Якъубил кагъат 5
5
5 бетӀер
Бечелъи турун тӀагӀуна
1Гьанже дихъ гӀенекке нуж, бечедал чагӀи! Нужеде бачӀинехъин бугеб балагьги-гӀазабги лъан, гӀоде нуж, чӀчӀичӀчӀиде нуж! 2Нужер бечелъи турун тӀагӀун буго, нужер ретӀелги ицица кванан буго. 3Нужер гӀарац-меседалдаги кьаву чӀван буго. Гьеб кьавуялъ нужеда данде нугӀлъи гьабила ва, цӀадуца гӀадин, рухӀила гьелъ нуж. Дуниял ахиралде ккараб мехалда бакӀарана нужеца гьеб хазина! 4Хур лъилъаралъухъ кьезе кколеб букӀараб мухь нужеца кватӀизе тедал, хӀалтӀухъабазул бо нужеда данде нугӀлъиялъе бахъун буго. Гьезул ахӀи Къудратав БетӀергьанасда рагӀун буго. 5Дуниялалда нужер гӀумру гьарзаяб букӀана, гӀумруялдаса нужеца лазат-кепги босана, – хъвезе хьихьана нужецаго нужго! 6Нужеде данде квер борхичӀев муъминчи, судги гьабун, чӀвана нужеца.
ГӀазаб-гӀакъубаялъул заманалдаги сабруялда чӀа
7Гьанже, вацал, ТӀадегӀанав тӀадвуссун вачӀинегӀан сабруялда чӀа. Гьедин чӀола векьарухъан жиндирго хуриса гьесие цӀакъ къиматаб-хирияб хӀалухъен бачӀинегӀан. Ихдалилги хасалихълъиялъулги цӀадал ран рахъинегӀан сабруялда чӀола гьев. 8Нужецаги сабру гьабе, къвакӀун чӀа, ТӀадегӀанав вачӀунеб заман гӀагарлъулеб буго. 9Нужее суд гьабичӀого хутӀизе цоцаздасан гӀарзал гьаруге, вацал. Гьале, Судияв нуцӀихъе щун вуго! 10Аллагьасул цӀаралдасан халкъалъе хабар бицарал аварагзабаздасан мисал босе: гьезда гӀемераб гӀазаб-гӀакъуба бихьана ва кинабго кӀудияб сабруялда хӀехьана гьез. 11Гьардарал гурищилан абула нилъеца гьединаб гӀемераб жо хӀехьезе ккарал гӀадамазул рахъалъ. Аюб аварагас хӀехьарабщиналъул хӀакъалъулъ рагӀанагури нужеда, ахирги Аллагьас кин гьеб бецӀарабалиги лъала нужеда. ГурхӀулевги рахӀмуявги вугелъул Аллагь.
12Вореги, дир вацал, зобалхӀайилан, ракьалхӀайилан ва цогидабги гьаялдалъун гьедаруге нуж. Уйилан абизе бокьани, уйилан абе, гурилан абизе бокьани, гурилан абе. Гьедарани – тамихӀалъе мустахӀикълъула нуж.
ДугӀаялъул къудрат
13Къварид вугес дугӀа гьабе, лъикӀ вугес, Аллагь веццун туркаби ахӀе. 14Унтун вугес жиндихъего ахӀе иман лъуразул агьлуялъул бутӀрул. ТӀадегӀанав ГӀисал цӀар рехсон, дугӀа гьабила гьез, зайтуналъул нах бахина. 15Божи-имангун гьабураб дугӀаялъ унтарав сахлъула, БетӀергьанас гьев тӀаде вахъинавула, мунагь бугони, гьелдасаги тӀасалъугьуна. 16Гьединлъидал нужерго мунагьал цоцазе рице, цоцаца дугӀадулъги рехсе, нужго сахлъизе. ВацӀцӀадав муъминчиясул дугӀаялда гӀемераб жо гьабизе кӀола. 17Иляс авараг вукӀана нилъго гӀадав чи. ЦӀад багегийилан гьес гьарараб мехалъ, лъабго лъагӀелгун бащдалъ цӀад бачӀо ракьалде. 18Цинги гьес цоги дугӀа гьабуна, – зодисан рахӀмат рещтӀана ва хурги бачӀана.
19-20Масала, хӀакъабщиналдаса гьетӀарав нужер чи цогидас битӀараб нухде ккезавуна. Мекъаб нухдаса гьев витӀун ккезавурас мунагь гьабурасул рухӀ цӀунулеблъи ва гӀемерал мунагьалги чурулеллъи лъай, дир вацал, нужеда!
