Тархъанлъи 35
35
Шаматкъоялъул къанун
1Мусаца ГӀизраилалъул тӀолго жамагӀат бакӀарана ва гьезда абуна:
«Гьале БЕТӀЕРГЬАНАСУЛ амру: 2„Анлъго къоялъ хӀалтӀе, амма анкьабилеб къо нужее букӀина хирияб къолъун: гьеб буго хӀалхьиялъул шаматкъо – БЕТӀЕРГЬАНАСЕ батӀа гьабураб къо. Гьеб къоялъ хӀалтӀи гьабурав чи чӀвазе ккола. 3Нужеца минабахъ цӀацин бакизе бегьуларо шаматкъоялъ“».
Мукъадасаб бакӀалде кьезе кколеб
(Тархъ. 25:1-9; 39:32-43)
4Мусаца гӀизраилазул жамагӀаталда абуна:
«Гьале БЕТӀЕРГЬАНАСУЛ амру: 5„Нужер буголъиялдаса БЕТӀЕРГЬАНАСЕ гӀоло хасал садакъаби гьаре. Биччанте жив-жив чияс жиндирго ресалда рекъон БЕТӀЕРГЬАНАСЕ хасаб садакъалъун кьезе хадусеб: месед, гӀарац ва мазгар; 6канчӀхъахӀилаб, бецӀбагӀараб ва канчӀбагӀараб квасул кун, тӀеренаб хӀебет ва цӀцӀел квас; 7багӀаркьералъ релъарал гӀиял къухьдул, тӀеренал цӀакал ва акациялъул цӀул; 8нахучирахъазе зайтуналъул нах; хирияб нах гьабиялъе хӀалтӀизаризе ва къурбан-бакӀалда бухӀулеб жубай гьабизе махӀгьуинал пицӀалги хурдулги; 9эфодалъеги каранда балеб цебебухьалъеги оникс ва цогидал багьаял жавгьарал.
10Нужеда гьоркьоса махщел тӀокӀал устарзаби ракӀаре БЕТӀЕРГЬАНАС амру гьабурабщинаб ва хадуб рехсарабщинаб тӀубазабизе: 11Чадир, гьелъие пардав ва тӀасан балеб пардав, гъунцӀби, цӀулал рамаби ва рахал, хӀубал ва гьезие гъоркьчӀелал, 12КъотӀиялъул гъамас ва гьелъие гӀурдул, гъамасалъул тӀалъел ва хасаб пардав, 13стол, гьелъие гӀурдул ва столалъул цогидаб цӀарагӀ, Мукъадасаб чед, 14нахучирахъ ва гьелда цадахъаб цӀарагӀ, канлъи бакулел гӀисинчирахъал, нахучирахъалъе тӀолеб зайтуналъул нах, 15гьуинмахӀал рухӀулеб къурбан-бакӀ ва гьелъие гӀурдул, хирияб бахунеб нах ва гьуинмахӀазе хӀалтӀизабулеб махӀгьуинаб жубай, Чадиралъул кӀалтӀа бигъулеб пардав, 16къурбанал тӀад рухӀулеб къурбан-бакӀ – гьелъие мазгарул хьури ва гьелда цадахъаб къайиги гӀурдулги, беркӀал чурулеб хӀерч ва гьелъул гъоркьчӀел, 17азбаралъул пардавалгун хӀубал ва гъоркьчӀелал, азбаралъул кӀалтӀа бигъулеб пардав, 18Мукъадасаб Чадиралъе ва азбаралъе кваралгун гъазихъал, 19Мукъадасаб бакӀалда хъулухъ гьабулаго тӀадретӀунеб бессараб ххамил партал, ай, Гьаруницаги гьесул васазги кашишзаби хӀисабалда Аллагьасе тӀагӀат-гӀибадат гьабулеб мехалда тӀадретӀунеб хирияб партал“».
