2 Пачаби 7
7
Давудихъе БетӀергьанасул калима бачӀин
1Пача жиндирго кӀалгӀаялде вахъиндал ва сверухъ рукӀарал тӀолалго тушбабаздаса БЕТӀЕРГЬАНАС гьесие эркенлъиги кьедал, 2гьес Натан аварагасда абуна:
«Балагье, дун хирияб кедралъул цӀулал бараб кӀалгӀаялда вуго. БЕТӀЕРГЬАНАСУЛ гъамасин абуни чодрониб лъун тун буго», – ян.
3Натаница абуна: «Дур рекӀел мурад щиб батаниги, тӀубазабе гьеб. БЕТӀЕРГЬАНАСУЛ кумек буго дуе сундулъго», – ян.
4Амма гьебго сордоялъ БЕТӀЕРГЬАНАСУЛ калам рещтӀана Натанихъе:
5«Дир лагъ Давудихъе ун гьесда абе: „Гьале БЕТӀЕРГЬАНАСУЛ рагӀи: ‘Дуцайищ балеб Дун жанив чӀезе рукъ? 6ГӀизраилал Мисриялдаса нахъе рачараб къоялдаса жакъа къоялде щвезегӀан Дица Диего рукъ кквечӀо, амма чодронив Бищунго Мукъадасаб бакӀги ккун, сапаразда вукӀана. 7ГӀизраилалъул халкъгун цадахъ Дун киве щваниги, гьезие вехьлъи гьабизе гьезул къавмазда гьоркьоса рищаразул цониги цевехъанасда Дица абунищ: Щай нужеца Дие хирияб кедралъул цӀулал рукъ балареб? – абун’“.
8Гьединлъидал, гьадин абе дир лагъ Давудида: „Гьале Гучал Аскаразул БЕТӀЕРГЬАНАСУЛ калима: ‘Дица мун, гӀияда вукӀарав чи, вачун Дирго халкъалда ГӀизраилалда тӀад пачалъун тана. 9Киве мун аниги, гьенив дуе кумекалъе чӀана Дун ва, дуда цеве-цеве ун, тӀолалго дур тушбаби гъурана. Дица гьанже кӀодо гьавила ва дунялалдаго цӀар рагӀаразул цоявлъун вахъинавила мун. 10-11Дица Дирго гӀизраил халкъалъе ракь кьела ва гьенир гьел щула гьарила. Гьез жидерго ракьалда парахатго яшав гьабила ва тӀокӀаб лъицаго рахӀат хвезабиларо гьезул. Цебе Дирго халкъалъе нухмалъи гьабизе къадизаби тун рукӀараб заманалда гьабураб гӀадин, гӀаси-пасикъаз тӀокӀалъ зулму гьабизе гьечӀо гьезие. Дуеги тӀолалго дур тушбабаздаса цӀунараб хӀалхьи кьела’.
БЕТӀЕРГЬАНАС лъазабулеб буго БЕТӀЕРГЬАНАС Жиндицаго щула гьабилин дур агьлуян. 12‘Дур къоял лъугӀаралго, мун парахатго умумузда аскӀов вукъила. Цинги Дица тахида дур вас лъела ва гьесул пачалъи щула гьабила. 13Гьес базе буго Дие Мукъадасаб Рукъ ва Дица абадиялъего гьесул наслуялъул хъатикь щулалъизабизе буго пачалъиги. 14Дун гьесие эменлъун вукӀина ва гьев Дие васлъун вукӀина; гьес мекъаб иш гьабуни, умумуз жиндирго лъимал цӀалаца рухулел гӀадин, гӀадлу гьабила Дица гьесие. 15Амма Дирго рахӀму-цӀобалдаса гьев ватӀа гьавиларо, Шаул гьавурав гӀадин; Дица Шаул нахъе къотӀидал, мун пачалъун тезе гӀоло. 16Дур агьлу ва дур пачалъи тарараб къо кидаго бачӀинаро, гьеб пачалъиялъул тахида абадиялъго дур наслуги букӀина’“».
