Къанун 11
11
Аллагьасул ишал кӀочонге, 1БЕТӀЕРГЬАН Аллагь хиралъе ва тӀадчӀун тӀуразаре Гьесул къануналги, амрабиги, ахӀкамалги. 2Жакъа нужеца кинабго ракӀалде щвезабе! Нужер лъималаз гуро хӀехьараб ва гьезда гуро бихьараб БЕТӀЕРГЬАН Аллагьасул гӀадлуги, Гьесул къудраталъул кверги, Гьесул гучги; 3Мисриялда Гьес гьарурал хӀикматал гӀаламатал ишалги, Гьес пиргӀавнасе ва досул халкъгун улкаялъе гьабурабги; 4Гьес Мисриялъул аскаралъеги, чуязеги, чолгьаказеги гьабурабги, гӀизраилазда хадур лъугьарал дол киналго БагӀараб ралъдал карачелазулъги гъанкъизарун. Аллагьас тӀагӀинаруна дол киналго доб къоялъ. Жакъа къоялъги гьедин буго гьеб. 5Нужер лъималазда гуро бихьараб сапаразда гӀицӀаб авлахъалда рукӀаго Гьес нужее гьабурабщинаб 6ва Рувимил наслуялъул Элиавил васазе, ай Датание ва Авирамие гьабурабги: гӀизраилаз чӀел гьабураб бакӀалъул бакьулъан ракьги кьватӀун, гьелги, гьезул хъизан-лъималги, чадралги, гӀи-боцӀиги чӀаго ракьулъе кӀкӀун араб куц. 7Нужерго беразда рихьана БЕТӀЕРГЬАНАС гьарурал киналго кутакал ишал.
8Гьединлъидал жакъа дица нужеда малъарал тӀолалго амраби тӀуразаре, цинги нужер къуват букӀине буго Иордан бахун инеги, нужее кьураб улкаялде лъугьинеги ва гьеб кверде босизеги. 9Гьебмехалъ нужер умумузеги гьезул наслабазеги кьелин БЕТӀЕРГЬАН гьедараб ракьалда халатаб гӀумруги букӀине буго нужер. Рахьги гьоцӀоги чвахулеб ракь буго гьеб. 10Нуж унел ругеб ва нужеца кверде босизехъин бугеб улка, нужеца тараб Мисриялъул улкаялда релълъараб гьечӀо. Доба нужеца хурибе хьон хьалаан, хадуб бахча гӀадин лъалъазе кколаан гьеб, хӀатӀалги хӀалтӀизарун#11:10 ХӀатӀалги хӀалтӀизарун – гӀалимзабаз абула гьалъул лъабго магӀна бугилан: 1) хӀатӀаз хӀалтӀизабулеб лъалъаялъул къагӀида; 2) раххналги хӀалтӀизарун, хӀатӀазги мерхьун, лъим бачине рахъал гьари; 3) хурибе лъим баччулаго гӀемер хьвадизе ккей.. 11Нуж унел ругеб улкаялдайин абуни, мугӀрул-щобалги гӀатӀиракьги зодиса чвахараб цӀадаца лъалъала. 12Гьеб буго живго БЕТӀЕРГЬАН Аллагьас хьихьараб улка; лъагӀалил байбихьудаса ахиралде щвезегӀан Гьес кидаго гьелда тӀаса бер босуларо.
13„Жакъа Дица кьурал амрабазухъ нуж кӀвар кьун гӀенеккани, – ракӀ-ракӀалъ, тӀолабго рухӀалдалъун БЕТӀЕРГЬАН Аллагьги хиралъани, Гьесие тӀагӀатги гьабуни, 14Дица жиндир гӀужда базабила цӀад нужер ракьалде – ихдалилги хасалихълъиялъулги цӀад – ва гьарзаго букӀина нужее бугӀа-ролъги, чагъирги, зайтуналъул нахги. 15Дица гӀалахалда нужер боцӀуе хер бижизабила, ва гӀорцӀизегӀан кваназе нужее квенги букӀина“.