20Мусал хитӀабалъухъги гӀенеккун, гӀизраилал рокъо-рокъоре ана, 21ва щивас, жиндир рекӀел ахӀиялда рекъон, хасал садакъаби росун рачӀана БЕТӀЕРГЬАНАСУЛ Чадиралда цере – Чадиралъеги, гьениб гьабулеб хъулухъалъеги, кашишзабазул парталалъеги хӀажатабщинаб. 22Кинацаго – бихьиназги руччабазги – жидерго сахаватлъиялда рекъон, росун рачӀунел рукӀана меседил батӀи-батӀиял тӀагӀелал: каранда ралел жал, кӀилкӀал, баргъичал ва рахсал. Гьез гьеб кинабго месед хасаб садакъа хӀисабалда БЕТӀЕРГЬАНАСДА цебе босун бачӀана. 23Бугес бугеб кьун, босун бачӀунеб букӀана канчӀхъахӀилаб, бецӀбагӀараб ва канчӀбагӀараб квасул кун, тӀеренаб хӀебет, цӀцӀел квас, багӀар кьералъ релъарал гӀиял къухьдул ва тӀеренал цӀакал. 24ГӀарац яги мазгар кьезе бокьарас, гьеб кьуна БЕТӀЕРГЬАНАСЕ хасаб садакъалъун ва акациялъул цӀул бугес – цӀул кьуна. 25Ххам бессизе ва кун дургъизе бажари бугей щияй чӀужугӀаданалъ босун бачӀана канчӀхъахӀилаб, бецӀбагӀараб ва канчӀбагӀараб квасул кун ва тӀеренаб хӀебет. 26Цогидал руччабаз, жидерго бажариялда ва рекӀел ахӀиялда рекъон, дургъулеб букӀана цӀцӀел квас. 27Къавмазул ва тухумазул кӀудияз, эфодги каранда балеб цебебухьги къачӀазе, ониксалъул жавгьаралги цогидал багьа хириял жавгьаралги росун рачӀана. 28Нахучирахъалъе, хирияб нахуе ва гьуинмахӀазул жубаялъе хӀалтӀизаризе рукӀине жеги гьез рачӀана махӀгьуинал батӀи-батӀиял пицӀалгун хурдулги зайтуналъул нахги. 29РакӀ бацӀцӀадго садакъа гьабизе бокьаралщинал гӀизраилаз – руччабаз ва бихьиназ – ракӀ разиго БЕТӀЕРГЬАНАСЕ гӀоло хириял садакъаби кьуна. Гьеб кинабго кьуна Мусаги гьоркьов ккун БЕТӀЕРГЬАНАС гьезда тӀадкъараб хӀалтӀи гьабун бахъинабиялъе гӀоло.
Бецалиэл ва Ахолиав
(Тархъ. 31:1-11)
30Мусаца ГӀизраилил халкъалда абуна:
«ГӀенекке, БЕТӀЕРГЬАНАС тӀасавищана Ягьудал къавмалдаса ХӀурил Урийил вас Бецалиэл. 31Гьесулъе лъугьинабуна Аллагьасул РухӀ, гӀакъиллъи, бичӀчӀи-лъай ва кинабниги махщелчилъи. 32Гьесухъа бажарула меседил, гӀарцул ва мазгарул тӀагӀелал гьаризе, 33жавгьарал цӀвакизаризе ва гьел тӀагӀелазда кквезе; гьединго цӀулал хӀалтӀаби гьаризеги цоги бокьараб устарлъиялъеги гьунар буго гьесул. 34Гьесиеги Данил къавмалдаса Ахисамахил вас Ахолиавиеги цогидазда малъизе гьунарги кьун буго. 35Аллагьас гьезие кьуна бокьараб хӀалтӀи гьабизе гӀакълу-гьунар: гьезда лъала маххул ва цӀулал хӀалтӀаби гьаризе, гьединго тӀеренаб хӀебтил ва канчӀхъахӀилал, бецӀбагӀарал, канчӀбагӀарал куназул ххам бессизе кколеб куц. Гьел руго цӀакъал махщелчагӀи, кигӀан захӀматабги устарлъиялъе гӀакълу-гьунар бугел.
