Эстер 1
1
Ваштие гьабураб тамихӀ
1Гьаб лъугьа-бахъин ккана Ахашверошил зманалда. Гьиндустаналдасан Эфиопиял – щвезегӀан нусиялда къоло анкьго вилаяталда тӀад парччахӀлъун вукӀана гьев Ахашверош.
2Доб заманалда Шушан абулеб шагьаралда бугеб хъалаялда букӀана парччахӀасул тах. 3ПарччахӀлъун вахъун лъабабилеб соналъ гьес жиндирго киналго чӀухӀбузе ва чукъбузе гӀуцӀана кӀудияб сухӀмат. Гьенире ахӀана Персиялъул ва Мадаялъул аскаразул бутӀрул, чӀухӀби ва вилаятазул сардарал. 4Нусиялда ункъого къоялъ гьоркьоса къотӀичӀого бихьизабуна гьес жиндирго парччахӀлъиялъул гуч, бечелъи, ва жиндирго къадру-къиматалъул кӀодолъи.
5Хадуб Шушан хъалаялъул кинабго халкъалъе парччахӀасул кӀалгӀаялъул ахикь гӀуцӀана квана-гьекъей; мискинал-бечедал батӀа гьаричӀого, тӀолабго гӀаламалъе гьабуна анкьил сухӀмат. 6ХъахӀал ва канчӀхъахӀилал, хирияб харайдул гьарурал пардавалги ригъун къачӀан букӀана ах. Гьел пардавал, хъахӀал ва билбагӀарал кваралги цӀан, рухьун рукӀана мармаралъул хӀубазда тӀад рарал гӀарцул горазда. Меседил ва гӀарцул тахбакӀал лъун рукӀана порфир, мармар, гьулимаргъал ва цоги батӀи-батӀияб хирияб гамачӀ гӀодоб бекьун къачӀараб азбаралда.
7Чагъир гьекъолеб букӀана батӀи-батӀиял, цояздаса цоял берцинал меседил щурмазухъе тӀун ва гьеб парччахӀасул чагъир гьесул сахаватлъиялда рекъон гьарзаго тӀолеб букӀана. 8Жив-жив чияс жиндиего бокьарабгӀан гьекъолеб букӀана гьеб, щайгурелъул, парччахӀас жиндирго вазирзабазе буюрухъ кьун букӀана халкъалъул щивав чиясе бокьарабгӀан чагъир тӀеян.
9ПарччахӀасул кӀалгӀаялда, парччахӀасул лъади Ваштицаги гӀуцӀана руччабазе сухӀмат.
10Анкьабилеб къоялъ гьекъон кепалда вугев парччахӀ кӀалъана гьесда цере хӀалтӀулел анкьго ахтабазда#1:10 Ахтаян абула бихьинчилъиялъул къуваталдаса махӀрум гьавурав чиясда. Ахтаби рукӀунаан парччахӀзабазул божи бугел, къадру-къимат цӀикӀкӀарал хъулухъчагӀилъун., – гьезул цӀарал рукӀана Мегьуман, Бизтан, Харбон, Бигьтав, Авагтан, Зетар ва Каркас. 11ПарччахӀлъиялъул тажги ботӀрода лъун Вашти бика жинда цее ячеян буюрухъ кьуна гьес – халкъалда ва чӀухӀбузда гьелъул берцинлъи бихьизабизе – гьей кутакалда гьайбатай гӀадан йикӀиндал. 12Амма парччахӀасул чӀужу Ваштица инкар гьабуна парччахӀас ахтабаздаса кьураб буюрухъалда рекъон гьесда цее ячӀине. Гьебмехалда кутакалда ццин бахъана парччахӀасул ва битӀахъе гьалаглъана гьев.
13Гьес гьеб иш жиндирго расму-къанун лъалел гӀакъилзабазда данд бана – парччахӀасул гӀадат букӀана гьабулеб жо киналго гӀакъилзабазда дандбан гьабулеб. 14Гьесул бищун цереселлъун рукӀана Каршен, Шетар, Адматан, Таршиш, Мерес, Марсена ва Мемухан – гьел анкьалго Персиялъул ва Мадаялъул чӀухӀбузул ихтияр букӀана бокьараб мехалъ парччахӀасда цере рачӀине ва парччахӀлъиялда жаниб бищун цӀикӀкӀараб кьадруги букӀана гьезул.
15ПарччахӀас ахтаби гьоркьор ккун лъазабураб амру тӀубазабичӀей Ваштида, къануналда рекъон, щиб гьабизе кколебин цӀехана парччахӀас гьезда.
