Тархъанлъи 14
14
Ралъад къотӀун церехун ин
1БЕТӀЕРГЬАНАС Мусада абуна:
2«ГӀизраилазда абе Мигдол абураб бакӀалдаги ралъдадаги гьоркьоб бугеб Пи-Гьахироталдехун ралагьун аян ва гьениб лъалхъи гьабеян. Риччанте гьел, ралъдал рагӀалда, битӀун БагӀал-Цефоналда цере чӀезе. 3ПиргӀавнас пикру гьабизе буго: „Авлахъалда, нухги къосун, свердилел ратила гӀизраилал“, – ин. 4Дица пиргӀавнасул рекӀелъе согӀлъи биччала, ва гьев нужеда хадув лъугьина. Амма пиргӀавнасдалъун ва гьесул аскараздалъун Дир цӀаруе рецц букӀина, гьел Дица къезарураб мехалъ. Гьебмехалъ мисриязда лъала Дун БЕТӀЕРГЬАН вукӀин». ГӀизраилаз гьедин гьабизеги гьабуна.
5Мисриялъул пачаясда халкъ лъутун анилан абураб мехалда, пиргӀавнасулги гьесул цересел гӀадамазулги пикру хисана ва гьез абуна:
«Нилъеца гьабураб жо щиб? Нилъеца гӀизраилалги риччан тун, нилъго хӀалтӀухъабаздаса махӀрум гьарунагури!»
6ПиргӀавнас жиндирго чуялгун чолгьоко хӀадурана ва жиндирго аскарги данде ахӀана. 7Гьес цадахъ бачана анлънусго тӀаса бищараб чолгьокоги Мисриялъул цогидал чолгьаказул аскарги; щибаб чолгьакида тӀад рагъулъ лъадарарал рагъухъабиги рукӀана. 8БЕТӀЕРГЬАНАС пиргӀавнасул рекӀелъе согӀлъи биччан букӀун, гьев гӀизраилазда хадув вортана. ГӀизраилал нухда унел рукӀана жидее щибго хӀинкъи гьечӀел чагӀи гӀадин. 9ПиргӀавнасул чолгьакалгун ва чотӀахъабигун гӀизраилазда хадур рортарал мисриял гьезда хадур гӀунтӀана, ралъдал рагӀалда къайиги чӀван, Пи-Гьахироталда гӀагарлъухъ, БагӀал-Цефоналда гӀизраилал рукӀаго.
10Жидерго аскаргун ПиргӀавн гӀагарлъулев вихьидал, ГӀизраилазда бичӀчӀана мисриял жидеда хадур лъугьун рукӀин. Гьебмехалъ гьел кутакалда хӀинкъана ва гьез БЕТӀЕРГЬАНАСДЕ ахӀи базе байбихьана. 11«Мисриялда хабал рукӀинчӀогойищ дуца ниж хвезе авлахъалде рачарал? – ин Мусада кӀалгьикъизе журана гьел. – Мисриялдаса къватӀиреги рачун, дуца нижее гьабураб щиб?
12Мисриялдаго нижеца дуда абулеб букӀинчӀищ: „Ниж жахӀалго те; мисриязе хӀалтӀизе те ниж“, – ин? – Мисриязул лагъзаллъун хутӀизего лъикӀан нижее, гьаб авлахъалда хвезегӀан!»
13Муса халкъалда кӀалъана: «Нуж хӀинкъуге. КъвакӀун чӀа, нужеда бихьила БЕТӀЕРГЬАНАС нуж жакъа хвасар гьарулеб куц. ГьабсагӀат нужер беразда цере ругел дол мисриял нужеда тӀокӀалъ киданиги рихьизе гьечӀо.
14Парахат рукӀа, БЕТӀЕРГЬАН вагъизе вуго гьелгун нужее гӀоло».
15БЕТӀЕРГЬАНАС Мусада абуна: «Щай дуца Диде ахӀи балеб? ГӀизраилал цере раче!
