Якъубил кагъат 1
1
1 бетӀер
Саламалъул рагӀаби
1Аллагьасулги ТӀадегӀанав ГӀиса МасихӀилги лагъ Якъубил салам буго батӀи-батӀияб ракьалда рикь-рикьун ругел ва Аллагьасул халкълъун лъугьарал киналго гӀадамазде.
ХӀалбихьиги сабруги
2ЗахӀмалъи хӀехьезе кӀолищали батӀи-батӀияб къагӀидаялъ нужер хӀалбихьулеб бугони, гьеб нужеца кӀудияб рохеллъун рикӀкӀе, диналъул вацал. 3Божи-иман щулияб бугищали хӀалбихьиялъ сабру бижизабулеблъи лъала нужеда. 4Биччанте сабруялъ нужее кумек гьабизе нужго камиллъизеги, щибго гӀунгутӀи гьечӀеллъун, тӀубанго камилаллъун лъугьинеги.
5Нужеда гьоркьоса лъилниги гӀакъиллъи гӀолеб гьечӀони, бадибчӀвай гьабичӀого, киназего гьеб гьарзаго кьолев Аллагьасда гьаре, Аллагьас кьела гьесие гьеб. 6Амма гьеб гьарулев чи, щибго щаклъи гьечӀого, божизе ккола. Щакдарулев чи релълъуна гьороца рахъ-рахъалде гьелчезабулеб ралъдал карачелалда. 7-8Гьединлъидал цо хӀал кколарев ва сундулъго тавакал гьечӀев чияс хьул гьабуге Аллагьас жиндие щибниги кьелилан.
9Я вацал, гӀодовегӀан вугев чӀухӀизе виччанте, Аллагьасда цеве гьев тӀадегӀанав вугелъул. 10Бечедасдаги лъазе биччанте Аллагьасда цеве гӀодовегӀанав вугевлъи, – харилъ тӀегь гӀадин вечӀазе вуго гьев. 11Бакъ къалъуде бахуна, бухӀи цӀикӀкӀуна, бухӀараб гьури пула, хер бакъвала, гьелъул тӀегь гъенон уна ва тӀогьол тӀолабго гьайбатлъиги хола. Жиндирго ишазде вуссун вукӀаго вечӀала бечедав чиги.
12Гьардарав гуревдай, сундалъун жиндир хӀалбихьаниги, сабруялда гьеб хӀехьолев чи. Гьеб хӀехьон хадуб гьесие щвела жиндиего рокьулезе Аллагьас къачӀан бугеб шапакъат – абадияб гӀумру. 13Сундалъунниги гьесул хӀалбихьулеб бугони, инсанас абизе бегьиларо Аллагьас жиндир хӀалбихьулеб бугилан. Лъилниги квешлъиялъ Аллагьасул хӀалбихьулареб гӀадин, гьесги щивниги къосинавизе хӀалбихьуларо. 14Амма инсан къосуна, жиндирго квешал къасдаз хадув цӀан, къориниве ккезавидал. 15Цинги гьеб квешаб къасд къинлъун, мунагь гьабула, гьеб мунагь цӀубараб мехалъ – хвел бижула. 16Нужго нужецаго гуккуге, дир хириял вацал! 17Зодихъ бакъ-моцӀги цӀвабиги рижарав, амма живго хисуларев ва жинда бецӀлъи хъатӀуларев Аллагьасдасан лъикӀаб гурони рещтӀунаро, гӀадамазе щолебщинаб камилаб сайигъатги гьесдасан рещтӀараб буго. 18Жиндиего бокьун гьес нилъ хӀакъаб рагӀудалъун цӀидасан рижизаруна. Абизе бегьула жинцаго бижанщиналъул тӀоцебесеб рижилъун нилъ лъугьине бокьун гьабунин гьес гьединилан.