17Натаница Давудида бицана жиндие загьирлъараб тӀолабго БетӀергьанасул амру.
Давудил дугӀа
18Цинги Давуд вилълъана БЕТӀЕРГЬАНАСУЛ чодрониве ва гьадинаб дугӀа гьабуна:
«Вай дир Къудратав БЕТӀЕРГЬАН, Дуца гьедигӀан кӀодо гьавизе ккани дун щив чи кколев? 19Вай дир Къудратав БЕТӀЕРГЬАН, гьебги гӀелин ккечӀо Дуда! Гьелда тӀадеги дир, дур лагъасул, рачӀунел наслабазул букӀинесебги загьир гьабуна. ГӀадатияв инсанасдехун Дур бугеб бербалагьи, огь дир Къудратав БЕТӀЕРГЬАН! 20Щиб бицун дун Дуда кӀалъалев? Огь, Къудратав БЕТӀЕРГЬАН, Дуда лъикӀ лъалелъул дун, Дур лагъ! 21Дуцаго бицараб рагӀуе гӀоло ва Дурго амруялда рекъон гьаруна Дуца гьал хӀикматал ишал ва гьел дие, Дурго лагъасе, загьир гьаруна.
22Вай Дур тӀадегӀанлъи, Къудратав БЕТӀЕРГЬАН! Дуда ващадав щивго гьечӀо ва Мун тун батӀияв Аллагьги гьечӀо – нижерго гӀундузда рагӀидал гьеб! 23ГӀизраил гӀадаб цоги халкъ бугищ гьаб дунялалда? ЦохӀо гьеб халкъалъухъе вачӀана Аллагь, Жиндирго халкълъун букӀинелъун гьеб хвасар гьабизе. Мисриялдаса Дуего халкъ нахъе бачунелъул, кӀудиял ва хӀикматал ишалги гьарун, Дур цӀар дунялалдаго машгьурлъана. Дуца цогидал халкъалги гьезул аллагьзабиги гьезда цереса нахъе рачахъана. 24Дуца Дурго кверщаликь чӀезабуна ГӀизраил – Дур халкъ; абадиялъего Мунго бетӀергьанаб халкълъун гьабуна гьеб. Я БЕТӀЕРГЬАН, ГӀизраилалъул Аллагьлъун Мунгоги вахъана.
25БЕТӀЕРГЬАН Аллагь! Гьанже дие, Дурго лагъасе ва гьесул наслуялъе кьураб рагӀи цӀуне абадиялъго ва Дуца абухъе тӀубазабе кинабго. 26Дур цӀар кӀодолъаги абадул абадиялъе! ГӀадамаз абизе биччай: „Гучал Аскаразул БЕТӀЕРГЬАН Аллагь вуго ГӀизраилалъул Аллагь“, – ин. Дур лагъ Давудил агьлу миркалъго щулалъаги Дуда цебе.
27Дир агьлу Дуца щула гьабилин дие гьеб загьир гьабурав, ГӀизраилалъул Аллагь вугелъул Мун – Гучал Аскаразул БЕТӀЕРГЬАН, дица, дур лагъас, таваккал тӀамуна Дуда цебе гьаб гьари-дугӀа гьабизе. 28Огь, Къудратав БЕТӀЕРГЬАН, мун гурев Аллагь гьечӀо! Дур рагӀаби хӀакъал руго ва Дурго лагъасе лъикӀлъиялъе рагӀи бицана Дуца. 29Дур лагъасул хъизан-агьлуялда баракат лъезе къабуллъаги Дуе, абадиялъго Дур рахӀму-баракаталдаса ратӀалъугеги гьел. Дуцаголъидал гьеб абураб, Къудратав БЕТӀЕРГЬАН, Дур баракаталдаса бахараб баракат букӀине бугин миркалъго Дур лагъасул хъизан-агьлуялда тӀад!» – ин.
