Юнус 2
2
Юнусил дугӀа
1БетӀергьанас кӀудияб ччугӀа битӀана Юнус къулчӀизе. Лъабго къо ва лъабго сордо бана Юнусица гьеб ччугӀил чохьониб. 2ЧчугӀил чохьониса Юнусица жиндирго БетӀергьан Аллагьасде гьадинаб гьари-дугӀа гьабуна:
3«Балагьалде ккедал дица
БетӀергьанасде ахӀи бана,
ва Дуца дие жаваб кьуна!
Жагьандаманалъул кӀкӀалахъа ахӀдана дун,
ва Дуда дир гьаракь рагӀана!
4БецӀаб гвандиниве, ралъдал гъварилъуде
рехана Дуца дун – дун гьалагал иххаз
восун унев вуго; Дур тӀолалго лъинал ва гӀасиял карачелал
дида тӀасан чвахана.
5Цинги дица пикру гьабуна: „Дун
БетӀергьанас Жиндаго цевеса тӀуван нахъе къотӀана“, – ян.
Амма гуребха, дида жеги бихьилеб Дур Мукъадасаб Рукъ!
6Лъин дир щокъробе щвана, сверухъ – бецӀаб кӀкӀал буго, дир нодоги ралъдал хъархъица бацун буго.
7Дун ракьул лахӀтуялъуве, мугӀрузул кьалбазукье ккана.
Дунялалъул каву абадиялъего
рахана дида хадуб! Амма, дир БетӀергьан
Аллагь, Дуца дун гъваридаб лахӀтуялъуса тӀаде ворхана!
8ЗагӀиплъун, тӀуван тату хун ккедал дида
БетӀергьан ракӀалде щвана, ва дир дугӀа
Духъе, Дур Мукъадасаб Рокъобе гӀунтӀана.
9Гьереси-аллагьзабазул рахъ ккураз Дуе рекӀкӀ гьабулеб буго.
10Дицайин абуни Дуе гьабила рецц-бакъалъул
къурбан ва назруги тӀубазабила.
БетӀергьанасдасан буго хвасарлъи!»
11БетӀергьанасул амруялдалъун ччугӀица Юнус къватӀиве, ралъдал рагӀалде лагӀана.
Currently Selected:
Юнус 2: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Юнус 2
2
Юнусил дугӀа
1БетӀергьанас кӀудияб ччугӀа битӀана Юнус къулчӀизе. Лъабго къо ва лъабго сордо бана Юнусица гьеб ччугӀил чохьониб. 2ЧчугӀил чохьониса Юнусица жиндирго БетӀергьан Аллагьасде гьадинаб гьари-дугӀа гьабуна:
3«Балагьалде ккедал дица
БетӀергьанасде ахӀи бана,
ва Дуца дие жаваб кьуна!
Жагьандаманалъул кӀкӀалахъа ахӀдана дун,
ва Дуда дир гьаракь рагӀана!
4БецӀаб гвандиниве, ралъдал гъварилъуде
рехана Дуца дун – дун гьалагал иххаз
восун унев вуго; Дур тӀолалго лъинал ва гӀасиял карачелал
дида тӀасан чвахана.
5Цинги дица пикру гьабуна: „Дун
БетӀергьанас Жиндаго цевеса тӀуван нахъе къотӀана“, – ян.
Амма гуребха, дида жеги бихьилеб Дур Мукъадасаб Рукъ!
6Лъин дир щокъробе щвана, сверухъ – бецӀаб кӀкӀал буго, дир нодоги ралъдал хъархъица бацун буго.
7Дун ракьул лахӀтуялъуве, мугӀрузул кьалбазукье ккана.
Дунялалъул каву абадиялъего
рахана дида хадуб! Амма, дир БетӀергьан
Аллагь, Дуца дун гъваридаб лахӀтуялъуса тӀаде ворхана!
8ЗагӀиплъун, тӀуван тату хун ккедал дида
БетӀергьан ракӀалде щвана, ва дир дугӀа
Духъе, Дур Мукъадасаб Рокъобе гӀунтӀана.
9Гьереси-аллагьзабазул рахъ ккураз Дуе рекӀкӀ гьабулеб буго.
10Дицайин абуни Дуе гьабила рецц-бакъалъул
къурбан ва назруги тӀубазабила.
БетӀергьанасдасан буго хвасарлъи!»
11БетӀергьанасул амруялдалъун ччугӀица Юнус къватӀиве, ралъдал рагӀалде лагӀана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023