Левит 17
17
Къурбанал хъвезе бихьизабураб бакӀ
1БЕТӀЕРГЬАНАС Мусада абуна:
2«Гьарунидаги, гьесул васаздаги, ГӀизраилил тӀолабго халкъалдаги абе БЕТӀЕРГЬАНАС гьадинаб амру гьабунин: 3-4„ГӀизраилазул лъица букӀаниги боцӀул, гӀиял ялъуни цӀаназул рехъалъа жо, ДандчӀваялъул Чадиралъул кӀалтӀа БЕТӀЕРГЬАНАСУЛ мукъадасаб бакӀалда цебе къурбаналъеги хъвечӀого, батӀияб бакӀалда жиндиего бокьухъе хъуни#17:3-4 Муса аварагасдасан загьирлъарал гьал БетӀергьанасул къануназда бицунеб буго, гӀизраилаз гӀи-боцӀи БетӀергьанас рехсараб къурбан хӀисабалда гурони хъвезе бегьуларилан., гьеб хӀайваналъул гӀодобе тӀураб бидул хӀакъ чӀола гьев чиясда#17:3-4 Гьеб гӀицӀго рукъалъул гӀи-боцӀуда хурхараб къанун ккола; гӀалхул чан бокьараб бакӀалда кваназе бегьула.. Гьес би гӀодобе тӀуна, гьединлъидал гьев тӀагӀинавизе ккола ва гьесул цӀарги халкъалда гьоркьоса нахъе хъвагӀазе ккола. 5ГьабсагӀат гӀизраилаз авлахъалда хъолел ругел хӀайванал риччанте гьез БЕТӀЕРГЬАНАСДА цере, ДандчӀваялъул кӀалтӀе кашишасухъе рачун рачӀине ва гьенир БЕТӀЕРГЬАНАСЕ ракълил къурбанал хӀисабалда хъвезе. 6Биччанте кашишас къурбаналъул би пунхъизе ДандчӀваялъул Чадиралъул кӀалтӀа бугеб БЕТӀЕРГЬАНАСУЛ къурбан-бакӀалде ва гьелъул тӀатӀи бухӀизе – БЕТӀЕРГЬАНАСЕ хирияб махӀалъул кӀкӀуй бахъинабизе. 7Амма дора дагӀнил сипаталъул шайтӀабазе къурбаналги хъун, гьезие лагълъиги гьабун, тӀокӀалъ Аллагьасе хилиплъугеян#17:7 Хилиплъуге – жугьутӀазул мацӀалда, «зина гьабуге». Аллагьасе инсан хилиплъи данде кколеб буго рос-лъадул цоцае хилиплъиялда. лъазабе! Гьеб буго гьезиеги гьезул рукӀинесел тӀолалго наслабазеги хъвараб абадияб къанун“.
8Дуца гьезда абе: „гӀизраилазул ялъуни къватӀиса рачӀун нужеда гьоркьор гӀумру гьабулезул лъица букӀаниги тӀубан бухӀулеб яги ракълил къурбан гьабуни, 9амма ДандчӀваялъул Чадиралъул кӀалтӀа БЕТӀЕРГЬАНАСЕ гьабураб къурбан гьеб батичӀони, гьедин гьабурав чи тӀагӀинавизе ккола, гьесул цӀарги халкъалда гьоркьоса нахъе хъвагӀазе ккола.
