Байбихьи 27
27
ГӀисавие щвезе кколеб баракат Якъубие щвей
1Херлъунги беццлъунги вугев ИсхӀакъица цо къоялъ кӀудияв вас жиндаго аскӀове ахӀана:
«Я дир вас!» – ин ахӀана гьес.
«Дун гьанив вуго, дада», – ян жаваб кьуна ГӀисавица.
2ИсхӀакъица абуна:
«Дун гьанже херлъун вуго, хвезе чан къо хутӀун бугебалиги лъаларо. 3Босе дурго ярагъги – чӀорбутӀги чӀоралги – ва чанаве а. 4Чанил гьанги босун вачӀун, гьелъул квен гьабе дие бокьулеб къагӀидаялъ. Гьебги кванан, дунго хвелалде цебе дица дуе дугӀа гьабила, БЕТӀЕРГЬАНАСУЛ баракат дуде рещтӀине#27:4 ТӀоцеве гьавурав васасухъе Инсуца хвалда цебе кьезе кколаан кинабго жиндир буголъиялъул кверщел ва Аллагьасдасан щвараб баракат. Гьедин гьабураб васият хисизабизе рес букӀинчӀо.».
5Ривкада рагӀана ИсхӀакъица жиндирго вас ГӀисавида абурал гьел рагӀаби. ГӀисав чанаве аравго, 6гьелъ Якъубида абуна:
«Дида рагӀана дур инсуца ГӀисавида абулеб:
7„Чанил гьанги босун вачӀун, дие бокьулеб къагӀидаялъ гьелъул квен гьабе. Гьеб гьанги кванан, дунго хвелалде цебе дица дуе дугӀа гьабила, БЕТӀЕРГЬАНАСУЛ баракат дуде рещтӀине“, – ян.
8Гьанже, дир вас, мун мухӀканго дихъ гӀенекке ва дица малъараб гьабе. 9Векерун ун, рехъалъа тӀаса бищун, кӀиго лъикӀаб бурутӀги бачун вачӀа. Дица гьезул гьанал, дур инсуе бокьулеб къагӀидаялъ, тӀагӀамаб квен гьабила. 10Гьебги босун мун инсухъе ина, гьес, гьебги кванан, дуе дугӀа гьабизе ва живго хвелалде цебе баракатги дуе кьезе».
11Амма ИсхӀакъица Ривкада абуна:
«Дир вац вуго расул цӀурав чи. Дирин абуни, цӀвакараб тӀом буго. 12Нагагь инсуца дида квер хъвани, щиб гьабилеб? Дица гьев гуккулев вукӀин тӀатани, гьес дие баракат кьеларо, нагӀана кьела».
13Амма эбелалъ абуна:
«Гьеб нагӀана дица дидаго тӀаде босила, дир вас. Мунин абуни, дихъ гӀенекке. БуртӀал рачине а».
14Якъубица буртӀал рачун рачӀана. Ривкаца ИсхӀакъие бокьулеб къагӀидаялъ тӀагӀамаб квен хӀадурана. 15Цинги гьелъ къавулъ батараб жиндирго цӀикӀкӀарав вас ГӀисавил бищунго лъикӀаб ретӀел гьитӀинав вас Якъубида ретӀинабуна. 16Гьесул квералги габурги буртӀазул цӀакаца рацизаруна. 17Цинги бухӀилаго квенги чедги Якъубихъе кьуна.
18«Дада», – ян абуна гьес, инсуда тӀадеги ун.
«Я дир вас! – ин абуна ИсхӀакъица. – Мун кинавав?»
19«Дун ГӀисав вуго, дуе тӀоцеве гьавурав, – ин жаваб кьуна Якъубица инсуе. – Дуца абурабщинаб гьабуна дица. ТӀаде ворхун, гӀодов чӀа, чанил гьан кваназе ва дие баракатги кьезе».
20ИсхӀакъица гьикъана:
«Я дир вас, гьедигӀан хехго чан кин духъе щвараб?»
Гьес жаваб кьуна:
«БЕТӀЕРГЬАНАС – дур Аллагьас – квербакъана дие», – ян.
21«Гьаниве аскӀовегӀан вачӀа, дир вас, – ин абуна ИсхӀакъица. – ХӀакълъунго мун ГӀисав вугищали цо квер квашилин дуда».