Currently Selected:
2 Пачаби 7: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
2 Пачаби 7
7
Давудихъе БетӀергьанасул калима бачӀин
1Пача жиндирго кӀалгӀаялде вахъиндал ва сверухъ рукӀарал тӀолалго тушбабаздаса БЕТӀЕРГЬАНАС гьесие эркенлъиги кьедал, 2гьес Натан аварагасда абуна:
«Балагье, дун хирияб кедралъул цӀулал бараб кӀалгӀаялда вуго. БЕТӀЕРГЬАНАСУЛ гъамасин абуни чодрониб лъун тун буго», – ян.
3Натаница абуна: «Дур рекӀел мурад щиб батаниги, тӀубазабе гьеб. БЕТӀЕРГЬАНАСУЛ кумек буго дуе сундулъго», – ян.
4Амма гьебго сордоялъ БЕТӀЕРГЬАНАСУЛ калам рещтӀана Натанихъе:
5«Дир лагъ Давудихъе ун гьесда абе: „Гьале БЕТӀЕРГЬАНАСУЛ рагӀи: ‘Дуцайищ балеб Дун жанив чӀезе рукъ? 6ГӀизраилал Мисриялдаса нахъе рачараб къоялдаса жакъа къоялде щвезегӀан Дица Диего рукъ кквечӀо, амма чодронив Бищунго Мукъадасаб бакӀги ккун, сапаразда вукӀана. 7ГӀизраилалъул халкъгун цадахъ Дун киве щваниги, гьезие вехьлъи гьабизе гьезул къавмазда гьоркьоса рищаразул цониги цевехъанасда Дица абунищ: Щай нужеца Дие хирияб кедралъул цӀулал рукъ балареб? – абун’“.
8Гьединлъидал, гьадин абе дир лагъ Давудида: „Гьале Гучал Аскаразул БЕТӀЕРГЬАНАСУЛ калима: ‘Дица мун, гӀияда вукӀарав чи, вачун Дирго халкъалда ГӀизраилалда тӀад пачалъун тана. 9Киве мун аниги, гьенив дуе кумекалъе чӀана Дун ва, дуда цеве-цеве ун, тӀолалго дур тушбаби гъурана. Дица гьанже кӀодо гьавила ва дунялалдаго цӀар рагӀаразул цоявлъун вахъинавила мун. 10-11Дица Дирго гӀизраил халкъалъе ракь кьела ва гьенир гьел щула гьарила. Гьез жидерго ракьалда парахатго яшав гьабила ва тӀокӀаб лъицаго рахӀат хвезабиларо гьезул. Цебе Дирго халкъалъе нухмалъи гьабизе къадизаби тун рукӀараб заманалда гьабураб гӀадин, гӀаси-пасикъаз тӀокӀалъ зулму гьабизе гьечӀо гьезие. Дуеги тӀолалго дур тушбабаздаса цӀунараб хӀалхьи кьела’.
БЕТӀЕРГЬАНАС лъазабулеб буго БЕТӀЕРГЬАНАС Жиндицаго щула гьабилин дур агьлуян. 12‘Дур къоял лъугӀаралго, мун парахатго умумузда аскӀов вукъила. Цинги Дица тахида дур вас лъела ва гьесул пачалъи щула гьабила. 13Гьес базе буго Дие Мукъадасаб Рукъ ва Дица абадиялъего гьесул наслуялъул хъатикь щулалъизабизе буго пачалъиги. 14Дун гьесие эменлъун вукӀина ва гьев Дие васлъун вукӀина; гьес мекъаб иш гьабуни, умумуз жиндирго лъимал цӀалаца рухулел гӀадин, гӀадлу гьабила Дица гьесие. 15Амма Дирго рахӀму-цӀобалдаса гьев ватӀа гьавиларо, Шаул гьавурав гӀадин; Дица Шаул нахъе къотӀидал, мун пачалъун тезе гӀоло. 16Дур агьлу ва дур пачалъи тарараб къо кидаго бачӀинаро, гьеб пачалъиялъул тахида абадиялъго дур наслуги букӀина’“».
