Даниял 8
8
Даниялида кӀиго хӀайван цебе чӀей
1Белшацар пачалъун вахъун лъабабилеб соналъ#8:1 Цебесеб эраялъул 551 с., цебе бихьун букӀаралда тӀадеги, дида цоги гӀаламат цебе чӀана. 2Гьеб цебетӀамиялда дун дидаго вихьана Элам вилаяталда Улай лъарал рагӀалда бугеб Шушан хъалаялда. 3БетӀер тӀаде борхидал, дида лъарал рагӀалда эхетараб куй бихьана. КӀиго лълъарги букӀана гьелда. КӀиябго лълъар кӀудияб букӀана, амма цо лълъар цогидалдаса дагьалъ халатаб букӀана – гьеб нахъа баккараб букӀана. 4Дида бихьана гьеб куйца бакътӀерхьул, ши ва къилбаялъул рахъалдехун хӀункулеб. Цониги чӀаголъиялда гьелда данде чӀун бажарулеб букӀинчӀо ва гьелдаса хвасарлъизаризе кӀолевги щивго вукӀинчӀо. Гьелъ жиндиего бокьа-бокьараб гьабулеб букӀана ва тӀадеялдаса тӀаде гьелъул гуч цӀикӀкӀунеб букӀана.
5Дун гьелъул пикрабазда вукӀаго, бакътӀерхьул рахъалдасан тохлъукьего дегӀен баккана. Гьеб гӀодоб хъвачӀого дунял къотӀун унеб букӀана. Гьеб дагӀнил беразда гьоркьоб кӀудияб лълъар букӀана. 6Дида лъарал рагӀалда чӀун бихьараб кӀилълъарилаб куялда аскӀобе бортана гьеб ва гӀасияб ццидалъ гьелда тӀад речӀчӀана. 7Дида бихьана гьеб дегӀен, тӀадеялдаса тӀаде ццинги гьалаглъун, куялда аскӀобе щвараб куц ва гӀасияб ццидалъ куйги лъукъун гьелъул кӀиябго лълъар бекараб куц. Куялда бажаричӀо дагӀнида данде чӀун; дагӀница гьеб гӀодоб тӀамуна ва хӀатӀикь мерхьана – гьеб хвасар гьабизе гьелъие хӀалае щивго ватичӀо. 8Цинги дагӀнил къуват кутакалда цӀикӀкӀана. Амма цӀикӀкӀараб къуват-гучалде бахиндал, гьелъул кӀудияб лълъар бекана ва гьелъул бакӀалда, дунялалъул ункъабго рахъалде буссараб, ункъго лълъар бижана – щибаб рахъалдасан рихьулел рукӀана гьел лълъурдул.
9Гьел лълъаразул цоялдаса цоги лълъар къватӀибе баккана. Гьеб цин гьитӀинаб жо букӀана, амма хадуб гьеб къилбаялъул, бакъбаккул ва Реццалъул улкаялдехун#8:9 Реццалъул улка – гьеб ккола ГӀизраил. балагьун кутакалда кӀудияб гӀуна. 10Зобалазул аскаралдецин#8:10 Зобалазул аскар – цӀваби. гӀунтӀана гьеб, ва гьезул цо бутӀа ракьалде гӀодобе рехана ва хӀатӀикь мерхьана гьелъ. 11Гьеб аскаралъул БетӀерасда дандегицин чӀана гьеб гӀамал кӀодого: БетӀергьанасул къойилал къурбанал къотӀизаруна ва Гьесул Мукъадасаб Рукъ хъублъизабуна. 12Гьеб аскарги къурбаналги гьелъул кверщаликье кьуна, мунагь-такъсир сабаблъун; гьелъ хӀакъаб Къанун хӀатӀикь мерхьана, ва гьелъ гьабулебщинаб цебетӀуна#8:12 Гьеб лълъар ккола Антиох Ункъабилев Эпифан, жиндие Эпиман («бетӀерсвер») абураб тӀокӀцӀарги кьурав (ц. э. 175-164 сс.). ХӀилла-рекӀкӀалдалъун тахиде вахана гьев ва, цебесеб эраялъул 167 соналъ Иерусалималъул Мукъадасаб Рукъги хъублъизабун, къурбаналги гьукъун, Бичасул халкъалъул гӀасияв тушманлъун лъугьана..
