Тархъанлъи 10
10
Микьабилеб жаза: гарцӀ биччай
1БЕТӀЕРГЬАНАС Мусада абуна: «ПиргӀавнасухъе а. ПиргӀавнасулги гьесул цересел гӀадамазулги ракӀазулъе Дица согӀлъи биччазе буго, гьезда гӀаламатал рихьизаризе рукӀине, 2ва дуцаги хадубккун лъималазда ва гьезулги лъималазда бицине букӀине Дица цӀоб тун мисриязе гьабураб жазаялъул ва гьезда рихьизарурал хӀикматазул. Гьебмехалъ нужеда лъан букӀина Дун БЕТӀЕРГЬАН вукӀин».
3Мусаги Гьарунги пиргӀавнасухъе рилълъана, ва гьез гьесда абуна:
«Гьадин абулеб буго жугьутӀазул БЕТӀЕРГЬАН Аллагьас: „КидаллъизегӀан дуца инкар гьабизе бугеб Дие мутӀигӀлъизе? Биччай Дир халкъ Дие тӀагӀат-гӀибадат гьабизе ине! 4Дуца Дир халкъ биччачӀони, дур улкаялде тӀаде Дица метерго гарцӀ тӀамизе буго. 5Гьеб киса-кибего тӀибитӀизе буго ракьалъул гьумерцин бихьулареб хӀалалда. Гьелъ кваназе буго горо-цӀер бан хадуб хутӀарабщинабги мегъ-ракьалда бижарабщинаб гъветӀги. 6ГарцӀалъ цӀезаризе руго дур кӀалгӀаби ва дур цересел гӀадамазулги киналго мисриязулги рукъзал; гьаб ракьалда рижаралдаса нахъе жакъа къоялде щвезегӀанги, я дур умумузда, я дур умумузулги умумузда гьединаб жо жеги бихьун букӀинчӀо“». Гьединги абун, кьурун вуссун, Муса пиргӀавнасул бакӀалдаса нахъе ана.
7Гьебмехалъ гьесул чӀухӀби-хӀакимзабаз пиргӀавнасда абуна: «Жеги кире щвезегӀан дов чияс нилъ гьаб хӀалалда чӀезаризе ругел? Жидерго БЕТӀЕРГЬАН Аллагьасе тӀагӀат-гӀибадат гьабизе ине риччай дол чагӀи. Дуда бихьулеб гьечӀищ Мисриялъул иш ахиралде кколеб букӀин?»
8Гьебмехалъ Мусаги Гьарунги пиргӀавнасухъе тӀад руссинаруна.
«Нужерго БЕТӀЕРГЬАН Аллагьасе тӀагӀат-гӀибадат гьабизе а, – ян абуна гьес. – Щал-щал гьенире ине ругел?»
9Мусаца абуна: «Ниж ине руго лъималгун ва харабигун, васал-ясалгун, гӀи-цӀаназул рехъабигун ва боцӀул рехьедалгун. БЕТӀЕРГЬАНАСЕ гьабулеб байрамлъидал гьеб нижер».
10ПиргӀавнас абуна: «Дица лъималгун цадахъ нуж риччани, биччанте БЕТӀЕРГЬАНАС квербакъи гьабизе нужее! Амма нухда балагьазукье ккезе гуринха!
11Гьеб букӀунареб жо! Нужеца гьедигӀан цӀакъ гьарулеб бугелъул, а БЕТӀЕРГЬАНАСЕ тӀагӀат-гӀибадат гьабизе, амма цохӀо бихьинал гурони унге».
Цинги Гьарунги Мусаги пиргӀавнасда цереса нахъе къотӀана.
12БЕТӀЕРГЬАНАС Мусада абуна: «Мисриялъул ракьалде тӀаде квер борхе, цинги баккила гарцӀ. Гьелъ кваназе буго ракьалда бижарабщинаб – горо-цӀер бан хадуб нахъе хутӀанщинаб».
