Къанун 23
23
ЖамагӀаталда гьоркьоса чи нахъе ахӀи
1БЕТӀЕРГЬАНАСУЛ динияб данделъиялде вачӀине бегьуларо хӀаназе жагъаллъи ккарав ялъуни бихьинлъи нахъе къотӀарав цониги чи.
2КъватӀулъа гьавурав чиги БЕТӀЕРГЬАНАСУЛ динияб данделъиялде виччазе бегьуларо, гьединго анцӀабилеб кьералде щвезегӀан гьесул цониги наслуги БЕТӀЕРГЬАНАСУЛ динияб данделъиялде виччазе бегьуларо.
3Гьединго аммониявги, могӀавиявги, анцӀабилеб кьералде щвезегӀан гьезул цониги наслуги БЕТӀЕРГЬАНАСУЛ данделъиялде рачӀине бегьуларо – гьеб буго абадияб къанун. 4Щайгурелъул нуж Мисриялдаса рачӀунеб мехалъ гьез чед-цӀамгун#23:4 ЖугьутӀазул къагӀидаялда – «чедгун-лъимгун». Щайгурелъул лъадал кидаго кӀудияб къимат букӀиндал ГӀагараб Бакъбаккул рахъалда. нужее дандчӀвай гьабичӀо. Гьелда тӀадеги гьез Арам-Нагьараималда бугеб Петоралдаса Беорил вас БилгӀам ккуна нужее нагӀана кьезе мурадгун. 5Амма БЕТӀЕРГЬАН Аллагьас къабул гьабичӀо гьеб ва гьесул нагӀана баракаталде сверизабуна, щайгурелъул БЕТӀЕРГЬАН Аллагьасе нуж хириял рукӀун. 6Гьединлъидал гӀумруялда жаниб киданиги гьезулгун гьудуллъи ккоге ва щибниги лъикӀлъи гьезие гьабуге. 7Эдомиявгун рокьукъго вукӀунге, гьев дур вацлъидал, гьединго мисриявгунги, щайгурелъул мунги гьесул улкаялда апараглъун вукӀиндал. 8Нужеда гьоркьор гӀумру гьабун чӀарал гьезул лъималазул лъимал БЕТӀЕРГЬАНАСУЛ динияб данделъиялде къабул гьаризе бегьула.
РацӀцӀалъиялъул къанунал
9Тушбабазда данде рагъизелъун къайи чӀвараб бакӀалда, кинаб батаниги хъублъи биччаге. 10Нагагь къаси сардилъ нужеда гьоркьоб лъилниги мани бачӀани ва гьелдалъун пуланав чи хъублъани, гьев чи халкъалдаса довегӀанги ун, гьенив чӀезе ккола. 11Бакъанида гьес черх чуризе ккола ва бакъ тӀерхьарабго халкъ чӀараб бакӀалде тӀад вуссине бегьула.
12Нуж чӀараб бакӀалдаса къватӀибехун цо бакӀ тӀаса бище хӀажат тӀубаялъе. 13Ярагъалда цадахъ духъ букӀине ккола ракь бухъизе санагӀатаб алат, хӀажат тӀубалеб мехалъ гвенд бухъизе ва хадуб гьелда тӀаде ракь хъвазе букӀине. 14БЕТӀЕРГЬАН Аллагь вукӀине вугелъул нужгун, нуж цӀунизе ва тушбаби нужер кверде кьезе гӀоло. Гьединлъидал нуж чӀараб бакӀ бацӀцӀадго букӀине ккола, Гьесда щибго хъублъи гьениб бихьунгутӀизе ва Гьес нужеде мугъ рехичӀого букӀине.
БатӀи-батӀиял къанунал
15Лъутун духъе вахчизе вачӀарав лагъ гьесул хважаинасухъе кьоге. 16Виччанте гьев нужеда гьоркьов жиндиего бокьараб шагьаралда гӀумру гьабун вукӀине; гьесие зулму гьабуге.
