2 Пачаби 15
15
Авессаломил питна
1Гьелдаса хадуб Авессаломица жиндиего чуялги чолгьакалги росана ва кӀикъоялда анцӀго чукъаги чӀезавуна жиндаго цадахъ хьвадизе. 2Радалго тӀаде вахъун шагьаралъул кавабахъе#15:2 Шагьаралъул кавабахъ букӀунаан доб заманалда ГӀизраилазул годекӀан. Гьенир жидерго хасал бакӀазда гӀодор чӀун рукӀунаан халкъалъул кӀудиял чагӀи, тӀадчагӀи ва диванчагӀи. ЖамагӀаталъул букӀа, цо пуланав чиясул букӀа, бокьараб захӀматаб суал ва дагӀба-гӀарз гьениб дандбалаан ва гьелъие рекъараб хӀукмуги къотӀулаан. унеб нухда чӀолаан Авессалом. ГӀарз босун пачаясухъе уневщинав чи Авессаломица аскӀове ахӀулаан ва гьесда цӀехолаан: «Мун щиб шагьаралдаса кколев?» – ин.
ГӀизраилалъул пуланаб къавмалъул чи вугин дур лагъилан жаваб кьолаан гьес.
3Цинги Авессаломица абулаан: «Дур битӀараб ва кьучӀаб гӀарз бихьула, амма пачаясул дуде регӀарав чи гьечӀо», – ян.
4Гьелда нахъ гӀунтӀизабун тӀадеги жубалаан гьес: «Пайда щибха, дун толевани гьаб халкъалда тӀад диванчилъун! Гьебмехалъ бокьарав чи вачӀине бегьилаан дихъе жиндирго дагӀба-гӀарзги босун ва гьелъие дица гӀадилаб хӀукму къотӀилаан».
5Гьесие бетӀер къулизе аскӀове вачӀаравщинав чиясул квер босулаан Авессаломица ва къвалги бан убач гьабулаан. 6Кумек гьарун пачаясухъе унелщинал чагӀазе гьедин гьабулаан Авессаломица. Гьеб макъаналда гӀизраилазул ракӀал жиндехунго руссинаруна гьес.
7Гьеб хӀалалда ункъо сон ахиралде щолеб букӀана, цинги Авессаломица пачаясда абуна:
«Хевроналде ун БЕТӀЕРГЬАНАСЕ гьабураб ният тӀубазабизе изну кье дие. 8Сириялда Гешуралда вугеб мехалъго дица гьадинаб ният гьабун букӀана: „БЕТӀЕРГЬАНАС дун Иерусалималде тӀадвуссинавизе хъван батани, дун БЕТӀЕРГЬАНАСЕ гӀибадат гьабизе Хевроналде ина“, – ян».
9Пачаяс гьесда абуна: «Парахат дурго нухда а», – ян.
Цинги Авессалом Хевроналде къокъана. 10ГӀизраилалъул тӀолалго къавмазухъе балъго чапарзаби ритӀана гьес гьадинаб буюрухъгун: «Суралъубе пулеб гьаракь рагӀарабго нужеца ахӀе: „Авессалом пачалъун вахъана Хевроналда!“ – ян».
11Авессаломица Иерусалималдаса кӀинусго чиги вачана цадахъ. Гьел ракӀбацӀцӀадго гьесда цадахъ рахъана – гъоркьанго гьес ургъараб хӀилла-макруялъул гьезда лъалеб жо букӀинчӀо. 12Къурбанал хъолел рукӀаго, Авессаломица Гилоялдаса Ахитофелида хадур чагӀи ритӀана гьесул шагьар Гилоялде. Ахитофел вукӀана Давудил гӀакълучи. Гьедин Авессаломил рахъ ккуразул къадар тӀадеялдаса тӀаде цӀикӀкӀунеб букӀана.
Давуд лъути
13Давудихъе чапар вачӀана гьеб хабаргун ва гьес абуна: «Авессаломидехун руссунел руго гӀизраилал», – ин.
