Тархъанлъи 17
17
Кьурулъан лъим
(Тар. 20:1-13)
1Цинги, БЕТӀЕРГЬАНАСУЛ амруялда рекъон, ГӀизраилил халкъалъ Син авлахъ тана ва бакӀ-бакӀалда лъалхъиги гьабулаго, гочарилеб букӀана. Цо нухалда гьел Рефидималда лъалхъана ва гьениб къайи чӀвана, амма гьениб гьекъезе лъим букӀинчӀо. 2Гьебмехалъ Мусада гӀайибал чӀвазе байбихьана гьез:
«Лъим кье нижее! Ниж къечон руго», – янги абун.
«Щай нужеца дидехун дагӀба балеб? – ин абуна Мусаца. – Щай нужеца БЕТӀЕРГЬАНАСУЛ хӀалбихьулеб?»
3Амма халкъ къечон тату хун букӀана ва Мусада кӀалгьикъизе лъугьана:
«Щай дуца ниж Мисриялдаса нахъе рачарал? Нижги, нижер лъималги, гӀи-боцӀиги къечон хвезаризейищ дуе бокьараб?» – инги абун.
4Ва Муса БЕТӀЕРГЬАНАСДЕ ахӀи базе лъугьана:
«Щиб гьабилеб дица гьаб халкъалда? Дун гьаз ганчӀица чӀвазехъин вугогури!» – ян.
5БЕТӀЕРГЬАНАС Мусае жаваб гьабуна: «ГӀизраилалъул церехъабазул цо чангоявги цадахъ вачун, халкъалда цеве вахъа. Нилалда кьабун букӀараб гӀансаги босе.
6Дун Хоривалъул кьурда тӀад дуда дандвитӀун чӀела. Дуца кьурда кьабе, ва гьелда жаниса лъим чвахизе буго, цинги халкъалъул къеч буссина». Мусаца гьедин гьабуна гӀизраилазул церехъабаздаги бихьун.
7Мусаца гьеб бакӀалда цӀар лъуна Масса#17:7 Масса – жугьутӀазул мацӀалда, «хӀалбихьи». ва Мерива#17:7 Мерива – жугьутӀазул мацӀалда, «дагӀба, кӀалгьикъи». абун, щайгурелъул дагӀбадулел ва БЕТӀЕРГЬАНАСУЛ хӀалал рихьулел рукӀиндал гӀизраилал гьенир: «БЕТӀЕРГЬАН нижгун вугевищ яги гьечӀевищ?» – инги абун.
Амалекиязда тӀад бергьенлъи боси
8Амалекиял рачӀана ва Рефидималда ругел гӀизраилазда тӀаде кӀанцӀана. 9Мусаца Егьошуада абуна: «Халкъалда гьоркьоса лебалал бихьинал тӀаса рище амалекиялгун рагъизе. Дунин абуни, метер, кодоб ккун Аллагьасул гӀансагун, гохӀил тӀогьив чӀела».
10Егьошуаца Мусаца малъараб гьабуна ва нахъисеб къоялъ амалекиязда данде рагъ байбихьана; Мусаги, Гьарунги, ХӀурги гохӀил тӀогьире рахана. 11Мусаца кверал рорхун ругебгӀан мехалъ гӀизраилал бергьунаан, амма гьес кверал гӀодоре риччараб лахӀзаталдаго амалекиял бергьунаан. 12Амма Мусал кверал свакалел рукӀана. Гьединлъидал Гьаруницаги ХӀурицаги босун гамачӀ лъуна гьесда гъоркь. Муса гьелда тӀад гӀодов чӀана, Гьарунги ХӀурги гьесул кӀиябго хьолбохъ эхетана, ва гьез ккун чӀезаруна гьесул кверал – цояс цояб рахъалдасан, цогидас цогидаб рахъалдасан. Бакъ тӀерхьинегӀан Мусал кверал рорхун чӀезарун рукӀана, ва 13гьеб рагъулъ Егьошуаца къезабуна амалекиязул аскар.
14Гьелдаса хадуб БЕТӀЕРГЬАНАС Мусада абуна:
«Дуца гьалъул хъвай-хъвагӀай гьабе ва Егьошуада бице Амалекил халкъ Дица гьаб дунялалдаса тӀубанго лъугӀизабизе бугин».
15Цинги Мусаца БетӀергьанасе къурбаналъе бакӀ бана ва гьес гьелда ЙГЬВГЬ-Нисси#17:15 ЙГЬВГЬ-Нисси – жугьутӀ мацӀалда, «БЕТӀЕРГЬАН – дир байрахъ» абун цӀар лъуна. 16Ва гьес абуна: «БЕТӀЕРГЬАНАСУЛ тахиде квер борхун букӀана! Гьединлъидал БЕТӀЕРГЬАНАС рагъ гьабила Амалекгун гӀасрабазулъа гӀасрабазулъе!»