16Дурго гӀанса эхеде борхе ва ралъдада тӀаде балагьизабе, цинги гьеб кӀийиде бикьизе буго. Гьебмехалда гӀизраилазда кӀвезе буго, ракъдадасан кинигин, ралъдал тӀиналдасан ине. 17Дица мисриязул рекӀелъе согӀлъи биччана – гьелги нужеда хадур лъугьине руго. Амма жиндирго чолгьакалгун, чотӀахъабигун ва тӀолабго аскаргун пиргӀавнасда Дица Дирго къудрат бихьизабураб мехалъ, Дие кӀудияб рецц букӀине буго. 18Мисриязда лъазе буго Дун БЕТӀЕРГЬАН вукӀин ва пиргӀавнги, гьесул чуялги, чолгьакалги, чотӀахъабиги сабаблъун Дие рецц букӀине буго».
19ГӀизраилалъул аскаралда цеве унев вукӀарав Аллагьасул Малаик, гьезда нахъехун чӀана. НакӀкӀул парчаги, жиндирго бакӀалдасаги кьурун буссун, гьезда нахъа, 20Мисриялъул халкъалдаги ГӀизраилил халкъалдаги гьоркьоб чӀана. ТӀолабго сордоялъ накӀкӀул парча цояб рахъалъе бецӀлъилъун, цогидаб рахъалъе канлъилъун чӀана, ва гьеб сордоялъ бецӀлъиги канлъиги цоцалъ жубачӀо.
21Мусаца ралъдада тӀаде квер битӀана, ва БЕТӀЕРГЬАНАС тӀубараб сордоялъ къуватаб бакъбаккул гьуриги бахъинабун, ралъад бикьана ва гьелъул тӀину ракъдаллъиялде сверизабуна. Лъим бикьун ана, 22ва гӀизраилаз, бакъвараб тӀиндасанги рилълъун, ралъад бахана: лъим кӀиго къед гьабун бахъун чӀун букӀана, цо гьезул кваранаб рахъалда, цогияб гьезул квегӀаб рахъалда. 23Гьебмехалъ мисриялги гьезда хадур рортана. ПиргӀавнасул чуялги, чолгьакалги, чотӀахъабиги – киналго ралъдал тӀиналде кӀанцӀана. 24Рогьалил хъахӀлъи рехулеб гӀужалда, цӀадул ва накӀкӀул парчадулъан ваккун, БЕТӀЕРГЬАН валагьана мисриязул аскаралъухъ ва гьеб сагӀаталдаго гьезде кутакаб хӀинкъи рещтӀинабуна. 25Гьезул чолгьаказул гьакибурдул жагъаллъана, гьединлъидал чуязеги рилълъине цӀакъ захӀмалъун ккана.
Цинги мисриял ахӀдезе лъугьана:
«Гьаниса нахъе лъутизе ккола! ГӀизраилазул рахъалдасан Мисриялда данде вагъулев вуго Живго БЕТӀЕРГЬАН!» – ин абун.
26Гьеб мехалъ БЕТӀЕРГЬАНАС Мусада абуна: «Ралъдада тӀаде квер битӀе, лъим тӀадбуссун мисриязде, гьезул чуялгун чолгьаказде ва чотӀахъабазде тӀаде чвахизе букӀине».
27Мусаца ралъдада тӀаде квер битӀана ва рогьалилъ лъим жиндирго бакӀалде тӀадбуссун чвахана. Рекерун унел рукӀарал мисриял гьулчун бачӀунеб лъадакье ккана, ва БЕТӀЕРГЬАНАС гьел ралъдал бакьулъ лъадалъ тӀерхьинаруна. 28ТӀолабго лъим тӀадбуссун бачӀиндал, гьелъ гъанкъизаруна чолгьакалги чотӀахъабиги – гӀизраилазда хадуб ралъдалъе бортараб пиргӀавнасул тӀолабго аскар. Гьезул цонигияв хвасарлъичӀо.
29ГӀизраилазин абуни, ралъад бакьулъан бакъвараб тӀиндасанги рилълъун, бахана ралъад: лъим, цо гьезул кваранаб рахъалда, цогидаб – квегӀаб рахъалда, кӀиго къед гьабун бахъун чӀун букӀана. 30Гьеб къоялъ БЕТӀЕРГЬАНАС ГӀизраил мисрияздаса хвасар гьабуна ва гӀизраилазда гьезул жаназаби рихьана ралъдал рагӀалда. 31Жиндирго къудраталдалъун БЕТӀЕРГЬАНАС мисриязе гьабураб бихьидал, гьел БЕТӀЕРГЬАНАСУКЬА кутакалда хӀинкъана ва Гьесде иман лъуна, Гьесул лагъ Мусадаги божана.
