Байбихьи 37
37
Юсупида рихьарал макьаби
1Якъубин абуни, цеве жиндирго эмен вукӀараб бакӀалда – Ханааналда – гӀумру гьабун чӀана.
2Гьале Якъубилги гьесул наслабазулги къиса.
Юсуп вукӀана анцӀила анкьго сон барав гӀолохъанчи. Вацазда цадахъ гӀи хьихьун вукӀана гьев, Билгьал ва Зилпал васазе кумек гьабун. Гьез щиб гьабуниги, гьеб Юсупица инсуда бицунаан. 3Юсуп вукӀана Якъубие хераб къоялъ гьавурав вас. Гьединлъидал цогидал васаздаса цӀикӀкӀун вокьулаан Якъубие гьев ва накъишал угьараб хирияб гурдецин сайгъат гьабуна гьес Юсупие#37:3 Накъишал тӀад угьараб гурде рикӀкӀунаан кутакалда хирияб ва чӀухӀараб ретӀеллъун.. 4Инсуе Юсуп жидедасаго цӀикӀкӀун вокьулев вукӀин бихьун, вацазул гьесдехун рокьукълъи букӀана. Берцинаб кӀалцин кӀалъалароан гьез гьасда.
5Цо нухалъ Юсупида макьу бихьана. Жиндирго вацазда гьеб макьу бицаралдаса хадуб, жеги цӀикӀкӀун рихана гьезие гьав.
6«ГӀенекке, – ян абуна гьес. – Дида бихьараб макьу бицинин! 7Нилъ руго хурир гул къалел. Цинги дир гул бахъун чӀана, амма нужер гулаз, гьелда сверухъ чӀун, гьелъие сужда гьабуна!»
8Вацаз абуна:
«Гьа, гьанже нижер ханлъунги вахъун, нижее бетӀерлъи гьабизе къасдцин гурищ дур бугеб?»
Цинги жеги цӀикӀкӀана гьезулъ гьасде рокьукълъи – гьесул макьаби сабаблъунги, харбал сабаблъунги. 9Цинги нахъеги макьу бихьана Юсупида ва гьебги бицана жиндирго вацазда:
«Цоги макьу бихьана дида: бакъги, моцӀги, анцӀила цо цӀваги дида цере суждаялда чӀана!»
10Гьеб макьу гьес инсудаги вацаздаги бициндал, эмен гьесде семана:
«Гьалго кинал макьаби дуда рихьулел ругел? Унго-унголъунги дуда ракӀалдейищ кколеб, ниж киналго – дунги, дур эбелги, вацалги – рачӀун, дуда цере суждаялда чӀезе ругин абун?»
11Вацазул кӀудияб жахӀда букӀана Юсупидехун, амма инсуца рекӀелъ цӀунана гьес бицараб макьу.
Вацаз Юсуп лагълъиялде вичи
12Цо нухалда Юсупил вацал инсул гӀи кваназабизе ана Шехемалда гӀагарлъухъе.
13ГӀизраилица Юсупида абуна:
«Дур вацал Шехемалда гӀагарлъухъ гӀи кваназабулел руго. Дица мунги витӀилин гьезда хадув».
«Ине хӀадур вуго, дада», – ян абуна Юсупица инсуда.
14«Аха, дир вас, – ин абуна гьес. – Дол сах-саламат ругищали ва гӀи кин бугебали хал гьабе. Цинги тӀадвуссун вачӀун дида бице».
Гьединги абун, инсуца Юсуп нухарегӀана. Хевроналъул расалъиги нахъа тун, гьев Шехемалде ана. 15Гьенив гьесда цо чи дандчӀвана.
«Щиб дуца гьаниб балагьулеб бугеб?» – ин гьикъана гьес авлахъалда тирулев ватарав Юсупида.
16«Дирго вацал ралагьулев вуго, – ян жаваб кьуна Юсупица. – Рехъабигун гьел ругеб бакӀ лъаларищ дуда?»
17«Гьел гьаниса ана, – ян абуна дос. – Дида рагӀана гьез Дотаналдехун#37:17 Дотан – гьеб шагьар Шехемалдаса шималалъул рахъалдехун 20 километраялъул манзилалда букӀана. ине ругин абулеб».
