Даниял 12
12
Ахир заман
1Гьеб заманалда дур халкъалъе эхетарав гучав МикагӀил малаик вахъине вуго. Гьеб букӀине буго кутакалда захӀматаб заман – гьаб дунялалда инсан вижаралдаса нахъе букӀинчӀо гьедигӀан захӀматаб заман. Амма дур халкъ хвасарлъизе буго: жиндир цӀар ЧӀагоязул ТӀехьалда хъван батаравщинав чи гьел балагьазукьа ворчӀизе вуго. 2Ракьулъ рукъаразулги гӀемераб халкъ тӀаде бахъине буго – цоязе абадияб гӀумру насиблъила, цогидал абадул абадиялъго тӀаса унареб рогьо-ничалъукье ккела. 3ГӀакъилал гӀадамал#12:3 ГӀакъилал гӀадамал – ялъуни гӀакълу-иман малъулел гӀадамал. роцӀараб зоб гӀадин къалъ-къалъила. БитӀараб нухде цогидал рачаралги, зобалазул цӀваби гӀадин гвангъила абадул абадиялъего. 4Амма, Даниял, дуца гьал рагӀаби балъго гьарун те. Дуца, ахирзаман тӀаде щвезегӀан, мугьруги чӀван рахчун те гьел. ГӀадамал рукӀине руго доре-гьанире рорта-чӀван, бичӀчӀи-лъаялда хадур лъугьун, тӀадеялдаса тӀаде квешлъиги цӀикӀкӀине буго“.
5Цинги дун, Даниял, сверухъ вала-гъалагьана, ва дида жеги кӀигояв вихьана. Цояв гӀурул гьаб рахъалда, цогидав гӀурул доб рахъалда чӀун вукӀана. 6БацӀцӀадаб хӀебтил ретӀел ретӀарав чи гӀурул лъеда тӀад чӀун вукӀана. КӀигоязул цояс гьесда цӀехана: „КигӀан заман базе бугеб гьел хӀикматал лъугьа-бахъинал тӀуразегӀан?“
7БацӀцӀадаб хӀебтил ретӀел ретӀарав ва гӀурул лъеда тӀад чӀарав чияс кӀиябго квер зодобе борхана, ва дида рагӀана, Абадияв-ХӀакъасул цӀарги бахъун, гьев гьедулев: „Цо лъагӀел, кӀиго лъагӀел ва бащдаб лъагӀел#12:7 Цо лъагӀел, кӀиго лъагӀел ва бащдаб лъагӀел – лъабгогин бащдаб сон.. Иман лъуразе гӀакъуба кьолезул гуч бекидал#12:7 Ялъуни иман лъуразул къуват лъугӀидал., ахирги гьаб кинабго тӀубазе буго“.
8Дида гьеб кинабго рагӀана, амма гьелъул магӀна бичӀчӀичӀо. Гьебмехалъ дица цӀехана: „Дир бетӀергьан, гьеб киналъулго ахир кинаб букӀине бугеб?“ – ин.
9Гьес жаваб кьуна: „Даниял, гьанже мун а! Гьал рагӀабазул магӀна бахчун буго ва ахир заман щвезегӀан балъго цӀунизе буго.
10ГӀемерал чагӀи мунагьаздаса рацӀцӀалъила. Гьез къо хӀехьела. Амма квешал чагӀаз жеги квешлъаби гьарила. Гьезда щибго бичӀчӀиларо, гӀакълу бугездаян абуни кинабго бичӀчӀила.
11Къойилал къурбанал къотӀизарураб заманалдаса ва гьенир цӀакъго къабихӀал ва чорокал ишал гьаруралдаса нахъе азаралда кӀинусиялда ункъоялда анцӀго къо ине буго. 12Гьардарал гурищ сабру гьабун чӀарал ва азаралда лъабнусиялда лъебералда щуго къо лъугӀизегӀан чӀаго хутӀарал чагӀи!
13Мунин абуни, Даниял, дурго нухда а, гӀумруялъул къоял ахиралде щвезегӀан. Цинги мун доб дунялалда парахалъила, амма, дунялалъул ахиралда, дуе кколеб шапакъаталъул бутӀа босизе мун хваразулъа тӀаде вахъине вуго“».
