букӀана БЕТӀЕРГЬАНАСДА цебе гьуинмахӀал рухӀизе Гьарунилги гьесул наслабазулги гурони ихтияр гьечӀеблъи, КъорахӀилги гьесул ишцоязулги гӀадинаб къисмат лъилниги букӀунгутӀизе.
Мусаги Гьарунги халкъалъе хӀалае рахъин
41Хадусеб къоялъ гӀизраилазул тӀолабго жамагӀат лъугьана рази гьечӀолъи загьир гьабун Мусадеги Гьарунидеги къулкъудизе. «Нужеца чӀвана БЕТӀЕРГЬАНАСУЛ халкъ», – ин абулеб букӀана гьез.
42Амма кинабго халкъ, Мусадаги Гьарунидаги дандеги бахъун, ДандчӀваялъул Чадиралдехун балагьидал, халкъалда бихьана Чадиралда тӀад накӀкӀул парча чӀун: БЕТӀЕРГЬАНАСУЛ къудрат загьирлъана. 43Мусаги Гьарунги ДандчӀваялъул Чадиралъул кӀалтӀе щваралго, 44БЕТӀЕРГЬАНАС Мусада абуна:
45«Гьеб халкъалда аскӀоса нахъегӀан а, Дица гьеб цо параялъ тӀагӀинабила!» – ян.
Цинги гьел кӀиялго кӀалагъоркье накабазде ккана. 46Мусаца Гьарунида абуна:
«Босе хехго гьуинмахӀал рухӀулеб щурунги, лъе гьелда жаниб къурбан-бакӀалдаса босун гьелегьараб тӀурччиги, гьуинмахӀазул жубанжоги ва гӀедегӀе халкъалъухъе, гьел мунагьалдаса рацӀцӀад гьаризе. БЕТӀЕРГЬАНАСУЛ ццин рещтӀун буго ва халкъалде квешаб хвалил унти биччан буго», – ян.
47Гьаруница Мусаца малъухъе гьабуна ва халкъалъухъе гӀедегӀана – гьезда гьоркьоб хвалил унти байбихьун букӀана. Жиндирго щурминиб хирияб гьуинмахӀазул жубанжоги лъун, Гьарун халкъ бацӀцӀад гьабизе лъугьана. 48Гьев хвараздаги чӀагояздаги гьоркьов эхетана ва хвалил унти къотӀана. 49Амма гьеб унтуца хвана 14 700 чи, КъорахӀ сабаблъун хварал рикӀкӀинчӀого. 50Хвалил унти лъугӀидал, Гьарун ДандчӀваялъул Чадиралъул кӀалтӀа чӀун вукӀарав Мусахъе тӀадвуссана.
Currently Selected:
Тархал 16: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархал 16
16
КъорахӀги, Датанги, Авирамги Мусада данде рахъин
1Левийил къавмалдаса Кехатил Ицхарил вас КъорахӀги, Рувимил къавмалдаса Элиавил васал Датангун Авирамги, Пелетил вас Онги 2Мусада данде чӀана. Гьезул рахъ ккуна кӀинусиялда кӀикъоялда анцӀго чияс; гьел киналго рукӀана гӀизраилазул церехъаби, рагӀи билълъарал къадруял чагӀи. 3Гьез сверун ккуна Мусаги Гьарунги ва гьезда кӀалгьикъизе лъугьана:
«ГӀела, цӀакъго тӀасан кколел руго нуж! ТӀолабго халкъги бацӀцӀадаб буго, халкъгунги БЕТӀЕРГЬАН вуго. Щайха нужеца нужго БЕТӀЕРГЬАНАСУЛ тӀолабго жамагӀаталдаса тӀадегӀаналлъун гьарулел?»
4Гьеб рагӀидал, Муса чӀарбида накабазде ккана. 5Хадуб гьес КъорахӀидаги гьесда цадахъ рукӀараздаги абуна:
«Метер радал БЕТӀЕРГЬАНАС Жиндицаго бихьизабила, щив Гьесул кколевалиги, щив вацӀцӀадав вугевалиги, лъие Гьес Жинде гӀагарлъизе ихтияр кьолебалиги. Гьес тӀаса вищарав чиясе рес букӀина Гьесде гӀагарлъизе. 6Дуца, КъорахӀ, ва дуда цадахъ ругел киназго гьадин гьабе: росе жаниб гьуинмахӀал рухӀулел щурмал 7ва метер гьезда жаниб лъе цӀа рекӀараб тӀурччиги, тӀурччиялда тӀаде бай хирияб гьуинмахӀалъул жубанжоги, цинги гьеб кинабго БЕТӀЕРГЬАНАСДА цебе лъе. БЕТӀЕРГЬАНАС тӀаса вищарав вукӀина вацӀцӀадавлъун. ГӀела гьанже нужее, Левийил наслаби!»
