Тархъанлъи 1
1
ГӀизраилал зулмуялда гъоркь
1Жинди-жиндир хъизан-агьлугун Мисриялде ГӀизраилгун (Якъубгун) рачӀарал гьесул васазул цӀарал гьадинал рукӀана: 2Рувим, Шимеон, Левий, Ягьуда, 3Иссахар, Зевулун, Бунямин, 4Дан, Нафтали, Гад ва Ашер. 5Кинавниги гьезул, ай Якъубил наслуялъул чагӀазул – доб мехалда Мисриялда чӀей гьабун вукӀарав Юсупги малъун – вукӀана лъабкъоялда анцӀго чи.
6Заман ана, Юсупги, гьесул вацалги, гьезул гӀелалъул тӀолалго гӀадамалги хвана. 7ГӀизраилазе гӀемерал лъимал гьаруна: гьезул къадар ва гьезул гуч тӀадеялдаса тӀаде цӀикӀкӀана, ва тӀолабго улкаялда тӀибитӀана гьезул халкъ.
ГӀизраилал зулмуялда гъоркь
8Гьоркьоб заман ана ва Мисриялда вахъана Юсупил хӀакъалъулъ жинда щибго лъаларев цӀияв пача. 9Гьес жиндирго халкъалда абуна:
«Ралагье, гӀизраилал хӀалкӀун гӀемерлъулел ва нилъедасаги цӀакъго къуваталлъун лъугьунел руго! 10Нилъ цӀодорго хӀалтӀизин. ГӀизраилал жеги гӀемерлъани ва гьеб мехалда рагъги ккани, гьел нилъер тушбабигунги цолъун, нилъеда данде рагъизе бегьула ва нилъер улкаялдаса нахъе ине бегьула».
11ЗахӀматаб хӀалтӀудалъун гӀизраилазул тату хвезабизелъун гьезие тӀадчагӀи тана мисрияз ва гьезда разаруна, пиргӀавнасе нахърател жаниб цӀунизе, Питом ва Раамсес абурал шагьарал. 12Амма, зулму цӀикӀкӀинабунагӀан, гӀизраилазул къадарги цӀикӀкӀунеб букӀана ва мисриязда кӀудияб хӀинкъи речӀчӀана. 13Гьединлъидал гьез жеги цӀакъ гурхӀел тун хӀалтӀизе тӀамулел рукӀана гӀизраилал; 14гьезул гӀумру кьогӀлъизабуна, хӀатӀ бухъизе, саманалъул кирпичал къотӀизе ва хурзабахъ хӀалтӀизе тӀамун, ва гурхӀел-рахӀму тун, кинабниги бакӀаб хӀалтӀи гьабизе тӀамун.
15Мисриялъул пачаяс Шифра ва Пуа абулел жугьутӀазул чӀарахъабазе 16буюрухъ кьуна:
«ЖугьутӀ руччабаз лъимер гьабулелъул, нужеда бихьани вас гьавулев вукӀин, хвезаве гьев, яс гьаюлей йигони – чӀаго те».
17Амма чӀарахъаби Аллагьасукьа хӀинкъарал рукӀун, гьез Мисриялъул пачаясул буюрухъ тӀубазабичӀо: васал чӀаго толел рукӀана. 18Цинги Мисриялъул пачаяс чӀарахъаби тӀаде ахӀана ва гьезда абуна:
«Щай нужеца гьедин гьабулеб? Щай нужеца васал чӀаго толел ругел?»
19ЧӀарахъабаз пиргӀавнасда абуна:
«ЖугьутӀазул руччаби Мисриялъул гӀадал гьечӀо, гьел къвакӀарал руго; чӀарахъаби тӀаде щвелалдего лъимер гьабун батула гьез».
20Гьедин гьабуралъухъ Аллагьас сундулъго квербакъулеб букӀана чӀарахъабазе, гӀизраилазул халкъги жеги гӀемерлъана ва тӀадеялдаса тӀаде щулалъулеб букӀана. 21ЧӀарахъаби Аллагьасукьа хӀинкъарал рукӀиндал, Гьес гьезул хъизан-рукъалдего баракат рещтӀинабуна. 22Гьебмехалъ пиргӀавнас тӀолабго халкъалъе буюрухъ кьуна:
«ЖугьутӀазе гьавурав щивав вас гӀурулъе рехе, ясал чӀаго те!» – ян.