17Натаница Давудида бицана жиндие загьирлъараб тӀолабго БетӀергьанасул амру.
Давудил дугӀа
18Цинги Давуд вилълъана БЕТӀЕРГЬАНАСУЛ чодрониве ва гьадинаб дугӀа гьабуна:
«Вай дир Къудратав БЕТӀЕРГЬАН, Дуца гьедигӀан кӀодо гьавизе ккани дун щив чи кколев? 19Вай дир Къудратав БЕТӀЕРГЬАН, гьебги гӀелин ккечӀо Дуда! Гьелда тӀадеги дир, дур лагъасул, рачӀунел наслабазул букӀинесебги загьир гьабуна. ГӀадатияв инсанасдехун Дур бугеб бербалагьи, огь дир Къудратав БЕТӀЕРГЬАН! 20Щиб бицун дун Дуда кӀалъалев? Огь, Къудратав БЕТӀЕРГЬАН, Дуда лъикӀ лъалелъул дун, Дур лагъ! 21Дуцаго бицараб рагӀуе гӀоло ва Дурго амруялда рекъон гьаруна Дуца гьал хӀикматал ишал ва гьел дие, Дурго лагъасе, загьир гьаруна.
22Вай Дур тӀадегӀанлъи, Къудратав БЕТӀЕРГЬАН! Дуда ващадав щивго гьечӀо ва Мун тун батӀияв Аллагьги гьечӀо – нижерго гӀундузда рагӀидал гьеб! 23ГӀизраил гӀадаб цоги халкъ бугищ гьаб дунялалда? ЦохӀо гьеб халкъалъухъе вачӀана Аллагь, Жиндирго халкълъун букӀинелъун гьеб хвасар гьабизе. Мисриялдаса Дуего халкъ нахъе бачунелъул, кӀудиял ва хӀикматал ишалги гьарун, Дур цӀар дунялалдаго машгьурлъана. Дуца цогидал халкъалги гьезул аллагьзабиги гьезда цереса нахъе рачахъана. 24Дуца Дурго кверщаликь чӀезабуна ГӀизраил – Дур халкъ; абадиялъего Мунго бетӀергьанаб халкълъун гьабуна гьеб. Я БЕТӀЕРГЬАН, ГӀизраилалъул Аллагьлъун Мунгоги вахъана.
25БЕТӀЕРГЬАН Аллагь! Гьанже дие, Дурго лагъасе ва гьесул наслуялъе кьураб рагӀи цӀуне абадиялъго ва Дуца абухъе тӀубазабе кинабго. 26Дур цӀар кӀодолъаги абадул абадиялъе! ГӀадамаз абизе биччай: „Гучал Аскаразул БЕТӀЕРГЬАН Аллагь вуго ГӀизраилалъул Аллагь“, – ин. Дур лагъ Давудил агьлу миркалъго щулалъаги Дуда цебе.
27Дир агьлу Дуца щула гьабилин дие гьеб загьир гьабурав, ГӀизраилалъул Аллагь вугелъул Мун – Гучал Аскаразул БЕТӀЕРГЬАН, дица, дур лагъас, таваккал тӀамуна Дуда цебе гьаб гьари-дугӀа гьабизе. 28Огь, Къудратав БЕТӀЕРГЬАН, мун гурев Аллагь гьечӀо! Дур рагӀаби хӀакъал руго ва Дурго лагъасе лъикӀлъиялъе рагӀи бицана Дуца. 29Дур лагъасул хъизан-агьлуялда баракат лъезе къабуллъаги Дуе, абадиялъго Дур рахӀму-баракаталдаса ратӀалъугеги гьел. Дуцаголъидал гьеб абураб, Къудратав БЕТӀЕРГЬАН, Дур баракаталдаса бахараб баракат букӀине бугин миркалъго Дур лагъасул хъизан-агьлуялда тӀад!» – ин.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023