Би гьукъараб къанун
10ГӀизраилазул ялъуни къватӀиса рачӀун нужеда гьоркьоб гӀумру гьабулезул лъица букӀаниги квание би хӀалтӀизабулеб бугони, гьев чиясде Дир гьалагаб ццин рещтӀине буго, ва Дица гьев тӀагӀинавизе вуго, гьесул цӀарги халкъалда гьоркьоса нахъе хъвагӀазе буго. 11ЧӀагояб жоялъул рухӀ гьелъул бидулъ букӀуна. Гьединлъидал Дица нужеде амру гьабуна би къурбан-бакӀалде пунхъеян, нужерго рухӀал хвасарлъизе рукӀине; нужее гӀоло гӀодобе тӀураб гьеб биялъ нужер гӀумру хвасар гьабула, щайгурелъул гӀумру бидулъ букӀунелъул. 12Гьединлъидалин Дица ГӀизраилил халкъалда лъазабулеб бугеб: цониги чияс би кӀалдиб хъваге. Гьединго къватӀиса рачӀун нужеда гьоркьор чӀарал гӀадамазги би квание хӀалтӀизабуге.
13ГӀизраилас ялъуни къватӀиса вачӀун нужеда гьоркьов чӀарав цоги чияс, чанавеги ун, кваназе бегьулеб гӀалхул чан ялъуни хӀинчӀ ккуни, гьес чанил кинабго би биччазе ккола, хадуб биялда тӀаде ракьги хъвазе ккола. 14Щайгурелъул чӀагоябщинаб жоялъул рухӀ гьелъул бидулъ букӀуна, би – гьеб ккола гӀумру. Гьединлъидалин Дица ГӀизраилил халкъалда лъазабураб кинаб бугониги рухӀчӀаголъиялъул би гьекъогеян, щибаб чӀагоябщинаб жоялъул рухӀ гьелъул бидулъ букӀунелъул. Би гьекъолев чи тӀагӀинавизе вуго.
15ГӀизраилас ялъуни къватӀиса вачӀун нужеда гьоркьов чӀарав цоги чияс, хвараб ялъуни жанавараз чӀвараб хӀайваналъул гьан кванан батани, гьес ретӀелги черхги чуризе ккола ва бакъ тӀерхьинегӀан гьев хъублъун вукӀуна, цинги вацӀцӀалъула. 16Амма гьес ретӀелги черхги чуричӀони, гьев гӀайибалъукье ккезе вуго“».
Currently Selected:
Левит 17: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 17
17
Къурбанал хъвезе бихьизабураб бакӀ
1БЕТӀЕРГЬАНАС Мусада абуна:
2«Гьарунидаги, гьесул васаздаги, ГӀизраилил тӀолабго халкъалдаги абе БЕТӀЕРГЬАНАС гьадинаб амру гьабунин: 3-4„ГӀизраилазул лъица букӀаниги боцӀул, гӀиял ялъуни цӀаназул рехъалъа жо, ДандчӀваялъул Чадиралъул кӀалтӀа БЕТӀЕРГЬАНАСУЛ мукъадасаб бакӀалда цебе къурбаналъеги хъвечӀого, батӀияб бакӀалда жиндиего бокьухъе хъуни#17:3-4 Муса аварагасдасан загьирлъарал гьал БетӀергьанасул къануназда бицунеб буго, гӀизраилаз гӀи-боцӀи БетӀергьанас рехсараб къурбан хӀисабалда гурони хъвезе бегьуларилан., гьеб хӀайваналъул гӀодобе тӀураб бидул хӀакъ чӀола гьев чиясда#17:3-4 Гьеб гӀицӀго рукъалъул гӀи-боцӀуда хурхараб къанун ккола; гӀалхул чан бокьараб бакӀалда кваназе бегьула.. Гьес би гӀодобе тӀуна, гьединлъидал гьев тӀагӀинавизе ккола ва гьесул цӀарги халкъалда гьоркьоса нахъе хъвагӀазе ккола. 5ГьабсагӀат гӀизраилаз авлахъалда хъолел ругел хӀайванал риччанте гьез БЕТӀЕРГЬАНАСДА цере, ДандчӀваялъул кӀалтӀе кашишасухъе рачун рачӀине ва гьенир БЕТӀЕРГЬАНАСЕ ракълил къурбанал хӀисабалда хъвезе. 6Биччанте кашишас къурбаналъул би пунхъизе ДандчӀваялъул Чадиралъул кӀалтӀа бугеб БЕТӀЕРГЬАНАСУЛ къурбан-бакӀалде ва гьелъул тӀатӀи бухӀизе – БЕТӀЕРГЬАНАСЕ хирияб махӀалъул кӀкӀуй бахъинабизе. 7Амма дора дагӀнил сипаталъул шайтӀабазе къурбаналги хъун, гьезие лагълъиги гьабун, тӀокӀалъ Аллагьасе хилиплъугеян#17:7 Хилиплъуге – жугьутӀазул мацӀалда, «зина гьабуге». Аллагьасе инсан хилиплъи данде кколеб буго рос-лъадул цоцае хилиплъиялда. лъазабе! Гьеб буго гьезиеги гьезул рукӀинесел тӀолалго наслабазеги хъвараб абадияб къанун“.
