Байбихьи 47
47
1ПиргӀавнасухъе вилълъун, Юсупица гьесда абуна:
«Дир эменги вацалги Ханааналдаса рачӀун руго гӀи-боцӀигун ва жидерго буголъигун. Гьанже гьел Гошеналъул ракьалде щун руго».
2Юсупица вацазул щугоявги вачана пиргӀавнасухъе. 3ПиргӀавнас гьикъана нужер махщел-пиша щибилан. Гьезги жаваб кьуна:
«Нижеца, дур лагъзадерица, нижер умумузго гӀадин, гӀи хьихьула», – ян.
4Цоги гьез абуна:
«Ниж гьаб ракьалде рачӀун руго апарагзаби хӀисабалда. Нижее, дур лагъзадерие, гӀи хьихьизе бакӀ гьечӀого буго, щайгурелъул Ханааналда кӀудияб ракъи бугелъул. Гьединлъидал, гьарула дуда, изну кье нижее, дур лагъзадерие, Гошеналъул ракьалда чӀезе».
5ПиргӀавнас Юсупида абуна:
«Дур эменги вацалги рачӀун ругелъул духъе, 6гьаб улка-ракьалъул бищунго лъикӀал бакӀал кье гьезие: тӀолабго Мисриялъул улка дур ихтияралда буго. Риччанте гьел Гошеналъул ракьалда чӀезе. Гьезда гьоркьор махщел бугел чагӀи ратани, дир рехъабазул тӀалаб гьабизеги тӀадкъай гьезда».
7Юсупица пиргӀавнасда цеве вачана жиндирго эмен Якъуб – гьес пиргӀавнасе баракаталъул дугӀа гьабуна. 8Цинги гьес Якъубида гьикъана:
«Дуца чан сон бараб?» – ин.
9«Нусиялда лъеберго соналъул сапар гьабуна дица гьаб дунялалъул рокъоб, – ин жаваб кьуна Якъубица. – Дир гӀумруялъул сонал дагьал ва захӀматал рукӀана! Дир умумузул гӀумруялъул соназде рахунаро гьел».
10Ахиралдаги пиргӀавнасе баракатги гьарун, Якъуб гьесда аскӀоса нахъе вилълъана.
11ПиргӀавнасул амруялда рекъон, Юсупица эменги вацалги рачана Мисриялъул бищунго лъикӀаб ракьалде – Раамсес вилаяталде, ва гьенир гьезие ракьалги кьуна. 12Юсупица инсуеги, вацазеги, инсул тӀолабго зурияталъеги квен-тӀехги чӀезабуна – жиб-жиб хъизамалъе, гьезул чан чи вугевали хӀисабалдеги босун.
Юсупица ракъул заманалда халкъ нухда бачин
13Ахирги бачӀана кибниги бугӀа-ролъ хутӀичӀеб заман – гьедигӀанги кутакаб ракъи букӀана дунялалда. Мисриги Ханаанги тӀуран язихълъана гьел ракъул соназ. 14ГӀадамазе тӀорщел бичун, Юсупица пиргӀавнасул хазинаялде бакӀарана Мисриялъул ракьалдаги Ханааналъул ракьалдаги букӀанщинаб гӀарац. 15Я Мисриялда, я Ханааналда тӀокӀаб гӀарац хутӀичӀеб мехалда, Юсупихъеги рачӀун, киналго мисрияз абуна:
«Гьарула нижее тӀорщел кьеян, гурони дур берда цере ракъуца хвезехъин руго ниж, тӀокӀалъ гӀарацги хутӀичӀо нижехъ».
16«ГӀарац лъугӀараб батани, – ян абуна Юсупица, – нужерго боцӀиги бачун рачӀа, боцӀухъ хисун кьела бугӀа-ролъ».