Currently Selected:
Якъубил кагъат 5: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Якъубил кагъат 5
5
5 бетӀер
Бечелъи турун тӀагӀуна
1Гьанже дихъ гӀенекке нуж, бечедал чагӀи! Нужеде бачӀинехъин бугеб балагьги-гӀазабги лъан, гӀоде нуж, чӀчӀичӀчӀиде нуж! 2Нужер бечелъи турун тӀагӀун буго, нужер ретӀелги ицица кванан буго. 3Нужер гӀарац-меседалдаги кьаву чӀван буго. Гьеб кьавуялъ нужеда данде нугӀлъи гьабила ва, цӀадуца гӀадин, рухӀила гьелъ нуж. Дуниял ахиралде ккараб мехалда бакӀарана нужеца гьеб хазина! 4Хур лъилъаралъухъ кьезе кколеб букӀараб мухь нужеца кватӀизе тедал, хӀалтӀухъабазул бо нужеда данде нугӀлъиялъе бахъун буго. Гьезул ахӀи Къудратав БетӀергьанасда рагӀун буго. 5Дуниялалда нужер гӀумру гьарзаяб букӀана, гӀумруялдаса нужеца лазат-кепги босана, – хъвезе хьихьана нужецаго нужго! 6Нужеде данде квер борхичӀев муъминчи, судги гьабун, чӀвана нужеца.
ГӀазаб-гӀакъубаялъул заманалдаги сабруялда чӀа
7Гьанже, вацал, ТӀадегӀанав тӀадвуссун вачӀинегӀан сабруялда чӀа. Гьедин чӀола векьарухъан жиндирго хуриса гьесие цӀакъ къиматаб-хирияб хӀалухъен бачӀинегӀан. Ихдалилги хасалихълъиялъулги цӀадал ран рахъинегӀан сабруялда чӀола гьев. 8Нужецаги сабру гьабе, къвакӀун чӀа, ТӀадегӀанав вачӀунеб заман гӀагарлъулеб буго. 9Нужее суд гьабичӀого хутӀизе цоцаздасан гӀарзал гьаруге, вацал. Гьале, Судияв нуцӀихъе щун вуго! 10Аллагьасул цӀаралдасан халкъалъе хабар бицарал аварагзабаздасан мисал босе: гьезда гӀемераб гӀазаб-гӀакъуба бихьана ва кинабго кӀудияб сабруялда хӀехьана гьез. 11Гьардарал гурищилан абула нилъеца гьединаб гӀемераб жо хӀехьезе ккарал гӀадамазул рахъалъ. Аюб аварагас хӀехьарабщиналъул хӀакъалъулъ рагӀанагури нужеда, ахирги Аллагьас кин гьеб бецӀарабалиги лъала нужеда. ГурхӀулевги рахӀмуявги вугелъул Аллагь.
12Вореги, дир вацал, зобалхӀайилан, ракьалхӀайилан ва цогидабги гьаялдалъун гьедаруге нуж. Уйилан абизе бокьани, уйилан абе, гурилан абизе бокьани, гурилан абе. Гьедарани – тамихӀалъе мустахӀикълъула нуж.
ДугӀаялъул къудрат
13Къварид вугес дугӀа гьабе, лъикӀ вугес, Аллагь веццун туркаби ахӀе. 14Унтун вугес жиндихъего ахӀе иман лъуразул агьлуялъул бутӀрул. ТӀадегӀанав ГӀисал цӀар рехсон, дугӀа гьабила гьез, зайтуналъул нах бахина. 15Божи-имангун гьабураб дугӀаялъ унтарав сахлъула, БетӀергьанас гьев тӀаде вахъинавула, мунагь бугони, гьелдасаги тӀасалъугьуна. 16Гьединлъидал нужерго мунагьал цоцазе рице, цоцаца дугӀадулъги рехсе, нужго сахлъизе. ВацӀцӀадав муъминчиясул дугӀаялда гӀемераб жо гьабизе кӀола. 17Иляс авараг вукӀана нилъго гӀадав чи. ЦӀад багегийилан гьес гьарараб мехалъ, лъабго лъагӀелгун бащдалъ цӀад бачӀо ракьалде. 18Цинги гьес цоги дугӀа гьабуна, – зодисан рахӀмат рещтӀана ва хурги бачӀана.
19-20Масала, хӀакъабщиналдаса гьетӀарав нужер чи цогидас битӀараб нухде ккезавуна. Мекъаб нухдаса гьев витӀун ккезавурас мунагь гьабурасул рухӀ цӀунулеблъи ва гӀемерал мунагьалги чурулеллъи лъай, дир вацал, нужеда!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023