22Якъуб инсуда аскӀове ана ва гьес, гьасда кверги кващун, абуна:
«Гьаракь Якъубил буго, кверал ГӀисавил руго», – ян.
23ГӀисавилго гӀадин, гьесул квералги расул цӀун ратидал, ИсхӀакъида лъачӀо гьев Якъуб вукӀин ва гьесие дугӀа гьабизе лъугьана.
24«Мун дир вас ГӀисавищха?» – ян гьикъана гьес Якъубида.
«У, дир дада», – ян абуна гьас.
25ИсхӀакъица абуна:
«Дуца бачӀараб чанил гьан кье, дир вас, кваназе, хадуб дица дуе баракат кьолеб дугӀа гьабила».
Якъубица инсуда цебе лъуна квенги чагъирги. Квана-гьекъон вахъараб мехалда, 26ИсхӀакъица абуна:
«АскӀове вачӀун, убач гьабе, дир вас, дида».
27Инсуда аскӀовегӀанги къан, убач гьабуна Якъубица. Гьесул ратӀлидасан махӀ чӀвайдал, гьесие баракат кьун, ИсхӀакъица гьадин абуна:
«БЕТӀЕРГЬАНАС баракат лъураб
мегӀер-гӀалахалъул махӀ буго дир васасдасан.
28Аллагьас дуе гьарзаго кьеги
зобалаздасан рогьалил щубги ракьалдасан нигӀматалги.
Дур хурул бачӀин цӀикӀкӀаги, чагъирги гӀемерлъаги.
29Биччанте халкъаз дуй хъулухъ гьабизе,
къавмазги биччанте дуе бетӀер къулизе.
Вацазда тӀадги мун хан вукӀина:
дур эбелалъул наслабаз бетӀер къулила дуе.
Дуе нагӀана кьуразе нагӀана щвела,
дуда баракат лъегиян абуразда баракатги лъела».
30ИсхӀакъица баракатги кьун, Якъуб ИсхӀакъида аскӀоса къватӀиве лъугьаравго, чанаса вуссун тӀаде щвана гьесул вац ГӀисав. 31Инсуе бокьулеб квен гьабуна гьесги ва, гьебги босун вачӀун, инсуда абуна:
«ТӀаде ворха, дир дада, дица бачӀараб чанил гьан кваназе, ва дида баракат лъолеб дугӀаги гьабизе».
32«Мун щив?» – ан гьикъана ИсхӀакъица.
«Дун вуго дур вас, дуе тӀоцеве гьавурав вас ГӀисав», – абун жаваб кьуна гьас.
33Гъаргъар щун сородана цинги ИсхӀакъ ва гьес абуна:
«Чанил гьан дида кваназабурав дов чи щивха кколев, гьедин батани? Мун вачӀиналде цебе дица гьесие баракатги кьун, гьабунагури дугӀа! Гьесда тӀад букӀина гьанже гьеб баракат!»
34Гьел рагӀаби рагӀидал, чара бухӀун ахӀдезе лъугьана ГӀисав. Цинги гьес инсуда гьарана:
«Диеги баракат кьеха, дир дада, диеги баракат кьеха!» – абун.
35Амма гьес жаваб кьуна:
«Дур вацас вачӀун махсароде ккуна дун, ва гьес бахъун ана дуе кьезе кколеб букӀараб баракат».
36ГӀисавица абуна:
«ЧӀалгӀаде гуро досда Якъубилан абулеб – кӀицӀулго гуккана дос дун!#27:36 Якъуб – жугьутӀ мацӀалда гьаб цӀар релълъуна «эгъе ккурав» ва «гукки» абураб магӀна бугел рагӀабазда. Цо бугони, дос дихъа бахъун ана тӀоцеве гьавурасул даража. Гьале гьанже дие щвезе кколеб букӀараб баракатги ана бахъун».
Цинги ГӀисавица инсуда абуна: «Дие кьезе баракатгойищха дур хутӀичӀеб?» – ин.
37ИсхӀакъица жаваб кьуна:
«Дуда тӀад ханлъун гьавуна дица дов, кинабго гӀагарлъиги досул лагъзаллъун гьаруна, хурул бачӀинги чагъирги досие насиблъизе гьабуна. Гьанже дица дуе щибха кьелеб, дир вас?»
