Даниял 6
6
Даниялида данде хӀилла ургъи
1Дарий пачаясе бокьана, жиндирго пачалихъ цебе бачинелъун, нусиялда къого сардар тӀаса вищизе. 2Гьел киназдаго тӀад лъабго бетӀер тана. Гьезул цоявлъун Даниял вукӀана. Сардараз гьев лъабасдаго цебе жаваб кьезе кколаан жидерго хӀалтӀи-ишалъул, гьединаб къагӀидаялда пачалихъалда низам чӀезабизе ва цӀуна-къай букӀинабизелъун. 3Заманго иналде сардаразда ва гьезда тӀад тарал бутӀрузда гьоркьоб Даниял бищунго бажари-гьунар цӀикӀкӀарав вукӀин якъинлъана. Гьединлъидал пачаясе бокьана тӀолабго пачалихъалда тӀад бищун кӀудиявлъун гьев тезе. 4Сардаралги цогидал чӀухӀби-хӀакимзабиги лъугьана Даниялица рекӀкӀ гьабулеб бугин абун гьесда бугьтан лъезе гӀоло багьана балагьизе. Амма гьезда кӀвечӀо Даниялилъ щибгӀаги рекӀкӀ батизе, щайгурелъул, гьев пачаясе ритӀухъав вукӀиндал. Щиб гьабулеб бугониги, я тасамахӀлъи, я тӀекълъи ккезе биччалароан гьес.
5Цинги гьез хӀукму гьабуна: «Даниялида гӀайиб чӀвазе бакӀ батуларо нилъеда, гьединлъидал, нилъеца гьесул диналдалъун къор гъела гьесие», – ян.
6Гьебмехалъ сардаралги чӀухӀби-хӀакимзабиги цадахъ пачаясухъе рилълъана ва гьесда кӀалъана: «БетӀерчӀахъаяв Дарий пача, дур гӀумру халалъаяв!
7ТӀолалго пачаясул чӀухӀби-хӀакимзабиги, аскаразул бутӀрулги, сардаралги, гӀакълучагӀиги тӀадрекъана лъеберго къоялъул манзилалда жаниб мун тун батӀияв инсанасда, яги аллагьзабазда цебе бетӀер къулун гьари-дугӀа гьабурав чи гъалбацӀазул рукӀниве рехизе вугин абураб пачаясул хӀукму бахъизе ккеялда. 8Гьединлъидал, нижер пача, дурго мугьруги чӀвараб гьединаб хӀукму бахъе, парисазул ва мадаязул къануналда рекъон, тӀокӀалъ гьеб хисизабизе бегьулареб хӀалалда».
9Цинги Дарий пачаяс гьединаб, пачаясул мугьруги чӀвараб, буюрухъ бахъана.
10Гьединаб буюрухъ бахъун букӀин лъаниги, Даниял жиндирго тӀаса рокъове вилълъана – гьелъул гордал Иерусалималъул рахъалдехун ралагьарал рукӀана. Гьениб къойил лъабго нухалъ суждаялда чӀун цебе-цебе гьабулеб букӀарабго гӀадин, рецц-бакъгун Аллагьасе суждаялда чӀун, дугӀа-гӀибадат гьабуна.
11Даниялида данде чӀаразул къокъа бачӀана цо нухалъ тохлъукьего гьесул рокъобе. Гьев гурхӀел-рахӀму гьарун Аллагьасда цеве накабазда чӀун дугӀа гьабулев ватана гьезда. 12ГьебсагӀаталъго гьел пачаясухъе рилълъана ва, гьесул буюрухъги ракӀалде щвезабун, кӀалъана: «Дуца буюрухъ хъван гьечӀищ, нижер пача, лъеберго къоялда жаниб мун тун батӀияв инсанасе, яги аллагьзабазе гьари-дугӀа гьабурав чи гъалбацӀазул рукӀниве рехизе кколин абураб?»
Пачаяс жаваб кьуна: «Узухъда, гьедин буго, хисизабизе рес гьечӀеб мадаязул ва парисазул къануналда рекъон», – ин.
13Цинги гьез абуна: «Ягьудиялдаса асирзабазул цояв – Даниялица – дуца абураб рагӀухъ гӀин балеб гьечӀо, дур буюрухъалъулги милатцин гьабулеб гьечӀо. Гьес жиндирго къагӀидаялъ къойил лъабго нухалъ сужда-гӀибадат гьабулеб буго».