13Мусаца Мисриялде тӀаде гӀанса борхана ва БЕТӀЕРГЬАНАС ракьалде тӀаде биччана бакъбаккул гьури. ТӀубараб сордо-къоялъ гьури пуна ва рогьалиде гьороца босун бачӀана гарцӀ. 14Кутакалда гӀемераб гарцӀ тӀаделъана Мисриялде ва гьелъ тӀолабго улка цӀезабуна. ГарцӀазул гьединаб чабхъен цебеккун киданиги букӀинчӀо ва хадубккунги киданиги букӀине гьечӀо. 15Гьелъ чӀегӀераб накӀкӀ лъугьун бахчизабуна тӀолабго ракь. Горо-цӀералдаса хадуб хутӀанщинаб – мегъ-ракьалда бижулеб букӀанщинабги, гъутӀбузда хутӀарабщинаб пихъги – квана гьелъ. ТӀолабго Мисриялда, я гъутӀбузда тӀамах, я ракьалда щибгӀаги гӀурччинлъи хутӀичӀо.
16ПиргӀавнас хехго Мусаги Гьарунги тӀаде ахӀана ва гьезда абуна: «Дун мунагьалъукье ккана нужер БЕТӀЕРГЬАН Аллагьасда цеве ва нужеда цеве. 17Ахирисеб нухалъги дида тӀаса лъугьа. Нужер БЕТӀЕРГЬАН Аллагьасда гьаре гьаб хвалил кваркьи дида тӀаса нахъе бачеян».
18Муса пиргӀавнасул бакӀалдаса нахъе ана, ва гьес БЕТӀЕРГЬАНАСДА гьарун дугӀа гьабуна. 19Цинги БЕТӀЕРГЬАНАС кутакаб гьури бахъинабуна бакътӀерхьул рахъалдасан, ва гьеб кутакаб гьороца БагӀараб ралъдахъе хъамун ана гарцӀ. Мисриялда цо гарцӀ хутӀичӀо. 20Амма БЕТӀЕРГЬАНАС пиргӀавнасул рекӀелъе согӀлъи биччана ва гьес гӀизраилал риччачӀо.
ИчӀабилеб жаза: бецӀлъи
21БЕТӀЕРГЬАНАС Мусада абуна:
«Зодобе квер борхе ва Мисриялде бецӀлъи рещтӀине буго – лахӀчӀегӀераб бецӀлъи».
22Мусаца зодобе квер борхана, ва лахӀтугӀан чӀегӀераб бецӀлъи рещтӀана тӀолабго Мисриялде лъабго къоялъ. 23Лъабго къоялъ гӀадамазда кӀолеб букӀинчӀо я цоцада рихьизе, я чӀараб бакӀалдаса доре-гьанире рагъаризе. ГӀизраилазулин абуни, ай гьезул чӀей бугеб бакӀалда, канлъи букӀана.
24Гьебмехалъ пиргӀавнас Муса ахӀана ва гьесда абуна: «Нужерго БЕТӀЕРГЬАНАСЕ тӀагӀат-гӀибадат гьабизе а. ГӀицӀго нужер гӀи-боцӀи гьанибго те, лъималин абуни, нужгун цадахъ ине бегьила».
25Мусаца абуна: «Дуца нижеда цадахъ боцӀиги биччазе ккола, нижер БЕТӀЕРГЬАН Аллагьасе нижеца къурбанал ва тӀубанго рухӀулел къурбанал тӀоритӀизе рукӀине!
26Нижер кинабго боцӀи нижеда цадахъ букӀине ккола, гьезул щанкӀлалцин гьанир хутӀизе гьечӀо. Доре щвараб мехалда нижеца тӀаса рищила нижер БЕТӀЕРГЬАН Аллагьасе къурбаналъе хӀайванал. Доре щвечӀого нижеда лъаларо кинал хӀайванал БЕТӀЕРГЬАНАСЕ къурбан гьаризе кколелали».
27БетӀергьанас пиргӀавнасул рекӀелъе тӀирунчӀей рехана ва гьев разилъичӀо гьел риччазе. 28Гьес Мусада абуна:
«ТӀагӀа дир берда цевеса! ТӀокӀалъ дида цеве къаге! Мун дида цеве вачӀани, дуе хвел букӀине буго».
29Мусаца абуна: «Гьеб битӀараб буго. ТӀокӀалъ дуда дун вихьиларо».
