Тархъанлъи 37
37
КъотӀиялъул гъамас
(Тархъ. 25:10-22)
1Бецалиэлица гьабуна акациялъул цӀулал гъамас, кӀиго натӀалъул халалъиги ва натӀгун бащдаб гӀеблъиги борхалъиги бугеб. 2Гьес гьелда жанисанги тӀасанги месед бекьана ва гьелда сверунги меседил чалу ккуна; 3цинги меседил ункъго гор гьабуна ва гьел горал гъамасалъул гъоркьиял бокӀназда рекӀинаруна – щибаб рахъалда кӀи-кӀи. 4Цинги гьаруна акациялъул цӀулал гӀурдул, гьезда тӀадги месед бекьана 5ва гъансил кӀиябго рахъалда ругел горазда жанире ккезаруна гьел, гъамас баччизе санагӀатаб хӀалалъ.
6Хадуб бацӀцӀадаб меседалъул тӀалъел гьабуна, кӀигогун бащдаб натӀалъул халалъиги, натӀгун бащдаб гӀеблъиги бугеб. 7ТӀалъелалъул рагӀалазда кӀиго херувим гьабуна, меседги бацӀун: 8цо херувим – цо рагӀалда ва кӀиабилеб херувим – цогидаб рагӀалда. Гьес гьел тӀалъелгун цорекӀарал гьаруна. 9Цоцазде данде руссарал херувимазул куркьбал гъамасалда тӀад тӀиритӀун рукӀана ва гьезул гьурмалги тӀалъелалде къулун рукӀана.
Мукъадасаб чед лъолеб стол
(Тархъ. 25:23-30)
10Бецалиэлица гьабуна акациялъул цӀулал стол, кӀиго натӀалъул халалъиги, цо натӀалъул гӀеблъиги ва натӀгун бащдаб борхалъиги бугеб. 11Гьелда тӀад бацӀцӀадаб месед бекьана ва гьелда сверун меседил чалу гьабуна. 12Столалъул рагӀалккун гьабуна цо хъатгӀанасеб борхалъи бугеб тӀеренаб къед ва гьелда тӀад меседил чалу ккуна. 13Столалъе ункъго меседил гор гьабуна ва гьел рекӀинаруна столалъул бокӀназда, бохдузда тӀад. 14Горал рукӀана столалъул рагӀалда, стол баччулел гӀурдул жанире ккезаризе санагӀатаб хӀалалда. 15Стол баччулел гӀурдул гьаруна акациялъул цӀулал ва гьезда месед бекьана. 16Жеги гьес гьабуна столалъе хӀажатаб бацӀцӀадаб меседалъул цӀарагӀ: суркӀаби, гелал, гулгунал, щурмал – къурбанал тӀоритӀулелъул хӀалтӀизаризе рукӀине.
Меседил нахучирахъ
(Тархъ. 25:31-40)
17Хадуб Бецалиэлица гьабуна бацӀцӀадаб меседалъул нахучирахъ, меседги бацӀун: гьелъул бохги, гӀаркьелалги, тӀогьокъучӀбигун тӀанчалги, тӀанхазул сверабиги – гьеб кинабго гьабуна цорекӀараб. 18Нахучирахъалъул букӀана анлъго гӀаркьел: цо рахъалда – лъабго, цогидаб рахъалдаги – лъабго. 19Щибаб гӀаркьелалда букӀана лъаб-лъаб тӀогьокъвачӀа, миндалалъул тӀогьол тӀанчазул сипаталда: гьедин гьабуна нахучирахъалъул цо бохалдаса кӀиябго рахъалде бикьараб анлъабго гӀаркьелалда. 20Нахучирахъалъул бохалда тӀад гьабуна, тӀанчазул сверабиги ругеб миндалалъул тӀогьол сипаталда жеги ункъго тӀогьокъвачӀа. 21Цо тӀогьокъвачӀа гьабуна нахучирахъалъул бохалдаса раккарал гӀаркьалабазул тӀоцебесеб жуталда гъоркь, кӀиабилеб – кӀиабилеб жуталда гъоркь, лъабабилеб – лъабабилеб жуталда гъоркь, ва гьедин гьабуна анлъабго гӀаркьелалда гъоркь. 22БацӀцӀадаб меседалъул рацӀун гьарурал тӀугьдулги, гӀаркьалабиги, чирахъги цорекӀарал рукӀана.