Юсуп вацазда хадув ана ва Дотаналда ратана гьесда гьел. 18РикӀкӀадасанго вихьана гьезда Юсуп, ва, гьев аскӀове гӀагарлъилалде, гьезул къотӀи ккана вац чӀвазе.
19«Доле нилъер макьаби рихьулев чи! – ян абуна гьез цоцазда. 20– ЧӀвазеги чӀван, гьанив цо гвандиниве рехила нилъеца дов ва жанаваралъ чӀванилан абила. Гьебмехалда бихьила досул макьаби кин тӀуралелали!»
21Амма Рувимида гьеб рагӀидал, гьес Юсуп чӀвазе виччачӀо.
«ЧӀвазе ккеларо дов, – ин абуна гьес. 22– Би гӀодобе тӀун щай нилъее? Гьедин досде квер борхиялдаса, доле доба гӀицӀаб авлахъалъул бакьулъ бугеб гвандиниве рехун лъикӀ нилъеца дов».
(ХӀакъикъаталда гьесие бокьун букӀана Юсуп хвасар гьавизе ва гьев инсухъе нахъ вуссинавизе.)
23Юсуп вацазда аскӀове щваравго, гьез гьасда тӀаса бахъана батӀи-батӀиял накъишал тӀад угьараб гурде 24ва, кквезеги ккун, гвандиниве рехана. Гьеб лъим бакӀарулеб гвенд гьеб заманалда чӀобого букӀана. 25Цинги вацал кваназе гӀодор чӀана. ГӀодор чӀун мех балелде ГилгӀадалъул рахъалдасан бачӀунеб бихьана исмагӀилилазул къапила – варанабазда лъун махӀгьуинал пицӀалги, ладанги, бальзамги босун, Мисриялде унел рукӀана гьел.
26Ягьудаца жиндирго вацазда абуна:
«Гьев чӀваялдаса ва гӀодобе тӀураб би балъго гьабиялдаса щиб пайда нилъее бугеб? 27РачӀа нилъеца гьев исмагӀилилазе вичизе, цинги нилъеда тӀад бидул хӀакъги букӀинаро. Нилъер вацлъидалха гьев».
Вацал гьелда разилъана. 28Мидяналъул базаргаби аскӀорегӀан щвараб мехалда, вацаз, гвандинисаги вахъун, Юсуп исмагӀилилазе вичана гӀарцул къого шекелалъухъ, ва гьезги гьев Мисриялде вачун ана.
29Цодагьаб заманалдаса Рувим тӀадвуссун вачӀана ва гвандихъе ана, амма Юсуп гьенив ватичӀо! Гьебмехалъ чара бухӀун жиндаго тӀад букӀараб ретӀел бихъана Рувимица.
30Вацазда аскӀовеги вачӀун, гьес абуна:
«Вас дова гьечӀогури! Гьанже дица щиб гьабилеб, дун киве кӀанцӀилев?!»
31Вацазин абуни, Юсупил накъишал тӀад угьараб гурде, цо дегӀенги хъун, гьелъул бидул цӀезабуна. 32Цинги гьебги босун инсухъе рилълъана ва гьесда абуна:
«Балагье нижеда батараб жо! Дур васасул гурде бугищ гьабали халгьабе».
33Балагьараб сагӀаталъго гьебги лъан, Якъубица абуна:
«Вай, дир васасул гурде! Жанаваралъ чӀван вуго дир вас! ЧӀвазеги чӀван, гьелъ тӀутӀун ван вуго Юсуп!»
34Жиндаго тӀад букӀараб ретӀелги бихъ-бихъун, хӀебтил ххамил цо кесекги гӀицӀаб черхалда жемун, гӀемерал къояз тӀатӀала Юсупихъ магӀу тӀуна Якъубица. 35Киналго лъимал рачӀана гьесда аскӀоре, гьесул ракӀбатизабизе, амма Якъубил рекӀее щибниги бигьалъи букӀинчӀо.
«Те дун! ГӀодилевго гӀодилев вукӀина ва тӀолаго магӀугун ина дирго васасухъе барзахалдеги!»
Гьедин Юсупихъ гӀодилев вукӀана Якъуб.
36Гьеб заманалда мидянияз Юсуп Мисриялде вачана ва Потифарие вичана. Гьев вукӀана пиргӀавн цӀунулел рагъухъабазул бетӀер.