13Цинги дида рагӀана Бичасул агьлуялда гьоркьоса цоясул гьаракь ва гьесда кӀалъалев кӀиабилесул гьаракьги. Цояс абуна: „КигӀан мехалъ халат рахъине ругел гьаб цебечӀеялда рихьизарурал лъугьа-бахъинал? КидаллъизегӀан къурбанал гьукъун телел, гӀасияб мунагьалъе гӀорхъи лъелареб, Мукъадасаб Рукъ хъублъизабун, Зобалазул аскарги малакь мерхьун букӀинеб?“
14КӀиабилес жаваб кьуна: „КӀиазаралда лъабнусго сордо-къоялъ; хадуб Мукъадасаб Рукъ цӀидасан бацӀцӀад гьабизе буго“.
ЦебечӀеялъул магӀна
15Гьаб дида цебечӀарабщинаб жоялъул магӀна щибдаян хивалазда дун вукӀаго, инсанасул сипаталда цо щивалиго цевечӀана дида. 16Цинги Улай лъарал добцояб рахъалдасан инсанасул гьаракь рагӀана:
„ЖабрагӀил! Гьесда бихьарабщиналъул магӀна бице гьев чиясда!“ – ян ахӀулеб.
17Гьебмехалъ гьев дун эхетараб бакӀалде вачӀана. Гьев аскӀове щведал, дун кутакалда хӀинкъана ва кӀалагъоркье речӀчӀана.
„ГӀадамил лъимер, – ин абуна гьес дида, – дуда бичӀчӀа, гьеб дуда бихьарабщинаб жо ахирзаманалда хурхараб букӀин“.
18Гьев дида кӀалъайдал, дун кӀотун гӀодов ккана. Цинги гьес кверги хъван дун хӀатӀиде вахъинавуна.
19Гьес абуна: „ГӀенекке, дица бицина дуе ахирзаманалда, Бичасул ццин рещтӀараб къо бачӀиндал, ккезе бугебщиналъул.
20Дуда бихьараб кӀилълъарилаб куй ккола Мадаялъул ва Персиялъул пачазаби. 21ДегӀен ккола Грециялъул пача. Гьелъул беразда гьоркьосан баккараб кӀудияб лълъарин абуни, гьеб ккола тӀоцевесев пача#8:21 Гьев ккола Александр Македонский (КӀудияв) (ц. э. 336–323 сс.).. 22Гьебги бекун, гьелъул бакӀалда баккараб ункъго лълъар ккола гьеб пачалъиялдаса лъугьине бугеб ункъго пачалъи, амма гьезул къуват Грециялъулалде бахараб букӀинаро#8:22 Александр Македонскиясул пачалихъ гьесул рагъул бутӀрузда гьоркьоб бикьана. Сирияги Месопотамияги щвана Селевкие, Мисри – Птолемейие, Фракия ва ГьитӀинаб Азиялъул бутӀа – Лисимахие, Македонияги Грецияги – Кассандрие..
23Гьезул пачалъиялъул заман ахиралде щведал ва гӀемерисел чагӀи хӀарамаб-пасатаб гӀумруялде руссиндал, хӀалихьатав, вахӀшияв, илбисаб гӀамал-хасияталъул пача вахъине вуго. 24Гьесул кутакалда къуват цӀикӀкӀине буго, амма гьеб къуват гьесул жиндирго кколаро. Кутакал балагьал рачун рачӀине руго гьес ва гьабулебщинаб цебетӀезе буго гьесул. Бищун лебалалги гъуризе руго, Бичасул халкъги пасат гьабизе буго гьес. 25СихӀру-макруялдалъун гьесул рекӀкӀабщинаб мурад цебетӀезе буго, ва гьес живго кутакав чилъун рикӀкӀине вуго. Бищунго гӀадамал тохлъараб мех хӀисабалдеги босун, гӀемерав чи гъуризе вуго гьес, ва пачабазулги ПарччахӀасда дандецин вахъине вуго гьев. Ахирги гьесул мугъ бекизе буго, амма инсанасул квераз гуреб.
26Сардал-къоязул рахъалъ дуда бихьизабураб жо, гьеб хӀакъаб буго. Амма дуца гьеб лъидаго бицунге, щайгурелъул, гьеб тӀубазе жеги гӀемер заман буго“.
27Гьелдаса нахъе дун, Даниял, свакан тату хун вукӀана ва, чанго къоялъ унтана. Хадув дун пачаясул ишазде тӀадвуссана. Бихьарабщиналъ дун кутакалда хӀикмалъизавун вукӀана – гьелъул магӀна кинго бичӀчӀулеб букӀинчӀо дида.