8Мусаца КъорахӀида жеги абуна:
«ГӀенеккея, Левийил наслу! 9Нужее гӀоларогойищ бугеб ГӀизраилил Аллагьас цогидал гӀизраилаздаса ратӀаги гьарун, нуж Жиндего гӀагарлъизари ва БЕТӀЕРГЬАНАСУЛ Мукъадасаб Чадиралда хъулухъ гьабизеги, жамагӀаталда цере рахъун халкъалъе динияб хъулухъ гьабизеги тӀами? 10Мунги дур вацал левиталги Гьес Жиндего гӀагарлъизе гьаруна, нужецайин абуни, гьелда тӀадеги нужеего кашишлъиги тӀалаб гьабулеб буго! 11Мунги дур ишцоялги БЕТӀЕРГЬАНАСДА данде чӀун руго! Гьаруница щиб гьабун бугеб, нужеца гьедин гьев какизе ккани?»
12Мусаца Элиавил васал Датанги Авирамги ахӀизе чагӀи ритӀана. Амма гьез абуна:
«Ниж рачӀинаро! 13Рахьги гьоцӀоги чвахулеб ракьалдаса нахъеги рачун, гьаб салул авлахъалда хвезе ниж рачараблъи гӀоларогойищ дуе бугеб? Гьанже нижеда тӀад тарав ханлъун вукӀинегийищ дуе къваригӀун бугеб? 14Дуца ниж рачинчӀо рахьги гьоцӀоги чвахулеб ракьалде, кьечӀо нижее хурзалги цӀолбол ахалги. Дуда гӀадамал беццал ругиланищ кколеб? Ниж рачӀинаро духъе!»
15Квешго ццин бахъана Мусал гьебмехалъ, ва гьес абуна:
«Я БЕТӀЕРГЬАН, къабул гьаруге гьезул къурбаналгун садакъаби! Дица хӀамацин тӀалаб гьабичӀо гьезухъа, гьезул цонигиясе квешлъиги гьабичӀо!» – ян.
16Мусаца КъорахӀида абуна:
«Мунги дур ишцоялги метер БЕТӀЕРГЬАНАСДА цере чӀезе ккола: мунги, долги, Гьарунги. 17Жаниб махӀгьуинаб жубанжоги лъун, нужер щивас гьенибе босе гьуинмахӀал рухӀулеб щурун; кӀинусиялда кӀикъоялда анцӀабго щурун букӀа абе БЕТӀЕРГЬАНАСДА цебе. Дуцаги босе дурго щурун, Гьаруницаги босе жиндиргояб». 18Кинацаго росана жидерго щурмал, лъуна гьезда жаниб бухӀараб тӀурччиги хирияб махӀгьуинаб жубанжоги, ва Мусадаги Гьарунидаги аскӀор ДандчӀваялъул Чадиралъул кӀалтӀа эхетана киналго. 19КъорахӀица ДандчӀваялъул Чадиралъул кӀалтӀе бакӀарана Мусада данде чӀаразул тӀолабго жамагӀат. Гьебмехалда кинабго халкъалъе БЕТӀЕРГЬАНАСУЛ къудрат загьирлъана. 20Ва БЕТӀЕРГЬАНАС Мусадаги Гьарунидаги абуна:
21«Гьеб жамагӀаталда аскӀоса дорегӀан а, Дица цо параялъ тӀагӀинарила гьел киналго!»
22Амма Мусаги Гьарунги накабазда чӀана ва гьез гьарана:
«Я Аллагь, чӀагоябщинаб жоялда рухӀ лъолев Аллагь! Цо чияс гьабураб мунагьалъухъ тӀолабго халкъалдагийищ ццин бахъунеб Дур?»
КъорахӀиеги, Датаниеги, Авирамиеги тамихӀ гьаби
23Цинги БЕТӀЕРГЬАНАС Мусада абуна:
24«Халкъалда абе КъорахӀилги, Датанилги, Авирамилги чадиралдаса рикӀкӀадегӀан айилан».
25Муса вилълъана Датанилги Авирамилги чадираздехун, ГӀизраилил халкъалъул кӀудиялги рилълъана гьесда хадур. 26Гьес халкъалда лъазабуна:
«Гьал мунапикъазул чадираздаса рикӀкӀадегӀан а! Гьезул къайи-къоноялда кверги хъваге, гурони гьезул мунагь сабаблъун нужги хвезе руго», – ян.
27Халкъ КъорахӀилги, Датанилги ва Авирамилги чадиралдаса рикӀкӀадегӀан ана. Датанги Авирамги жидерго лъудбигун, лъималгун ва хахулел гьитӀичалгун жидерго чадиразул кӀалтӀа эхетун чӀана.
28Цинги Мусаца абуна:
«Гьанже нужеда бихьила, дица кинабго, диего бокьун гуреб, БЕТӀЕРГЬАНАСУЛ амруялдалъун гьабулеб букӀин: 29нагагьлъун цогидал гӀадамалго гӀадин, гӀадатияб хвел рещтӀун гьел хвани, дун БЕТӀЕРГЬАНАС витӀарав чи кколаро. 30Амма БЕТӀЕРГЬАНАС гӀажаибаб лъугьа-бахъиналдалъун ракьги хъвалхьун, гьелги гьезул кинабго мулкги цадахъго ракьулъе тӀерхьинабуни, ва гьел чӀагого барзахалде ани, нужеда лъан букӀа, гьел БЕТӀЕРГЬАНАСДА данде чӀарал рукӀараллъи».