Currently Selected:
Тархъанлъи 10: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 10
10
Микьабилеб жаза: гарцӀ биччай
1БЕТӀЕРГЬАНАС Мусада абуна: «ПиргӀавнасухъе а. ПиргӀавнасулги гьесул цересел гӀадамазулги ракӀазулъе Дица согӀлъи биччазе буго, гьезда гӀаламатал рихьизаризе рукӀине, 2ва дуцаги хадубккун лъималазда ва гьезулги лъималазда бицине букӀине Дица цӀоб тун мисриязе гьабураб жазаялъул ва гьезда рихьизарурал хӀикматазул. Гьебмехалъ нужеда лъан букӀина Дун БЕТӀЕРГЬАН вукӀин».
3Мусаги Гьарунги пиргӀавнасухъе рилълъана, ва гьез гьесда абуна:
«Гьадин абулеб буго жугьутӀазул БЕТӀЕРГЬАН Аллагьас: „КидаллъизегӀан дуца инкар гьабизе бугеб Дие мутӀигӀлъизе? Биччай Дир халкъ Дие тӀагӀат-гӀибадат гьабизе ине! 4Дуца Дир халкъ биччачӀони, дур улкаялде тӀаде Дица метерго гарцӀ тӀамизе буго. 5Гьеб киса-кибего тӀибитӀизе буго ракьалъул гьумерцин бихьулареб хӀалалда. Гьелъ кваназе буго горо-цӀер бан хадуб хутӀарабщинабги мегъ-ракьалда бижарабщинаб гъветӀги. 6ГарцӀалъ цӀезаризе руго дур кӀалгӀаби ва дур цересел гӀадамазулги киналго мисриязулги рукъзал; гьаб ракьалда рижаралдаса нахъе жакъа къоялде щвезегӀанги, я дур умумузда, я дур умумузулги умумузда гьединаб жо жеги бихьун букӀинчӀо“». Гьединги абун, кьурун вуссун, Муса пиргӀавнасул бакӀалдаса нахъе ана.
7Гьебмехалъ гьесул чӀухӀби-хӀакимзабаз пиргӀавнасда абуна: «Жеги кире щвезегӀан дов чияс нилъ гьаб хӀалалда чӀезаризе ругел? Жидерго БЕТӀЕРГЬАН Аллагьасе тӀагӀат-гӀибадат гьабизе ине риччай дол чагӀи. Дуда бихьулеб гьечӀищ Мисриялъул иш ахиралде кколеб букӀин?»
8Гьебмехалъ Мусаги Гьарунги пиргӀавнасухъе тӀад руссинаруна.
«Нужерго БЕТӀЕРГЬАН Аллагьасе тӀагӀат-гӀибадат гьабизе а, – ян абуна гьес. – Щал-щал гьенире ине ругел?»
9Мусаца абуна: «Ниж ине руго лъималгун ва харабигун, васал-ясалгун, гӀи-цӀаназул рехъабигун ва боцӀул рехьедалгун. БЕТӀЕРГЬАНАСЕ гьабулеб байрамлъидал гьеб нижер».
10ПиргӀавнас абуна: «Дица лъималгун цадахъ нуж риччани, биччанте БЕТӀЕРГЬАНАС квербакъи гьабизе нужее! Амма нухда балагьазукье ккезе гуринха!
11Гьеб букӀунареб жо! Нужеца гьедигӀан цӀакъ гьарулеб бугелъул, а БЕТӀЕРГЬАНАСЕ тӀагӀат-гӀибадат гьабизе, амма цохӀо бихьинал гурони унге».
Цинги Гьарунги Мусаги пиргӀавнасда цереса нахъе къотӀана.
12БЕТӀЕРГЬАНАС Мусада абуна: «Мисриялъул ракьалде тӀаде квер борхе, цинги баккила гарцӀ. Гьелъ кваназе буго ракьалда бижарабщинаб – горо-цӀер бан хадуб нахъе хутӀанщинаб».
