Тархъанлъи 4
4
Мусал далилал
1Цинги Мусаца жаваб кьуна: «Гьел дида божичӀони, дир рагӀухъги гӀенеккичӀони ва загьирлъичӀо дуе БЕТӀЕРГЬАНИН абуни, щиб гьабилеб?»
2БЕТӀЕРГЬАНАС абуна: «Гьеб дуда кодоб бугеб жо щиб?» – ин.
«ГӀанса буго», – ян абуна Мусаца.
3«ГӀодобе рехе гьеб», – ин абуна Гьес.
ГӀодобе рехидал гӀанса борхьиде сверана ва Муса гьелъухъа лъутана. 4Цинги БЕТӀЕРГЬАНАС Мусада абуна:
«Бегьун квергун, гьелъул рачӀ ккве», – ян. Мусаца рачӀ ккведал, гьесул кверзукь борохь нахъеги гӀансиде сверана.
5«ГӀизраилазул умумузул БЕТӀЕРГЬАН Аллагь – Ибрагьимилги, ИсхӀакъилги, Якъубилги Аллагь – дуе загьирлъун вукӀиналда гӀизраилал божиялъе бугеб гӀаламат буго гьеб».
6Хадубги БЕТӀЕРГЬАНАС гьесда абуна:
«Дурго квер лъорониб лъе», – ян. Мусаца квер жиндирго лъорониб лъуна. Ваамма гьеб гьениса къватӀибе бахъиндал, гӀазу кинигин хъахӀлъун букӀана квер барас#4:6 Барас унти – чамалиго батӀи-батӀиял квешал тӀомол унтабазул гӀаммаб цӀар. унтиялъ.
7«Нахъеги лъе квер дурго лъорониб», – ин абуна Гьес. Мусаца нахъеги жиндирго квер лъорониб лъуна ва къватӀибе бахъиндал гьеб бацӀцӀалъун, букӀарабго гӀадин лъугьана.
8БетӀергьанас абуна: «Гьел дур рагӀуда божичӀони ва тӀоцебесеб гӀаламаталъ мукӀур гьаричӀони, гьел божила кӀиабилеб гӀаламаталда.
9Гьеб кӀиябго гӀаламаталдаги божичӀони, дур рагӀухъги гьел гӀенеккичӀони, Нил гӀурулъа лъим босе ва бакъвараб бакӀалде гӀодобе тӀе. ГӀодобе тӀедал, гьеб лъим биялде сверизе буго».
10Цинги Мусаца БЕТӀЕРГЬАНАСДА абуна: «Огь, БетӀергьан! Кидаго вукӀинчӀо дун кӀалъазе бажари бугев чилъун. ГьабсагӀатги, Дур лагъгун Мун кӀалъалелъулги, гьединавго вуго дун. ЗахӀматго гурони дихъа кӀалъан бажаруларо, бакӀаб кӀал-мацӀалъул чи вуго дун».
11БЕТӀЕРГЬАНАС абуна: «Инсанасе кӀал-мацӀ лъица кьураб? лъица гьарулел мацӀ лъалареллъун, яги гӀинкъаллъун, яги канлъи бихьулеллъун, яги беццаллъун? Дица, БЕТӀЕРГЬАНАС, гуребдай? 12Гьанже мун а; Дица кумек гьабила дуе кӀалъазе, ва дица малъила дуда дуца абизе кколеб жо».
13Мусаца абуна: «Я БетӀергьан! Гьарула Дуда, гьеб ишалъе дун тун цогидав Дуего бокьарав чи витӀе», – ян.
14Гьебмехалда БЕТӀЕРГЬАНАСУЛ ццин бахъана Мусада, ва Гьес абуна:
«Дур вац гуревищ вугев Гьарунин абурав левийилазул чи? Дида лъала гьесул кӀалъазе махщел букӀин. Дуда дандчӀвазе къватӀиве вахъун вуго гьев ва мун вихьидал, гьев вохизе вуго. 15Дуца гьесда бице ва малъе пиргӀавнасда абизе кколебщинаб. Дицайин абуни, нужее кӀиязего кумек гьабила ва малъила гьабизе кколеб жо. 16Гьаруница дур рагӀаби халкъалда рицине руго, аварагас Аллагьасул калима бицунеб гӀадин. 17Гьаб тӀилги кодоб ккве: гьелдалъун дуца гӀаламатал рихьизаризе руго».
