Левит 3
3
Ракълил къурбан
1Ракълил къурбаналъе оц ялъуни гӀака хъолеб бугони, БЕТӀЕРГЬАНАСДА цебе бачине ккола жагъаллъи гьечӀеб хӀайван. 2Къурбаналъул бетӀергьанас хӀайваналъул бетӀералда тӀад квер лъезе ккола ва ДандчӀваялъул Чадиралъул кӀалтӀа цебе гьеб хъвезе ккола. Цинги Гьарунил васаз, ай кашишзабаз гьелъул би пунхъизе ккола къурбан-бакӀалде – гьелъул щибаб рахъалде. 3БЕТӀЕРГЬАНАСЕ цӀадул къурбанлъун бухӀизе букӀине, ракълил къурбаналъул ургьимесалъул тӀатӀи батӀа гьабизе ккола: 4кӀиябго ургьисалаги, ургьисалабазда тӀад букӀунеб тӀатӀиги, тӀулал халасеб бутӀаги. 5Хадуб Гьарунил васаз бухӀила гьеб кинабго къурбан-бакӀалда тӀад, тӀубан бухӀулеб къурбаналда цадахъ. Гьеб буго цӀадул къурбан; БЕТӀЕРГЬАНАСЕ хирияб буго гьелъул махӀ.
6Ракълил къурбаналъе гӀиялъажо кьолеб бугони, гьеб букӀине бегьула куй ялъуни чахъу, амма гьеб букӀине ккола жагъаллъи гьечӀеб. 7Лъица букӀаниги ракълил къурбаналъе кьегӀер кьолеб бугони, гьес БЕТӀЕРГЬАНАСДА цебеги бачун, 8гьелъул бетӀералда тӀад квер лъе ва ДандчӀваялъул Чадиралда цебе хъве гьеб. Хадуб Гьарунил васаз гьелъул би пунхъе къурбан-бакӀалде, гьелъул щибаб рахъалде. 9Гьеб ракълил къурбаналъул тӀатӀи батӀа гьабизе ккола БЕТӀЕРГЬАНАСЕ цӀадул къурбанлъун бухӀизе: рачӀалъул гьодалгун цадахъ ракьандаса къотӀараб тӀолабго мохмохги, кинабго ургьимесалъул тӀатӀиги, 10ургьисалабигун цадахъ гьезда тӀад букӀунеб тӀатӀиги, тӀулал халасеб бутӀаги. Гьеб кинабго батӀа гьабизе ккола ургьисалабигун цадахъ. 11Ва кашишас бухӀила гьеб кинабго къурбан-бакӀалда тӀад, цӀадудалъун БЕТӀЕРГЬАНАСЕ кьолеб квен хӀисабалда.
12Къурбаналъе цӀцӀе хъолеб бугони, биччанте гьелъул хважаинас гьеб БЕТӀЕРГЬАНАСДА цебе бачине. 13Цин гьес цӀцӀел ботӀрода квер лъела, цинги ДандчӀваялъул Чадиралда цебе гьеб хъвела. Хадуб Гьарунил васаз гьеб цӀцӀел би пунхъила къурбан-бакӀалде тӀаде – гьелъул щибаб рахъалде. 14Къурбаналъул ургьимесалъул тӀатӀи батӀа гьабизе ккола, БЕТӀЕРГЬАНАСЕ цӀадул къурбанлъун бухӀизе букӀине: ургьимесалъул кинабго тӀатӀиги, 15ургьисалабигун цадахъ гьезда тӀад букӀунеб тӀатӀиги, тӀулал халасеб бутӀаги. Гьеб кинабго батӀа гьабизе ккола ургьисалабигун цадахъ. 16Хадуб кашишас гьеб кинабго тӀатӀи къурбан-бакӀалда тӀад бухӀила. Гьеб буго гьуинаб махӀалъул цӀадул къурбан. ТӀолабго тӀатӀи БЕТӀЕРГЬАНАСУЛ ккола.
17Гьале нужееги хадусел гӀелазеги букӀине бугеб абадияб къанун: кир нуж ругониги, нужеца, я тӀатӀи, я би квание хӀалтӀизабуге“».