14Гьеб хабар рагӀидал, пачаясул кутакалда ракӀ бакъвана. Амма Даниял хвасар гьавизе хӀукму гьабуна гьес ва бакъ тӀерхьинегӀан гьелъие хӀаракат бахъана.
15Амма гьел чагӀи рачӀана нахъеги пачаясухъе ва тӀаса ричӀичӀого кӀалъана: «Нижер пача, дуда кӀочонге мадаязул ва парисазул къануналда рекъон, пачаяс къватӀибе бахъараб цониги амру, я буюрухъ, хисизабизе бегьулареблъи», – ян.
16Гьебмехалъ пачаяс буюрухъги кьун, Даниял вачун вачӀана ва гъалбацӀазул рукӀниве рехана. Гьениве гьев рехулелъул, пачаяс Даниялида абуна: «Дуца ритӀухъго Жиндие гӀибадат гьабулев дур Аллагьас цӀунаги мун!» – ин.
17Хадуб босун кӀудияб гамачӀ гиризабуна гьеб гъалбацӀазул рукӀнил кӀалтӀуялда цебе ва пачаясулги гьесул чӀухӀби-хӀакимзабазулги мугьрабиги чӀван, гьеб кӀалтӀу щула гьабуна, Даниялие къотӀараб хӀукму лъидаго хисизабизе кӀолареб хӀалалда. 18Цинги пача жиндирго кӀалгӀаялде тӀадвуссана. Я кӀалдиб квен лъечӀо, я щибго жоялдаса лазат босичӀо, я беразде макьу бачӀинчӀо пачаясул гьеб сордоялъ.
19ХъахӀлъи рехулаго пача бусадаса тӀаде вахъана ва гъалбацӀазул рукӀнил кӀалтӀуялъухъе гӀедегӀана. 20Гьениве щведал, пачаяс хӀинкъадго Даниялиде ахӀана: «Даниял, хӀакъав Бичасул лагъ! Дуца Жиндие ритӀухъго хъулухъ гьабулев Аллагьасда бажаранищ гъалбацӀазукьа мун цӀунизе?» – ян.
21Даниялица жаваб кьуна: «БетӀерчӀахъаяв пача!
22Дир Аллагьас, Жиндирго малаикги витӀун, гъалбацӀазул кӀалал данде къазаруна. Гьез дие щибго зарал гьабичӀо, щайгурелъул, дун Гьесда цеве вацӀцӀадав вукӀиндал. Дуда цебеги, дир пача, дица киданиги щибго хӀалихьалъи гьабичӀо».
23Гьебмехалъ пачаясул разилъиялъул гӀорхъи букӀинчӀо, ва Даниял гьениса къватӀиве вахъеян буюрана гьес. Даниял къватӀиве вахъидал, гьесда цониги ругъун батичӀо, щайгурелъул, гьев ракӀ-ракӀалъго Бичасда божарав чи вукӀиналъ.
24Пачаясул буюрухъалдалъун, Даниялида бугьтанал лъурал чагӀи гьенире рачун рачӀана ва, хъизан-лъималгун цадахъ, гьел гъалбацӀазул рукӀнире рехана. ГӀодор хъвалелдего гъалбацӀаз тӀу-тӀун рана гьел, гьезул рукьбиги гъурана.
25Гьебмехалда Дарий пачаяс тӀолалго халкъазухъе, къавмазухъе ва щибаб миллаталъухъе гьадинаб кагъат хъвана:
«Нужее киназего саламгун рекъел!
26Дица буюрухъ кьолеб буго дир пачалихъалъул тӀолалго халкъаз ва къавмаз Даниялил Аллагьасе сужда гьабеян ва Гьесукьа хӀинкъаян.
Гьевлъидал ХӀакъав Аллагь,
Абадияв Даимав!
Гьесул парччахӀлъи щулияб,
Гьесул ихтиярги ахир гьечӀеб.
27Гьес балагьазукьа цӀунула ва хвасар гьарула.
ГӀаламатал ва мугӀжизатал рихьизарула
Зобалаздаги ракьалдаги.
Гьес Даниял
гъалбацӀазул гажакьа хвасар гьавуна!»
28Дарийилги парисав Кирилги пачалъиялъул заманалда Даниял кӀудияб къадру-къиматалда вукӀана.