Currently Selected:
Даниял 8: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Даниял 8
8
Даниялида кӀиго хӀайван цебе чӀей
1Белшацар пачалъун вахъун лъабабилеб соналъ#8:1 Цебесеб эраялъул 551 с., цебе бихьун букӀаралда тӀадеги, дида цоги гӀаламат цебе чӀана. 2Гьеб цебетӀамиялда дун дидаго вихьана Элам вилаяталда Улай лъарал рагӀалда бугеб Шушан хъалаялда. 3БетӀер тӀаде борхидал, дида лъарал рагӀалда эхетараб куй бихьана. КӀиго лълъарги букӀана гьелда. КӀиябго лълъар кӀудияб букӀана, амма цо лълъар цогидалдаса дагьалъ халатаб букӀана – гьеб нахъа баккараб букӀана. 4Дида бихьана гьеб куйца бакътӀерхьул, ши ва къилбаялъул рахъалдехун хӀункулеб. Цониги чӀаголъиялда гьелда данде чӀун бажарулеб букӀинчӀо ва гьелдаса хвасарлъизаризе кӀолевги щивго вукӀинчӀо. Гьелъ жиндиего бокьа-бокьараб гьабулеб букӀана ва тӀадеялдаса тӀаде гьелъул гуч цӀикӀкӀунеб букӀана.
5Дун гьелъул пикрабазда вукӀаго, бакътӀерхьул рахъалдасан тохлъукьего дегӀен баккана. Гьеб гӀодоб хъвачӀого дунял къотӀун унеб букӀана. Гьеб дагӀнил беразда гьоркьоб кӀудияб лълъар букӀана. 6Дида лъарал рагӀалда чӀун бихьараб кӀилълъарилаб куялда аскӀобе бортана гьеб ва гӀасияб ццидалъ гьелда тӀад речӀчӀана. 7Дида бихьана гьеб дегӀен, тӀадеялдаса тӀаде ццинги гьалаглъун, куялда аскӀобе щвараб куц ва гӀасияб ццидалъ куйги лъукъун гьелъул кӀиябго лълъар бекараб куц. Куялда бажаричӀо дагӀнида данде чӀун; дагӀница гьеб гӀодоб тӀамуна ва хӀатӀикь мерхьана – гьеб хвасар гьабизе гьелъие хӀалае щивго ватичӀо. 8Цинги дагӀнил къуват кутакалда цӀикӀкӀана. Амма цӀикӀкӀараб къуват-гучалде бахиндал, гьелъул кӀудияб лълъар бекана ва гьелъул бакӀалда, дунялалъул ункъабго рахъалде буссараб, ункъго лълъар бижана – щибаб рахъалдасан рихьулел рукӀана гьел лълъурдул.
9Гьел лълъаразул цоялдаса цоги лълъар къватӀибе баккана. Гьеб цин гьитӀинаб жо букӀана, амма хадуб гьеб къилбаялъул, бакъбаккул ва Реццалъул улкаялдехун#8:9 Реццалъул улка – гьеб ккола ГӀизраил. балагьун кутакалда кӀудияб гӀуна. 10Зобалазул аскаралдецин#8:10 Зобалазул аскар – цӀваби. гӀунтӀана гьеб, ва гьезул цо бутӀа ракьалде гӀодобе рехана ва хӀатӀикь мерхьана гьелъ. 11Гьеб аскаралъул БетӀерасда дандегицин чӀана гьеб гӀамал кӀодого: БетӀергьанасул къойилал къурбанал къотӀизаруна ва Гьесул Мукъадасаб Рукъ хъублъизабуна. 12Гьеб аскарги къурбаналги гьелъул кверщаликье кьуна, мунагь-такъсир сабаблъун; гьелъ хӀакъаб Къанун хӀатӀикь мерхьана, ва гьелъ гьабулебщинаб цебетӀуна#8:12 Гьеб лълъар ккола Антиох Ункъабилев Эпифан, жиндие Эпиман («бетӀерсвер») абураб тӀокӀцӀарги кьурав (ц. э. 175-164 сс.). ХӀилла-рекӀкӀалдалъун тахиде вахана гьев ва, цебесеб эраялъул 167 соналъ Иерусалималъул Мукъадасаб Рукъги хъублъизабун, къурбаналги гьукъун, Бичасул халкъалъул гӀасияв тушманлъун лъугьана..