14«КъватӀире рахъа! Гьанже нилъ лъутизе ккола, гурони Авессаломихъа цохӀоги чи ворчӀизе гьечӀо! Хехлъи гьабе, нилъ досухъе кквезе щвечӀого рукӀине! Дов кватӀичӀого гьаниве щвезе вуго, цинги нилъер къо бухӀула ва шагьаралда кӀудияб чӀвай-хъвей ккола!» – ян абуна Давудица Иерусалималда гьевгун рукӀаралщинал чагӀазда.
15Пачаясул чагӀаз абуна: «Пачаяс абураб гьабизе къачӀан руго ниж, дур лагъзал», – ин.
16Цадахъ тӀолабго хъизан-къайги бачун къватӀиве вахъана пача. КӀалгӀаялъул тӀалаб-агъаз гьабизе жиндирго анцӀго гъараваш-лъади гьений тана пачаяс. 17Халкъгун цадахъ нухде вахъана гьев, ва цодагьаб манзил тедал гьел лъалхъана. 18Киналго чагӀи цадахъ керетиялгун ва пелетиялгун гьесда хаду-хадур рилълъунел рукӀана, Гаталдаса анлънусго рагъухъан пачаясда цеве унев вукӀана.
19Гаталдаса Иттайида пачаяс абуна:
«Нижеда цадахъ вилълъун щай дуе? ТӀадвусса ва Авессалом пачаясда цадахъ чӀа. Мун чияр ракьалдаса чи вуго – ватӀан тун ине ккарав апараг. 20Мун гьаниве гочунги дагьаб мех гурони инчӀо. Гьанже, дунгоцин киве иневали лъалареб мехалъ, мунги цадахъ хьвадизавизе бегьилищ дица? Дурго ракьцоялги цадахъ рачун, тӀадвусса. БетӀергьанас цӀоб лъеги нужеда».
21Амма Иттайица абуна: «ХӀакъав БЕТӀЕРГЬАНАСУЛ цӀаралхӀа ва дир пачаясул гӀумруялхӀа, дир бетӀерчӀахъаяв пача аралъуве дунги ина – хвезе ккани хвела, чӀаго хутӀизе хъван батани, чӀаго хутӀила».
22Гьебмехалъ Давудица Иттайида абуна: «Гьедин батани, цеве а», – ян.
Цадахъ жиндирго чагӀигун ва лъималгун, гьесда цеве-цеве вилълъун ана Иттай.
23Пачаги гьесул чагӀиги унел рихьидал, киса-кирего гӀадамал риччан гьаркьалгун гӀодулел рукӀана. Кедрон абулеб расалъиги къотӀун авлахъалдехун ралагьана гьел. 24Гьединго, кӀудияв кашиш Цадокги Аллагьасул КъотӀиялъул гъамас баччулел киналго левиталги рукӀана гьезда цадахъ. Гьез Аллагьасул гъамас гӀодоб лъуна ва тӀолабго халкъ шагьаралдаса къватӀибе лъугьинегӀан чӀана, Авиатарги тӀаде щвана гьениве.
25Цинги пачаяс Цадокида абуна: «Аллагьасул КъотӀиялъул гъамас шагьаралде нахъбуссинабе. БЕТӀЕРГЬАНАС дида цӀоб лъуни Гьес тӀадвуссинавила дун ва цӀидасан гьебги Гьесул мукъадасаб бакӀги бихьизе рес кьела дие. 26Амма Аллагьас дун нахъчӀвани, Гьес Жиндиего бокьараб гьабе абе».
27Пачаяс кашиш Цадокида жеги абуна:
«Мун гуревищ вугев лъикӀаб-квешаб батӀа гьабизе лъалев чи? Дурго вас АхӀимаацгун ва Авиатарил вас Ионатангун цадахъ парахат шагьаралде тӀадвусса. Цадахъ кӀиявго васги вачун, мунги Авиатарги а. 28Нужехъан хабар бачӀинегӀан авлахъалда, гӀор бахунеб бакӀалда, валагьун чӀела дун».
29Цинги Цадокги Авиатарги Аллагьасул гъамасгун Иерусалималде тӀадруссана ва гьенир чӀана.