13Мусаца Мисриялде тӀаде гӀанса борхана ва БЕТӀЕРГЬАНАС ракьалде тӀаде биччана бакъбаккул гьури. ТӀубараб сордо-къоялъ гьури пуна ва рогьалиде гьороца босун бачӀана гарцӀ. 14Кутакалда гӀемераб гарцӀ тӀаделъана Мисриялде ва гьелъ тӀолабго улка цӀезабуна. ГарцӀазул гьединаб чабхъен цебеккун киданиги букӀинчӀо ва хадубккунги киданиги букӀине гьечӀо. 15Гьелъ чӀегӀераб накӀкӀ лъугьун бахчизабуна тӀолабго ракь. Горо-цӀералдаса хадуб хутӀанщинаб – мегъ-ракьалда бижулеб букӀанщинабги, гъутӀбузда хутӀарабщинаб пихъги – квана гьелъ. ТӀолабго Мисриялда, я гъутӀбузда тӀамах, я ракьалда щибгӀаги гӀурччинлъи хутӀичӀо.
16ПиргӀавнас хехго Мусаги Гьарунги тӀаде ахӀана ва гьезда абуна: «Дун мунагьалъукье ккана нужер БЕТӀЕРГЬАН Аллагьасда цеве ва нужеда цеве. 17Ахирисеб нухалъги дида тӀаса лъугьа. Нужер БЕТӀЕРГЬАН Аллагьасда гьаре гьаб хвалил кваркьи дида тӀаса нахъе бачеян».
18Муса пиргӀавнасул бакӀалдаса нахъе ана, ва гьес БЕТӀЕРГЬАНАСДА гьарун дугӀа гьабуна. 19Цинги БЕТӀЕРГЬАНАС кутакаб гьури бахъинабуна бакътӀерхьул рахъалдасан, ва гьеб кутакаб гьороца БагӀараб ралъдахъе хъамун ана гарцӀ. Мисриялда цо гарцӀ хутӀичӀо. 20Амма БЕТӀЕРГЬАНАС пиргӀавнасул рекӀелъе согӀлъи биччана ва гьес гӀизраилал риччачӀо.
ИчӀабилеб жаза: бецӀлъи
21БЕТӀЕРГЬАНАС Мусада абуна:
«Зодобе квер борхе ва Мисриялде бецӀлъи рещтӀине буго – лахӀчӀегӀераб бецӀлъи».
22Мусаца зодобе квер борхана, ва лахӀтугӀан чӀегӀераб бецӀлъи рещтӀана тӀолабго Мисриялде лъабго къоялъ. 23Лъабго къоялъ гӀадамазда кӀолеб букӀинчӀо я цоцада рихьизе, я чӀараб бакӀалдаса доре-гьанире рагъаризе. ГӀизраилазулин абуни, ай гьезул чӀей бугеб бакӀалда, канлъи букӀана.
24Гьебмехалъ пиргӀавнас Муса ахӀана ва гьесда абуна: «Нужерго БЕТӀЕРГЬАНАСЕ тӀагӀат-гӀибадат гьабизе а. ГӀицӀго нужер гӀи-боцӀи гьанибго те, лъималин абуни, нужгун цадахъ ине бегьила».
25Мусаца абуна: «Дуца нижеда цадахъ боцӀиги биччазе ккола, нижер БЕТӀЕРГЬАН Аллагьасе нижеца къурбанал ва тӀубанго рухӀулел къурбанал тӀоритӀизе рукӀине!
26Нижер кинабго боцӀи нижеда цадахъ букӀине ккола, гьезул щанкӀлалцин гьанир хутӀизе гьечӀо. Доре щвараб мехалда нижеца тӀаса рищила нижер БЕТӀЕРГЬАН Аллагьасе къурбаналъе хӀайванал. Доре щвечӀого нижеда лъаларо кинал хӀайванал БЕТӀЕРГЬАНАСЕ къурбан гьаризе кколелали».
27БетӀергьанас пиргӀавнасул рекӀелъе тӀирунчӀей рехана ва гьев разилъичӀо гьел риччазе. 28Гьес Мусада абуна:
«ТӀагӀа дир берда цевеса! ТӀокӀалъ дида цеве къаге! Мун дида цеве вачӀани, дуе хвел букӀине буго».
29Мусаца абуна: «Гьеб битӀараб буго. ТӀокӀалъ дуда дун вихьиларо».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023