Къанун ЦеберагӀи
ЦеберагӀи
Гьаб тӀехьалъ гъорлъе рачуна, МогӀавалъул гӀатӀиракьалда гӀизраилал рукӀаго, живго хвелалде цебе Муса аварагас ГӀизраилил халкъалъе цӀалараб чамалиго вагӀза-насихӀат (1:1-5). БетӀергьанас Мисриялдаса къватӀире рачарал ва Синай магӀарда жидергун Гьес къотӀи гьабурал тӀоцебесеб гӀелалъул киналго гӀадамал салул авлахъалда хвана, гьезие кьелилан гьедараб Ханааналъул ракьалде лъугьине инкар гьабуралъухъ (бал. Тар. 14). Амма Аллагьас гӀизраилазул цӀияб гӀел гӀезабуна ва Муса аварагасде амру гьабуна гьезулгун КъотӀи цӀи гьабеян – гьеб ккола тӀехьалъул аслияб магӀна.
Байбихьуда Муса аварагас халкъалда ракӀалде щвезабуна нухда рукӀаго Аллагьас гьарурал хӀикматал ишазул ва Гьес гьел сапаразда рачараб куцалъул хӀакъалъулъ. Гьединго Мусаца бицана жидерго тӀирун чӀараб гӀамал сабаблъун гьезул умумул Аллагьасул рагӀуе мутӀигӀлъунгутӀиялъул (бетӀ. 1–4). Гьес халкъалъе такрар гьаруна Къануналъул бищун аслиял амраби – АнцӀго амру (бетӀ. 5) ва, цӀияб гӀумруялда хурхинарун, Къануналъул цогидал бутӀабиги (бетӀ. 12–26). Муса аварагас Аллагьасул кӀудияб рахӀму-цӀобалъул бицуна ва халкъ ахӀула Гьесухъ гӀенеккиялдеги Гьесул амраби тӀуразариялдеги (мас., 5:32-33; 10:12-13; 30:15-20). Бищун кӀвар бугеблъун ккола тӀехьалъул 27 ва 28 бетӀер. Гьениб бицунеб буго, Аллагьасе мутӀигӀлъани, халкъалъе букӀине бугеб баракатаб гьарзаяб гӀумруялъулги, мутӀигӀлъичӀони, гьезие букӀине бугеб нагӀанаялъулги балагьазулги – гьалдалъун бигьалъула ГӀизраилил халкъалъул тӀолабго хадусеб тарих нилъеда бичӀчӀизеги.
ТӀехьалъул ахиралда ГӀизраилил халкъалъе баракат-рахӀматги гьарун, Муса аварагас гьезулгун къо-лъикӀ гьабула ва гьев Нево магӀарда тӀад хола. Халкъалда тӀад бетӀерлъиялъул ихтиярги Нунил вас Егьошуахъе кьола гьес. (31:1-8; бетӀ. 34).
ТӀехьалда буго
Мусал тӀоцебесеб вагӀза-насихӀат (1:1–4:43)
ЦеберагӀи (1:1-5)
Тарихияб цеберагӀи (1:6–4:43)
Мусал кӀиабилеб вагӀза-насихӀат (4:44–28:68)
ЦеберагӀи (4:44-49)
АнцӀго амру (5:1-21)
Аллагьасе мутӀигӀлъиялде халкъ ахӀи (5:22–11:32)
БитӀараб гӀибадат (12:1–13:18)
Къанун такрар гьаби (14:1–26:19)
Баракат яги нагӀана (27:1–28:68)
Мусал лъабабилеб вагӀза-насихӀат (29:1–33:29)
КъотӀи цӀи гьаби (29:1–30:20)
Нунил вас Егьошуа Мусал варислъун гьави (31:1-29)
Мусал турки ва халкъалъе дугӀа (31:30–33:29)
Мусал хвел (34:1-12)
Currently Selected:
Къанун ЦеберагӀи: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Къанун ЦеберагӀи
ЦеберагӀи
Гьаб тӀехьалъ гъорлъе рачуна, МогӀавалъул гӀатӀиракьалда гӀизраилал рукӀаго, живго хвелалде цебе Муса аварагас ГӀизраилил халкъалъе цӀалараб чамалиго вагӀза-насихӀат (1:1-5). БетӀергьанас Мисриялдаса къватӀире рачарал ва Синай магӀарда жидергун Гьес къотӀи гьабурал тӀоцебесеб гӀелалъул киналго гӀадамал салул авлахъалда хвана, гьезие кьелилан гьедараб Ханааналъул ракьалде лъугьине инкар гьабуралъухъ (бал. Тар. 14). Амма Аллагьас гӀизраилазул цӀияб гӀел гӀезабуна ва Муса аварагасде амру гьабуна гьезулгун КъотӀи цӀи гьабеян – гьеб ккола тӀехьалъул аслияб магӀна.
