Тархъанлъи 20
20
АнцӀго амру
(Къан. 5:5-33)
1БЕТӀЕРГЬАНАС гьадин абуна:
2«Дун вуго нужер БЕТӀЕРГЬАН, лагълъун нуж рукӀараб ракьалдаса, ай Мисриялдаса, нуж къватӀире рачарав нужер Аллагь.
3Дун гурел батӀиял аллагьзаби нужер рукӀине бегьуларо.
4Нужеего гьересиаллагь гьавуге – тӀад зобалазда бугелъул букӀа, гӀодоб ракьалда бугелъул букӀа, лъадалъ яги ракьулъ бугелъул букӀа, кинабгӀаги сипат-сурат гьабуге; 5гьезие тӀагӀат-гӀибадат гьабуге, Дун нужер БЕТӀЕРГЬАН Аллагьлъидал – хилиплъи хӀехьоларев#20:5 Хилиплъи хӀехьоларев – жугьутӀ мацӀалда «канна». «Канна» абураб рагӀул магӀна буго БетӀергьанасе инсан рухӀгӀанги хирияв вугин ва ракӀ-ракӀалъго тӀолабго къуват-жаналдалъун инсан Жиндие мутӀигӀлъи тӀалаб гьабулин Аллагьас ва Гьес хилиплъи хӀехьоларин абураб., умумузул мунагьазе гӀоло лъабабилеб ва ункъабилеб наслуялде щвезегӀанги гьезул лъималазул лъималазеги, Дун риханщиназе жаза гьабулев. 6Амма Дун вокьулезул ва Дир амруял тӀуразарулезул наслабазе – гьезул азарабилеб гӀелалде гӀунтӀунги – рахӀмат бикьулев.
7Нужерго БЕТӀЕРГЬАН Аллагьасул цӀар бахъуге кӀвар гьечӀого#20:7 Аллагьасул цӀарги бахъун гьересияб гьа гьедуге ва Гьесул цӀар гӀадада бахъуге абураб магӀна ккола гьаб Аллагьасул амруялъул., щайгурелъул БЕТӀЕРГЬАНАС кӀвар гьечӀого Жиндир цӀар бахъулев чиясеги жаза гьабичӀого толаро.
8Шаматкъо кӀочонге – гьеб хирияб къолъун цӀуне. 9Анлъго къоялъ хӀалтӀе ва тӀолалго дурго ишал тӀуразаре, 10амма анкьабилеб къо – гьеб ккола дур БЕТӀЕРГЬАН Аллагьасе батӀа гьабураб шаматкъо. Гьеб къоялъ нужеца кинаб бугониги хӀалтӀи гьабуге – я дуца, я нужер васас яги ясалъ, я нужер лагъас яги лагъалъ, я нужер хӀайваналъ, я нужер шагьаралда чӀел гьабурав къватӀиракьалдаса чияс. 11Анлъго къоялда жаниб БЕТӀЕРГЬАНАС зобги, ракьги, ралъадги ва гьезда тӀад-гъоркь бугебщинабги бижана, анкьабилеб къоялъин абуни, хӀалхьи гьабуна. Гьединлъидал БЕТӀЕРГЬАНАС шаматкъоялда баракат лъуна ва гьеб хирияб къолъун гьабуна.
12Эбел-инсул адаб-хъатир гьабе, БЕТӀЕРГЬАН Аллагьас кьураб ракьалда нужерго гӀумру халатаб букӀине.
13Чи чӀваге.
14Зина гьабуге.
15ЦӀогь гьабуге.
16ГьересинугӀлъи гьабуге.
17Чияр рукъалде хьул лъоге, чияр лъадуде хьул лъоге, гьесул лагъасде яги лагъалде, гьесул оцалде ялъуни хӀамиде – щибгӀаги чияр жоялде хьул лъоге».
18ТӀолабго халкъалда рагӀулеб ва бихьулеб букӀана гъугъадиги, пирхулеб пириги, сур пулеб гьаракьги, кӀкӀуйдулъ бугеб мегӀерги. Халкъ, кутакалда хӀинкъун, рикӀкӀадегӀан къан чӀана.