17ГӀизраилазул цониги чи – я бихьинал, я руччаби, мажусияз гьабулеб гӀадаб динияб хъахӀбалъиялде#23:17 Мажусиязул динияб рокъор бихьиналги цӀуялги диниял хъахӀбаби рукӀунаан, гьезул хъубал диниял гӀадатазда гъорлъ гӀахьаллъулел. гъорлъе лъугьунге. 18ХъахӀбаялъухъ щвараб, ялъуни гьой бичун#23:18 Гьой – хъвалсараб магӀнаялда гьедин абулеб батила хъахӀба кинигин цогидав бихьинчигун вегулев бихьинчиясда. щвараб гӀарац, дурго БЕТӀЕРГЬАН Аллагьасул Рокъобе босуге. Кинаб батаниги дурго назру тӀубазабизелъун гьединаб гӀарац хӀалтӀизабуге. БЕТӀЕРГЬАН Аллагьасе кутакалда рихараб жо ккола гьеб кӀиябго.
19Дурго ракьцоясе къарзалъе гӀарац, яги кинаб батаниги нигӀмат, яги цоги щиб букӀаниги кьолеб бугони, гьелда тӀаде дуего хайир босуге. 20Дуца батӀияб миллаталъул чагӀазухъа босизе бегьула тӀокӀборчӀараб пайда-хайир, амма дурго вацасухъа босуге. Гьебмехалъ мун унев вугеб ва дуца кверде босизе бугеб ракьалда БЕТӀЕРГЬАН Аллагьасги сундулъгоги дуе квербакъила.
21БЕТӀЕРГЬАН Аллагьасе дуца кинабгӀаги назру гьабун бугони, гьеб хехго тӀубазабе, гурони БЕТӀЕРГЬАН Аллагьас дудаса гьеб тӀалаб гьабила ва мун мунагьалъукье ккела. 22Назру гьабичӀого вукӀани, дуе мунагь букӀинаро, 23амма щибниги гьабилин рагӀи кьун бугони, гьеб тӀубазабе. Мунго разилъун БЕТӀЕРГЬАН Аллагьасе назру гьабун бугелъул дурго кӀалалъ.
24Дурго ракьцоясул цӀолбол ахикьа гӀорцӀизегӀан пихъ кваназе бегьула, амма гьениса къватӀибе щибго босуге. 25Цогидасул хуриб лъилъари гьабулеб мехалъ, квераз дуего тӀорал ракӀаризе бегьула, амма, харицелги хьвагӀун, чияр бачӀин дуего бакӀаруге.
Currently Selected:
Къанун 23: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Къанун 23
23
ЖамагӀаталда гьоркьоса чи нахъе ахӀи
1БЕТӀЕРГЬАНАСУЛ динияб данделъиялде вачӀине бегьуларо хӀаназе жагъаллъи ккарав ялъуни бихьинлъи нахъе къотӀарав цониги чи.
2КъватӀулъа гьавурав чиги БЕТӀЕРГЬАНАСУЛ динияб данделъиялде виччазе бегьуларо, гьединго анцӀабилеб кьералде щвезегӀан гьесул цониги наслуги БЕТӀЕРГЬАНАСУЛ динияб данделъиялде виччазе бегьуларо.
3Гьединго аммониявги, могӀавиявги, анцӀабилеб кьералде щвезегӀан гьезул цониги наслуги БЕТӀЕРГЬАНАСУЛ данделъиялде рачӀине бегьуларо – гьеб буго абадияб къанун. 4Щайгурелъул нуж Мисриялдаса рачӀунеб мехалъ гьез чед-цӀамгун#23:4 ЖугьутӀазул къагӀидаялда – «чедгун-лъимгун». Щайгурелъул лъадал кидаго кӀудияб къимат букӀиндал ГӀагараб Бакъбаккул рахъалда. нужее дандчӀвай гьабичӀо. Гьелда тӀадеги гьез Арам-Нагьараималда бугеб Петоралдаса Беорил вас БилгӀам ккуна нужее нагӀана кьезе мурадгун. 5Амма БЕТӀЕРГЬАН Аллагьас къабул гьабичӀо гьеб ва гьесул нагӀана баракаталде сверизабуна, щайгурелъул БЕТӀЕРГЬАН Аллагьасе нуж хириял рукӀун. 6Гьединлъидал гӀумруялда жаниб киданиги гьезулгун гьудуллъи ккоге ва щибниги лъикӀлъи гьезие гьабуге. 7Эдомиявгун рокьукъго вукӀунге, гьев дур вацлъидал, гьединго мисриявгунги, щайгурелъул мунги гьесул улкаялда апараглъун вукӀиндал. 8Нужеда гьоркьор гӀумру гьабун чӀарал гьезул лъималазул лъимал БЕТӀЕРГЬАНАСУЛ динияб данделъиялде къабул гьаризе бегьула.