Currently Selected:
Байбихьи 37: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Байбихьи 37
37
Юсупида рихьарал макьаби
1Якъубин абуни, цеве жиндирго эмен вукӀараб бакӀалда – Ханааналда – гӀумру гьабун чӀана.
2Гьале Якъубилги гьесул наслабазулги къиса.
Юсуп вукӀана анцӀила анкьго сон барав гӀолохъанчи. Вацазда цадахъ гӀи хьихьун вукӀана гьев, Билгьал ва Зилпал васазе кумек гьабун. Гьез щиб гьабуниги, гьеб Юсупица инсуда бицунаан. 3Юсуп вукӀана Якъубие хераб къоялъ гьавурав вас. Гьединлъидал цогидал васаздаса цӀикӀкӀун вокьулаан Якъубие гьев ва накъишал угьараб хирияб гурдецин сайгъат гьабуна гьес Юсупие#37:3 Накъишал тӀад угьараб гурде рикӀкӀунаан кутакалда хирияб ва чӀухӀараб ретӀеллъун.. 4Инсуе Юсуп жидедасаго цӀикӀкӀун вокьулев вукӀин бихьун, вацазул гьесдехун рокьукълъи букӀана. Берцинаб кӀалцин кӀалъалароан гьез гьасда.
5Цо нухалъ Юсупида макьу бихьана. Жиндирго вацазда гьеб макьу бицаралдаса хадуб, жеги цӀикӀкӀун рихана гьезие гьав.
6«ГӀенекке, – ян абуна гьес. – Дида бихьараб макьу бицинин! 7Нилъ руго хурир гул къалел. Цинги дир гул бахъун чӀана, амма нужер гулаз, гьелда сверухъ чӀун, гьелъие сужда гьабуна!»
8Вацаз абуна:
«Гьа, гьанже нижер ханлъунги вахъун, нижее бетӀерлъи гьабизе къасдцин гурищ дур бугеб?»
Цинги жеги цӀикӀкӀана гьезулъ гьасде рокьукълъи – гьесул макьаби сабаблъунги, харбал сабаблъунги. 9Цинги нахъеги макьу бихьана Юсупида ва гьебги бицана жиндирго вацазда:
«Цоги макьу бихьана дида: бакъги, моцӀги, анцӀила цо цӀваги дида цере суждаялда чӀана!»
10Гьеб макьу гьес инсудаги вацаздаги бициндал, эмен гьесде семана:
«Гьалго кинал макьаби дуда рихьулел ругел? Унго-унголъунги дуда ракӀалдейищ кколеб, ниж киналго – дунги, дур эбелги, вацалги – рачӀун, дуда цере суждаялда чӀезе ругин абун?»
11Вацазул кӀудияб жахӀда букӀана Юсупидехун, амма инсуца рекӀелъ цӀунана гьес бицараб макьу.
Вацаз Юсуп лагълъиялде вичи
12Цо нухалда Юсупил вацал инсул гӀи кваназабизе ана Шехемалда гӀагарлъухъе.
13ГӀизраилица Юсупида абуна:
«Дур вацал Шехемалда гӀагарлъухъ гӀи кваназабулел руго. Дица мунги витӀилин гьезда хадув».
«Ине хӀадур вуго, дада», – ян абуна Юсупица инсуда.
14«Аха, дир вас, – ин абуна гьес. – Дол сах-саламат ругищали ва гӀи кин бугебали хал гьабе. Цинги тӀадвуссун вачӀун дида бице».
Гьединги абун, инсуца Юсуп нухарегӀана. Хевроналъул расалъиги нахъа тун, гьев Шехемалде ана. 15Гьенив гьесда цо чи дандчӀвана.
«Щиб дуца гьаниб балагьулеб бугеб?» – ин гьикъана гьес авлахъалда тирулев ватарав Юсупида.
16«Дирго вацал ралагьулев вуго, – ян жаваб кьуна Юсупица. – Рехъабигун гьел ругеб бакӀ лъаларищ дуда?»
17«Гьел гьаниса ана, – ян абуна дос. – Дида рагӀана гьез Дотаналдехун#37:17 Дотан – гьеб шагьар Шехемалдаса шималалъул рахъалдехун 20 километраялъул манзилалда букӀана. ине ругин абулеб».