19«Мунго кӀалъай нижеда, ниж духъ гӀенеккила, – ян абуна гьез Мусада. – Амма Аллагь нижеда кӀалъагеян гьаре, ниж хвечӀого рукӀине».
20Мусаца халкъалда абуна:
«Нуж хӀинкъуге. Аллагь вачӀун вуго нужер хӀалбихьизе, Гьесукьа хӀинкъи нужер ракӀазулъ бижизабизе – нужеца мунагьал тезе рукӀине».
21Халкъ рикӀкӀадегӀан эхетаралъубго чӀана. Мусайин абуни, Аллагь жанив вугеб бецӀаб накӀкӀул парчаялда аскӀове гӀагарлъана.
Къурбан-бакӀалъул хӀакъалъулъ къанун
22Гьебмехалъ БЕТӀЕРГЬАНАС Мусада абуна: «ГӀизраилазда абе: „Нужедаго бихьана Дун зодисан нужгун кӀалъалев вукӀин:
23Дир бакӀалда нужеего гӀарац-меседалъул аллагьзаби гьаруге ва гьезие наку чӀваге!
24Дие къурбан-бакӀ бай хӀатӀул ва, нужерго гӀи-боцӀул рехъалъа рачун хъвезеги хъун, гьелда тӀад тӀоритӀе тӀуран рухӀулел ва ракълил къурбанал. Дицаго тӀаса бищараб щибаб бакӀалда Дун нужехъе вачӀине вуго ва нужеде баракат рещтӀинабизе буго.
25Дие къурбан-бакӀ ганчӀил гьабулеб бугони, бекӀкӀараб ганчӀил гьабуге гьеб. Нужеца квартӀа кӀутӀидал, гьеб хъублъула.
26Дир къурбан-бакӀалде болъодухъан тӀаде рахунге, ратӀлида гъоркьа нужер гӀицӀлъи гӀадамазда бихьичӀого букӀине“.
Currently Selected:
Тархъанлъи 20: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 20
20
АнцӀго амру
(Къан. 5:5-33)
1БЕТӀЕРГЬАНАС гьадин абуна:
2«Дун вуго нужер БЕТӀЕРГЬАН, лагълъун нуж рукӀараб ракьалдаса, ай Мисриялдаса, нуж къватӀире рачарав нужер Аллагь.
3Дун гурел батӀиял аллагьзаби нужер рукӀине бегьуларо.
4Нужеего гьересиаллагь гьавуге – тӀад зобалазда бугелъул букӀа, гӀодоб ракьалда бугелъул букӀа, лъадалъ яги ракьулъ бугелъул букӀа, кинабгӀаги сипат-сурат гьабуге; 5гьезие тӀагӀат-гӀибадат гьабуге, Дун нужер БЕТӀЕРГЬАН Аллагьлъидал – хилиплъи хӀехьоларев#20:5 Хилиплъи хӀехьоларев – жугьутӀ мацӀалда «канна». «Канна» абураб рагӀул магӀна буго БетӀергьанасе инсан рухӀгӀанги хирияв вугин ва ракӀ-ракӀалъго тӀолабго къуват-жаналдалъун инсан Жиндие мутӀигӀлъи тӀалаб гьабулин Аллагьас ва Гьес хилиплъи хӀехьоларин абураб., умумузул мунагьазе гӀоло лъабабилеб ва ункъабилеб наслуялде щвезегӀанги гьезул лъималазул лъималазеги, Дун риханщиназе жаза гьабулев. 6Амма Дун вокьулезул ва Дир амруял тӀуразарулезул наслабазе – гьезул азарабилеб гӀелалде гӀунтӀунги – рахӀмат бикьулев.
7Нужерго БЕТӀЕРГЬАН Аллагьасул цӀар бахъуге кӀвар гьечӀого#20:7 Аллагьасул цӀарги бахъун гьересияб гьа гьедуге ва Гьесул цӀар гӀадада бахъуге абураб магӀна ккола гьаб Аллагьасул амруялъул., щайгурелъул БЕТӀЕРГЬАНАС кӀвар гьечӀого Жиндир цӀар бахъулев чиясеги жаза гьабичӀого толаро.