Байбихьуда Муса аварагас халкъалда ракӀалде щвезабуна нухда рукӀаго Аллагьас гьарурал хӀикматал ишазул ва Гьес гьел сапаразда рачараб куцалъул хӀакъалъулъ. Гьединго Мусаца бицана жидерго тӀирун чӀараб гӀамал сабаблъун гьезул умумул Аллагьасул рагӀуе мутӀигӀлъунгутӀиялъул (бетӀ. 1–4). Гьес халкъалъе такрар гьаруна Къануналъул бищун аслиял амраби – АнцӀго амру (бетӀ. 5) ва, цӀияб гӀумруялда хурхинарун, Къануналъул цогидал бутӀабиги (бетӀ. 12–26). Муса аварагас Аллагьасул кӀудияб рахӀму-цӀобалъул бицуна ва халкъ ахӀула Гьесухъ гӀенеккиялдеги Гьесул амраби тӀуразариялдеги (мас., 5:32-33; 10:12-13; 30:15-20). Бищун кӀвар бугеблъун ккола тӀехьалъул 27 ва 28 бетӀер. Гьениб бицунеб буго, Аллагьасе мутӀигӀлъани, халкъалъе букӀине бугеб баракатаб гьарзаяб гӀумруялъулги, мутӀигӀлъичӀони, гьезие букӀине бугеб нагӀанаялъулги балагьазулги – гьалдалъун бигьалъула ГӀизраилил халкъалъул тӀолабго хадусеб тарих нилъеда бичӀчӀизеги.
ТӀехьалъул ахиралда ГӀизраилил халкъалъе баракат-рахӀматги гьарун, Муса аварагас гьезулгун къо-лъикӀ гьабула ва гьев Нево магӀарда тӀад хола. Халкъалда тӀад бетӀерлъиялъул ихтиярги Нунил вас Егьошуахъе кьола гьес. (31:1-8; бетӀ. 34).
ТӀехьалда буго
Мусал тӀоцебесеб вагӀза-насихӀат (1:1–4:43)
ЦеберагӀи (1:1-5)
Тарихияб цеберагӀи (1:6–4:43)
Мусал кӀиабилеб вагӀза-насихӀат (4:44–28:68)
ЦеберагӀи (4:44-49)
АнцӀго амру (5:1-21)
Аллагьасе мутӀигӀлъиялде халкъ ахӀи (5:22–11:32)
БитӀараб гӀибадат (12:1–13:18)
Къанун такрар гьаби (14:1–26:19)
Баракат яги нагӀана (27:1–28:68)
Мусал лъабабилеб вагӀза-насихӀат (29:1–33:29)
КъотӀи цӀи гьаби (29:1–30:20)
Нунил вас Егьошуа Мусал варислъун гьави (31:1-29)
Мусал турки ва халкъалъе дугӀа (31:30–33:29)
Мусал хвел (34:1-12)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023