8Дуца гьезда абе: „гӀизраилазул ялъуни къватӀиса рачӀун нужеда гьоркьор гӀумру гьабулезул лъица букӀаниги тӀубан бухӀулеб яги ракълил къурбан гьабуни, 9амма ДандчӀваялъул Чадиралъул кӀалтӀа БЕТӀЕРГЬАНАСЕ гьабураб къурбан гьеб батичӀони, гьедин гьабурав чи тӀагӀинавизе ккола, гьесул цӀарги халкъалда гьоркьоса нахъе хъвагӀазе ккола.
Би гьукъараб къанун
10ГӀизраилазул ялъуни къватӀиса рачӀун нужеда гьоркьоб гӀумру гьабулезул лъица букӀаниги квание би хӀалтӀизабулеб бугони, гьев чиясде Дир гьалагаб ццин рещтӀине буго, ва Дица гьев тӀагӀинавизе вуго, гьесул цӀарги халкъалда гьоркьоса нахъе хъвагӀазе буго. 11ЧӀагояб жоялъул рухӀ гьелъул бидулъ букӀуна. Гьединлъидал Дица нужеде амру гьабуна би къурбан-бакӀалде пунхъеян, нужерго рухӀал хвасарлъизе рукӀине; нужее гӀоло гӀодобе тӀураб гьеб биялъ нужер гӀумру хвасар гьабула, щайгурелъул гӀумру бидулъ букӀунелъул. 12Гьединлъидалин Дица ГӀизраилил халкъалда лъазабулеб бугеб: цониги чияс би кӀалдиб хъваге. Гьединго къватӀиса рачӀун нужеда гьоркьор чӀарал гӀадамазги би квание хӀалтӀизабуге.
13ГӀизраилас ялъуни къватӀиса вачӀун нужеда гьоркьов чӀарав цоги чияс, чанавеги ун, кваназе бегьулеб гӀалхул чан ялъуни хӀинчӀ ккуни, гьес чанил кинабго би биччазе ккола, хадуб биялда тӀаде ракьги хъвазе ккола. 14Щайгурелъул чӀагоябщинаб жоялъул рухӀ гьелъул бидулъ букӀуна, би – гьеб ккола гӀумру. Гьединлъидалин Дица ГӀизраилил халкъалда лъазабураб кинаб бугониги рухӀчӀаголъиялъул би гьекъогеян, щибаб чӀагоябщинаб жоялъул рухӀ гьелъул бидулъ букӀунелъул. Би гьекъолев чи тӀагӀинавизе вуго.
15ГӀизраилас ялъуни къватӀиса вачӀун нужеда гьоркьов чӀарав цоги чияс, хвараб ялъуни жанавараз чӀвараб хӀайваналъул гьан кванан батани, гьес ретӀелги черхги чуризе ккола ва бакъ тӀерхьинегӀан гьев хъублъун вукӀуна, цинги вацӀцӀалъула. 16Амма гьес ретӀелги черхги чуричӀони, гьев гӀайибалъукье ккезе вуго“».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023