8Шаматкъо кӀочонге – гьеб хирияб къолъун цӀуне. 9Анлъго къоялъ хӀалтӀе ва тӀолалго дурго ишал тӀуразаре, 10амма анкьабилеб къо – гьеб ккола дур БЕТӀЕРГЬАН Аллагьасе батӀа гьабураб шаматкъо. Гьеб къоялъ нужеца кинаб бугониги хӀалтӀи гьабуге – я дуца, я нужер васас яги ясалъ, я нужер лагъас яги лагъалъ, я нужер хӀайваналъ, я нужер шагьаралда чӀел гьабурав къватӀиракьалдаса чияс. 11Анлъго къоялда жаниб БЕТӀЕРГЬАНАС зобги, ракьги, ралъадги ва гьезда тӀад-гъоркь бугебщинабги бижана, анкьабилеб къоялъин абуни, хӀалхьи гьабуна. Гьединлъидал БЕТӀЕРГЬАНАС шаматкъоялда баракат лъуна ва гьеб хирияб къолъун гьабуна.
12Эбел-инсул адаб-хъатир гьабе, БЕТӀЕРГЬАН Аллагьас кьураб ракьалда нужерго гӀумру халатаб букӀине.
13Чи чӀваге.
14Зина гьабуге.
15ЦӀогь гьабуге.
16ГьересинугӀлъи гьабуге.
17Чияр рукъалде хьул лъоге, чияр лъадуде хьул лъоге, гьесул лагъасде яги лагъалде, гьесул оцалде ялъуни хӀамиде – щибгӀаги чияр жоялде хьул лъоге».
18ТӀолабго халкъалда рагӀулеб ва бихьулеб букӀана гъугъадиги, пирхулеб пириги, сур пулеб гьаракьги, кӀкӀуйдулъ бугеб мегӀерги. Халкъ, кутакалда хӀинкъун, рикӀкӀадегӀан къан чӀана.
19«Мунго кӀалъай нижеда, ниж духъ гӀенеккила, – ян абуна гьез Мусада. – Амма Аллагь нижеда кӀалъагеян гьаре, ниж хвечӀого рукӀине».
20Мусаца халкъалда абуна:
«Нуж хӀинкъуге. Аллагь вачӀун вуго нужер хӀалбихьизе, Гьесукьа хӀинкъи нужер ракӀазулъ бижизабизе – нужеца мунагьал тезе рукӀине».
21Халкъ рикӀкӀадегӀан эхетаралъубго чӀана. Мусайин абуни, Аллагь жанив вугеб бецӀаб накӀкӀул парчаялда аскӀове гӀагарлъана.
Къурбан-бакӀалъул хӀакъалъулъ къанун
22Гьебмехалъ БЕТӀЕРГЬАНАС Мусада абуна: «ГӀизраилазда абе: „Нужедаго бихьана Дун зодисан нужгун кӀалъалев вукӀин:
23Дир бакӀалда нужеего гӀарац-меседалъул аллагьзаби гьаруге ва гьезие наку чӀваге!
24Дие къурбан-бакӀ бай хӀатӀул ва, нужерго гӀи-боцӀул рехъалъа рачун хъвезеги хъун, гьелда тӀад тӀоритӀе тӀуран рухӀулел ва ракълил къурбанал. Дицаго тӀаса бищараб щибаб бакӀалда Дун нужехъе вачӀине вуго ва нужеде баракат рещтӀинабизе буго.
25Дие къурбан-бакӀ ганчӀил гьабулеб бугони, бекӀкӀараб ганчӀил гьабуге гьеб. Нужеца квартӀа кӀутӀидал, гьеб хъублъула.
26Дир къурбан-бакӀалде болъодухъан тӀаде рахунге, ратӀлида гъоркьа нужер гӀицӀлъи гӀадамазда бихьичӀого букӀине“.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023