13Цинги дида рагӀана Бичасул агьлуялда гьоркьоса цоясул гьаракь ва гьесда кӀалъалев кӀиабилесул гьаракьги. Цояс абуна: „КигӀан мехалъ халат рахъине ругел гьаб цебечӀеялда рихьизарурал лъугьа-бахъинал? КидаллъизегӀан къурбанал гьукъун телел, гӀасияб мунагьалъе гӀорхъи лъелареб, Мукъадасаб Рукъ хъублъизабун, Зобалазул аскарги малакь мерхьун букӀинеб?“
14КӀиабилес жаваб кьуна: „КӀиазаралда лъабнусго сордо-къоялъ; хадуб Мукъадасаб Рукъ цӀидасан бацӀцӀад гьабизе буго“.
ЦебечӀеялъул магӀна
15Гьаб дида цебечӀарабщинаб жоялъул магӀна щибдаян хивалазда дун вукӀаго, инсанасул сипаталда цо щивалиго цевечӀана дида. 16Цинги Улай лъарал добцояб рахъалдасан инсанасул гьаракь рагӀана:
„ЖабрагӀил! Гьесда бихьарабщиналъул магӀна бице гьев чиясда!“ – ян ахӀулеб.
17Гьебмехалъ гьев дун эхетараб бакӀалде вачӀана. Гьев аскӀове щведал, дун кутакалда хӀинкъана ва кӀалагъоркье речӀчӀана.
„ГӀадамил лъимер, – ин абуна гьес дида, – дуда бичӀчӀа, гьеб дуда бихьарабщинаб жо ахирзаманалда хурхараб букӀин“.
18Гьев дида кӀалъайдал, дун кӀотун гӀодов ккана. Цинги гьес кверги хъван дун хӀатӀиде вахъинавуна.
19Гьес абуна: „ГӀенекке, дица бицина дуе ахирзаманалда, Бичасул ццин рещтӀараб къо бачӀиндал, ккезе бугебщиналъул.
20Дуда бихьараб кӀилълъарилаб куй ккола Мадаялъул ва Персиялъул пачазаби. 21ДегӀен ккола Грециялъул пача. Гьелъул беразда гьоркьосан баккараб кӀудияб лълъарин абуни, гьеб ккола тӀоцевесев пача#8:21 Гьев ккола Александр Македонский (КӀудияв) (ц. э. 336–323 сс.).. 22Гьебги бекун, гьелъул бакӀалда баккараб ункъго лълъар ккола гьеб пачалъиялдаса лъугьине бугеб ункъго пачалъи, амма гьезул къуват Грециялъулалде бахараб букӀинаро#8:22 Александр Македонскиясул пачалихъ гьесул рагъул бутӀрузда гьоркьоб бикьана. Сирияги Месопотамияги щвана Селевкие, Мисри – Птолемейие, Фракия ва ГьитӀинаб Азиялъул бутӀа – Лисимахие, Македонияги Грецияги – Кассандрие..
23Гьезул пачалъиялъул заман ахиралде щведал ва гӀемерисел чагӀи хӀарамаб-пасатаб гӀумруялде руссиндал, хӀалихьатав, вахӀшияв, илбисаб гӀамал-хасияталъул пача вахъине вуго. 24Гьесул кутакалда къуват цӀикӀкӀине буго, амма гьеб къуват гьесул жиндирго кколаро. Кутакал балагьал рачун рачӀине руго гьес ва гьабулебщинаб цебетӀезе буго гьесул. Бищун лебалалги гъуризе руго, Бичасул халкъги пасат гьабизе буго гьес. 25СихӀру-макруялдалъун гьесул рекӀкӀабщинаб мурад цебетӀезе буго, ва гьес живго кутакав чилъун рикӀкӀине вуго. Бищунго гӀадамал тохлъараб мех хӀисабалдеги босун, гӀемерав чи гъуризе вуго гьес, ва пачабазулги ПарччахӀасда дандецин вахъине вуго гьев. Ахирги гьесул мугъ бекизе буго, амма инсанасул квераз гуреб.
26Сардал-къоязул рахъалъ дуда бихьизабураб жо, гьеб хӀакъаб буго. Амма дуца гьеб лъидаго бицунге, щайгурелъул, гьеб тӀубазе жеги гӀемер заман буго“.
27Гьелдаса нахъе дун, Даниял, свакан тату хун вукӀана ва, чанго къоялъ унтана. Хадув дун пачаясул ишазде тӀадвуссана. Бихьарабщиналъ дун кутакалда хӀикмалъизавун вукӀана – гьелъул магӀна кинго бичӀчӀулеб букӀинчӀо дида.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023