Юсуп вацазда хадув ана ва Дотаналда ратана гьесда гьел. 18РикӀкӀадасанго вихьана гьезда Юсуп, ва, гьев аскӀове гӀагарлъилалде, гьезул къотӀи ккана вац чӀвазе.
19«Доле нилъер макьаби рихьулев чи! – ян абуна гьез цоцазда. 20– ЧӀвазеги чӀван, гьанив цо гвандиниве рехила нилъеца дов ва жанаваралъ чӀванилан абила. Гьебмехалда бихьила досул макьаби кин тӀуралелали!»
21Амма Рувимида гьеб рагӀидал, гьес Юсуп чӀвазе виччачӀо.
«ЧӀвазе ккеларо дов, – ин абуна гьес. 22– Би гӀодобе тӀун щай нилъее? Гьедин досде квер борхиялдаса, доле доба гӀицӀаб авлахъалъул бакьулъ бугеб гвандиниве рехун лъикӀ нилъеца дов».
(ХӀакъикъаталда гьесие бокьун букӀана Юсуп хвасар гьавизе ва гьев инсухъе нахъ вуссинавизе.)
23Юсуп вацазда аскӀове щваравго, гьез гьасда тӀаса бахъана батӀи-батӀиял накъишал тӀад угьараб гурде 24ва, кквезеги ккун, гвандиниве рехана. Гьеб лъим бакӀарулеб гвенд гьеб заманалда чӀобого букӀана. 25Цинги вацал кваназе гӀодор чӀана. ГӀодор чӀун мех балелде ГилгӀадалъул рахъалдасан бачӀунеб бихьана исмагӀилилазул къапила – варанабазда лъун махӀгьуинал пицӀалги, ладанги, бальзамги босун, Мисриялде унел рукӀана гьел.
26Ягьудаца жиндирго вацазда абуна:
«Гьев чӀваялдаса ва гӀодобе тӀураб би балъго гьабиялдаса щиб пайда нилъее бугеб? 27РачӀа нилъеца гьев исмагӀилилазе вичизе, цинги нилъеда тӀад бидул хӀакъги букӀинаро. Нилъер вацлъидалха гьев».
Вацал гьелда разилъана. 28Мидяналъул базаргаби аскӀорегӀан щвараб мехалда, вацаз, гвандинисаги вахъун, Юсуп исмагӀилилазе вичана гӀарцул къого шекелалъухъ, ва гьезги гьев Мисриялде вачун ана.
29Цодагьаб заманалдаса Рувим тӀадвуссун вачӀана ва гвандихъе ана, амма Юсуп гьенив ватичӀо! Гьебмехалъ чара бухӀун жиндаго тӀад букӀараб ретӀел бихъана Рувимица.
30Вацазда аскӀовеги вачӀун, гьес абуна:
«Вас дова гьечӀогури! Гьанже дица щиб гьабилеб, дун киве кӀанцӀилев?!»
31Вацазин абуни, Юсупил накъишал тӀад угьараб гурде, цо дегӀенги хъун, гьелъул бидул цӀезабуна. 32Цинги гьебги босун инсухъе рилълъана ва гьесда абуна:
«Балагье нижеда батараб жо! Дур васасул гурде бугищ гьабали халгьабе».
33Балагьараб сагӀаталъго гьебги лъан, Якъубица абуна:
«Вай, дир васасул гурде! Жанаваралъ чӀван вуго дир вас! ЧӀвазеги чӀван, гьелъ тӀутӀун ван вуго Юсуп!»
34Жиндаго тӀад букӀараб ретӀелги бихъ-бихъун, хӀебтил ххамил цо кесекги гӀицӀаб черхалда жемун, гӀемерал къояз тӀатӀала Юсупихъ магӀу тӀуна Якъубица. 35Киналго лъимал рачӀана гьесда аскӀоре, гьесул ракӀбатизабизе, амма Якъубил рекӀее щибниги бигьалъи букӀинчӀо.
«Те дун! ГӀодилевго гӀодилев вукӀина ва тӀолаго магӀугун ина дирго васасухъе барзахалдеги!»
Гьедин Юсупихъ гӀодилев вукӀана Якъуб.
36Гьеб заманалда мидянияз Юсуп Мисриялде вачана ва Потифарие вичана. Гьев вукӀана пиргӀавн цӀунулел рагъухъабазул бетӀер.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023