17Цинги гьез жидерго гӀи-боцӀи бачун бачӀана, ва Юсупица байбихьана гӀи-боцӀухъ хисун гӀадамазе бугӀа-ролъ кьезе: чуязухъ, гӀияхъ, цӀцӀаназухъ, гӀачиязухъ ва хӀамузухъ. ПалхӀасил, гьеб соналъ гьес гьезие тӀорщел кьуна гӀи-боцӀухъ хисун. 18Гьелда хадусеб соналъ нахъеги рачӀана гьел Юсупихъе ва гьез абуна:
«Я нижер бетӀергьан, битӀахъе бицани, нижер гӀарацги лъугӀана, нижер боцӀиги духъ буго гьанже. Нижгоги чӀорогоял хурзалги гурони, дуе, нижер бетӀергьанасе, кьезе тӀокӀаб щибниги хутӀичӀо. 19Дур берда цере хвезе тезе бегьилищха нижги нижер ракьалги! Дуца кванихъ ричун росе нижги нижер хурзалги. Нижерго хурзалгун цадахъ пиргӀавнасул лагъзаллъун рукӀинго лъикӀ нижее. Нижее хуриб бекьизе хьон кье, нижги чӀаго хутӀизе, хурзалги гӀалахалде сверичӀого рукӀине».
20Гьедин Юсупица пиргӀавнасе росана Мисриялъул тӀолалго хурзал. Мисрияз цо хутӀичӀого жидерго хурзал ричана гьесие – гьедигӀанги кутакаб букӀана ракъи. Киналго хурзал пиргӀавнасул мулклъун лъугьана. 21Гьедин улкаялъул цо рагӀалдаса цогидаб рагӀалде щвезегӀан киналго мисриял пиргӀавнасул лагъзаллъун лъугьинаруна Юсупица. 22ГӀицӀго кашишзабазул хурзал ричун росичӀо Юсупица, щайгурелъул кашишзабазе пиргӀавнасдасан напакъа чӀезабун букӀана – гьелъ хьихьулаан гьел. Гьединлъидал гьез жидерго хурзал ричизе ккечӀо.
23Юсупица мисриязда абуна:
«Гьанже дица нужги нужер хурзалги пиргӀавнасе ричун росараб мехалда, босе нужеего хьодуе бугӀа-ролъ ва хурзал рекье. 24Гьанжеялдаса хадуб хуриса бачӀаралъул щуго бутӀа гьабун цо бутӀа пиргӀавнасе кьезе ккола нужеца, хутӀараб ункъго бутӀа те хьодуе ва нужееги, рокъосезеги, лъималазеги квание».
25«Дуца хвасар гьабуна нижер гӀумру! – ян абуна мисрияз. – Мун нижеда гурхӀана, нижер бетӀергьан. Гьанжеялдаса нахъе ниж пиргӀавнасул лагъзал руго».
26Юсупица доб мехалда Мисриялда чӀезабураб къанун гьабсагӀатги къуваталда буго: хуриса бачӀаралъул щуйил бутӀа пиргӀавнасе кьола. ГӀицӀго кашишазул хурзабазул бетӀергьанлъун вахъинчӀо пиргӀавн.
27ГӀизраилал Мисриялда чӀана, ва Гошеналъул ракьал гьезие кьуна. Гьенир гьезие гӀемерал лъимал гьаруна ва халкъги цӀикӀкӀана.
28АнцӀила анкьго сон бана Якъубица Мисриялда, кинабниги гьес бана нусиялда кӀикъоялда анкьго сон. 29Хвезе заман гӀагарлъидал, Юсупги аскӀове ахӀун, гьес абуна:
«Я дир вас, дуца дир хӀурмат гьабулеб батани, дида тӀад кверги лъун гьеде, дуца дир мурад тӀубазабилин ва дун Мисриялда вукъиларин. 30Дир рухӀ нилъерго умумузухъе араб мехалда, Мисриялда тоге дун, умумузул хабалалъ вукъизе, дове восе».
«Дуца абухъе гьабила дица», – ян жаваб кьуна Юсупица.
31«Гьеде дида цеве», – ян абуна Якъубица.
Юсуп гьедана ва бусада вегун вукӀарав Якъубицаги, къандалъоялда тӀаде бетӀерги къулизабун, сужда гьабуна.