Currently Selected:
Даниял 12: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Даниял 12
12
Ахир заман
1Гьеб заманалда дур халкъалъе эхетарав гучав МикагӀил малаик вахъине вуго. Гьеб букӀине буго кутакалда захӀматаб заман – гьаб дунялалда инсан вижаралдаса нахъе букӀинчӀо гьедигӀан захӀматаб заман. Амма дур халкъ хвасарлъизе буго: жиндир цӀар ЧӀагоязул ТӀехьалда хъван батаравщинав чи гьел балагьазукьа ворчӀизе вуго. 2Ракьулъ рукъаразулги гӀемераб халкъ тӀаде бахъине буго – цоязе абадияб гӀумру насиблъила, цогидал абадул абадиялъго тӀаса унареб рогьо-ничалъукье ккела. 3ГӀакъилал гӀадамал#12:3 ГӀакъилал гӀадамал – ялъуни гӀакълу-иман малъулел гӀадамал. роцӀараб зоб гӀадин къалъ-къалъила. БитӀараб нухде цогидал рачаралги, зобалазул цӀваби гӀадин гвангъила абадул абадиялъего. 4Амма, Даниял, дуца гьал рагӀаби балъго гьарун те. Дуца, ахирзаман тӀаде щвезегӀан, мугьруги чӀван рахчун те гьел. ГӀадамал рукӀине руго доре-гьанире рорта-чӀван, бичӀчӀи-лъаялда хадур лъугьун, тӀадеялдаса тӀаде квешлъиги цӀикӀкӀине буго“.
5Цинги дун, Даниял, сверухъ вала-гъалагьана, ва дида жеги кӀигояв вихьана. Цояв гӀурул гьаб рахъалда, цогидав гӀурул доб рахъалда чӀун вукӀана. 6БацӀцӀадаб хӀебтил ретӀел ретӀарав чи гӀурул лъеда тӀад чӀун вукӀана. КӀигоязул цояс гьесда цӀехана: „КигӀан заман базе бугеб гьел хӀикматал лъугьа-бахъинал тӀуразегӀан?“
7БацӀцӀадаб хӀебтил ретӀел ретӀарав ва гӀурул лъеда тӀад чӀарав чияс кӀиябго квер зодобе борхана, ва дида рагӀана, Абадияв-ХӀакъасул цӀарги бахъун, гьев гьедулев: „Цо лъагӀел, кӀиго лъагӀел ва бащдаб лъагӀел#12:7 Цо лъагӀел, кӀиго лъагӀел ва бащдаб лъагӀел – лъабгогин бащдаб сон.. Иман лъуразе гӀакъуба кьолезул гуч бекидал#12:7 Ялъуни иман лъуразул къуват лъугӀидал., ахирги гьаб кинабго тӀубазе буго“.
8Дида гьеб кинабго рагӀана, амма гьелъул магӀна бичӀчӀичӀо. Гьебмехалъ дица цӀехана: „Дир бетӀергьан, гьеб киналъулго ахир кинаб букӀине бугеб?“ – ин.
9Гьес жаваб кьуна: „Даниял, гьанже мун а! Гьал рагӀабазул магӀна бахчун буго ва ахир заман щвезегӀан балъго цӀунизе буго.
10ГӀемерал чагӀи мунагьаздаса рацӀцӀалъила. Гьез къо хӀехьела. Амма квешал чагӀаз жеги квешлъаби гьарила. Гьезда щибго бичӀчӀиларо, гӀакълу бугездаян абуни кинабго бичӀчӀила.
11Къойилал къурбанал къотӀизарураб заманалдаса ва гьенир цӀакъго къабихӀал ва чорокал ишал гьаруралдаса нахъе азаралда кӀинусиялда ункъоялда анцӀго къо ине буго. 12Гьардарал гурищ сабру гьабун чӀарал ва азаралда лъабнусиялда лъебералда щуго къо лъугӀизегӀан чӀаго хутӀарал чагӀи!
13Мунин абуни, Даниял, дурго нухда а, гӀумруялъул къоял ахиралде щвезегӀан. Цинги мун доб дунялалда парахалъила, амма, дунялалъул ахиралда, дуе кколеб шапакъаталъул бутӀа босизе мун хваразулъа тӀаде вахъине вуго“».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023