Тархъанлъи 31
31
Бецалиэл ва Ахолиав
(Тархъ. 35:30–36:1)
1БЕТӀЕРГЬАНАС Мусада абуна:
2«Дица тӀасавищана Ягьудал къавмалдаса ХӀурил Урийил вас Бецалиэл. 3Дица гьесулъе лъугьинабуна Аллагьасул РухӀ, гӀакъиллъи, бичӀчӀи-лъай ва кинабниги махщелчилъи. 4Гьесулъ махщел буго меседил, гӀарцул ва мазгарул тӀагӀелал гьаризе, 5жавгьарал цӀвакизаризе ва гьел тӀагӀелазда кквезе; гьединго цӀулал хӀалтӀаби гьаризеги цоги бокьараб устарлъиялъеги гьунар буго гьесул. 6Гьесие кумекалъе Дица толев вуго Данил къавмалдаса Ахисамахил вас Ахолиавги. ТӀолалго устарзабазеги Дица хасаб махщел кьуна, Дица дуе амру гьабурабщинаб хӀалтӀи гьабизе: 7ДандчӀваялъул Чадир, КъотӀиялъул гъамас, Чадиралъул тӀалъел ва Чадиралъе хӀажатаб цогидаб къайи-цӀа, 8стол ва гьелда цадахъаб къайи, бацӀцӀадаб меседалъул нахучирахъ ва гьелда цадахъаб къайи, махӀгьуинал жал рухӀулеб къурбан-бакӀ, 9къурбанал рухӀулеб къурбан-бакӀ ва гьелъие хӀажатаб цӀарагӀ, гьумер-кӀал чурулеб хӀерч ва гьелъул гъоркьчӀел, 10кашишзабазул хъулухъ тӀубазабулеб мехалъ тӀад ретӀунеб хасаб партал – КӀудияв кашиш Гьаруниеги гьесул васазеги, 11хирияб нах ва хирияб бакӀалда бухӀулеб махӀгьуинаб жубай. Биччанте гьез гьеб кинабго Дица дуда малъараб къагӀидаялда гьабизе».
Шаматкъо – хирияб къо
12БЕТӀЕРГЬАНАС Мусада абуна:
13«ГӀизраилазда абе: „Дир шаматкъоял тӀоритӀе, щайгурелъул гьеб букӀине буго Дица нужергун ва нужеда хадур рачӀине ругел наслабазулгун гьабураб КъотӀиялъул гӀаламатлъун, нуж тӀаса рищарав БЕТӀЕРГЬАН Дун вукӀин нужеда лъан букӀине.
14Шаматкъоялъул къанунал тӀуразаре: шаматкъо нужее хасаб хирияб къолъун букӀине ккола. Шаматкъоялъул низам хвезабурав щивав чиясе гӀажал букӀине буго; гьеб къоялъ хӀалтӀуде машгъуллъарав щивав чи гьесул умматалда гьоркьоса вачахъизе вуго. 15ХӀалтӀи гьабизе ккола анлъго къоялъ ва анкьабилеб къо, ай шаматкъо, буго хӀалхьиялъул къо – БЕТӀЕРГЬАНАСЕ батӀа гьабураб къо. Шаматкъоялъ хӀалтӀи гьабурав чи чӀвазе ккола. 16Байрамкъо гӀадин тӀобитӀизе ккола гӀизраилаз шаматкъо, наслабаца наслабазухъе кьолеб даимаб хирияб амру хӀисабалда. 17Гьеб абадул абадиялъего хутӀизе буго Дидаги ГӀизраилил халкъалдаги гьоркьоб бугеб КъотӀиялъул гӀаламатлъун. Щайгурелъул анлъго къоялъ БЕТӀЕРГЬАНАС гӀуцӀана зобалги ракьги, анкьабилеб къоялъ парахаталда чӀана ва хӀалхьи гьабуна“».
18Синай магӀарда Мусагун кӀалъан вахъиндал, БЕТӀЕРГЬАНАС гьесухъе кьуна хирияб КъотӀиялъул кӀиго къоно; гьезда тӀад хъвай-хъвагӀай гьабун букӀана БЕТӀЕРГЬАНАСУЛ квералъ.