Currently Selected:
Тархъанлъи 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 1
1
ГӀизраилал зулмуялда гъоркь
1Жинди-жиндир хъизан-агьлугун Мисриялде ГӀизраилгун (Якъубгун) рачӀарал гьесул васазул цӀарал гьадинал рукӀана: 2Рувим, Шимеон, Левий, Ягьуда, 3Иссахар, Зевулун, Бунямин, 4Дан, Нафтали, Гад ва Ашер. 5Кинавниги гьезул, ай Якъубил наслуялъул чагӀазул – доб мехалда Мисриялда чӀей гьабун вукӀарав Юсупги малъун – вукӀана лъабкъоялда анцӀго чи.
6Заман ана, Юсупги, гьесул вацалги, гьезул гӀелалъул тӀолалго гӀадамалги хвана. 7ГӀизраилазе гӀемерал лъимал гьаруна: гьезул къадар ва гьезул гуч тӀадеялдаса тӀаде цӀикӀкӀана, ва тӀолабго улкаялда тӀибитӀана гьезул халкъ.
ГӀизраилал зулмуялда гъоркь
8Гьоркьоб заман ана ва Мисриялда вахъана Юсупил хӀакъалъулъ жинда щибго лъаларев цӀияв пача. 9Гьес жиндирго халкъалда абуна:
«Ралагье, гӀизраилал хӀалкӀун гӀемерлъулел ва нилъедасаги цӀакъго къуваталлъун лъугьунел руго! 10Нилъ цӀодорго хӀалтӀизин. ГӀизраилал жеги гӀемерлъани ва гьеб мехалда рагъги ккани, гьел нилъер тушбабигунги цолъун, нилъеда данде рагъизе бегьула ва нилъер улкаялдаса нахъе ине бегьула».
11ЗахӀматаб хӀалтӀудалъун гӀизраилазул тату хвезабизелъун гьезие тӀадчагӀи тана мисрияз ва гьезда разаруна, пиргӀавнасе нахърател жаниб цӀунизе, Питом ва Раамсес абурал шагьарал. 12Амма, зулму цӀикӀкӀинабунагӀан, гӀизраилазул къадарги цӀикӀкӀунеб букӀана ва мисриязда кӀудияб хӀинкъи речӀчӀана. 13Гьединлъидал гьез жеги цӀакъ гурхӀел тун хӀалтӀизе тӀамулел рукӀана гӀизраилал; 14гьезул гӀумру кьогӀлъизабуна, хӀатӀ бухъизе, саманалъул кирпичал къотӀизе ва хурзабахъ хӀалтӀизе тӀамун, ва гурхӀел-рахӀму тун, кинабниги бакӀаб хӀалтӀи гьабизе тӀамун.
15Мисриялъул пачаяс Шифра ва Пуа абулел жугьутӀазул чӀарахъабазе 16буюрухъ кьуна:
«ЖугьутӀ руччабаз лъимер гьабулелъул, нужеда бихьани вас гьавулев вукӀин, хвезаве гьев, яс гьаюлей йигони – чӀаго те».
17Амма чӀарахъаби Аллагьасукьа хӀинкъарал рукӀун, гьез Мисриялъул пачаясул буюрухъ тӀубазабичӀо: васал чӀаго толел рукӀана. 18Цинги Мисриялъул пачаяс чӀарахъаби тӀаде ахӀана ва гьезда абуна:
«Щай нужеца гьедин гьабулеб? Щай нужеца васал чӀаго толел ругел?»
19ЧӀарахъабаз пиргӀавнасда абуна:
«ЖугьутӀазул руччаби Мисриялъул гӀадал гьечӀо, гьел къвакӀарал руго; чӀарахъаби тӀаде щвелалдего лъимер гьабун батула гьез».
20Гьедин гьабуралъухъ Аллагьас сундулъго квербакъулеб букӀана чӀарахъабазе, гӀизраилазул халкъги жеги гӀемерлъана ва тӀадеялдаса тӀаде щулалъулеб букӀана. 21ЧӀарахъаби Аллагьасукьа хӀинкъарал рукӀиндал, Гьес гьезул хъизан-рукъалдего баракат рещтӀинабуна. 22Гьебмехалъ пиргӀавнас тӀолабго халкъалъе буюрухъ кьуна:
«ЖугьутӀазе гьавурав щивав вас гӀурулъе рехе, ясал чӀаго те!» – ян.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023