16ПарччахӀасда ва чӀухӀбузда цеве вахъун гьадин кӀалъана Мемухан: «Цо парччахӀасда цее гурейги, киналго чӀухӀбузда ва парччахӀ Ахашверошил киналго вилаятазул тӀолалго халкъазда цее гӀайибияй йиго Вашти бика. 17Гьанже киналго руччабазда лъазе буго гьелъ гьабураб жо ва „живго парччахӀ Ахашверошица жиндихъе Вашти бика ячеян буюрухъ кьедал, гьелъ инкар гьабуна ячӀине“, – янги абун, росабазул тӀокӀалъ адаб-хӀурмат гьабиларо лъудбуз. 18Гьанже Ваштица гьабураб рагӀарал Персиялъул ва Мадаялъул къадру-къимат тӀадегӀанал руччабазги гьединго абила киналго парччахӀасул чӀухӀбузда ва росабазухъ гӀенеккиларо, цинги дагӀба-рагӀи ва инжитлъи гӀемерлъила. 19Гьединлъидал, парччахӀасе къабуллъани, биччанте гьес тӀокӀаб хисизе рес гьечӀеб ва Персиялъулгун Мадаялъул къануналдаги хъвазабураб, парччахӀ Ахашверошида цее Вашти ячӀине гьукъараб буюрухъ кьезе. Гьелъул бикалъиялъул цӀарги цоги, гьелдаса тӀокӀай чӀужугӀаданалъе кьезе биччанте парччахӀас. 20Гьеб парччахӀасул буюрухъ гьесул кӀудияб парччахӀлъиялда киса-кибего лъазабун хадуб, тӀолалго руччабаз адаб-хӀурмат гьабизе буго жидерго росабазул, бечедал-мискинал батӀалъи гьечӀого».
21Гьеб рагӀи рекӀее гӀуна парччахӀасе ва гьесул чӀухӀбузе, ва Мемуханица абухъе гьабуна гьес гьеб иш. 22ПарччахӀлъиялъул тӀолалго вилаятазде, щибаб халкъалъухъе, гьезул жидерго мацӀазда ва гьезул жидерго хъвай-хъвагӀаязда рекъон, ритӀун ана кагътал. «Бихьинчи вукӀине ккола жиндирго хъизан-рукъалъул бетӀерлъун», – абун хъван букӀана гьел кагътазда ва жиб-жиб мацӀалда ахӀун лъазабуна гьеб.
Currently Selected:
Эстер 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Эстер 1
1
Ваштие гьабураб тамихӀ
1Гьаб лъугьа-бахъин ккана Ахашверошил зманалда. Гьиндустаналдасан Эфиопиял – щвезегӀан нусиялда къоло анкьго вилаяталда тӀад парччахӀлъун вукӀана гьев Ахашверош.
2Доб заманалда Шушан абулеб шагьаралда бугеб хъалаялда букӀана парччахӀасул тах. 3ПарччахӀлъун вахъун лъабабилеб соналъ гьес жиндирго киналго чӀухӀбузе ва чукъбузе гӀуцӀана кӀудияб сухӀмат. Гьенире ахӀана Персиялъул ва Мадаялъул аскаразул бутӀрул, чӀухӀби ва вилаятазул сардарал. 4Нусиялда ункъого къоялъ гьоркьоса къотӀичӀого бихьизабуна гьес жиндирго парччахӀлъиялъул гуч, бечелъи, ва жиндирго къадру-къиматалъул кӀодолъи.
5Хадуб Шушан хъалаялъул кинабго халкъалъе парччахӀасул кӀалгӀаялъул ахикь гӀуцӀана квана-гьекъей; мискинал-бечедал батӀа гьаричӀого, тӀолабго гӀаламалъе гьабуна анкьил сухӀмат. 6ХъахӀал ва канчӀхъахӀилал, хирияб харайдул гьарурал пардавалги ригъун къачӀан букӀана ах. Гьел пардавал, хъахӀал ва билбагӀарал кваралги цӀан, рухьун рукӀана мармаралъул хӀубазда тӀад рарал гӀарцул горазда. Меседил ва гӀарцул тахбакӀал лъун рукӀана порфир, мармар, гьулимаргъал ва цоги батӀи-батӀияб хирияб гамачӀ гӀодоб бекьун къачӀараб азбаралда.
7Чагъир гьекъолеб букӀана батӀи-батӀиял, цояздаса цоял берцинал меседил щурмазухъе тӀун ва гьеб парччахӀасул чагъир гьесул сахаватлъиялда рекъон гьарзаго тӀолеб букӀана. 8Жив-жив чияс жиндиего бокьарабгӀан гьекъолеб букӀана гьеб, щайгурелъул, парччахӀас жиндирго вазирзабазе буюрухъ кьун букӀана халкъалъул щивав чиясе бокьарабгӀан чагъир тӀеян.