30Давуд тӀолаго магӀугун, хӀатӀида гӀицӀго Зайтуналъул магӀарде тӀадехун валагьун вилълъана, гьесул ботӀроде жоги рехун#15:30 Бихьинчияс ботӀроде жо рехиялъул магӀна кколаан гьев балагьалъукье ккун вугин абураб. букӀана. Гьесда цадахъ рукӀарал киналго чагӀиги, бутӀрузде жоги рехун, гӀодилаго магӀарде тӀаде унел рукӀана. 31Ахитофелги вугин Авессаломил рахъ ккуразда гьоркьовин абун рагӀидал, Давуд гьардана:
«Вай дир БЕТӀЕРГЬАН, Ахитофелил гӀакълу гӀакса сверизабе», – ян.
32МугӀрул тӀогьиве, Аллагьасул как-диналъул гохӀде щведал, аркияв Хушай вачӀана гьесда данде, ретӀелги бихъун ботӀроде хӀатӀги бан.
33Давудица гьесда абуна:
«Дида цадахъ вилълъани дие гьирлъун вукӀина мун. 34Амма мун шагьаралде Авессаломихъе тӀадвуссани ва гьесда абуни: „Дун дур лагъ вуго, дир пача. Цеве дун дур инсуда цеве хӀалтӀана, амма гьанже дур лагълъун вукӀине хӀадурав вуго дун“, – ин, гьебмехалъ Ахитофелица кьураб гӀакълуги хисизабун, дие кумек гьабизе кӀвелаан дуда. 35Кашишзаби Цадок ва Авиатар рукӀине руго дуда цадахъ. Пачаясул кӀалгӀаялъуб дуда лъарабщинаб гьезухъе щвезабе дуца. 36Гьезул васалги – Цадокил вас АхӀимаац ва Авиатарил вас Ионатан – руго гьезда цадахъ. Нужеда лъарабщинаб хабар босун гьел ритӀе дихъе».
37БитӀун Авессалом шагьаралде жаниве лъугьунеб мехалъ Давудил гьудул Хушай Иерусалималде щвана.
Currently Selected:
2 Пачаби 15: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
2 Пачаби 15
15
Авессаломил питна
1Гьелдаса хадуб Авессаломица жиндиего чуялги чолгьакалги росана ва кӀикъоялда анцӀго чукъаги чӀезавуна жиндаго цадахъ хьвадизе. 2Радалго тӀаде вахъун шагьаралъул кавабахъе#15:2 Шагьаралъул кавабахъ букӀунаан доб заманалда ГӀизраилазул годекӀан. Гьенир жидерго хасал бакӀазда гӀодор чӀун рукӀунаан халкъалъул кӀудиял чагӀи, тӀадчагӀи ва диванчагӀи. ЖамагӀаталъул букӀа, цо пуланав чиясул букӀа, бокьараб захӀматаб суал ва дагӀба-гӀарз гьениб дандбалаан ва гьелъие рекъараб хӀукмуги къотӀулаан. унеб нухда чӀолаан Авессалом. ГӀарз босун пачаясухъе уневщинав чи Авессаломица аскӀове ахӀулаан ва гьесда цӀехолаан: «Мун щиб шагьаралдаса кколев?» – ин.
ГӀизраилалъул пуланаб къавмалъул чи вугин дур лагъилан жаваб кьолаан гьес.
3Цинги Авессаломица абулаан: «Дур битӀараб ва кьучӀаб гӀарз бихьула, амма пачаясул дуде регӀарав чи гьечӀо», – ян.
4Гьелда нахъ гӀунтӀизабун тӀадеги жубалаан гьес: «Пайда щибха, дун толевани гьаб халкъалда тӀад диванчилъун! Гьебмехалъ бокьарав чи вачӀине бегьилаан дихъе жиндирго дагӀба-гӀарзги босун ва гьелъие дица гӀадилаб хӀукму къотӀилаан».
5Гьесие бетӀер къулизе аскӀове вачӀаравщинав чиясул квер босулаан Авессаломица ва къвалги бан убач гьабулаан. 6Кумек гьарун пачаясухъе унелщинал чагӀазе гьедин гьабулаан Авессаломица. Гьеб макъаналда гӀизраилазул ракӀал жиндехунго руссинаруна гьес.