38«ЦохӀо баракатищха, дир дада, дур букӀараб? Диеги кьеха, дада, баракат!» – инги абун, ГӀисав гӀек-гӀекиялда гӀодана. 39Ва ИсхӀакъица абуна:
«ЛъикӀаб тӀорщел бижулел хурзабаздасаги
зодисан рещтӀунеб рогьалил щубалдасаги
рикӀкӀад рукӀина дуца яшав гьабулел бакӀал.
40Дур бетӀербахъиги хвалчадалъун букӀина,
дурго вацасе лагълъун вукӀина мун.
Амма мун гьесда данде къеркьела,
ва гьесул рукьги тӀаса рехун, эркенлъи щвела».
Якъуб Лаванихъе лъути
41Инсул баракат гьесие щвеялъ, Якъубида кутакалда ццин бахъун вукӀана ГӀисав.
«Инсухъ чӀегӀер барал къоял рачӀиндал, чӀван рехила дица дирго вац Якъуб», – абун пикрабазда вукӀана гьев.
42Амма Ривкада лъана гьелъул кӀудияв васасул ракӀалда бугеб къасд. ГьитӀинав вас Якъубги аскӀове ахӀун, гьелъ абуна:
«Мун чӀвазе къасд буго дур вац ГӀисавил. 43Дица малъараб гьабе, дир вас. Дир вац Лаванихъе Харраналде лъута мун. 44Дур вацасул ццин гӀодобуссинегӀан, 45дуде бугеб гьесул гьалагаб ццин чучизегӀан ва дуца гьесие гьабураб хӀилла-макру гьесда кӀочон тезегӀан дова чӀа. Хадуб дица дуда хадув чи витӀила мун доваса нахъе вачине. Гурони, цого къоялъ кӀиявго васасдаса ятӀалъараб къо бачӀинехъин буго дида тӀаде».
46Ривкаца ИсхӀакъида абуна:
«Гьал хитиязул ясаз дунял рихинабун буго дида. Гьанже гьаздаго релълъарай хитияй Якъубицаги ячани, гӀумруго щай дие?»
Currently Selected:
Байбихьи 27: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Байбихьи 27
27
ГӀисавие щвезе кколеб баракат Якъубие щвей
1Херлъунги беццлъунги вугев ИсхӀакъица цо къоялъ кӀудияв вас жиндаго аскӀове ахӀана:
«Я дир вас!» – ин ахӀана гьес.
«Дун гьанив вуго, дада», – ян жаваб кьуна ГӀисавица.
2ИсхӀакъица абуна:
«Дун гьанже херлъун вуго, хвезе чан къо хутӀун бугебалиги лъаларо. 3Босе дурго ярагъги – чӀорбутӀги чӀоралги – ва чанаве а. 4Чанил гьанги босун вачӀун, гьелъул квен гьабе дие бокьулеб къагӀидаялъ. Гьебги кванан, дунго хвелалде цебе дица дуе дугӀа гьабила, БЕТӀЕРГЬАНАСУЛ баракат дуде рещтӀине#27:4 ТӀоцеве гьавурав васасухъе Инсуца хвалда цебе кьезе кколаан кинабго жиндир буголъиялъул кверщел ва Аллагьасдасан щвараб баракат. Гьедин гьабураб васият хисизабизе рес букӀинчӀо.».
5Ривкада рагӀана ИсхӀакъица жиндирго вас ГӀисавида абурал гьел рагӀаби. ГӀисав чанаве аравго, 6гьелъ Якъубида абуна:
«Дида рагӀана дур инсуца ГӀисавида абулеб:
7„Чанил гьанги босун вачӀун, дие бокьулеб къагӀидаялъ гьелъул квен гьабе. Гьеб гьанги кванан, дунго хвелалде цебе дица дуе дугӀа гьабила, БЕТӀЕРГЬАНАСУЛ баракат дуде рещтӀине“, – ян.
8Гьанже, дир вас, мун мухӀканго дихъ гӀенекке ва дица малъараб гьабе. 9Векерун ун, рехъалъа тӀаса бищун, кӀиго лъикӀаб бурутӀги бачун вачӀа. Дица гьезул гьанал, дур инсуе бокьулеб къагӀидаялъ, тӀагӀамаб квен гьабила. 10Гьебги босун мун инсухъе ина, гьес, гьебги кванан, дуе дугӀа гьабизе ва живго хвелалде цебе баракатги дуе кьезе».