Currently Selected:
Даниял 6: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Даниял 6
6
Даниялида данде хӀилла ургъи
1Дарий пачаясе бокьана, жиндирго пачалихъ цебе бачинелъун, нусиялда къого сардар тӀаса вищизе. 2Гьел киназдаго тӀад лъабго бетӀер тана. Гьезул цоявлъун Даниял вукӀана. Сардараз гьев лъабасдаго цебе жаваб кьезе кколаан жидерго хӀалтӀи-ишалъул, гьединаб къагӀидаялда пачалихъалда низам чӀезабизе ва цӀуна-къай букӀинабизелъун. 3Заманго иналде сардаразда ва гьезда тӀад тарал бутӀрузда гьоркьоб Даниял бищунго бажари-гьунар цӀикӀкӀарав вукӀин якъинлъана. Гьединлъидал пачаясе бокьана тӀолабго пачалихъалда тӀад бищун кӀудиявлъун гьев тезе. 4Сардаралги цогидал чӀухӀби-хӀакимзабиги лъугьана Даниялица рекӀкӀ гьабулеб бугин абун гьесда бугьтан лъезе гӀоло багьана балагьизе. Амма гьезда кӀвечӀо Даниялилъ щибгӀаги рекӀкӀ батизе, щайгурелъул, гьев пачаясе ритӀухъав вукӀиндал. Щиб гьабулеб бугониги, я тасамахӀлъи, я тӀекълъи ккезе биччалароан гьес.
5Цинги гьез хӀукму гьабуна: «Даниялида гӀайиб чӀвазе бакӀ батуларо нилъеда, гьединлъидал, нилъеца гьесул диналдалъун къор гъела гьесие», – ян.
6Гьебмехалъ сардаралги чӀухӀби-хӀакимзабиги цадахъ пачаясухъе рилълъана ва гьесда кӀалъана: «БетӀерчӀахъаяв Дарий пача, дур гӀумру халалъаяв!
7ТӀолалго пачаясул чӀухӀби-хӀакимзабиги, аскаразул бутӀрулги, сардаралги, гӀакълучагӀиги тӀадрекъана лъеберго къоялъул манзилалда жаниб мун тун батӀияв инсанасда, яги аллагьзабазда цебе бетӀер къулун гьари-дугӀа гьабурав чи гъалбацӀазул рукӀниве рехизе вугин абураб пачаясул хӀукму бахъизе ккеялда. 8Гьединлъидал, нижер пача, дурго мугьруги чӀвараб гьединаб хӀукму бахъе, парисазул ва мадаязул къануналда рекъон, тӀокӀалъ гьеб хисизабизе бегьулареб хӀалалда».
9Цинги Дарий пачаяс гьединаб, пачаясул мугьруги чӀвараб, буюрухъ бахъана.
10Гьединаб буюрухъ бахъун букӀин лъаниги, Даниял жиндирго тӀаса рокъове вилълъана – гьелъул гордал Иерусалималъул рахъалдехун ралагьарал рукӀана. Гьениб къойил лъабго нухалъ суждаялда чӀун цебе-цебе гьабулеб букӀарабго гӀадин, рецц-бакъгун Аллагьасе суждаялда чӀун, дугӀа-гӀибадат гьабуна.
11Даниялида данде чӀаразул къокъа бачӀана цо нухалъ тохлъукьего гьесул рокъобе. Гьев гурхӀел-рахӀму гьарун Аллагьасда цеве накабазда чӀун дугӀа гьабулев ватана гьезда. 12ГьебсагӀаталъго гьел пачаясухъе рилълъана ва, гьесул буюрухъги ракӀалде щвезабун, кӀалъана: «Дуца буюрухъ хъван гьечӀищ, нижер пача, лъеберго къоялда жаниб мун тун батӀияв инсанасе, яги аллагьзабазе гьари-дугӀа гьабурав чи гъалбацӀазул рукӀниве рехизе кколин абураб?»
Пачаяс жаваб кьуна: «Узухъда, гьедин буго, хисизабизе рес гьечӀеб мадаязул ва парисазул къануналда рекъон», – ин.
13Цинги гьез абуна: «Ягьудиялдаса асирзабазул цояв – Даниялица – дуца абураб рагӀухъ гӀин балеб гьечӀо, дур буюрухъалъулги милатцин гьабулеб гьечӀо. Гьес жиндирго къагӀидаялъ къойил лъабго нухалъ сужда-гӀибадат гьабулеб буго».
