Левит 21
21
Кашишзабазда тӀадаб
1БЕТӀЕРГЬАНАС Мусада абуна: «Кашишзабазда, Гьарунил васазда, абе: „ГӀагарлъиялъул чи хун вугони, кашиш гьесул жаназаялда хъвазе бегьуларо, гьеб сабаблъун живго хъублъичӀого вукӀине.
2Амма гьесул бищун цересел чагӀи хун ругони: эбел, эмен, вас, яс, вац 3яги росасе инчӀей ва гьесул минаялда гӀумру гьабун йикӀарай яц – гьезие гӀоло кашишасе ихтияр буго хъублъулеб жо гьабизе. 4Ригьнал гӀагарлъиялъул цониги чиясе гӀоло, гьес живго хъублъулеб жо гьабизе бегьуларо.
5Кашишзабаз бегьуларо бетӀер кӀкӀвазе, мегежалъул рагӀал къунцӀизе ва черхалда гӀужал лъезе. 6Гьел рукӀине ккола Аллагьасе ратӀа гьарураллъун ва рацӀцӀадаллъун. Аллагьасул цӀаралъул адаб рехараб жо гьез гьабизе бегьуларо. БЕТӀЕРГЬАНАСЕ цӀадул къурбанал тӀоритӀулелъул, ай жиндирго Аллагьасе хирияб нигӀмат садакъа гьабулелъул, гьел рацӀцӀадго рукӀине ккола.
7Кашишас лъадилъун ячине бегьуларо хъахӀбалъи гьабурай, яги батӀияв бихьинчи хъварай, яги росасдаса ятӀалъарай гӀадан, щайгурелъул гьев Аллагьасе ватӀа гьавурав ва вацӀцӀадав кколелъул. 8Аллагьасе хъулухъалъе чӀарав ва къурбан-бакӀалда Аллагьасе хирияб нигӀмат кьолев чи вугелъул Кашиш, нужеца гьесул адаб гьабизе ккола. РацӀцӀадаллъун рукӀина гьел нужее, щайгурелъул Дун вугелъул вацӀцӀадав БЕТӀЕРГЬАН – нужер рацӀцӀалъиялъул ицц.
9Кашишасул ясалъ хъахӀбалъи гьабуни ва жийго хъублъизаюни, гьелдалъун эменги хъублъула. Гьединай яс юхӀизе ккола.
10КӀудияв кашишас, ай хирияб нахги бахарав хасаб кашишлъиялъул ретӀелги ретӀунев КӀудияв кашишас бетӀер гьурщун биччазе бегьуларо ва тӀад бугеб ретӀел бихъ-бихъизе бегьуларо. 11Жаназа бугеб бакӀалдеги гьев лъугьине бегьуларо – жиндирго эбел яги эмен хун ругонигицин живго хъублъизе виччазе бегьуларо. 12КӀудияв кашиш Мукъадасаб бакӀалдаса къватӀиве ине бегьуларо, Аллагьасул Мукъадасаб бакӀ хъублъизабичӀого букӀине, щайгурелъул хасаб къагӀидаялъ ватӀаги гьавун, Аллагьасул хирияб нах бахун бугелъул гьесда. Дун вуго БЕТӀЕРГЬАН. 13Гьес лъадилъун ясгӀадан гурони ячине бегьуларо. 14Гьес ячине бегьуларо къоролай, яги росасдаса ятӀалъарай, хъахӀбалъи гьабурай ялъуни батӀияв бихьинчи хъварай гӀадан, гӀицӀго жиндирго гӀагарлъиялдаса ясгӀадан гурони. 15Щайгурелъул гьесул наслу бацӀцӀадаб букӀине ккола, Дун вугелъул БЕТӀЕРГЬАН – гьесул рацӀцӀалъиялъул ицц“».
16Хадуб БЕТӀЕРГЬАНАС Мусада абуна:
17«Гьарунида лъазабе: „Гьесул наслуялдаса черхалда кинабгӀаги жагъаллъи бугев чи вугони, гьесул ихтияр гьечӀо къурбан-бакӀалде тӀаде Аллагьасе хирияб нигӀмат босизе. 18Черхалда гӀузру бугев щивниги чиясул ихтияр гьечӀо гьеб хирияб нигӀматалда аскӀове гӀагарлъизе: беццав, рекъав, гьурмада гӀуж лъурав, хӀетӀе-квер гӀайибав, 19бох яги гъеж бекарав, 20къуларав, чӀинчӀикъав, бер гӀайибав, черхалда хъирис ялъуни чанхъ барав, бихьинлъи жагъаллъарав. 21Кашиш Гьарунил наслуялдаса чорхолъ жагъаллъи бугев цониги чияс БЕТӀЕРГЬАНАСЕ цӀадул къурбанал тӀоритӀизе бегьуларо. Гьединав чияс къурбан-бакӀалде тӀаде Аллагьасе хирияб нигӀмат босизе бегьуларо. 22Гьес кваназе бегьула Аллагьасул хирияб нигӀмат – хириябги бищунго хириябги. 23Амма гьесул черхалда гӀузру букӀиналъ, гьев пардавалда аскӀове вачӀине ва къурбан-бакӀалде гӀагарлъизе бегьуларо, гьелдалъун Дир Мукъадасаб Чадир хъублъизабичӀого букӀине. Дун вуго БЕТӀЕРГЬАН – гьезул рацӀцӀалъиялъул ицц“».
24Мусаца гьеб кинабго Гьарунидаги, гьесул васаздаги, тӀолалго гӀизраилаздаги бицана.