11Амма ИсхӀакъица Ривкада абуна:
«Дир вац вуго расул цӀурав чи. Дирин абуни, цӀвакараб тӀом буго. 12Нагагь инсуца дида квер хъвани, щиб гьабилеб? Дица гьев гуккулев вукӀин тӀатани, гьес дие баракат кьеларо, нагӀана кьела».
13Амма эбелалъ абуна:
«Гьеб нагӀана дица дидаго тӀаде босила, дир вас. Мунин абуни, дихъ гӀенекке. БуртӀал рачине а».
14Якъубица буртӀал рачун рачӀана. Ривкаца ИсхӀакъие бокьулеб къагӀидаялъ тӀагӀамаб квен хӀадурана. 15Цинги гьелъ къавулъ батараб жиндирго цӀикӀкӀарав вас ГӀисавил бищунго лъикӀаб ретӀел гьитӀинав вас Якъубида ретӀинабуна. 16Гьесул квералги габурги буртӀазул цӀакаца рацизаруна. 17Цинги бухӀилаго квенги чедги Якъубихъе кьуна.
18«Дада», – ян абуна гьес, инсуда тӀадеги ун.
«Я дир вас! – ин абуна ИсхӀакъица. – Мун кинавав?»
19«Дун ГӀисав вуго, дуе тӀоцеве гьавурав, – ин жаваб кьуна Якъубица инсуе. – Дуца абурабщинаб гьабуна дица. ТӀаде ворхун, гӀодов чӀа, чанил гьан кваназе ва дие баракатги кьезе».
20ИсхӀакъица гьикъана:
«Я дир вас, гьедигӀан хехго чан кин духъе щвараб?»
Гьес жаваб кьуна:
«БЕТӀЕРГЬАНАС – дур Аллагьас – квербакъана дие», – ян.
21«Гьаниве аскӀовегӀан вачӀа, дир вас, – ин абуна ИсхӀакъица. – ХӀакълъунго мун ГӀисав вугищали цо квер квашилин дуда».
22Якъуб инсуда аскӀове ана ва гьес, гьасда кверги кващун, абуна:
«Гьаракь Якъубил буго, кверал ГӀисавил руго», – ян.
23ГӀисавилго гӀадин, гьесул квералги расул цӀун ратидал, ИсхӀакъида лъачӀо гьев Якъуб вукӀин ва гьесие дугӀа гьабизе лъугьана.
24«Мун дир вас ГӀисавищха?» – ян гьикъана гьес Якъубида.
«У, дир дада», – ян абуна гьас.
25ИсхӀакъица абуна:
«Дуца бачӀараб чанил гьан кье, дир вас, кваназе, хадуб дица дуе баракат кьолеб дугӀа гьабила».
Якъубица инсуда цебе лъуна квенги чагъирги. Квана-гьекъон вахъараб мехалда, 26ИсхӀакъица абуна:
«АскӀове вачӀун, убач гьабе, дир вас, дида».
27Инсуда аскӀовегӀанги къан, убач гьабуна Якъубица. Гьесул ратӀлидасан махӀ чӀвайдал, гьесие баракат кьун, ИсхӀакъица гьадин абуна:
«БЕТӀЕРГЬАНАС баракат лъураб
мегӀер-гӀалахалъул махӀ буго дир васасдасан.
28Аллагьас дуе гьарзаго кьеги
зобалаздасан рогьалил щубги ракьалдасан нигӀматалги.
Дур хурул бачӀин цӀикӀкӀаги, чагъирги гӀемерлъаги.
29Биччанте халкъаз дуй хъулухъ гьабизе,
къавмазги биччанте дуе бетӀер къулизе.
Вацазда тӀадги мун хан вукӀина:
дур эбелалъул наслабаз бетӀер къулила дуе.
Дуе нагӀана кьуразе нагӀана щвела,
дуда баракат лъегиян абуразда баракатги лъела».