Currently Selected:
Тархъанлъи 35: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 35
35
Шаматкъоялъул къанун
1Мусаца ГӀизраилалъул тӀолго жамагӀат бакӀарана ва гьезда абуна:
«Гьале БЕТӀЕРГЬАНАСУЛ амру: 2„Анлъго къоялъ хӀалтӀе, амма анкьабилеб къо нужее букӀина хирияб къолъун: гьеб буго хӀалхьиялъул шаматкъо – БЕТӀЕРГЬАНАСЕ батӀа гьабураб къо. Гьеб къоялъ хӀалтӀи гьабурав чи чӀвазе ккола. 3Нужеца минабахъ цӀацин бакизе бегьуларо шаматкъоялъ“».
Мукъадасаб бакӀалде кьезе кколеб
(Тархъ. 25:1-9; 39:32-43)
4Мусаца гӀизраилазул жамагӀаталда абуна:
«Гьале БЕТӀЕРГЬАНАСУЛ амру: 5„Нужер буголъиялдаса БЕТӀЕРГЬАНАСЕ гӀоло хасал садакъаби гьаре. Биччанте жив-жив чияс жиндирго ресалда рекъон БЕТӀЕРГЬАНАСЕ хасаб садакъалъун кьезе хадусеб: месед, гӀарац ва мазгар; 6канчӀхъахӀилаб, бецӀбагӀараб ва канчӀбагӀараб квасул кун, тӀеренаб хӀебет ва цӀцӀел квас; 7багӀаркьералъ релъарал гӀиял къухьдул, тӀеренал цӀакал ва акациялъул цӀул; 8нахучирахъазе зайтуналъул нах; хирияб нах гьабиялъе хӀалтӀизаризе ва къурбан-бакӀалда бухӀулеб жубай гьабизе махӀгьуинал пицӀалги хурдулги; 9эфодалъеги каранда балеб цебебухьалъеги оникс ва цогидал багьаял жавгьарал.
10Нужеда гьоркьоса махщел тӀокӀал устарзаби ракӀаре БЕТӀЕРГЬАНАС амру гьабурабщинаб ва хадуб рехсарабщинаб тӀубазабизе: 11Чадир, гьелъие пардав ва тӀасан балеб пардав, гъунцӀби, цӀулал рамаби ва рахал, хӀубал ва гьезие гъоркьчӀелал, 12КъотӀиялъул гъамас ва гьелъие гӀурдул, гъамасалъул тӀалъел ва хасаб пардав, 13стол, гьелъие гӀурдул ва столалъул цогидаб цӀарагӀ, Мукъадасаб чед, 14нахучирахъ ва гьелда цадахъаб цӀарагӀ, канлъи бакулел гӀисинчирахъал, нахучирахъалъе тӀолеб зайтуналъул нах, 15гьуинмахӀал рухӀулеб къурбан-бакӀ ва гьелъие гӀурдул, хирияб бахунеб нах ва гьуинмахӀазе хӀалтӀизабулеб махӀгьуинаб жубай, Чадиралъул кӀалтӀа бигъулеб пардав, 16къурбанал тӀад рухӀулеб къурбан-бакӀ – гьелъие мазгарул хьури ва гьелда цадахъаб къайиги гӀурдулги, беркӀал чурулеб хӀерч ва гьелъул гъоркьчӀел, 17азбаралъул пардавалгун хӀубал ва гъоркьчӀелал, азбаралъул кӀалтӀа бигъулеб пардав, 18Мукъадасаб Чадиралъе ва азбаралъе кваралгун гъазихъал, 19Мукъадасаб бакӀалда хъулухъ гьабулаго тӀадретӀунеб бессараб ххамил партал, ай, Гьаруницаги гьесул васазги кашишзаби хӀисабалда Аллагьасе тӀагӀат-гӀибадат гьабулеб мехалда тӀадретӀунеб хирияб партал“».