Currently Selected:
Левит 21: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 21
21
Кашишзабазда тӀадаб
1БЕТӀЕРГЬАНАС Мусада абуна: «Кашишзабазда, Гьарунил васазда, абе: „ГӀагарлъиялъул чи хун вугони, кашиш гьесул жаназаялда хъвазе бегьуларо, гьеб сабаблъун живго хъублъичӀого вукӀине.
2Амма гьесул бищун цересел чагӀи хун ругони: эбел, эмен, вас, яс, вац 3яги росасе инчӀей ва гьесул минаялда гӀумру гьабун йикӀарай яц – гьезие гӀоло кашишасе ихтияр буго хъублъулеб жо гьабизе. 4Ригьнал гӀагарлъиялъул цониги чиясе гӀоло, гьес живго хъублъулеб жо гьабизе бегьуларо.
5Кашишзабаз бегьуларо бетӀер кӀкӀвазе, мегежалъул рагӀал къунцӀизе ва черхалда гӀужал лъезе. 6Гьел рукӀине ккола Аллагьасе ратӀа гьарураллъун ва рацӀцӀадаллъун. Аллагьасул цӀаралъул адаб рехараб жо гьез гьабизе бегьуларо. БЕТӀЕРГЬАНАСЕ цӀадул къурбанал тӀоритӀулелъул, ай жиндирго Аллагьасе хирияб нигӀмат садакъа гьабулелъул, гьел рацӀцӀадго рукӀине ккола.
7Кашишас лъадилъун ячине бегьуларо хъахӀбалъи гьабурай, яги батӀияв бихьинчи хъварай, яги росасдаса ятӀалъарай гӀадан, щайгурелъул гьев Аллагьасе ватӀа гьавурав ва вацӀцӀадав кколелъул. 8Аллагьасе хъулухъалъе чӀарав ва къурбан-бакӀалда Аллагьасе хирияб нигӀмат кьолев чи вугелъул Кашиш, нужеца гьесул адаб гьабизе ккола. РацӀцӀадаллъун рукӀина гьел нужее, щайгурелъул Дун вугелъул вацӀцӀадав БЕТӀЕРГЬАН – нужер рацӀцӀалъиялъул ицц.
9Кашишасул ясалъ хъахӀбалъи гьабуни ва жийго хъублъизаюни, гьелдалъун эменги хъублъула. Гьединай яс юхӀизе ккола.
10КӀудияв кашишас, ай хирияб нахги бахарав хасаб кашишлъиялъул ретӀелги ретӀунев КӀудияв кашишас бетӀер гьурщун биччазе бегьуларо ва тӀад бугеб ретӀел бихъ-бихъизе бегьуларо. 11Жаназа бугеб бакӀалдеги гьев лъугьине бегьуларо – жиндирго эбел яги эмен хун ругонигицин живго хъублъизе виччазе бегьуларо. 12КӀудияв кашиш Мукъадасаб бакӀалдаса къватӀиве ине бегьуларо, Аллагьасул Мукъадасаб бакӀ хъублъизабичӀого букӀине, щайгурелъул хасаб къагӀидаялъ ватӀаги гьавун, Аллагьасул хирияб нах бахун бугелъул гьесда. Дун вуго БЕТӀЕРГЬАН. 13Гьес лъадилъун ясгӀадан гурони ячине бегьуларо. 14Гьес ячине бегьуларо къоролай, яги росасдаса ятӀалъарай, хъахӀбалъи гьабурай ялъуни батӀияв бихьинчи хъварай гӀадан, гӀицӀго жиндирго гӀагарлъиялдаса ясгӀадан гурони. 15Щайгурелъул гьесул наслу бацӀцӀадаб букӀине ккола, Дун вугелъул БЕТӀЕРГЬАН – гьесул рацӀцӀалъиялъул ицц“».
16Хадуб БЕТӀЕРГЬАНАС Мусада абуна:
17«Гьарунида лъазабе: „Гьесул наслуялдаса черхалда кинабгӀаги жагъаллъи бугев чи вугони, гьесул ихтияр гьечӀо къурбан-бакӀалде тӀаде Аллагьасе хирияб нигӀмат босизе. 18Черхалда гӀузру бугев щивниги чиясул ихтияр гьечӀо гьеб хирияб нигӀматалда аскӀове гӀагарлъизе: беццав, рекъав, гьурмада гӀуж лъурав, хӀетӀе-квер гӀайибав, 19бох яги гъеж бекарав, 20къуларав, чӀинчӀикъав, бер гӀайибав, черхалда хъирис ялъуни чанхъ барав, бихьинлъи жагъаллъарав. 21Кашиш Гьарунил наслуялдаса чорхолъ жагъаллъи бугев цониги чияс БЕТӀЕРГЬАНАСЕ цӀадул къурбанал тӀоритӀизе бегьуларо. Гьединав чияс къурбан-бакӀалде тӀаде Аллагьасе хирияб нигӀмат босизе бегьуларо. 22Гьес кваназе бегьула Аллагьасул хирияб нигӀмат – хириябги бищунго хириябги. 23Амма гьесул черхалда гӀузру букӀиналъ, гьев пардавалда аскӀове вачӀине ва къурбан-бакӀалде гӀагарлъизе бегьуларо, гьелдалъун Дир Мукъадасаб Чадир хъублъизабичӀого букӀине. Дун вуго БЕТӀЕРГЬАН – гьезул рацӀцӀалъиялъул ицц“».
24Мусаца гьеб кинабго Гьарунидаги, гьесул васаздаги, тӀолалго гӀизраилаздаги бицана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023