Байбихьи 50
50
1Инсул жаназаялда къвалги бан, гӀек-гӀекиялда гӀодана Юсуп, гьесул гьурмада убачал гьаруна. 2Ва жиндирго тохтурзабазе гьес буюрухъ кьуна, махӀ бахъине биччаларел дарабиги гьарун, ГӀизраилил жаназа къачӀайилан. Тохтурзаби гьебсагӀаталъго гьесул буюрухъ тӀубазабизе лъугьана ва, 3гьелъие чӀезабураб къагӀидаялъ, кӀикъого къоялда жаниб, дарабиги риччан, къачӀана жаназа. Мисрияз лъабкъоялда анцӀго къоялъ магӀу бахъана гьесда хадуб. 4ЧӀегӀер баялъул болжал индал, Юсупица пиргӀавнасул цересел чагӀазда абуна:
«Дие лъикӀлъи гьабун, нужеца пиргӀавнасда дир рахъалъ абе: 5„Дир инсуца дун гьедизавун вуго, хвараб мехалда жив, жиндие цебеккунго къачӀараб хабалъ, Ханааналда вукъейилан. Бегьулеб батани, виччанте дун эмен вукъизе ине. Гьевги вукъун дун тӀадвуссун вачӀина“».
6ПиргӀавнас абуна:
«Дуе нух битӀаги. Дуцаго гьедараб гьа тӀубазабун, эмен вукъизе а», – ян.
7Юсуп эмен вукъизе ине нухда вахъана. Гьесда цадахъ ана пиргӀавнасул киналго цересел чагӀиги, гьесул чӀухӀби-хӀакимзабиги, чӀахӀиял хъулухъчагӀиги, Мисриялъул кӀудиял чагӀиги, 8Юсупил хъизанги, гьесул киналго вацалги, инсул агьлу-къедги – гӀицӀго гьезул лъималги боцӀиги гурони хутӀичӀо Гошеналъул ракьалда. 9Ран чуялгун чолгьакалги, чотӀахъабазул къокъаги, цӀакъ гӀемераб халкъги букӀана гьезда цадахъ.
10Иордан бахун цебехун бугеб Атадил гьоцӀире щведал, гьениб гьез кутакалда магӀу бахъана. Анкьго къоялъ гӀодана гьел Юсупил инсуда хадур. 11Атадил ГьоцӀиб гӀодулеб гӀалам бихьидал, гьеб ракьалда гӀумру гьабулел ханаанияз цоцазда абулеб букӀана: «Мисриял гӀодулел ругеб куц бихьуларищ!» (Гьединлъидалин Иордан бахун цебехун бугеб гьеб бакӀалда цӀарги Авел-Мицраимилан лъураб#50:11 Авел-Мицраим – гьаб рагӀул магӀна ккола «мисриял гӀодараб бакӀ»..)
12ПалхӀасил, ГӀизраилил васаз инсул васият тӀубазабуна: 13гьесул жаназа Ханааналде босана ва, цебего Ибрагьимица хабалазе букӀине хитияв Эфронихъа босараб, Мамреялда аскӀоб Махпелаялъул хуриб бугеб нохъода букъана. 14Хвелги букъун, Юсупги, гьесул вацалги, гьесул эмен вукъизе рачӀун рукӀаралщиналги Мисриялде тӀад руссана.
Юсуп жиндирго вацазда тӀасалъугьин
15Гьанже, эмен хун хадуб, Юсупил вацаз пикру гьабуна: «Нилъеца щиб гьабилеб Юсупил нилъеда жеги ццин бахъун батани ва нилъеца гьесие гьабурабщинаб квешлъи бецӀизе гьесда ракӀалда батани?» 16Ва гьез Юсупихъе хабар битӀана:
«Хвалда цебе инсуца васият гьабуна, 17нижеца дуда абейила, жинца дуда гьарулеб бугин, вацазул мунагьалдаса, гьезул гӀайиб-хатӀаялдаса – гьез дуе гьабураб квешлъиялдаса – тӀасалъугьайилан. Гьединлъидал, нижги дур инсул Аллагьасул лагъзал ругелъул, нижеда тӀасалъугьа!»
Гьеб ругьел бачӀиндал, гӀодана Юсуп.