Муса Мисриялде тӀад вуссин
18Муса жиндирго вакьад Итрохъе вилълъана, ва гьес вакьадасда абуна: «Виччай дун Мисриялде гӀагарлъиялъухъе тӀадвуссине – гьел жеги чӀаго ругищали балагьизе», – ян.
Итроца абуна: «Сапар-сагӀат битӀаги, дир вас», – ин.
19Мидяналда вукӀаго кӀалъана Мусада БЕТӀЕРГЬАН: «Мисриялде тӀадвусса, мун чӀвазе бокьарал хвана», – ян.
20Мусаца хъизан-лъимал хӀамиде рахинаруна, кодоб Аллагьасул гӀансаги ккуна ва Мисриялде тӀадвуссине сапар бухьана.
21БЕТӀЕРГЬАНАС Мусада абуна: «Мисриялде тӀад вуссиндал, кӀочонге пиргӀавнасда цебе, Дица дуе кьураб къуваталдалъун, дол мугӀжизатал рихьизаризе. Дицайин абуни, гьесул рекӀелъе гӀасилъи рехила, ва гьес халкъ нахъе биччаларо. 22Гьебмехалъ пиргӀавнасда абе: „Гьадин абулеб буго БЕТӀЕРГЬАНАС: ГӀизраил вуго Дир вас, Дир тӀоцевесев вас. 23Дица абуна дуда, Дир вас Дие тӀагӀат-гӀибадат гьабизе виччан теян. Дуца гьев виччачӀо. Гьанже Дица дур тӀоцеве гьавурав вас чӀвазе вуго“, – ян».
24Нухда сордо базе рещтӀараб бакӀалда БЕТӀЕРГЬАНАСДА данде ккана гьев#4:24 Гьев ватизе бегьула Мусал вас. ва Гьес гьев чӀвазехъин вукӀана#4:24 БетӀергьанас вас чӀвазехъин вукӀун ватизе бегьула Мусаца гьесие суннат гьабичӀолъи сабаблъун. Суннат гьаби кколаан БетӀергьанасдаги Ибрагьимидагун гьесул наслабаздаги гьоркьоб гьабураб КъотӀиялъул гӀаламатлъун.. 25Гьебмехалда Ципораца, бегӀераб ганчӀил нусги босун, жиндирго васасул гӀавраталъул рагӀал къотӀана ва гьебги гьесул хӀатӀазда хъвазабун, гьелъ абуна: «Мун дир бидул бахӀарав», – ин.
26Гьебмехалда БЕТӀЕРГЬАНАС гьев живго тана. («Бидул бахӀарав» – гьедин гьелъ абулеб букӀана суннат гьабиялда.)
27БЕТӀЕРГЬАНАС Гьарунида абуна: «Мусагун дандчӀвазе а авлахъалде», – ян. Гьарун гьесда данде нухда вахъана ва Аллагьасул МагӀарда#4:27 Аллагьасул МегӀер – Хорив (гьебго Синай) мегӀер. аскӀоб хинаб дандчӀвай ккана гьезул.
28Мусаца Гьарунида кинабго бицана: щиб амругун БЕТӀЕРГЬАНАС жив витӀаравалиги ва Мусаца рихьизаризе гьесда тӀадкъарал гӀаламатазул хӀакъалъулъги. 29Цинги Мусацаги Гьаруницаги гӀизраилазул халкъалъул кӀудиял данде ахӀана, 30ва Гьаруница гьезие бицана БЕТӀЕРГЬАНАС Мусада абунщинаб ва халкъалда цере дол гӀаламаталги рихьизаруна. 31Гьебмехалъ халкъ Мусада божана. БЕТӀЕРГЬАНАС жидеда рахӀму-цӀоб лъун букӀин ва Гьесда жидер къварилъи бихьун букӀин бичӀчӀидал, гьез Аллагьасе рецц-бакъгун сужда гьабуна.