Currently Selected:
Байбихьи 47: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Байбихьи 47
47
1ПиргӀавнасухъе вилълъун, Юсупица гьесда абуна:
«Дир эменги вацалги Ханааналдаса рачӀун руго гӀи-боцӀигун ва жидерго буголъигун. Гьанже гьел Гошеналъул ракьалде щун руго».
2Юсупица вацазул щугоявги вачана пиргӀавнасухъе. 3ПиргӀавнас гьикъана нужер махщел-пиша щибилан. Гьезги жаваб кьуна:
«Нижеца, дур лагъзадерица, нижер умумузго гӀадин, гӀи хьихьула», – ян.
4Цоги гьез абуна:
«Ниж гьаб ракьалде рачӀун руго апарагзаби хӀисабалда. Нижее, дур лагъзадерие, гӀи хьихьизе бакӀ гьечӀого буго, щайгурелъул Ханааналда кӀудияб ракъи бугелъул. Гьединлъидал, гьарула дуда, изну кье нижее, дур лагъзадерие, Гошеналъул ракьалда чӀезе».
5ПиргӀавнас Юсупида абуна:
«Дур эменги вацалги рачӀун ругелъул духъе, 6гьаб улка-ракьалъул бищунго лъикӀал бакӀал кье гьезие: тӀолабго Мисриялъул улка дур ихтияралда буго. Риччанте гьел Гошеналъул ракьалда чӀезе. Гьезда гьоркьор махщел бугел чагӀи ратани, дир рехъабазул тӀалаб гьабизеги тӀадкъай гьезда».
7Юсупица пиргӀавнасда цеве вачана жиндирго эмен Якъуб – гьес пиргӀавнасе баракаталъул дугӀа гьабуна. 8Цинги гьес Якъубида гьикъана:
«Дуца чан сон бараб?» – ин.
9«Нусиялда лъеберго соналъул сапар гьабуна дица гьаб дунялалъул рокъоб, – ин жаваб кьуна Якъубица. – Дир гӀумруялъул сонал дагьал ва захӀматал рукӀана! Дир умумузул гӀумруялъул соназде рахунаро гьел».
10Ахиралдаги пиргӀавнасе баракатги гьарун, Якъуб гьесда аскӀоса нахъе вилълъана.
11ПиргӀавнасул амруялда рекъон, Юсупица эменги вацалги рачана Мисриялъул бищунго лъикӀаб ракьалде – Раамсес вилаяталде, ва гьенир гьезие ракьалги кьуна. 12Юсупица инсуеги, вацазеги, инсул тӀолабго зурияталъеги квен-тӀехги чӀезабуна – жиб-жиб хъизамалъе, гьезул чан чи вугевали хӀисабалдеги босун.
Юсупица ракъул заманалда халкъ нухда бачин
13Ахирги бачӀана кибниги бугӀа-ролъ хутӀичӀеб заман – гьедигӀанги кутакаб ракъи букӀана дунялалда. Мисриги Ханаанги тӀуран язихълъана гьел ракъул соназ. 14ГӀадамазе тӀорщел бичун, Юсупица пиргӀавнасул хазинаялде бакӀарана Мисриялъул ракьалдаги Ханааналъул ракьалдаги букӀанщинаб гӀарац. 15Я Мисриялда, я Ханааналда тӀокӀаб гӀарац хутӀичӀеб мехалда, Юсупихъеги рачӀун, киналго мисрияз абуна:
«Гьарула нижее тӀорщел кьеян, гурони дур берда цере ракъуца хвезехъин руго ниж, тӀокӀалъ гӀарацги хутӀичӀо нижехъ».
16«ГӀарац лъугӀараб батани, – ян абуна Юсупица, – нужерго боцӀиги бачун рачӀа, боцӀухъ хисун кьела бугӀа-ролъ».