РацӀцӀалъиялъул къанунал
9Тушбабазда данде рагъизелъун къайи чӀвараб бакӀалда, кинаб батаниги хъублъи биччаге. 10Нагагь къаси сардилъ нужеда гьоркьоб лъилниги мани бачӀани ва гьелдалъун пуланав чи хъублъани, гьев чи халкъалдаса довегӀанги ун, гьенив чӀезе ккола. 11Бакъанида гьес черх чуризе ккола ва бакъ тӀерхьарабго халкъ чӀараб бакӀалде тӀад вуссине бегьула.
12Нуж чӀараб бакӀалдаса къватӀибехун цо бакӀ тӀаса бище хӀажат тӀубаялъе. 13Ярагъалда цадахъ духъ букӀине ккола ракь бухъизе санагӀатаб алат, хӀажат тӀубалеб мехалъ гвенд бухъизе ва хадуб гьелда тӀаде ракь хъвазе букӀине. 14БЕТӀЕРГЬАН Аллагь вукӀине вугелъул нужгун, нуж цӀунизе ва тушбаби нужер кверде кьезе гӀоло. Гьединлъидал нуж чӀараб бакӀ бацӀцӀадго букӀине ккола, Гьесда щибго хъублъи гьениб бихьунгутӀизе ва Гьес нужеде мугъ рехичӀого букӀине.
БатӀи-батӀиял къанунал
15Лъутун духъе вахчизе вачӀарав лагъ гьесул хважаинасухъе кьоге. 16Виччанте гьев нужеда гьоркьов жиндиего бокьараб шагьаралда гӀумру гьабун вукӀине; гьесие зулму гьабуге.
17ГӀизраилазул цониги чи – я бихьинал, я руччаби, мажусияз гьабулеб гӀадаб динияб хъахӀбалъиялде#23:17 Мажусиязул динияб рокъор бихьиналги цӀуялги диниял хъахӀбаби рукӀунаан, гьезул хъубал диниял гӀадатазда гъорлъ гӀахьаллъулел. гъорлъе лъугьунге. 18ХъахӀбаялъухъ щвараб, ялъуни гьой бичун#23:18 Гьой – хъвалсараб магӀнаялда гьедин абулеб батила хъахӀба кинигин цогидав бихьинчигун вегулев бихьинчиясда. щвараб гӀарац, дурго БЕТӀЕРГЬАН Аллагьасул Рокъобе босуге. Кинаб батаниги дурго назру тӀубазабизелъун гьединаб гӀарац хӀалтӀизабуге. БЕТӀЕРГЬАН Аллагьасе кутакалда рихараб жо ккола гьеб кӀиябго.
19Дурго ракьцоясе къарзалъе гӀарац, яги кинаб батаниги нигӀмат, яги цоги щиб букӀаниги кьолеб бугони, гьелда тӀаде дуего хайир босуге. 20Дуца батӀияб миллаталъул чагӀазухъа босизе бегьула тӀокӀборчӀараб пайда-хайир, амма дурго вацасухъа босуге. Гьебмехалъ мун унев вугеб ва дуца кверде босизе бугеб ракьалда БЕТӀЕРГЬАН Аллагьасги сундулъгоги дуе квербакъила.
21БЕТӀЕРГЬАН Аллагьасе дуца кинабгӀаги назру гьабун бугони, гьеб хехго тӀубазабе, гурони БЕТӀЕРГЬАН Аллагьас дудаса гьеб тӀалаб гьабила ва мун мунагьалъукье ккела. 22Назру гьабичӀого вукӀани, дуе мунагь букӀинаро, 23амма щибниги гьабилин рагӀи кьун бугони, гьеб тӀубазабе. Мунго разилъун БЕТӀЕРГЬАН Аллагьасе назру гьабун бугелъул дурго кӀалалъ.
24Дурго ракьцоясул цӀолбол ахикьа гӀорцӀизегӀан пихъ кваназе бегьула, амма гьениса къватӀибе щибго босуге. 25Цогидасул хуриб лъилъари гьабулеб мехалъ, квераз дуего тӀорал ракӀаризе бегьула, амма, харицелги хьвагӀун, чияр бачӀин дуего бакӀаруге.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023