2 Пачаби 10
10
Давудица аммониязда ва сириязда тӀад бергьенлъи боси
1Дагьаб заманалдасан аммониязул пача хвана, ва гьесул бакӀалда пачалъун гьесул вас Ханун вахъана. 2Давудица пикру гьабуна: «Нахашил вас Хануние лъикӀлъи гьабизе ккела дица, гьесул инсуца дие гьабурабго гӀадин». Цинги Давудица Ханунихъе гьесул инсул зигара гьабизе жиндирго чагӀи ритӀун ана.
Давудил чагӀи аммониязул ракьалде щведал, 3аммониязул церехъабаз жидерго пача Ханунида абуна:
«Давудица дур инсул хӀурматалда духъе зигара гьабизе ритӀарал чагӀи ругин долиланищ дуда ккараб? Гъоркьанго шагьаралъул хал-шал гьабизе ва гьеб щущахъ базабизе къасдгун ритӀарал чагӀицин гуродай дол Давудица?»
4Гьебмехалъ Хануница Давудил чагӀи ккуна ва жив-живасул бащдаб мегежги, роцукӀаркьеналде щвезегӀан ратӀлил гъоркьияб рахъги къотӀун, нахъе ралагьизаруна гьел. 5Гьезие гьабураб инжитлъи-хӀакъирлъиялъул хабар рагӀидал, Давудица гьезда данде чагӀи ритӀун ана.
Пачаяс абун бачӀана: «Мугжузда рас бижизегӀан Ерихоналда чӀа, хадур тӀадрусса», – ян.
6Давудида цере жидецаго жалго суризарураблъи бичӀчӀана аммониязда. Гьединлъидал, Бет-Реховалдаса ва Цовагьалдаса къоазарго сириязул лъелал рагъухъабиги, цадахъ азарго рагъухъангун МагӀахаялъул пачаги, Товалдаса анцӀила кӀиазарго рагъухъанги ккуна гьез мухьдахъ рагъизе.
7Гьеб рагӀидал, Давудица тӀолабго аскаргун цадахъ Иоав витӀана гьезда данде вагъизе. 8Аммониял рачӀун шагьаралъул кавабазда дандритӀун кьерал гьарун рагъде хӀадурлъана. Цовагьалдаса ва Реховалдаса сириялги, Товалдаса ва МагӀахаялдаса рагъухъабиги ратӀаго авлахъалда чӀана.
9Нахъасанги цересанги рагъизе ккезе рукӀин бихьидал, Иоавица ГӀизраилалъул бищун лъикӀал рагъухъаби тӀаса рищана ва сириязда данде рагъизе гӀуцӀана. 10ХутӀаралщинал гьес жиндирго вац Авишайихъе кьуна, гьелги аммониязда данде рагъизе кьерал гьарун гӀуцӀана.
11Иоавица гьесда абуна: «Сириял дидаса бергьунел ругони, мун вачӀа дие хӀалае, нагагь аммониял дудаса бергьунел ругони, дун вачӀина дуе хӀалае. 12КъвакӀун чӀа! БахӀарчиго рагъила нилъерго халкъалъе ва Аллагьасул шагьаразе гӀоло. Цинги БЕТӀЕРГЬАНАС Жиндиего бокьараб гьабе абе!»
13Иоавица жиндирго рагъухъабигун цадахъ сириязда тӀаде гьужум гьабуна, сириял лъутанхъизе лъугьана. 14Гьел лъутун унел рихьидал, аммониялги тӀурана Авишайида цереса ва гьел жидерго шагьаралда рахчана. Иоавин абуни, аммониязулгун ккараб гьеб рагъ лъугӀидал, Иерусалималде тӀадвуссана.
15ГӀизраилаз жалго гъурараблъи бихьидал, хутӀаралщинал сириял данделъана. 16Ефрат гӀурул доб цояб рахъалда ругел сириялги ахӀизе чагӀи ритӀана Гьададезерица. Гьададезерил аскаралъул бетӀер Шовахица Хеламалде рачун рачӀана гьел.
17Гьеб хабар Давудида рагӀидал, гьес ГӀизраилалъул тӀолалго рагъухъаби данде ракӀарана, ва гьелгун цадахъ Иордан гӀорги бахун, Хеламалде вачӀана. Сириял кьер-кьер гьабун Давудида данде рагъизе къачӀана ва рагъ байбихьана. 18ГӀемер кватӀичӀого гӀизраилаз лъутизаруна гьел. Давудица гьезул анкьнусго чолгьаказда рекӀунел рагъухъаби ва кӀикъоазарго лъелал рагъухъаби#10:18 Ялъуни, чотӀахъаби. чӀвана. Гьединго аскаралъул бетӀер Шовахги лъукъана Давудица ва гьев гьенивго хвана. 19ГӀизраилаз жал тӀуранго гъурун рукӀин бичӀчӀидал, Гьададезерил кверщаликь рукӀарал тӀолалго пачабаз ГӀизраилалъулгун ракълилаб къотӀи-къай гьабуна ва гӀизраил халкъалъе мутӀигӀлъана гьел.
Хадурккун аммониязе кумекалъе рахъине сириялги хӀинкъана.