Currently Selected:
Тархъанлъи 14: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 14
14
Ралъад къотӀун церехун ин
1БЕТӀЕРГЬАНАС Мусада абуна:
2«ГӀизраилазда абе Мигдол абураб бакӀалдаги ралъдадаги гьоркьоб бугеб Пи-Гьахироталдехун ралагьун аян ва гьениб лъалхъи гьабеян. Риччанте гьел, ралъдал рагӀалда, битӀун БагӀал-Цефоналда цере чӀезе. 3ПиргӀавнас пикру гьабизе буго: „Авлахъалда, нухги къосун, свердилел ратила гӀизраилал“, – ин. 4Дица пиргӀавнасул рекӀелъе согӀлъи биччала, ва гьев нужеда хадув лъугьина. Амма пиргӀавнасдалъун ва гьесул аскараздалъун Дир цӀаруе рецц букӀина, гьел Дица къезарураб мехалъ. Гьебмехалъ мисриязда лъала Дун БЕТӀЕРГЬАН вукӀин». ГӀизраилаз гьедин гьабизеги гьабуна.
5Мисриялъул пачаясда халкъ лъутун анилан абураб мехалда, пиргӀавнасулги гьесул цересел гӀадамазулги пикру хисана ва гьез абуна:
«Нилъеца гьабураб жо щиб? Нилъеца гӀизраилалги риччан тун, нилъго хӀалтӀухъабаздаса махӀрум гьарунагури!»
6ПиргӀавнас жиндирго чуялгун чолгьоко хӀадурана ва жиндирго аскарги данде ахӀана. 7Гьес цадахъ бачана анлънусго тӀаса бищараб чолгьокоги Мисриялъул цогидал чолгьаказул аскарги; щибаб чолгьакида тӀад рагъулъ лъадарарал рагъухъабиги рукӀана. 8БЕТӀЕРГЬАНАС пиргӀавнасул рекӀелъе согӀлъи биччан букӀун, гьев гӀизраилазда хадув вортана. ГӀизраилал нухда унел рукӀана жидее щибго хӀинкъи гьечӀел чагӀи гӀадин. 9ПиргӀавнасул чолгьакалгун ва чотӀахъабигун гӀизраилазда хадур рортарал мисриял гьезда хадур гӀунтӀана, ралъдал рагӀалда къайиги чӀван, Пи-Гьахироталда гӀагарлъухъ, БагӀал-Цефоналда гӀизраилал рукӀаго.
10Жидерго аскаргун ПиргӀавн гӀагарлъулев вихьидал, ГӀизраилазда бичӀчӀана мисриял жидеда хадур лъугьун рукӀин. Гьебмехалъ гьел кутакалда хӀинкъана ва гьез БЕТӀЕРГЬАНАСДЕ ахӀи базе байбихьана. 11«Мисриялда хабал рукӀинчӀогойищ дуца ниж хвезе авлахъалде рачарал? – ин Мусада кӀалгьикъизе журана гьел. – Мисриялдаса къватӀиреги рачун, дуца нижее гьабураб щиб?
12Мисриялдаго нижеца дуда абулеб букӀинчӀищ: „Ниж жахӀалго те; мисриязе хӀалтӀизе те ниж“, – ин? – Мисриязул лагъзаллъун хутӀизего лъикӀан нижее, гьаб авлахъалда хвезегӀан!»
13Муса халкъалда кӀалъана: «Нуж хӀинкъуге. КъвакӀун чӀа, нужеда бихьила БЕТӀЕРГЬАНАС нуж жакъа хвасар гьарулеб куц. ГьабсагӀат нужер беразда цере ругел дол мисриял нужеда тӀокӀалъ киданиги рихьизе гьечӀо.
14Парахат рукӀа, БЕТӀЕРГЬАН вагъизе вуго гьелгун нужее гӀоло».
15БЕТӀЕРГЬАНАС Мусада абуна: «Щай дуца Диде ахӀи балеб? ГӀизраилал цере раче!