7Гьеб хӀалалда ункъо сон ахиралде щолеб букӀана, цинги Авессаломица пачаясда абуна:
«Хевроналде ун БЕТӀЕРГЬАНАСЕ гьабураб ният тӀубазабизе изну кье дие. 8Сириялда Гешуралда вугеб мехалъго дица гьадинаб ният гьабун букӀана: „БЕТӀЕРГЬАНАС дун Иерусалималде тӀадвуссинавизе хъван батани, дун БЕТӀЕРГЬАНАСЕ гӀибадат гьабизе Хевроналде ина“, – ян».
9Пачаяс гьесда абуна: «Парахат дурго нухда а», – ян.
Цинги Авессалом Хевроналде къокъана. 10ГӀизраилалъул тӀолалго къавмазухъе балъго чапарзаби ритӀана гьес гьадинаб буюрухъгун: «Суралъубе пулеб гьаракь рагӀарабго нужеца ахӀе: „Авессалом пачалъун вахъана Хевроналда!“ – ян».
11Авессаломица Иерусалималдаса кӀинусго чиги вачана цадахъ. Гьел ракӀбацӀцӀадго гьесда цадахъ рахъана – гъоркьанго гьес ургъараб хӀилла-макруялъул гьезда лъалеб жо букӀинчӀо. 12Къурбанал хъолел рукӀаго, Авессаломица Гилоялдаса Ахитофелида хадур чагӀи ритӀана гьесул шагьар Гилоялде. Ахитофел вукӀана Давудил гӀакълучи. Гьедин Авессаломил рахъ ккуразул къадар тӀадеялдаса тӀаде цӀикӀкӀунеб букӀана.
Давуд лъути
13Давудихъе чапар вачӀана гьеб хабаргун ва гьес абуна: «Авессаломидехун руссунел руго гӀизраилал», – ин.
14«КъватӀире рахъа! Гьанже нилъ лъутизе ккола, гурони Авессаломихъа цохӀоги чи ворчӀизе гьечӀо! Хехлъи гьабе, нилъ досухъе кквезе щвечӀого рукӀине! Дов кватӀичӀого гьаниве щвезе вуго, цинги нилъер къо бухӀула ва шагьаралда кӀудияб чӀвай-хъвей ккола!» – ян абуна Давудица Иерусалималда гьевгун рукӀаралщинал чагӀазда.
15Пачаясул чагӀаз абуна: «Пачаяс абураб гьабизе къачӀан руго ниж, дур лагъзал», – ин.
16Цадахъ тӀолабго хъизан-къайги бачун къватӀиве вахъана пача. КӀалгӀаялъул тӀалаб-агъаз гьабизе жиндирго анцӀго гъараваш-лъади гьений тана пачаяс. 17Халкъгун цадахъ нухде вахъана гьев, ва цодагьаб манзил тедал гьел лъалхъана. 18Киналго чагӀи цадахъ керетиялгун ва пелетиялгун гьесда хаду-хадур рилълъунел рукӀана, Гаталдаса анлънусго рагъухъан пачаясда цеве унев вукӀана.
19Гаталдаса Иттайида пачаяс абуна:
«Нижеда цадахъ вилълъун щай дуе? ТӀадвусса ва Авессалом пачаясда цадахъ чӀа. Мун чияр ракьалдаса чи вуго – ватӀан тун ине ккарав апараг. 20Мун гьаниве гочунги дагьаб мех гурони инчӀо. Гьанже, дунгоцин киве иневали лъалареб мехалъ, мунги цадахъ хьвадизавизе бегьилищ дица? Дурго ракьцоялги цадахъ рачун, тӀадвусса. БетӀергьанас цӀоб лъеги нужеда».
21Амма Иттайица абуна: «ХӀакъав БЕТӀЕРГЬАНАСУЛ цӀаралхӀа ва дир пачаясул гӀумруялхӀа, дир бетӀерчӀахъаяв пача аралъуве дунги ина – хвезе ккани хвела, чӀаго хутӀизе хъван батани, чӀаго хутӀила».