14Гьеб хабар рагӀидал, пачаясул кутакалда ракӀ бакъвана. Амма Даниял хвасар гьавизе хӀукму гьабуна гьес ва бакъ тӀерхьинегӀан гьелъие хӀаракат бахъана.
15Амма гьел чагӀи рачӀана нахъеги пачаясухъе ва тӀаса ричӀичӀого кӀалъана: «Нижер пача, дуда кӀочонге мадаязул ва парисазул къануналда рекъон, пачаяс къватӀибе бахъараб цониги амру, я буюрухъ, хисизабизе бегьулареблъи», – ян.
16Гьебмехалъ пачаяс буюрухъги кьун, Даниял вачун вачӀана ва гъалбацӀазул рукӀниве рехана. Гьениве гьев рехулелъул, пачаяс Даниялида абуна: «Дуца ритӀухъго Жиндие гӀибадат гьабулев дур Аллагьас цӀунаги мун!» – ин.
17Хадуб босун кӀудияб гамачӀ гиризабуна гьеб гъалбацӀазул рукӀнил кӀалтӀуялда цебе ва пачаясулги гьесул чӀухӀби-хӀакимзабазулги мугьрабиги чӀван, гьеб кӀалтӀу щула гьабуна, Даниялие къотӀараб хӀукму лъидаго хисизабизе кӀолареб хӀалалда. 18Цинги пача жиндирго кӀалгӀаялде тӀадвуссана. Я кӀалдиб квен лъечӀо, я щибго жоялдаса лазат босичӀо, я беразде макьу бачӀинчӀо пачаясул гьеб сордоялъ.
19ХъахӀлъи рехулаго пача бусадаса тӀаде вахъана ва гъалбацӀазул рукӀнил кӀалтӀуялъухъе гӀедегӀана. 20Гьениве щведал, пачаяс хӀинкъадго Даниялиде ахӀана: «Даниял, хӀакъав Бичасул лагъ! Дуца Жиндие ритӀухъго хъулухъ гьабулев Аллагьасда бажаранищ гъалбацӀазукьа мун цӀунизе?» – ян.
21Даниялица жаваб кьуна: «БетӀерчӀахъаяв пача!
22Дир Аллагьас, Жиндирго малаикги витӀун, гъалбацӀазул кӀалал данде къазаруна. Гьез дие щибго зарал гьабичӀо, щайгурелъул, дун Гьесда цеве вацӀцӀадав вукӀиндал. Дуда цебеги, дир пача, дица киданиги щибго хӀалихьалъи гьабичӀо».
23Гьебмехалъ пачаясул разилъиялъул гӀорхъи букӀинчӀо, ва Даниял гьениса къватӀиве вахъеян буюрана гьес. Даниял къватӀиве вахъидал, гьесда цониги ругъун батичӀо, щайгурелъул, гьев ракӀ-ракӀалъго Бичасда божарав чи вукӀиналъ.
24Пачаясул буюрухъалдалъун, Даниялида бугьтанал лъурал чагӀи гьенире рачун рачӀана ва, хъизан-лъималгун цадахъ, гьел гъалбацӀазул рукӀнире рехана. ГӀодор хъвалелдего гъалбацӀаз тӀу-тӀун рана гьел, гьезул рукьбиги гъурана.
25Гьебмехалда Дарий пачаяс тӀолалго халкъазухъе, къавмазухъе ва щибаб миллаталъухъе гьадинаб кагъат хъвана:
«Нужее киназего саламгун рекъел!
26Дица буюрухъ кьолеб буго дир пачалихъалъул тӀолалго халкъаз ва къавмаз Даниялил Аллагьасе сужда гьабеян ва Гьесукьа хӀинкъаян.
Гьевлъидал ХӀакъав Аллагь,
Абадияв Даимав!
Гьесул парччахӀлъи щулияб,
Гьесул ихтиярги ахир гьечӀеб.
27Гьес балагьазукьа цӀунула ва хвасар гьарула.
ГӀаламатал ва мугӀжизатал рихьизарула
Зобалаздаги ракьалдаги.
Гьес Даниял
гъалбацӀазул гажакьа хвасар гьавуна!»
28Дарийилги парисав Кирилги пачалъиялъул заманалда Даниял кӀудияб къадру-къиматалда вукӀана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023