31Муса кӀалъан вахъиналде, гьезда гъоркь букӀараб ракь кьватӀун ана. 32Ракьалъ кӀал гьакӀкӀана ва гьел жалгоги, гьезул хъизан-къайги, КъорахӀил агьлуги, гьезул букӀарабщинаб магӀишатги ракьулъе тӀерхьун ана. 33Гьел чӀагого ана барзахалде, жидер тӀолабго магӀишатгун цадахъ; гьезда тӀад ракь данде ана ва гьелги халкъалда гьоркьоса тӀагӀана. 34Гьезул гӀасиял гьаркьалги рагӀун, сверухъ рукӀарал гӀизраилал рахъ-рахъалдехун лъутана: «Ракьалъ нижги къулчӀизехъин руго!» – ян ахӀи балаго.
35Хадуб БЕТӀЕРГЬАНАСДАСАН рещтӀараб цӀадуца гьуинмахӀал рухӀулел щурмалгун вачӀарав кӀинусиялда кӀикъоялда анцӀавго чи вухӀана. 36БЕТӀЕРГЬАНАС Мусада абуна:
37«Кашиш Гьарунил вас Элеазарида абе рухӀаразул гьуинмахӀал рухӀулел щурмалги ракӀарун, гьезда жаниса тӀурччи нахъе байилан. 38Гьанже гьел руго, мунапикъазул гӀумруги кьун, мукъадасаллъун лъугьарал щурмал. РачитӀаги рухун гьезул тӀанчал гьаре къурбан-бакӀалда тӀад кквезе. БЕТӀЕРГЬАНАСДА цере росун рукӀиналъ гьел щурмал мукъадасаллъун лъугьана. Биччанте гьеб хутӀизе ГӀизраилил халкъ цӀодорлъиялъе гӀаламатлъун», – ин.
39Кашиш Элеазарица ракӀарана цӀадуца рухӀаразухъ рукӀарал мазгарул щурмал ва гьезул тӀанчал гьаруна къурбан-бакӀалда тӀад кквезе, 40Мусаде БЕТӀЕРГЬАНАС гьабураб амруялда рекъон. Гьел къурбан-бакӀалда тӀад ккурал мазгарул тӀанчаз гӀизраилазда даимго ракӀалде щвезабизе букӀана БЕТӀЕРГЬАНАСДА цебе гьуинмахӀал рухӀизе Гьарунилги гьесул наслабазулги гурони ихтияр гьечӀеблъи, КъорахӀилги гьесул ишцоязулги гӀадинаб къисмат лъилниги букӀунгутӀизе.
Мусаги Гьарунги халкъалъе хӀалае рахъин
41Хадусеб къоялъ гӀизраилазул тӀолабго жамагӀат лъугьана рази гьечӀолъи загьир гьабун Мусадеги Гьарунидеги къулкъудизе. «Нужеца чӀвана БЕТӀЕРГЬАНАСУЛ халкъ», – ин абулеб букӀана гьез.
42Амма кинабго халкъ, Мусадаги Гьарунидаги дандеги бахъун, ДандчӀваялъул Чадиралдехун балагьидал, халкъалда бихьана Чадиралда тӀад накӀкӀул парча чӀун: БЕТӀЕРГЬАНАСУЛ къудрат загьирлъана. 43Мусаги Гьарунги ДандчӀваялъул Чадиралъул кӀалтӀе щваралго, 44БЕТӀЕРГЬАНАС Мусада абуна:
45«Гьеб халкъалда аскӀоса нахъегӀан а, Дица гьеб цо параялъ тӀагӀинабила!» – ян.
Цинги гьел кӀиялго кӀалагъоркье накабазде ккана. 46Мусаца Гьарунида абуна:
«Босе хехго гьуинмахӀал рухӀулеб щурунги, лъе гьелда жаниб къурбан-бакӀалдаса босун гьелегьараб тӀурччиги, гьуинмахӀазул жубанжоги ва гӀедегӀе халкъалъухъе, гьел мунагьалдаса рацӀцӀад гьаризе. БЕТӀЕРГЬАНАСУЛ ццин рещтӀун буго ва халкъалде квешаб хвалил унти биччан буго», – ян.
47Гьаруница Мусаца малъухъе гьабуна ва халкъалъухъе гӀедегӀана – гьезда гьоркьоб хвалил унти байбихьун букӀана. Жиндирго щурминиб хирияб гьуинмахӀазул жубанжоги лъун, Гьарун халкъ бацӀцӀад гьабизе лъугьана. 48Гьев хвараздаги чӀагояздаги гьоркьов эхетана ва хвалил унти къотӀана. 49Амма гьеб унтуца хвана 14 700 чи, КъорахӀ сабаблъун хварал рикӀкӀинчӀого. 50Хвалил унти лъугӀидал, Гьарун ДандчӀваялъул Чадиралъул кӀалтӀа чӀун вукӀарав Мусахъе тӀадвуссана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023