Currently Selected:
Тархъанлъи 31: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 31
31
Бецалиэл ва Ахолиав
(Тархъ. 35:30–36:1)
1БЕТӀЕРГЬАНАС Мусада абуна:
2«Дица тӀасавищана Ягьудал къавмалдаса ХӀурил Урийил вас Бецалиэл. 3Дица гьесулъе лъугьинабуна Аллагьасул РухӀ, гӀакъиллъи, бичӀчӀи-лъай ва кинабниги махщелчилъи. 4Гьесулъ махщел буго меседил, гӀарцул ва мазгарул тӀагӀелал гьаризе, 5жавгьарал цӀвакизаризе ва гьел тӀагӀелазда кквезе; гьединго цӀулал хӀалтӀаби гьаризеги цоги бокьараб устарлъиялъеги гьунар буго гьесул. 6Гьесие кумекалъе Дица толев вуго Данил къавмалдаса Ахисамахил вас Ахолиавги. ТӀолалго устарзабазеги Дица хасаб махщел кьуна, Дица дуе амру гьабурабщинаб хӀалтӀи гьабизе: 7ДандчӀваялъул Чадир, КъотӀиялъул гъамас, Чадиралъул тӀалъел ва Чадиралъе хӀажатаб цогидаб къайи-цӀа, 8стол ва гьелда цадахъаб къайи, бацӀцӀадаб меседалъул нахучирахъ ва гьелда цадахъаб къайи, махӀгьуинал жал рухӀулеб къурбан-бакӀ, 9къурбанал рухӀулеб къурбан-бакӀ ва гьелъие хӀажатаб цӀарагӀ, гьумер-кӀал чурулеб хӀерч ва гьелъул гъоркьчӀел, 10кашишзабазул хъулухъ тӀубазабулеб мехалъ тӀад ретӀунеб хасаб партал – КӀудияв кашиш Гьаруниеги гьесул васазеги, 11хирияб нах ва хирияб бакӀалда бухӀулеб махӀгьуинаб жубай. Биччанте гьез гьеб кинабго Дица дуда малъараб къагӀидаялда гьабизе».
Шаматкъо – хирияб къо
12БЕТӀЕРГЬАНАС Мусада абуна:
13«ГӀизраилазда абе: „Дир шаматкъоял тӀоритӀе, щайгурелъул гьеб букӀине буго Дица нужергун ва нужеда хадур рачӀине ругел наслабазулгун гьабураб КъотӀиялъул гӀаламатлъун, нуж тӀаса рищарав БЕТӀЕРГЬАН Дун вукӀин нужеда лъан букӀине.
14Шаматкъоялъул къанунал тӀуразаре: шаматкъо нужее хасаб хирияб къолъун букӀине ккола. Шаматкъоялъул низам хвезабурав щивав чиясе гӀажал букӀине буго; гьеб къоялъ хӀалтӀуде машгъуллъарав щивав чи гьесул умматалда гьоркьоса вачахъизе вуго. 15ХӀалтӀи гьабизе ккола анлъго къоялъ ва анкьабилеб къо, ай шаматкъо, буго хӀалхьиялъул къо – БЕТӀЕРГЬАНАСЕ батӀа гьабураб къо. Шаматкъоялъ хӀалтӀи гьабурав чи чӀвазе ккола. 16Байрамкъо гӀадин тӀобитӀизе ккола гӀизраилаз шаматкъо, наслабаца наслабазухъе кьолеб даимаб хирияб амру хӀисабалда. 17Гьеб абадул абадиялъего хутӀизе буго Дидаги ГӀизраилил халкъалдаги гьоркьоб бугеб КъотӀиялъул гӀаламатлъун. Щайгурелъул анлъго къоялъ БЕТӀЕРГЬАНАС гӀуцӀана зобалги ракьги, анкьабилеб къоялъ парахаталда чӀана ва хӀалхьи гьабуна“».
18Синай магӀарда Мусагун кӀалъан вахъиндал, БЕТӀЕРГЬАНАС гьесухъе кьуна хирияб КъотӀиялъул кӀиго къоно; гьезда тӀад хъвай-хъвагӀай гьабун букӀана БЕТӀЕРГЬАНАСУЛ квералъ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023