РагӀухъ гӀенеккарал гӀоларо, гьеб тӀубазабизеги ккола
19Нужеда лъай, дир хириял вацал, щивав чи гӀенеккизе хехавлъун, бицине хӀинцавлъун, ццин бахъинеги хӀинцавлъун вукӀине кколевлъи. 20Ццидахун вугев чиясда кӀоларо Аллагьас ритӀухъаблъун рикӀкӀунеб гӀамал цӀунизе. 21Гьединлъидал кинабгоги хъублъи ва нужелъ хутӀараб ццидал асар гӀодобе рехе. Нуж хвасар гьаризе хӀалкӀолъи бугев Аллагьас нужер рекӀелъе рещтӀинабураб рагӀи хӀеренго къабул гьабе. 22Гьеб рагӀухъ гӀенеккарал гӀоларо, гьеб тӀубазабизеги ккола, гурони – нужго нужецаго гуккулел чагӀилъун лъугьуна нуж. 23РагӀухъ гӀенеккулев, амма гьеб тӀубазабуларев чи релълъуна живго кинав вугевали матӀуялъусан вихьарав чиясда. 24МатӀуялда цевеса нахъе аравго кӀочон тола гьесда живго кинав вугевали. 25Камилаб къануналъул – инсан эркенлъизавулеб къануналъул – матӀуялъуве валагьун, гьеб къанун тавакалго цӀунулев ва рагӀарабщинабги кӀочон течӀого тӀубазабулев чияс щиб гьабулеб бугониги, Аллагьас гьесда баркат лъела.
26Живго муъминчи вугин рикӀкӀунев, амма мацӀалда чангит баларев чияс живго жинцаго гуккулев вуго, ва гьесул иман пайда гьечӀеб буго. 27Нилъер Эмен Аллагьасда цебе хъублъиялъул тӀанкӀго гьечӀеб, тӀубанго бацӀцӀадаб иман ккола къваридго ругел бесдалазе ва къоролзабазе кумек гьабиги дуниялалда бугеб квешлъиялдаса рикӀкӀалъиги.
Currently Selected:
Якъубил кагъат 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Якъубил кагъат 1
1
1 бетӀер
Саламалъул рагӀаби
1Аллагьасулги ТӀадегӀанав ГӀиса МасихӀилги лагъ Якъубил салам буго батӀи-батӀияб ракьалда рикь-рикьун ругел ва Аллагьасул халкълъун лъугьарал киналго гӀадамазде.
ХӀалбихьиги сабруги
2ЗахӀмалъи хӀехьезе кӀолищали батӀи-батӀияб къагӀидаялъ нужер хӀалбихьулеб бугони, гьеб нужеца кӀудияб рохеллъун рикӀкӀе, диналъул вацал. 3Божи-иман щулияб бугищали хӀалбихьиялъ сабру бижизабулеблъи лъала нужеда. 4Биччанте сабруялъ нужее кумек гьабизе нужго камиллъизеги, щибго гӀунгутӀи гьечӀеллъун, тӀубанго камилаллъун лъугьинеги.
5Нужеда гьоркьоса лъилниги гӀакъиллъи гӀолеб гьечӀони, бадибчӀвай гьабичӀого, киназего гьеб гьарзаго кьолев Аллагьасда гьаре, Аллагьас кьела гьесие гьеб. 6Амма гьеб гьарулев чи, щибго щаклъи гьечӀого, божизе ккола. Щакдарулев чи релълъуна гьороца рахъ-рахъалде гьелчезабулеб ралъдал карачелалда. 7-8Гьединлъидал цо хӀал кколарев ва сундулъго тавакал гьечӀев чияс хьул гьабуге Аллагьас жиндие щибниги кьелилан.
9Я вацал, гӀодовегӀан вугев чӀухӀизе виччанте, Аллагьасда цеве гьев тӀадегӀанав вугелъул. 10Бечедасдаги лъазе биччанте Аллагьасда цеве гӀодовегӀанав вугевлъи, – харилъ тӀегь гӀадин вечӀазе вуго гьев. 11Бакъ къалъуде бахуна, бухӀи цӀикӀкӀуна, бухӀараб гьури пула, хер бакъвала, гьелъул тӀегь гъенон уна ва тӀогьол тӀолабго гьайбатлъиги хола. Жиндирго ишазде вуссун вукӀаго вечӀала бечедав чиги.