18РачӀун вацазги, гьесда цере накабаздаги чӀун, абуна:
«Риччанте ниж дур лагъзаллъун рукӀине!» – ян.
19«Нуж хӀинкъуге, – ян жаваб кьуна Юсупица. – Дун Аллагьищ вугев? 20Нужеца дие квешлъи ургъана, амма Аллагьасул къадаралдалъун гьеб лъикӀлъиялде сверана: гьеб сабаблъун кигӀан гӀемерал чагӀиха хвасарлъарал! 21Гьанже нуж сункьаниги хӀинкъизе ккеларо. Дица хьихьила нужги нужер лъималги».
Гьел рагӀабаз вацал гӀодоре риччазаруна ва гьесул хӀеренаб кӀалъаялъ гьезул ракӀазе асар гьабуна.
Юсуп хвей
22Гьедин Мисриялда гӀумру гьабуна Юсупица жиндирго инсул кинабго агьлу-къедгун цадахъ. Нусиялда анцӀго сон бана гьес. 23Жиндирго вас Ефраимил лъималги ва гьезул лъималги рихьана Юсупида. Гьединго Манассил вас Махирие гьарурал лъимал рихьизеги щвана гьесие.
24«Дун кватӀичӀого хвела, – ян абуна цо къоялъ Юсупица вацазда. – Амма Аллагьасул рахӀму-цӀоб нужеде рещтӀараб, Гьев нужее кумекалъе лъугьараб ва нилъее кьелилан Ибрагьимиеги, ИсхӀакъиеги, Якъубиеги Гьев гьедун вукӀараб ракьалде нуж гьаниса нахъе рачунеб къо хӀакълъунго тӀаде щвезе буго».
25Цинги Юсупица ГӀизраилил васал гьедизаруна, Аллагьасул рахӀму-цӀоб рещтӀараб ва гьезие кумекалъе Гьев лъугьараб мех бачӀиндал, жиндир жаназа гьез Мисриялдаса нахъе босилилан.
26Нусиялда анцӀго сон бараб мехалъ Юсуп хвана. Гьесул жаназа, махӀ бахъине ва туризе биччаларел дарабазги къачӀан, Мисриялда табуталъуб лъун тана.
Currently Selected:
Байбихьи 50: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Байбихьи 50
50
1Инсул жаназаялда къвалги бан, гӀек-гӀекиялда гӀодана Юсуп, гьесул гьурмада убачал гьаруна. 2Ва жиндирго тохтурзабазе гьес буюрухъ кьуна, махӀ бахъине биччаларел дарабиги гьарун, ГӀизраилил жаназа къачӀайилан. Тохтурзаби гьебсагӀаталъго гьесул буюрухъ тӀубазабизе лъугьана ва, 3гьелъие чӀезабураб къагӀидаялъ, кӀикъого къоялда жаниб, дарабиги риччан, къачӀана жаназа. Мисрияз лъабкъоялда анцӀго къоялъ магӀу бахъана гьесда хадуб. 4ЧӀегӀер баялъул болжал индал, Юсупица пиргӀавнасул цересел чагӀазда абуна:
«Дие лъикӀлъи гьабун, нужеца пиргӀавнасда дир рахъалъ абе: 5„Дир инсуца дун гьедизавун вуго, хвараб мехалда жив, жиндие цебеккунго къачӀараб хабалъ, Ханааналда вукъейилан. Бегьулеб батани, виччанте дун эмен вукъизе ине. Гьевги вукъун дун тӀадвуссун вачӀина“».
6ПиргӀавнас абуна:
«Дуе нух битӀаги. Дуцаго гьедараб гьа тӀубазабун, эмен вукъизе а», – ян.
7Юсуп эмен вукъизе ине нухда вахъана. Гьесда цадахъ ана пиргӀавнасул киналго цересел чагӀиги, гьесул чӀухӀби-хӀакимзабиги, чӀахӀиял хъулухъчагӀиги, Мисриялъул кӀудиял чагӀиги, 8Юсупил хъизанги, гьесул киналго вацалги, инсул агьлу-къедги – гӀицӀго гьезул лъималги боцӀиги гурони хутӀичӀо Гошеналъул ракьалда. 9Ран чуялгун чолгьакалги, чотӀахъабазул къокъаги, цӀакъ гӀемераб халкъги букӀана гьезда цадахъ.