16Вореха цӀодорлъи гьабе, нужер ракӀал къосине гурин, ва битӀараб нухдасаги кьурун, чияр аллагьзабазе хъулухъ гьабизе лъугьине гурин! 17Гьебмехалъ БЕТӀЕРГЬАНАСУЛ ццин гьалаглъила: Гьес зобалазул нуцӀби рахала, ракьалъе цӀадги букӀинаро, бачӀинги щвеларо, нужги БЕТӀЕРГЬАНАС нужее кьолеб бугеб гьайбатаб улкаялдаса хехго тӀагӀинарила.
18Дица кьурал амраби рекӀелъги ургьирги цӀуне; ракӀалде щвеялъул гӀаламат хӀисабалда кверда рухье гьел, гьединго надалдаги рухье, кӀочон течӀого рукӀине. 19Нужерго лъималаздаги малъе гьел: рокъор гӀодор чӀун рукӀагоги, къватӀир сапаралда рукӀагоги, кьижулеб мехалъги, тӀаде рахъулеб мехалъги такрар гьаре гьел. 20Дурго рукъалъул нуцӀил рахаздаги шагьаралъул кавабаздаги хъвай гьел. 21Цинги БЕТӀЕРГЬАНАС нужер умумузе кьелин гьедараб ракьалда нужерги нужер лъималазулги гӀумру халалъила. Ракьалда тӀад зоб бугебгӀан заманалда нужецаги гьениб гӀумру гьабила.
22Дица кьурал тӀолалго амрабиги тӀуразаруни, БЕТӀЕРГЬАН Аллагьги хиралъани, Гьесул нухдасаги кьуричӀони, Гьесие ритӀухъаллъунги ругони, 23БЕТӀЕРГЬАНАСГИ нужер нухдаса нахъе къотӀила киналго цогидал халкъал, ва нужедасаги рикӀкӀен гӀемерал къуватал халкъазул ракьал нужецаги кверде росила. 24Нужеца хӀетӀе чӀарабщинаб ракь нужее букӀине буго: кӀудияб авлахъалдаса Ливаналде щвезегӀан ва Ефрат гӀурухъа КӀудияб ралъдахъе щвезегӀан тӀолалго ракьал нужер рукӀине руго. 25Лъидаго кӀвезе гьечӀо нужеда данде чӀезе. Нужер БЕТӀЕРГЬАН Аллагьас кӀудияб хӀинкъи кьезе буго нуж щваралщинал улкабазул халкъазе, Гьес нужее кьураб рагӀуда рекъон.
26Гьале жакъа дица нужее рес кьолеб буго баракат яги нагӀана тӀаса бищизе. 27Жакъа дица нужее кьурал БЕТӀЕРГЬАН Аллагьасул киналго амрабазухъ гӀенеккани ва гьел тӀуразаруни, нужее баракат букӀина. 28Амма БЕТӀЕРГЬАН Аллагьасул амрабазухъ гӀенеккичӀони ва, жакъа дица нужеда малъараб Гьесул нухдасаги кьурун, лъазего лъаларел цогидал аллагьзабазда хадур ани, нужее нагӀана букӀине буго. 29БЕТӀЕРГЬАН Аллагьас нуж нужерго ракьалде щвезарураб мехалъ, Геризим магӀардеги рахун баракат кьолеб дугӀа гьабе ва Гевал магӀарде рахун нагӀана кьолеб дугӀа гьабе. 30(Гьел мугӀрул руго Иордан бахун доб цояб рахъалда Гилгалалда гӀагарлъухъ, Морэ абулел миккил гъутӀбузда аскӀор, Араваялда чӀарал ханааниязул ракьалда, бакътӀерхьул рахъалде унеб нухлул ракьанккун.) 31Гьанже нужеца Иордан гӀор бахунеб буго БЕТӀЕРГЬАН Аллагьас кьураб ракь кверщаликье босизе. Гьеб букӀине буго нужер ракьлъун ва гьениб гӀумруги гьабизе буго нужеца. 32Жакъа дица нужее загьир гьарурал киналго къануналги амрабиги тӀадчӀун тӀуразаре!