23Нахучирахъалда лъезе гьабуна анкьго гьитӀинчирахъги, билтаялъе гъуцӀдулги, гелалги – кинабгоги бацӀцӀадаб меседалъул. 24Нахучирахъалъеги ва кинабго гьелъул цӀарагӀалъеги хӀалтӀизабуна бацӀцӀадаб меседалъул цо талант#37:24 34 кило..
ГьуинмахӀал рухӀулеб къурбан-бакӀ
(Тархъ. 30:1-5, 22-38)
25ГьуинмахӀал рухӀулеб къурбан-бакӀги бана Бецалиэлица акациялъул цӀулал. Гьеб ункъбокӀонаб гьабуна: цо натӀалъул халалъиги гӀеблъиги бугеб ва кӀиго натӀалъул борхалъиги бугеб. Гьелъул бокӀназда чӀварал лълъурдулги гьебги цорекӀараб букӀана. 26БацӀцӀадаб месед бекьана гьелъул тӀогьибги, хьалбаздаги, лълъурдуздаги ва гьелда сверун меседил чалу ккуна. 27Чалуялда гъоркьехун, цоцада дандбитӀараб кӀиго рахъалда кӀиго меседил гор гьабуна, гьеб баччизе хӀалтӀизарулел гӀурдул жанире ккезаризе рукӀине. 28ГӀурдул гьаруна акациялъул цӀулал ва гьездаги месед бекьана.
29Жеги гьес хӀадурана бахунеб хирияб нахги ва меседил къурбан-бакӀалда бухӀулеб махӀгьуинаб жубайги – гьеб кинабго кӀудияб махщалида гьабуна.
Currently Selected:
Тархъанлъи 37: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 37
37
КъотӀиялъул гъамас
(Тархъ. 25:10-22)
1Бецалиэлица гьабуна акациялъул цӀулал гъамас, кӀиго натӀалъул халалъиги ва натӀгун бащдаб гӀеблъиги борхалъиги бугеб. 2Гьес гьелда жанисанги тӀасанги месед бекьана ва гьелда сверунги меседил чалу ккуна; 3цинги меседил ункъго гор гьабуна ва гьел горал гъамасалъул гъоркьиял бокӀназда рекӀинаруна – щибаб рахъалда кӀи-кӀи. 4Цинги гьаруна акациялъул цӀулал гӀурдул, гьезда тӀадги месед бекьана 5ва гъансил кӀиябго рахъалда ругел горазда жанире ккезаруна гьел, гъамас баччизе санагӀатаб хӀалалъ.
6Хадуб бацӀцӀадаб меседалъул тӀалъел гьабуна, кӀигогун бащдаб натӀалъул халалъиги, натӀгун бащдаб гӀеблъиги бугеб. 7ТӀалъелалъул рагӀалазда кӀиго херувим гьабуна, меседги бацӀун: 8цо херувим – цо рагӀалда ва кӀиабилеб херувим – цогидаб рагӀалда. Гьес гьел тӀалъелгун цорекӀарал гьаруна. 9Цоцазде данде руссарал херувимазул куркьбал гъамасалда тӀад тӀиритӀун рукӀана ва гьезул гьурмалги тӀалъелалде къулун рукӀана.