10Иордан бахун цебехун бугеб Атадил гьоцӀире щведал, гьениб гьез кутакалда магӀу бахъана. Анкьго къоялъ гӀодана гьел Юсупил инсуда хадур. 11Атадил ГьоцӀиб гӀодулеб гӀалам бихьидал, гьеб ракьалда гӀумру гьабулел ханаанияз цоцазда абулеб букӀана: «Мисриял гӀодулел ругеб куц бихьуларищ!» (Гьединлъидалин Иордан бахун цебехун бугеб гьеб бакӀалда цӀарги Авел-Мицраимилан лъураб#50:11 Авел-Мицраим – гьаб рагӀул магӀна ккола «мисриял гӀодараб бакӀ»..)
12ПалхӀасил, ГӀизраилил васаз инсул васият тӀубазабуна: 13гьесул жаназа Ханааналде босана ва, цебего Ибрагьимица хабалазе букӀине хитияв Эфронихъа босараб, Мамреялда аскӀоб Махпелаялъул хуриб бугеб нохъода букъана. 14Хвелги букъун, Юсупги, гьесул вацалги, гьесул эмен вукъизе рачӀун рукӀаралщиналги Мисриялде тӀад руссана.
Юсуп жиндирго вацазда тӀасалъугьин
15Гьанже, эмен хун хадуб, Юсупил вацаз пикру гьабуна: «Нилъеца щиб гьабилеб Юсупил нилъеда жеги ццин бахъун батани ва нилъеца гьесие гьабурабщинаб квешлъи бецӀизе гьесда ракӀалда батани?» 16Ва гьез Юсупихъе хабар битӀана:
«Хвалда цебе инсуца васият гьабуна, 17нижеца дуда абейила, жинца дуда гьарулеб бугин, вацазул мунагьалдаса, гьезул гӀайиб-хатӀаялдаса – гьез дуе гьабураб квешлъиялдаса – тӀасалъугьайилан. Гьединлъидал, нижги дур инсул Аллагьасул лагъзал ругелъул, нижеда тӀасалъугьа!»
Гьеб ругьел бачӀиндал, гӀодана Юсуп.
18РачӀун вацазги, гьесда цере накабаздаги чӀун, абуна:
«Риччанте ниж дур лагъзаллъун рукӀине!» – ян.
19«Нуж хӀинкъуге, – ян жаваб кьуна Юсупица. – Дун Аллагьищ вугев? 20Нужеца дие квешлъи ургъана, амма Аллагьасул къадаралдалъун гьеб лъикӀлъиялде сверана: гьеб сабаблъун кигӀан гӀемерал чагӀиха хвасарлъарал! 21Гьанже нуж сункьаниги хӀинкъизе ккеларо. Дица хьихьила нужги нужер лъималги».
Гьел рагӀабаз вацал гӀодоре риччазаруна ва гьесул хӀеренаб кӀалъаялъ гьезул ракӀазе асар гьабуна.
Юсуп хвей
22Гьедин Мисриялда гӀумру гьабуна Юсупица жиндирго инсул кинабго агьлу-къедгун цадахъ. Нусиялда анцӀго сон бана гьес. 23Жиндирго вас Ефраимил лъималги ва гьезул лъималги рихьана Юсупида. Гьединго Манассил вас Махирие гьарурал лъимал рихьизеги щвана гьесие.
24«Дун кватӀичӀого хвела, – ян абуна цо къоялъ Юсупица вацазда. – Амма Аллагьасул рахӀму-цӀоб нужеде рещтӀараб, Гьев нужее кумекалъе лъугьараб ва нилъее кьелилан Ибрагьимиеги, ИсхӀакъиеги, Якъубиеги Гьев гьедун вукӀараб ракьалде нуж гьаниса нахъе рачунеб къо хӀакълъунго тӀаде щвезе буго».
25Цинги Юсупица ГӀизраилил васал гьедизаруна, Аллагьасул рахӀму-цӀоб рещтӀараб ва гьезие кумекалъе Гьев лъугьараб мех бачӀиндал, жиндир жаназа гьез Мисриялдаса нахъе босилилан.
26Нусиялда анцӀго сон бараб мехалъ Юсуп хвана. Гьесул жаназа, махӀ бахъине ва туризе биччаларел дарабазги къачӀан, Мисриялда табуталъуб лъун тана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023