20Мусал хитӀабалъухъги гӀенеккун, гӀизраилал рокъо-рокъоре ана, 21ва щивас, жиндир рекӀел ахӀиялда рекъон, хасал садакъаби росун рачӀана БЕТӀЕРГЬАНАСУЛ Чадиралда цере – Чадиралъеги, гьениб гьабулеб хъулухъалъеги, кашишзабазул парталалъеги хӀажатабщинаб. 22Кинацаго – бихьиназги руччабазги – жидерго сахаватлъиялда рекъон, росун рачӀунел рукӀана меседил батӀи-батӀиял тӀагӀелал: каранда ралел жал, кӀилкӀал, баргъичал ва рахсал. Гьез гьеб кинабго месед хасаб садакъа хӀисабалда БЕТӀЕРГЬАНАСДА цебе босун бачӀана. 23Бугес бугеб кьун, босун бачӀунеб букӀана канчӀхъахӀилаб, бецӀбагӀараб ва канчӀбагӀараб квасул кун, тӀеренаб хӀебет, цӀцӀел квас, багӀар кьералъ релъарал гӀиял къухьдул ва тӀеренал цӀакал. 24ГӀарац яги мазгар кьезе бокьарас, гьеб кьуна БЕТӀЕРГЬАНАСЕ хасаб садакъалъун ва акациялъул цӀул бугес – цӀул кьуна. 25Ххам бессизе ва кун дургъизе бажари бугей щияй чӀужугӀаданалъ босун бачӀана канчӀхъахӀилаб, бецӀбагӀараб ва канчӀбагӀараб квасул кун ва тӀеренаб хӀебет. 26Цогидал руччабаз, жидерго бажариялда ва рекӀел ахӀиялда рекъон, дургъулеб букӀана цӀцӀел квас. 27Къавмазул ва тухумазул кӀудияз, эфодги каранда балеб цебебухьги къачӀазе, ониксалъул жавгьаралги цогидал багьа хириял жавгьаралги росун рачӀана. 28Нахучирахъалъе, хирияб нахуе ва гьуинмахӀазул жубаялъе хӀалтӀизаризе рукӀине жеги гьез рачӀана махӀгьуинал батӀи-батӀиял пицӀалгун хурдулги зайтуналъул нахги. 29РакӀ бацӀцӀадго садакъа гьабизе бокьаралщинал гӀизраилаз – руччабаз ва бихьиназ – ракӀ разиго БЕТӀЕРГЬАНАСЕ гӀоло хириял садакъаби кьуна. Гьеб кинабго кьуна Мусаги гьоркьов ккун БЕТӀЕРГЬАНАС гьезда тӀадкъараб хӀалтӀи гьабун бахъинабиялъе гӀоло.
Бецалиэл ва Ахолиав
(Тархъ. 31:1-11)
30Мусаца ГӀизраилил халкъалда абуна:
«ГӀенекке, БЕТӀЕРГЬАНАС тӀасавищана Ягьудал къавмалдаса ХӀурил Урийил вас Бецалиэл. 31Гьесулъе лъугьинабуна Аллагьасул РухӀ, гӀакъиллъи, бичӀчӀи-лъай ва кинабниги махщелчилъи. 32Гьесухъа бажарула меседил, гӀарцул ва мазгарул тӀагӀелал гьаризе, 33жавгьарал цӀвакизаризе ва гьел тӀагӀелазда кквезе; гьединго цӀулал хӀалтӀаби гьаризеги цоги бокьараб устарлъиялъеги гьунар буго гьесул. 34Гьесиеги Данил къавмалдаса Ахисамахил вас Ахолиавиеги цогидазда малъизе гьунарги кьун буго. 35Аллагьас гьезие кьуна бокьараб хӀалтӀи гьабизе гӀакълу-гьунар: гьезда лъала маххул ва цӀулал хӀалтӀаби гьаризе, гьединго тӀеренаб хӀебтил ва канчӀхъахӀилал, бецӀбагӀарал, канчӀбагӀарал куназул ххам бессизе кколеб куц. Гьел руго цӀакъал махщелчагӀи, кигӀан захӀматабги устарлъиялъе гӀакълу-гьунар бугел.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023