Currently Selected:
Къанун 11: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Къанун 11
11
Аллагьасул ишал кӀочонге, 1БЕТӀЕРГЬАН Аллагь хиралъе ва тӀадчӀун тӀуразаре Гьесул къануналги, амрабиги, ахӀкамалги. 2Жакъа нужеца кинабго ракӀалде щвезабе! Нужер лъималаз гуро хӀехьараб ва гьезда гуро бихьараб БЕТӀЕРГЬАН Аллагьасул гӀадлуги, Гьесул къудраталъул кверги, Гьесул гучги; 3Мисриялда Гьес гьарурал хӀикматал гӀаламатал ишалги, Гьес пиргӀавнасе ва досул халкъгун улкаялъе гьабурабги; 4Гьес Мисриялъул аскаралъеги, чуязеги, чолгьаказеги гьабурабги, гӀизраилазда хадур лъугьарал дол киналго БагӀараб ралъдал карачелазулъги гъанкъизарун. Аллагьас тӀагӀинаруна дол киналго доб къоялъ. Жакъа къоялъги гьедин буго гьеб. 5Нужер лъималазда гуро бихьараб сапаразда гӀицӀаб авлахъалда рукӀаго Гьес нужее гьабурабщинаб 6ва Рувимил наслуялъул Элиавил васазе, ай Датание ва Авирамие гьабурабги: гӀизраилаз чӀел гьабураб бакӀалъул бакьулъан ракьги кьватӀун, гьелги, гьезул хъизан-лъималги, чадралги, гӀи-боцӀиги чӀаго ракьулъе кӀкӀун араб куц. 7Нужерго беразда рихьана БЕТӀЕРГЬАНАС гьарурал киналго кутакал ишал.
8Гьединлъидал жакъа дица нужеда малъарал тӀолалго амраби тӀуразаре, цинги нужер къуват букӀине буго Иордан бахун инеги, нужее кьураб улкаялде лъугьинеги ва гьеб кверде босизеги. 9Гьебмехалъ нужер умумузеги гьезул наслабазеги кьелин БЕТӀЕРГЬАН гьедараб ракьалда халатаб гӀумруги букӀине буго нужер. Рахьги гьоцӀоги чвахулеб ракь буго гьеб. 10Нуж унел ругеб ва нужеца кверде босизехъин бугеб улка, нужеца тараб Мисриялъул улкаялда релълъараб гьечӀо. Доба нужеца хурибе хьон хьалаан, хадуб бахча гӀадин лъалъазе кколаан гьеб, хӀатӀалги хӀалтӀизарун#11:10 ХӀатӀалги хӀалтӀизарун – гӀалимзабаз абула гьалъул лъабго магӀна бугилан: 1) хӀатӀаз хӀалтӀизабулеб лъалъаялъул къагӀида; 2) раххналги хӀалтӀизарун, хӀатӀазги мерхьун, лъим бачине рахъал гьари; 3) хурибе лъим баччулаго гӀемер хьвадизе ккей.. 11Нуж унел ругеб улкаялдайин абуни, мугӀрул-щобалги гӀатӀиракьги зодиса чвахараб цӀадаца лъалъала. 12Гьеб буго живго БЕТӀЕРГЬАН Аллагьас хьихьараб улка; лъагӀалил байбихьудаса ахиралде щвезегӀан Гьес кидаго гьелда тӀаса бер босуларо.
13„Жакъа Дица кьурал амрабазухъ нуж кӀвар кьун гӀенеккани, – ракӀ-ракӀалъ, тӀолабго рухӀалдалъун БЕТӀЕРГЬАН Аллагьги хиралъани, Гьесие тӀагӀатги гьабуни, 14Дица жиндир гӀужда базабила цӀад нужер ракьалде – ихдалилги хасалихълъиялъулги цӀад – ва гьарзаго букӀина нужее бугӀа-ролъги, чагъирги, зайтуналъул нахги. 15Дица гӀалахалда нужер боцӀуе хер бижизабила, ва гӀорцӀизегӀан кваназе нужее квенги букӀина“.