12Гьардарав гуревдай, сундалъун жиндир хӀалбихьаниги, сабруялда гьеб хӀехьолев чи. Гьеб хӀехьон хадуб гьесие щвела жиндиего рокьулезе Аллагьас къачӀан бугеб шапакъат – абадияб гӀумру. 13Сундалъунниги гьесул хӀалбихьулеб бугони, инсанас абизе бегьиларо Аллагьас жиндир хӀалбихьулеб бугилан. Лъилниги квешлъиялъ Аллагьасул хӀалбихьулареб гӀадин, гьесги щивниги къосинавизе хӀалбихьуларо. 14Амма инсан къосуна, жиндирго квешал къасдаз хадув цӀан, къориниве ккезавидал. 15Цинги гьеб квешаб къасд къинлъун, мунагь гьабула, гьеб мунагь цӀубараб мехалъ – хвел бижула. 16Нужго нужецаго гуккуге, дир хириял вацал! 17Зодихъ бакъ-моцӀги цӀвабиги рижарав, амма живго хисуларев ва жинда бецӀлъи хъатӀуларев Аллагьасдасан лъикӀаб гурони рещтӀунаро, гӀадамазе щолебщинаб камилаб сайигъатги гьесдасан рещтӀараб буго. 18Жиндиего бокьун гьес нилъ хӀакъаб рагӀудалъун цӀидасан рижизаруна. Абизе бегьула жинцаго бижанщиналъул тӀоцебесеб рижилъун нилъ лъугьине бокьун гьабунин гьес гьединилан.
РагӀухъ гӀенеккарал гӀоларо, гьеб тӀубазабизеги ккола
19Нужеда лъай, дир хириял вацал, щивав чи гӀенеккизе хехавлъун, бицине хӀинцавлъун, ццин бахъинеги хӀинцавлъун вукӀине кколевлъи. 20Ццидахун вугев чиясда кӀоларо Аллагьас ритӀухъаблъун рикӀкӀунеб гӀамал цӀунизе. 21Гьединлъидал кинабгоги хъублъи ва нужелъ хутӀараб ццидал асар гӀодобе рехе. Нуж хвасар гьаризе хӀалкӀолъи бугев Аллагьас нужер рекӀелъе рещтӀинабураб рагӀи хӀеренго къабул гьабе. 22Гьеб рагӀухъ гӀенеккарал гӀоларо, гьеб тӀубазабизеги ккола, гурони – нужго нужецаго гуккулел чагӀилъун лъугьуна нуж. 23РагӀухъ гӀенеккулев, амма гьеб тӀубазабуларев чи релълъуна живго кинав вугевали матӀуялъусан вихьарав чиясда. 24МатӀуялда цевеса нахъе аравго кӀочон тола гьесда живго кинав вугевали. 25Камилаб къануналъул – инсан эркенлъизавулеб къануналъул – матӀуялъуве валагьун, гьеб къанун тавакалго цӀунулев ва рагӀарабщинабги кӀочон течӀого тӀубазабулев чияс щиб гьабулеб бугониги, Аллагьас гьесда баркат лъела.
26Живго муъминчи вугин рикӀкӀунев, амма мацӀалда чангит баларев чияс живго жинцаго гуккулев вуго, ва гьесул иман пайда гьечӀеб буго. 27Нилъер Эмен Аллагьасда цебе хъублъиялъул тӀанкӀго гьечӀеб, тӀубанго бацӀцӀадаб иман ккола къваридго ругел бесдалазе ва къоролзабазе кумек гьабиги дуниялалда бугеб квешлъиялдаса рикӀкӀалъиги.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023