9ПарччахӀасул кӀалгӀаялда, парччахӀасул лъади Ваштицаги гӀуцӀана руччабазе сухӀмат.
10Анкьабилеб къоялъ гьекъон кепалда вугев парччахӀ кӀалъана гьесда цере хӀалтӀулел анкьго ахтабазда#1:10 Ахтаян абула бихьинчилъиялъул къуваталдаса махӀрум гьавурав чиясда. Ахтаби рукӀунаан парччахӀзабазул божи бугел, къадру-къимат цӀикӀкӀарал хъулухъчагӀилъун., – гьезул цӀарал рукӀана Мегьуман, Бизтан, Харбон, Бигьтав, Авагтан, Зетар ва Каркас. 11ПарччахӀлъиялъул тажги ботӀрода лъун Вашти бика жинда цее ячеян буюрухъ кьуна гьес – халкъалда ва чӀухӀбузда гьелъул берцинлъи бихьизабизе – гьей кутакалда гьайбатай гӀадан йикӀиндал. 12Амма парччахӀасул чӀужу Ваштица инкар гьабуна парччахӀас ахтабаздаса кьураб буюрухъалда рекъон гьесда цее ячӀине. Гьебмехалда кутакалда ццин бахъана парччахӀасул ва битӀахъе гьалаглъана гьев.
13Гьес гьеб иш жиндирго расму-къанун лъалел гӀакъилзабазда данд бана – парччахӀасул гӀадат букӀана гьабулеб жо киналго гӀакъилзабазда дандбан гьабулеб. 14Гьесул бищун цереселлъун рукӀана Каршен, Шетар, Адматан, Таршиш, Мерес, Марсена ва Мемухан – гьел анкьалго Персиялъул ва Мадаялъул чӀухӀбузул ихтияр букӀана бокьараб мехалъ парччахӀасда цере рачӀине ва парччахӀлъиялда жаниб бищун цӀикӀкӀараб кьадруги букӀана гьезул.
15ПарччахӀас ахтаби гьоркьор ккун лъазабураб амру тӀубазабичӀей Ваштида, къануналда рекъон, щиб гьабизе кколебин цӀехана парччахӀас гьезда.
16ПарччахӀасда ва чӀухӀбузда цеве вахъун гьадин кӀалъана Мемухан: «Цо парччахӀасда цее гурейги, киналго чӀухӀбузда ва парччахӀ Ахашверошил киналго вилаятазул тӀолалго халкъазда цее гӀайибияй йиго Вашти бика. 17Гьанже киналго руччабазда лъазе буго гьелъ гьабураб жо ва „живго парччахӀ Ахашверошица жиндихъе Вашти бика ячеян буюрухъ кьедал, гьелъ инкар гьабуна ячӀине“, – янги абун, росабазул тӀокӀалъ адаб-хӀурмат гьабиларо лъудбуз. 18Гьанже Ваштица гьабураб рагӀарал Персиялъул ва Мадаялъул къадру-къимат тӀадегӀанал руччабазги гьединго абила киналго парччахӀасул чӀухӀбузда ва росабазухъ гӀенеккиларо, цинги дагӀба-рагӀи ва инжитлъи гӀемерлъила. 19Гьединлъидал, парччахӀасе къабуллъани, биччанте гьес тӀокӀаб хисизе рес гьечӀеб ва Персиялъулгун Мадаялъул къануналдаги хъвазабураб, парччахӀ Ахашверошида цее Вашти ячӀине гьукъараб буюрухъ кьезе. Гьелъул бикалъиялъул цӀарги цоги, гьелдаса тӀокӀай чӀужугӀаданалъе кьезе биччанте парччахӀас. 20Гьеб парччахӀасул буюрухъ гьесул кӀудияб парччахӀлъиялда киса-кибего лъазабун хадуб, тӀолалго руччабаз адаб-хӀурмат гьабизе буго жидерго росабазул, бечедал-мискинал батӀалъи гьечӀого».
21Гьеб рагӀи рекӀее гӀуна парччахӀасе ва гьесул чӀухӀбузе, ва Мемуханица абухъе гьабуна гьес гьеб иш. 22ПарччахӀлъиялъул тӀолалго вилаятазде, щибаб халкъалъухъе, гьезул жидерго мацӀазда ва гьезул жидерго хъвай-хъвагӀаязда рекъон, ритӀун ана кагътал. «Бихьинчи вукӀине ккола жиндирго хъизан-рукъалъул бетӀерлъун», – абун хъван букӀана гьел кагътазда ва жиб-жиб мацӀалда ахӀун лъазабуна гьеб.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023