Currently Selected:
Тархъанлъи 4: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 4
4
Мусал далилал
1Цинги Мусаца жаваб кьуна: «Гьел дида божичӀони, дир рагӀухъги гӀенеккичӀони ва загьирлъичӀо дуе БЕТӀЕРГЬАНИН абуни, щиб гьабилеб?»
2БЕТӀЕРГЬАНАС абуна: «Гьеб дуда кодоб бугеб жо щиб?» – ин.
«ГӀанса буго», – ян абуна Мусаца.
3«ГӀодобе рехе гьеб», – ин абуна Гьес.
ГӀодобе рехидал гӀанса борхьиде сверана ва Муса гьелъухъа лъутана. 4Цинги БЕТӀЕРГЬАНАС Мусада абуна:
«Бегьун квергун, гьелъул рачӀ ккве», – ян. Мусаца рачӀ ккведал, гьесул кверзукь борохь нахъеги гӀансиде сверана.
5«ГӀизраилазул умумузул БЕТӀЕРГЬАН Аллагь – Ибрагьимилги, ИсхӀакъилги, Якъубилги Аллагь – дуе загьирлъун вукӀиналда гӀизраилал божиялъе бугеб гӀаламат буго гьеб».
6Хадубги БЕТӀЕРГЬАНАС гьесда абуна:
«Дурго квер лъорониб лъе», – ян. Мусаца квер жиндирго лъорониб лъуна. Ваамма гьеб гьениса къватӀибе бахъиндал, гӀазу кинигин хъахӀлъун букӀана квер барас#4:6 Барас унти – чамалиго батӀи-батӀиял квешал тӀомол унтабазул гӀаммаб цӀар. унтиялъ.
7«Нахъеги лъе квер дурго лъорониб», – ин абуна Гьес. Мусаца нахъеги жиндирго квер лъорониб лъуна ва къватӀибе бахъиндал гьеб бацӀцӀалъун, букӀарабго гӀадин лъугьана.
8БетӀергьанас абуна: «Гьел дур рагӀуда божичӀони ва тӀоцебесеб гӀаламаталъ мукӀур гьаричӀони, гьел божила кӀиабилеб гӀаламаталда.
9Гьеб кӀиябго гӀаламаталдаги божичӀони, дур рагӀухъги гьел гӀенеккичӀони, Нил гӀурулъа лъим босе ва бакъвараб бакӀалде гӀодобе тӀе. ГӀодобе тӀедал, гьеб лъим биялде сверизе буго».
10Цинги Мусаца БЕТӀЕРГЬАНАСДА абуна: «Огь, БетӀергьан! Кидаго вукӀинчӀо дун кӀалъазе бажари бугев чилъун. ГьабсагӀатги, Дур лагъгун Мун кӀалъалелъулги, гьединавго вуго дун. ЗахӀматго гурони дихъа кӀалъан бажаруларо, бакӀаб кӀал-мацӀалъул чи вуго дун».
11БЕТӀЕРГЬАНАС абуна: «Инсанасе кӀал-мацӀ лъица кьураб? лъица гьарулел мацӀ лъалареллъун, яги гӀинкъаллъун, яги канлъи бихьулеллъун, яги беццаллъун? Дица, БЕТӀЕРГЬАНАС, гуребдай? 12Гьанже мун а; Дица кумек гьабила дуе кӀалъазе, ва дица малъила дуда дуца абизе кколеб жо».
13Мусаца абуна: «Я БетӀергьан! Гьарула Дуда, гьеб ишалъе дун тун цогидав Дуего бокьарав чи витӀе», – ян.
14Гьебмехалда БЕТӀЕРГЬАНАСУЛ ццин бахъана Мусада, ва Гьес абуна:
«Дур вац гуревищ вугев Гьарунин абурав левийилазул чи? Дида лъала гьесул кӀалъазе махщел букӀин. Дуда дандчӀвазе къватӀиве вахъун вуго гьев ва мун вихьидал, гьев вохизе вуго. 15Дуца гьесда бице ва малъе пиргӀавнасда абизе кколебщинаб. Дицайин абуни, нужее кӀиязего кумек гьабила ва малъила гьабизе кколеб жо. 16Гьаруница дур рагӀаби халкъалда рицине руго, аварагас Аллагьасул калима бицунеб гӀадин. 17Гьаб тӀилги кодоб ккве: гьелдалъун дуца гӀаламатал рихьизаризе руго».