Currently Selected:
2 Пачаби 10: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
2 Пачаби 10
10
Давудица аммониязда ва сириязда тӀад бергьенлъи боси
1Дагьаб заманалдасан аммониязул пача хвана, ва гьесул бакӀалда пачалъун гьесул вас Ханун вахъана. 2Давудица пикру гьабуна: «Нахашил вас Хануние лъикӀлъи гьабизе ккела дица, гьесул инсуца дие гьабурабго гӀадин». Цинги Давудица Ханунихъе гьесул инсул зигара гьабизе жиндирго чагӀи ритӀун ана.
Давудил чагӀи аммониязул ракьалде щведал, 3аммониязул церехъабаз жидерго пача Ханунида абуна:
«Давудица дур инсул хӀурматалда духъе зигара гьабизе ритӀарал чагӀи ругин долиланищ дуда ккараб? Гъоркьанго шагьаралъул хал-шал гьабизе ва гьеб щущахъ базабизе къасдгун ритӀарал чагӀицин гуродай дол Давудица?»
4Гьебмехалъ Хануница Давудил чагӀи ккуна ва жив-живасул бащдаб мегежги, роцукӀаркьеналде щвезегӀан ратӀлил гъоркьияб рахъги къотӀун, нахъе ралагьизаруна гьел. 5Гьезие гьабураб инжитлъи-хӀакъирлъиялъул хабар рагӀидал, Давудица гьезда данде чагӀи ритӀун ана.
Пачаяс абун бачӀана: «Мугжузда рас бижизегӀан Ерихоналда чӀа, хадур тӀадрусса», – ян.
6Давудида цере жидецаго жалго суризарураблъи бичӀчӀана аммониязда. Гьединлъидал, Бет-Реховалдаса ва Цовагьалдаса къоазарго сириязул лъелал рагъухъабиги, цадахъ азарго рагъухъангун МагӀахаялъул пачаги, Товалдаса анцӀила кӀиазарго рагъухъанги ккуна гьез мухьдахъ рагъизе.
7Гьеб рагӀидал, Давудица тӀолабго аскаргун цадахъ Иоав витӀана гьезда данде вагъизе. 8Аммониял рачӀун шагьаралъул кавабазда дандритӀун кьерал гьарун рагъде хӀадурлъана. Цовагьалдаса ва Реховалдаса сириялги, Товалдаса ва МагӀахаялдаса рагъухъабиги ратӀаго авлахъалда чӀана.
9Нахъасанги цересанги рагъизе ккезе рукӀин бихьидал, Иоавица ГӀизраилалъул бищун лъикӀал рагъухъаби тӀаса рищана ва сириязда данде рагъизе гӀуцӀана. 10ХутӀаралщинал гьес жиндирго вац Авишайихъе кьуна, гьелги аммониязда данде рагъизе кьерал гьарун гӀуцӀана.
11Иоавица гьесда абуна: «Сириял дидаса бергьунел ругони, мун вачӀа дие хӀалае, нагагь аммониял дудаса бергьунел ругони, дун вачӀина дуе хӀалае. 12КъвакӀун чӀа! БахӀарчиго рагъила нилъерго халкъалъе ва Аллагьасул шагьаразе гӀоло. Цинги БЕТӀЕРГЬАНАС Жиндиего бокьараб гьабе абе!»
13Иоавица жиндирго рагъухъабигун цадахъ сириязда тӀаде гьужум гьабуна, сириял лъутанхъизе лъугьана. 14Гьел лъутун унел рихьидал, аммониялги тӀурана Авишайида цереса ва гьел жидерго шагьаралда рахчана. Иоавин абуни, аммониязулгун ккараб гьеб рагъ лъугӀидал, Иерусалималде тӀадвуссана.
15ГӀизраилаз жалго гъурараблъи бихьидал, хутӀаралщинал сириял данделъана. 16Ефрат гӀурул доб цояб рахъалда ругел сириялги ахӀизе чагӀи ритӀана Гьададезерица. Гьададезерил аскаралъул бетӀер Шовахица Хеламалде рачун рачӀана гьел.
17Гьеб хабар Давудида рагӀидал, гьес ГӀизраилалъул тӀолалго рагъухъаби данде ракӀарана, ва гьелгун цадахъ Иордан гӀорги бахун, Хеламалде вачӀана. Сириял кьер-кьер гьабун Давудида данде рагъизе къачӀана ва рагъ байбихьана. 18ГӀемер кватӀичӀого гӀизраилаз лъутизаруна гьел. Давудица гьезул анкьнусго чолгьаказда рекӀунел рагъухъаби ва кӀикъоазарго лъелал рагъухъаби#10:18 Ялъуни, чотӀахъаби. чӀвана. Гьединго аскаралъул бетӀер Шовахги лъукъана Давудица ва гьев гьенивго хвана. 19ГӀизраилаз жал тӀуранго гъурун рукӀин бичӀчӀидал, Гьададезерил кверщаликь рукӀарал тӀолалго пачабаз ГӀизраилалъулгун ракълилаб къотӀи-къай гьабуна ва гӀизраил халкъалъе мутӀигӀлъана гьел.
Хадурккун аммониязе кумекалъе рахъине сириялги хӀинкъана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023