Мукъадасаб чед лъолеб стол
(Тархъ. 25:23-30)
10Бецалиэлица гьабуна акациялъул цӀулал стол, кӀиго натӀалъул халалъиги, цо натӀалъул гӀеблъиги ва натӀгун бащдаб борхалъиги бугеб. 11Гьелда тӀад бацӀцӀадаб месед бекьана ва гьелда сверун меседил чалу гьабуна. 12Столалъул рагӀалккун гьабуна цо хъатгӀанасеб борхалъи бугеб тӀеренаб къед ва гьелда тӀад меседил чалу ккуна. 13Столалъе ункъго меседил гор гьабуна ва гьел рекӀинаруна столалъул бокӀназда, бохдузда тӀад. 14Горал рукӀана столалъул рагӀалда, стол баччулел гӀурдул жанире ккезаризе санагӀатаб хӀалалда. 15Стол баччулел гӀурдул гьаруна акациялъул цӀулал ва гьезда месед бекьана. 16Жеги гьес гьабуна столалъе хӀажатаб бацӀцӀадаб меседалъул цӀарагӀ: суркӀаби, гелал, гулгунал, щурмал – къурбанал тӀоритӀулелъул хӀалтӀизаризе рукӀине.
Меседил нахучирахъ
(Тархъ. 25:31-40)
17Хадуб Бецалиэлица гьабуна бацӀцӀадаб меседалъул нахучирахъ, меседги бацӀун: гьелъул бохги, гӀаркьелалги, тӀогьокъучӀбигун тӀанчалги, тӀанхазул сверабиги – гьеб кинабго гьабуна цорекӀараб. 18Нахучирахъалъул букӀана анлъго гӀаркьел: цо рахъалда – лъабго, цогидаб рахъалдаги – лъабго. 19Щибаб гӀаркьелалда букӀана лъаб-лъаб тӀогьокъвачӀа, миндалалъул тӀогьол тӀанчазул сипаталда: гьедин гьабуна нахучирахъалъул цо бохалдаса кӀиябго рахъалде бикьараб анлъабго гӀаркьелалда. 20Нахучирахъалъул бохалда тӀад гьабуна, тӀанчазул сверабиги ругеб миндалалъул тӀогьол сипаталда жеги ункъго тӀогьокъвачӀа. 21Цо тӀогьокъвачӀа гьабуна нахучирахъалъул бохалдаса раккарал гӀаркьалабазул тӀоцебесеб жуталда гъоркь, кӀиабилеб – кӀиабилеб жуталда гъоркь, лъабабилеб – лъабабилеб жуталда гъоркь, ва гьедин гьабуна анлъабго гӀаркьелалда гъоркь. 22БацӀцӀадаб меседалъул рацӀун гьарурал тӀугьдулги, гӀаркьалабиги, чирахъги цорекӀарал рукӀана.
23Нахучирахъалда лъезе гьабуна анкьго гьитӀинчирахъги, билтаялъе гъуцӀдулги, гелалги – кинабгоги бацӀцӀадаб меседалъул. 24Нахучирахъалъеги ва кинабго гьелъул цӀарагӀалъеги хӀалтӀизабуна бацӀцӀадаб меседалъул цо талант#37:24 34 кило..
ГьуинмахӀал рухӀулеб къурбан-бакӀ
(Тархъ. 30:1-5, 22-38)
25ГьуинмахӀал рухӀулеб къурбан-бакӀги бана Бецалиэлица акациялъул цӀулал. Гьеб ункъбокӀонаб гьабуна: цо натӀалъул халалъиги гӀеблъиги бугеб ва кӀиго натӀалъул борхалъиги бугеб. Гьелъул бокӀназда чӀварал лълъурдулги гьебги цорекӀараб букӀана. 26БацӀцӀадаб месед бекьана гьелъул тӀогьибги, хьалбаздаги, лълъурдуздаги ва гьелда сверун меседил чалу ккуна. 27Чалуялда гъоркьехун, цоцада дандбитӀараб кӀиго рахъалда кӀиго меседил гор гьабуна, гьеб баччизе хӀалтӀизарулел гӀурдул жанире ккезаризе рукӀине. 28ГӀурдул гьаруна акациялъул цӀулал ва гьездаги месед бекьана.
29Жеги гьес хӀадурана бахунеб хирияб нахги ва меседил къурбан-бакӀалда бухӀулеб махӀгьуинаб жубайги – гьеб кинабго кӀудияб махщалида гьабуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023