Currently Selected:
Левит 3: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 3
3
Ракълил къурбан
1Ракълил къурбаналъе оц ялъуни гӀака хъолеб бугони, БЕТӀЕРГЬАНАСДА цебе бачине ккола жагъаллъи гьечӀеб хӀайван. 2Къурбаналъул бетӀергьанас хӀайваналъул бетӀералда тӀад квер лъезе ккола ва ДандчӀваялъул Чадиралъул кӀалтӀа цебе гьеб хъвезе ккола. Цинги Гьарунил васаз, ай кашишзабаз гьелъул би пунхъизе ккола къурбан-бакӀалде – гьелъул щибаб рахъалде. 3БЕТӀЕРГЬАНАСЕ цӀадул къурбанлъун бухӀизе букӀине, ракълил къурбаналъул ургьимесалъул тӀатӀи батӀа гьабизе ккола: 4кӀиябго ургьисалаги, ургьисалабазда тӀад букӀунеб тӀатӀиги, тӀулал халасеб бутӀаги. 5Хадуб Гьарунил васаз бухӀила гьеб кинабго къурбан-бакӀалда тӀад, тӀубан бухӀулеб къурбаналда цадахъ. Гьеб буго цӀадул къурбан; БЕТӀЕРГЬАНАСЕ хирияб буго гьелъул махӀ.
6Ракълил къурбаналъе гӀиялъажо кьолеб бугони, гьеб букӀине бегьула куй ялъуни чахъу, амма гьеб букӀине ккола жагъаллъи гьечӀеб. 7Лъица букӀаниги ракълил къурбаналъе кьегӀер кьолеб бугони, гьес БЕТӀЕРГЬАНАСДА цебеги бачун, 8гьелъул бетӀералда тӀад квер лъе ва ДандчӀваялъул Чадиралда цебе хъве гьеб. Хадуб Гьарунил васаз гьелъул би пунхъе къурбан-бакӀалде, гьелъул щибаб рахъалде. 9Гьеб ракълил къурбаналъул тӀатӀи батӀа гьабизе ккола БЕТӀЕРГЬАНАСЕ цӀадул къурбанлъун бухӀизе: рачӀалъул гьодалгун цадахъ ракьандаса къотӀараб тӀолабго мохмохги, кинабго ургьимесалъул тӀатӀиги, 10ургьисалабигун цадахъ гьезда тӀад букӀунеб тӀатӀиги, тӀулал халасеб бутӀаги. Гьеб кинабго батӀа гьабизе ккола ургьисалабигун цадахъ. 11Ва кашишас бухӀила гьеб кинабго къурбан-бакӀалда тӀад, цӀадудалъун БЕТӀЕРГЬАНАСЕ кьолеб квен хӀисабалда.
12Къурбаналъе цӀцӀе хъолеб бугони, биччанте гьелъул хважаинас гьеб БЕТӀЕРГЬАНАСДА цебе бачине. 13Цин гьес цӀцӀел ботӀрода квер лъела, цинги ДандчӀваялъул Чадиралда цебе гьеб хъвела. Хадуб Гьарунил васаз гьеб цӀцӀел би пунхъила къурбан-бакӀалде тӀаде – гьелъул щибаб рахъалде. 14Къурбаналъул ургьимесалъул тӀатӀи батӀа гьабизе ккола, БЕТӀЕРГЬАНАСЕ цӀадул къурбанлъун бухӀизе букӀине: ургьимесалъул кинабго тӀатӀиги, 15ургьисалабигун цадахъ гьезда тӀад букӀунеб тӀатӀиги, тӀулал халасеб бутӀаги. Гьеб кинабго батӀа гьабизе ккола ургьисалабигун цадахъ. 16Хадуб кашишас гьеб кинабго тӀатӀи къурбан-бакӀалда тӀад бухӀила. Гьеб буго гьуинаб махӀалъул цӀадул къурбан. ТӀолабго тӀатӀи БЕТӀЕРГЬАНАСУЛ ккола.
17Гьале нужееги хадусел гӀелазеги букӀине бугеб абадияб къанун: кир нуж ругониги, нужеца, я тӀатӀи, я би квание хӀалтӀизабуге“».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023