Currently Selected:
Тархъанлъи 17: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 17
17
Кьурулъан лъим
(Тар. 20:1-13)
1Цинги, БЕТӀЕРГЬАНАСУЛ амруялда рекъон, ГӀизраилил халкъалъ Син авлахъ тана ва бакӀ-бакӀалда лъалхъиги гьабулаго, гочарилеб букӀана. Цо нухалда гьел Рефидималда лъалхъана ва гьениб къайи чӀвана, амма гьениб гьекъезе лъим букӀинчӀо. 2Гьебмехалъ Мусада гӀайибал чӀвазе байбихьана гьез:
«Лъим кье нижее! Ниж къечон руго», – янги абун.
«Щай нужеца дидехун дагӀба балеб? – ин абуна Мусаца. – Щай нужеца БЕТӀЕРГЬАНАСУЛ хӀалбихьулеб?»
3Амма халкъ къечон тату хун букӀана ва Мусада кӀалгьикъизе лъугьана:
«Щай дуца ниж Мисриялдаса нахъе рачарал? Нижги, нижер лъималги, гӀи-боцӀиги къечон хвезаризейищ дуе бокьараб?» – инги абун.
4Ва Муса БЕТӀЕРГЬАНАСДЕ ахӀи базе лъугьана:
«Щиб гьабилеб дица гьаб халкъалда? Дун гьаз ганчӀица чӀвазехъин вугогури!» – ян.
5БЕТӀЕРГЬАНАС Мусае жаваб гьабуна: «ГӀизраилалъул церехъабазул цо чангоявги цадахъ вачун, халкъалда цеве вахъа. Нилалда кьабун букӀараб гӀансаги босе.
6Дун Хоривалъул кьурда тӀад дуда дандвитӀун чӀела. Дуца кьурда кьабе, ва гьелда жаниса лъим чвахизе буго, цинги халкъалъул къеч буссина». Мусаца гьедин гьабуна гӀизраилазул церехъабаздаги бихьун.
7Мусаца гьеб бакӀалда цӀар лъуна Масса#17:7 Масса – жугьутӀазул мацӀалда, «хӀалбихьи». ва Мерива#17:7 Мерива – жугьутӀазул мацӀалда, «дагӀба, кӀалгьикъи». абун, щайгурелъул дагӀбадулел ва БЕТӀЕРГЬАНАСУЛ хӀалал рихьулел рукӀиндал гӀизраилал гьенир: «БЕТӀЕРГЬАН нижгун вугевищ яги гьечӀевищ?» – инги абун.
Амалекиязда тӀад бергьенлъи боси
8Амалекиял рачӀана ва Рефидималда ругел гӀизраилазда тӀаде кӀанцӀана. 9Мусаца Егьошуада абуна: «Халкъалда гьоркьоса лебалал бихьинал тӀаса рище амалекиялгун рагъизе. Дунин абуни, метер, кодоб ккун Аллагьасул гӀансагун, гохӀил тӀогьив чӀела».
10Егьошуаца Мусаца малъараб гьабуна ва нахъисеб къоялъ амалекиязда данде рагъ байбихьана; Мусаги, Гьарунги, ХӀурги гохӀил тӀогьире рахана. 11Мусаца кверал рорхун ругебгӀан мехалъ гӀизраилал бергьунаан, амма гьес кверал гӀодоре риччараб лахӀзаталдаго амалекиял бергьунаан. 12Амма Мусал кверал свакалел рукӀана. Гьединлъидал Гьаруницаги ХӀурицаги босун гамачӀ лъуна гьесда гъоркь. Муса гьелда тӀад гӀодов чӀана, Гьарунги ХӀурги гьесул кӀиябго хьолбохъ эхетана, ва гьез ккун чӀезаруна гьесул кверал – цояс цояб рахъалдасан, цогидас цогидаб рахъалдасан. Бакъ тӀерхьинегӀан Мусал кверал рорхун чӀезарун рукӀана, ва 13гьеб рагъулъ Егьошуаца къезабуна амалекиязул аскар.
14Гьелдаса хадуб БЕТӀЕРГЬАНАС Мусада абуна:
«Дуца гьалъул хъвай-хъвагӀай гьабе ва Егьошуада бице Амалекил халкъ Дица гьаб дунялалдаса тӀубанго лъугӀизабизе бугин».
15Цинги Мусаца БетӀергьанасе къурбаналъе бакӀ бана ва гьес гьелда ЙГЬВГЬ-Нисси#17:15 ЙГЬВГЬ-Нисси – жугьутӀ мацӀалда, «БЕТӀЕРГЬАН – дир байрахъ» абун цӀар лъуна. 16Ва гьес абуна: «БЕТӀЕРГЬАНАСУЛ тахиде квер борхун букӀана! Гьединлъидал БЕТӀЕРГЬАНАС рагъ гьабила Амалекгун гӀасрабазулъа гӀасрабазулъе!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023