17Цинги гьез жидерго гӀи-боцӀи бачун бачӀана, ва Юсупица байбихьана гӀи-боцӀухъ хисун гӀадамазе бугӀа-ролъ кьезе: чуязухъ, гӀияхъ, цӀцӀаназухъ, гӀачиязухъ ва хӀамузухъ. ПалхӀасил, гьеб соналъ гьес гьезие тӀорщел кьуна гӀи-боцӀухъ хисун. 18Гьелда хадусеб соналъ нахъеги рачӀана гьел Юсупихъе ва гьез абуна:
«Я нижер бетӀергьан, битӀахъе бицани, нижер гӀарацги лъугӀана, нижер боцӀиги духъ буго гьанже. Нижгоги чӀорогоял хурзалги гурони, дуе, нижер бетӀергьанасе, кьезе тӀокӀаб щибниги хутӀичӀо. 19Дур берда цере хвезе тезе бегьилищха нижги нижер ракьалги! Дуца кванихъ ричун росе нижги нижер хурзалги. Нижерго хурзалгун цадахъ пиргӀавнасул лагъзаллъун рукӀинго лъикӀ нижее. Нижее хуриб бекьизе хьон кье, нижги чӀаго хутӀизе, хурзалги гӀалахалде сверичӀого рукӀине».
20Гьедин Юсупица пиргӀавнасе росана Мисриялъул тӀолалго хурзал. Мисрияз цо хутӀичӀого жидерго хурзал ричана гьесие – гьедигӀанги кутакаб букӀана ракъи. Киналго хурзал пиргӀавнасул мулклъун лъугьана. 21Гьедин улкаялъул цо рагӀалдаса цогидаб рагӀалде щвезегӀан киналго мисриял пиргӀавнасул лагъзаллъун лъугьинаруна Юсупица. 22ГӀицӀго кашишзабазул хурзал ричун росичӀо Юсупица, щайгурелъул кашишзабазе пиргӀавнасдасан напакъа чӀезабун букӀана – гьелъ хьихьулаан гьел. Гьединлъидал гьез жидерго хурзал ричизе ккечӀо.
23Юсупица мисриязда абуна:
«Гьанже дица нужги нужер хурзалги пиргӀавнасе ричун росараб мехалда, босе нужеего хьодуе бугӀа-ролъ ва хурзал рекье. 24Гьанжеялдаса хадуб хуриса бачӀаралъул щуго бутӀа гьабун цо бутӀа пиргӀавнасе кьезе ккола нужеца, хутӀараб ункъго бутӀа те хьодуе ва нужееги, рокъосезеги, лъималазеги квание».
25«Дуца хвасар гьабуна нижер гӀумру! – ян абуна мисрияз. – Мун нижеда гурхӀана, нижер бетӀергьан. Гьанжеялдаса нахъе ниж пиргӀавнасул лагъзал руго».
26Юсупица доб мехалда Мисриялда чӀезабураб къанун гьабсагӀатги къуваталда буго: хуриса бачӀаралъул щуйил бутӀа пиргӀавнасе кьола. ГӀицӀго кашишазул хурзабазул бетӀергьанлъун вахъинчӀо пиргӀавн.
27ГӀизраилал Мисриялда чӀана, ва Гошеналъул ракьал гьезие кьуна. Гьенир гьезие гӀемерал лъимал гьаруна ва халкъги цӀикӀкӀана.
28АнцӀила анкьго сон бана Якъубица Мисриялда, кинабниги гьес бана нусиялда кӀикъоялда анкьго сон. 29Хвезе заман гӀагарлъидал, Юсупги аскӀове ахӀун, гьес абуна:
«Я дир вас, дуца дир хӀурмат гьабулеб батани, дида тӀад кверги лъун гьеде, дуца дир мурад тӀубазабилин ва дун Мисриялда вукъиларин. 30Дир рухӀ нилъерго умумузухъе араб мехалда, Мисриялда тоге дун, умумузул хабалалъ вукъизе, дове восе».
«Дуца абухъе гьабила дица», – ян жаваб кьуна Юсупица.
31«Гьеде дида цеве», – ян абуна Якъубица.
Юсуп гьедана ва бусада вегун вукӀарав Якъубицаги, къандалъоялда тӀаде бетӀерги къулизабун, сужда гьабуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023