16Дурго гӀанса эхеде борхе ва ралъдада тӀаде балагьизабе, цинги гьеб кӀийиде бикьизе буго. Гьебмехалда гӀизраилазда кӀвезе буго, ракъдадасан кинигин, ралъдал тӀиналдасан ине. 17Дица мисриязул рекӀелъе согӀлъи биччана – гьелги нужеда хадур лъугьине руго. Амма жиндирго чолгьакалгун, чотӀахъабигун ва тӀолабго аскаргун пиргӀавнасда Дица Дирго къудрат бихьизабураб мехалъ, Дие кӀудияб рецц букӀине буго. 18Мисриязда лъазе буго Дун БЕТӀЕРГЬАН вукӀин ва пиргӀавнги, гьесул чуялги, чолгьакалги, чотӀахъабиги сабаблъун Дие рецц букӀине буго».
19ГӀизраилалъул аскаралда цеве унев вукӀарав Аллагьасул Малаик, гьезда нахъехун чӀана. НакӀкӀул парчаги, жиндирго бакӀалдасаги кьурун буссун, гьезда нахъа, 20Мисриялъул халкъалдаги ГӀизраилил халкъалдаги гьоркьоб чӀана. ТӀолабго сордоялъ накӀкӀул парча цояб рахъалъе бецӀлъилъун, цогидаб рахъалъе канлъилъун чӀана, ва гьеб сордоялъ бецӀлъиги канлъиги цоцалъ жубачӀо.
21Мусаца ралъдада тӀаде квер битӀана, ва БЕТӀЕРГЬАНАС тӀубараб сордоялъ къуватаб бакъбаккул гьуриги бахъинабун, ралъад бикьана ва гьелъул тӀину ракъдаллъиялде сверизабуна. Лъим бикьун ана, 22ва гӀизраилаз, бакъвараб тӀиндасанги рилълъун, ралъад бахана: лъим кӀиго къед гьабун бахъун чӀун букӀана, цо гьезул кваранаб рахъалда, цогияб гьезул квегӀаб рахъалда. 23Гьебмехалъ мисриялги гьезда хадур рортана. ПиргӀавнасул чуялги, чолгьакалги, чотӀахъабиги – киналго ралъдал тӀиналде кӀанцӀана. 24Рогьалил хъахӀлъи рехулеб гӀужалда, цӀадул ва накӀкӀул парчадулъан ваккун, БЕТӀЕРГЬАН валагьана мисриязул аскаралъухъ ва гьеб сагӀаталдаго гьезде кутакаб хӀинкъи рещтӀинабуна. 25Гьезул чолгьаказул гьакибурдул жагъаллъана, гьединлъидал чуязеги рилълъине цӀакъ захӀмалъун ккана.
Цинги мисриял ахӀдезе лъугьана:
«Гьаниса нахъе лъутизе ккола! ГӀизраилазул рахъалдасан Мисриялда данде вагъулев вуго Живго БЕТӀЕРГЬАН!» – ин абун.
26Гьеб мехалъ БЕТӀЕРГЬАНАС Мусада абуна: «Ралъдада тӀаде квер битӀе, лъим тӀадбуссун мисриязде, гьезул чуялгун чолгьаказде ва чотӀахъабазде тӀаде чвахизе букӀине».
27Мусаца ралъдада тӀаде квер битӀана ва рогьалилъ лъим жиндирго бакӀалде тӀадбуссун чвахана. Рекерун унел рукӀарал мисриял гьулчун бачӀунеб лъадакье ккана, ва БЕТӀЕРГЬАНАС гьел ралъдал бакьулъ лъадалъ тӀерхьинаруна. 28ТӀолабго лъим тӀадбуссун бачӀиндал, гьелъ гъанкъизаруна чолгьакалги чотӀахъабиги – гӀизраилазда хадуб ралъдалъе бортараб пиргӀавнасул тӀолабго аскар. Гьезул цонигияв хвасарлъичӀо.
29ГӀизраилазин абуни, ралъад бакьулъан бакъвараб тӀиндасанги рилълъун, бахана ралъад: лъим, цо гьезул кваранаб рахъалда, цогидаб – квегӀаб рахъалда, кӀиго къед гьабун бахъун чӀун букӀана. 30Гьеб къоялъ БЕТӀЕРГЬАНАС ГӀизраил мисрияздаса хвасар гьабуна ва гӀизраилазда гьезул жаназаби рихьана ралъдал рагӀалда. 31Жиндирго къудраталдалъун БЕТӀЕРГЬАНАС мисриязе гьабураб бихьидал, гьел БЕТӀЕРГЬАНАСУКЬА кутакалда хӀинкъана ва Гьесде иман лъуна, Гьесул лагъ Мусадаги божана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023