22Гьебмехалъ Давудица Иттайида абуна: «Гьедин батани, цеве а», – ян.
Цадахъ жиндирго чагӀигун ва лъималгун, гьесда цеве-цеве вилълъун ана Иттай.
23Пачаги гьесул чагӀиги унел рихьидал, киса-кирего гӀадамал риччан гьаркьалгун гӀодулел рукӀана. Кедрон абулеб расалъиги къотӀун авлахъалдехун ралагьана гьел. 24Гьединго, кӀудияв кашиш Цадокги Аллагьасул КъотӀиялъул гъамас баччулел киналго левиталги рукӀана гьезда цадахъ. Гьез Аллагьасул гъамас гӀодоб лъуна ва тӀолабго халкъ шагьаралдаса къватӀибе лъугьинегӀан чӀана, Авиатарги тӀаде щвана гьениве.
25Цинги пачаяс Цадокида абуна: «Аллагьасул КъотӀиялъул гъамас шагьаралде нахъбуссинабе. БЕТӀЕРГЬАНАС дида цӀоб лъуни Гьес тӀадвуссинавила дун ва цӀидасан гьебги Гьесул мукъадасаб бакӀги бихьизе рес кьела дие. 26Амма Аллагьас дун нахъчӀвани, Гьес Жиндиего бокьараб гьабе абе».
27Пачаяс кашиш Цадокида жеги абуна:
«Мун гуревищ вугев лъикӀаб-квешаб батӀа гьабизе лъалев чи? Дурго вас АхӀимаацгун ва Авиатарил вас Ионатангун цадахъ парахат шагьаралде тӀадвусса. Цадахъ кӀиявго васги вачун, мунги Авиатарги а. 28Нужехъан хабар бачӀинегӀан авлахъалда, гӀор бахунеб бакӀалда, валагьун чӀела дун».
29Цинги Цадокги Авиатарги Аллагьасул гъамасгун Иерусалималде тӀадруссана ва гьенир чӀана.
30Давуд тӀолаго магӀугун, хӀатӀида гӀицӀго Зайтуналъул магӀарде тӀадехун валагьун вилълъана, гьесул ботӀроде жоги рехун#15:30 Бихьинчияс ботӀроде жо рехиялъул магӀна кколаан гьев балагьалъукье ккун вугин абураб. букӀана. Гьесда цадахъ рукӀарал киналго чагӀиги, бутӀрузде жоги рехун, гӀодилаго магӀарде тӀаде унел рукӀана. 31Ахитофелги вугин Авессаломил рахъ ккуразда гьоркьовин абун рагӀидал, Давуд гьардана:
«Вай дир БЕТӀЕРГЬАН, Ахитофелил гӀакълу гӀакса сверизабе», – ян.
32МугӀрул тӀогьиве, Аллагьасул как-диналъул гохӀде щведал, аркияв Хушай вачӀана гьесда данде, ретӀелги бихъун ботӀроде хӀатӀги бан.
33Давудица гьесда абуна:
«Дида цадахъ вилълъани дие гьирлъун вукӀина мун. 34Амма мун шагьаралде Авессаломихъе тӀадвуссани ва гьесда абуни: „Дун дур лагъ вуго, дир пача. Цеве дун дур инсуда цеве хӀалтӀана, амма гьанже дур лагълъун вукӀине хӀадурав вуго дун“, – ин, гьебмехалъ Ахитофелица кьураб гӀакълуги хисизабун, дие кумек гьабизе кӀвелаан дуда. 35Кашишзаби Цадок ва Авиатар рукӀине руго дуда цадахъ. Пачаясул кӀалгӀаялъуб дуда лъарабщинаб гьезухъе щвезабе дуца. 36Гьезул васалги – Цадокил вас АхӀимаац ва Авиатарил вас Ионатан – руго гьезда цадахъ. Нужеда лъарабщинаб хабар босун гьел ритӀе дихъе».
37БитӀун Авессалом шагьаралде жаниве лъугьунеб мехалъ Давудил гьудул Хушай Иерусалималде щвана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023