Муса Мисриялде тӀад вуссин
18Муса жиндирго вакьад Итрохъе вилълъана, ва гьес вакьадасда абуна: «Виччай дун Мисриялде гӀагарлъиялъухъе тӀадвуссине – гьел жеги чӀаго ругищали балагьизе», – ян.
Итроца абуна: «Сапар-сагӀат битӀаги, дир вас», – ин.
19Мидяналда вукӀаго кӀалъана Мусада БЕТӀЕРГЬАН: «Мисриялде тӀадвусса, мун чӀвазе бокьарал хвана», – ян.
20Мусаца хъизан-лъимал хӀамиде рахинаруна, кодоб Аллагьасул гӀансаги ккуна ва Мисриялде тӀадвуссине сапар бухьана.
21БЕТӀЕРГЬАНАС Мусада абуна: «Мисриялде тӀад вуссиндал, кӀочонге пиргӀавнасда цебе, Дица дуе кьураб къуваталдалъун, дол мугӀжизатал рихьизаризе. Дицайин абуни, гьесул рекӀелъе гӀасилъи рехила, ва гьес халкъ нахъе биччаларо. 22Гьебмехалъ пиргӀавнасда абе: „Гьадин абулеб буго БЕТӀЕРГЬАНАС: ГӀизраил вуго Дир вас, Дир тӀоцевесев вас. 23Дица абуна дуда, Дир вас Дие тӀагӀат-гӀибадат гьабизе виччан теян. Дуца гьев виччачӀо. Гьанже Дица дур тӀоцеве гьавурав вас чӀвазе вуго“, – ян».
24Нухда сордо базе рещтӀараб бакӀалда БЕТӀЕРГЬАНАСДА данде ккана гьев#4:24 Гьев ватизе бегьула Мусал вас. ва Гьес гьев чӀвазехъин вукӀана#4:24 БетӀергьанас вас чӀвазехъин вукӀун ватизе бегьула Мусаца гьесие суннат гьабичӀолъи сабаблъун. Суннат гьаби кколаан БетӀергьанасдаги Ибрагьимидагун гьесул наслабаздаги гьоркьоб гьабураб КъотӀиялъул гӀаламатлъун.. 25Гьебмехалда Ципораца, бегӀераб ганчӀил нусги босун, жиндирго васасул гӀавраталъул рагӀал къотӀана ва гьебги гьесул хӀатӀазда хъвазабун, гьелъ абуна: «Мун дир бидул бахӀарав», – ин.
26Гьебмехалда БЕТӀЕРГЬАНАС гьев живго тана. («Бидул бахӀарав» – гьедин гьелъ абулеб букӀана суннат гьабиялда.)
27БЕТӀЕРГЬАНАС Гьарунида абуна: «Мусагун дандчӀвазе а авлахъалде», – ян. Гьарун гьесда данде нухда вахъана ва Аллагьасул МагӀарда#4:27 Аллагьасул МегӀер – Хорив (гьебго Синай) мегӀер. аскӀоб хинаб дандчӀвай ккана гьезул.
28Мусаца Гьарунида кинабго бицана: щиб амругун БЕТӀЕРГЬАНАС жив витӀаравалиги ва Мусаца рихьизаризе гьесда тӀадкъарал гӀаламатазул хӀакъалъулъги. 29Цинги Мусацаги Гьаруницаги гӀизраилазул халкъалъул кӀудиял данде ахӀана, 30ва Гьаруница гьезие бицана БЕТӀЕРГЬАНАС Мусада абунщинаб ва халкъалда цере дол гӀаламаталги рихьизаруна. 31Гьебмехалъ халкъ Мусада божана. БЕТӀЕРГЬАНАС жидеда рахӀму-цӀоб лъун букӀин ва Гьесда жидер къварилъи бихьун букӀин бичӀчӀидал, гьез Аллагьасе рецц-бакъгун сужда гьабуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023