16Вореха цӀодорлъи гьабе, нужер ракӀал къосине гурин, ва битӀараб нухдасаги кьурун, чияр аллагьзабазе хъулухъ гьабизе лъугьине гурин! 17Гьебмехалъ БЕТӀЕРГЬАНАСУЛ ццин гьалаглъила: Гьес зобалазул нуцӀби рахала, ракьалъе цӀадги букӀинаро, бачӀинги щвеларо, нужги БЕТӀЕРГЬАНАС нужее кьолеб бугеб гьайбатаб улкаялдаса хехго тӀагӀинарила.
18Дица кьурал амраби рекӀелъги ургьирги цӀуне; ракӀалде щвеялъул гӀаламат хӀисабалда кверда рухье гьел, гьединго надалдаги рухье, кӀочон течӀого рукӀине. 19Нужерго лъималаздаги малъе гьел: рокъор гӀодор чӀун рукӀагоги, къватӀир сапаралда рукӀагоги, кьижулеб мехалъги, тӀаде рахъулеб мехалъги такрар гьаре гьел. 20Дурго рукъалъул нуцӀил рахаздаги шагьаралъул кавабаздаги хъвай гьел. 21Цинги БЕТӀЕРГЬАНАС нужер умумузе кьелин гьедараб ракьалда нужерги нужер лъималазулги гӀумру халалъила. Ракьалда тӀад зоб бугебгӀан заманалда нужецаги гьениб гӀумру гьабила.
22Дица кьурал тӀолалго амрабиги тӀуразаруни, БЕТӀЕРГЬАН Аллагьги хиралъани, Гьесул нухдасаги кьуричӀони, Гьесие ритӀухъаллъунги ругони, 23БЕТӀЕРГЬАНАСГИ нужер нухдаса нахъе къотӀила киналго цогидал халкъал, ва нужедасаги рикӀкӀен гӀемерал къуватал халкъазул ракьал нужецаги кверде росила. 24Нужеца хӀетӀе чӀарабщинаб ракь нужее букӀине буго: кӀудияб авлахъалдаса Ливаналде щвезегӀан ва Ефрат гӀурухъа КӀудияб ралъдахъе щвезегӀан тӀолалго ракьал нужер рукӀине руго. 25Лъидаго кӀвезе гьечӀо нужеда данде чӀезе. Нужер БЕТӀЕРГЬАН Аллагьас кӀудияб хӀинкъи кьезе буго нуж щваралщинал улкабазул халкъазе, Гьес нужее кьураб рагӀуда рекъон.
26Гьале жакъа дица нужее рес кьолеб буго баракат яги нагӀана тӀаса бищизе. 27Жакъа дица нужее кьурал БЕТӀЕРГЬАН Аллагьасул киналго амрабазухъ гӀенеккани ва гьел тӀуразаруни, нужее баракат букӀина. 28Амма БЕТӀЕРГЬАН Аллагьасул амрабазухъ гӀенеккичӀони ва, жакъа дица нужеда малъараб Гьесул нухдасаги кьурун, лъазего лъаларел цогидал аллагьзабазда хадур ани, нужее нагӀана букӀине буго. 29БЕТӀЕРГЬАН Аллагьас нуж нужерго ракьалде щвезарураб мехалъ, Геризим магӀардеги рахун баракат кьолеб дугӀа гьабе ва Гевал магӀарде рахун нагӀана кьолеб дугӀа гьабе. 30(Гьел мугӀрул руго Иордан бахун доб цояб рахъалда Гилгалалда гӀагарлъухъ, Морэ абулел миккил гъутӀбузда аскӀор, Араваялда чӀарал ханааниязул ракьалда, бакътӀерхьул рахъалде унеб нухлул ракьанккун.) 31Гьанже нужеца Иордан гӀор бахунеб буго БЕТӀЕРГЬАН Аллагьас кьураб ракь кверщаликье босизе. Гьеб букӀине буго нужер ракьлъун ва гьениб гӀумруги гьабизе буго нужеца. 32Жакъа дица нужее загьир гьарурал киналго къануналги амрабиги тӀадчӀун тӀуразаре!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023