30ИсхӀакъица баракатги кьун, Якъуб ИсхӀакъида аскӀоса къватӀиве лъугьаравго, чанаса вуссун тӀаде щвана гьесул вац ГӀисав. 31Инсуе бокьулеб квен гьабуна гьесги ва, гьебги босун вачӀун, инсуда абуна:
«ТӀаде ворха, дир дада, дица бачӀараб чанил гьан кваназе, ва дида баракат лъолеб дугӀаги гьабизе».
32«Мун щив?» – ан гьикъана ИсхӀакъица.
«Дун вуго дур вас, дуе тӀоцеве гьавурав вас ГӀисав», – абун жаваб кьуна гьас.
33Гъаргъар щун сородана цинги ИсхӀакъ ва гьес абуна:
«Чанил гьан дида кваназабурав дов чи щивха кколев, гьедин батани? Мун вачӀиналде цебе дица гьесие баракатги кьун, гьабунагури дугӀа! Гьесда тӀад букӀина гьанже гьеб баракат!»
34Гьел рагӀаби рагӀидал, чара бухӀун ахӀдезе лъугьана ГӀисав. Цинги гьес инсуда гьарана:
«Диеги баракат кьеха, дир дада, диеги баракат кьеха!» – абун.
35Амма гьес жаваб кьуна:
«Дур вацас вачӀун махсароде ккуна дун, ва гьес бахъун ана дуе кьезе кколеб букӀараб баракат».
36ГӀисавица абуна:
«ЧӀалгӀаде гуро досда Якъубилан абулеб – кӀицӀулго гуккана дос дун!#27:36 Якъуб – жугьутӀ мацӀалда гьаб цӀар релълъуна «эгъе ккурав» ва «гукки» абураб магӀна бугел рагӀабазда. Цо бугони, дос дихъа бахъун ана тӀоцеве гьавурасул даража. Гьале гьанже дие щвезе кколеб букӀараб баракатги ана бахъун».
Цинги ГӀисавица инсуда абуна: «Дие кьезе баракатгойищха дур хутӀичӀеб?» – ин.
37ИсхӀакъица жаваб кьуна:
«Дуда тӀад ханлъун гьавуна дица дов, кинабго гӀагарлъиги досул лагъзаллъун гьаруна, хурул бачӀинги чагъирги досие насиблъизе гьабуна. Гьанже дица дуе щибха кьелеб, дир вас?»
38«ЦохӀо баракатищха, дир дада, дур букӀараб? Диеги кьеха, дада, баракат!» – инги абун, ГӀисав гӀек-гӀекиялда гӀодана. 39Ва ИсхӀакъица абуна:
«ЛъикӀаб тӀорщел бижулел хурзабаздасаги
зодисан рещтӀунеб рогьалил щубалдасаги
рикӀкӀад рукӀина дуца яшав гьабулел бакӀал.
40Дур бетӀербахъиги хвалчадалъун букӀина,
дурго вацасе лагълъун вукӀина мун.
Амма мун гьесда данде къеркьела,
ва гьесул рукьги тӀаса рехун, эркенлъи щвела».
Якъуб Лаванихъе лъути
41Инсул баракат гьесие щвеялъ, Якъубида кутакалда ццин бахъун вукӀана ГӀисав.
«Инсухъ чӀегӀер барал къоял рачӀиндал, чӀван рехила дица дирго вац Якъуб», – абун пикрабазда вукӀана гьев.
42Амма Ривкада лъана гьелъул кӀудияв васасул ракӀалда бугеб къасд. ГьитӀинав вас Якъубги аскӀове ахӀун, гьелъ абуна:
«Мун чӀвазе къасд буго дур вац ГӀисавил. 43Дица малъараб гьабе, дир вас. Дир вац Лаванихъе Харраналде лъута мун. 44Дур вацасул ццин гӀодобуссинегӀан, 45дуде бугеб гьесул гьалагаб ццин чучизегӀан ва дуца гьесие гьабураб хӀилла-макру гьесда кӀочон тезегӀан дова чӀа. Хадуб дица дуда хадув чи витӀила мун доваса нахъе вачине. Гурони, цого къоялъ кӀиявго васасдаса ятӀалъараб къо бачӀинехъин буго дида тӀаде».
46Ривкаца ИсхӀакъида абуна:
«Гьал хитиязул ясаз дунял рихинабун буго дида. Гьанже гьаздаго релълъарай хитияй Якъубицаги ячани, гӀумруго щай дие?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023