Пётрил кӀиабилеб кагъат 1
1
1 бетӀер
Саламалъул рагӀабиги дугӀаги
1ГӀиса МасихӀил лагъ ва чапар Симеон Пётрица гьаб кагъат хъвалеб буго нижее гӀадинаб цӀакъго къиматаб божи-иман жидее щваразухъе. Божи-иман лъедал, нилъер Аллагьасда ва нилъ хвасар гьарурав ГӀиса МасихӀида цере ритӀухълъараллъун рикӀкӀана нужги.
2Аллагь ва нилъер ТӀадегӀанав ГӀиса тӀубанго лъаралъухъ рекъелги цӀобги цӀикӀкӀаги нужее!
ХӀалалаб-бацӀцӀадаб гӀумру
3Аллагьасул къудраталъ нилъее кьуна хӀалалаб-бацӀцӀадаб гӀумруялъе хӀажалъулебщинаб жо. Жиндир къуваталъулги лъикӀлъиялъулги бутӀа щвезелъун жинца нилъ ахӀарав МасихӀ нилъеда лъана. 4Гьес нилъее сайигъат гьабуна жинца рагӀи кьун букӀараб кӀудияб ва хирияб хазина, – гьелъул кумекалдалъун гьаб дуниялалда ругел гӀадамал пасалъиялде ва хвалде рачунел къасдаздаса цӀунун, нужее илагьиябщиналъул бутӀа щвезе. 5Гьединлъидал кутакаб хӀаракат бахъе нужерго божи-иманалде лъикӀаб гӀамал жубазе, лъикӀаб гӀамалалдеги гӀелму-лъай жубазе, 6гӀелму-лъаялдеги нужедаго квелъ базе кӀвей жубазе, нужедаго квелъ базе кӀвеялдеги сабру жубазе, сабруялдеги муъминлъи жубазе, 7муъминлъиялдеги вацлъи жубазе, вацлъиялдеги рокьи жубазе. 8Гьеб кинабгойин нужелъ букӀине кколеб! Нужелъ гьеб гьарзаго бугони, нужеда цӀикӀкӀун лъала нилъер ТӀадегӀанав ГӀиса МасихӀ, щибго пайда гьечӀеллъун ва сундуего ярагьунареллъунги лъугьинаро нуж. 9Гьеб кинабго жиндилъ камурасда канлъи бихьуларо: гьесда кӀочон тана жиндир цересел мунагьал чурун рукӀин. 10Гьединлъидалин, вацал, нужеца цӀикӀкӀараб хӀаракат бахъун тасдикъ гьабизе кколеб нуж Аллагьас ахӀарал ва тӀаса рищарал чагӀи рукӀин. Гьедин хьвадани – нужер хӀетӀе киданиги тариларо! 11Нужее гьарзаго щвела нилъер ТӀадегӀанав ва нилъ хвасар гьарурав ГӀиса МасихӀил абадияб ПарччахӀлъиялде жанире лъугьине ихтияр.
12Гьединлъидал дица нужеда гьеб кидаго ракӀалде щвезабила, – нужее загьирлъараб хӀакъабщинаб нужеда гьанжего лъалеб бугониги ва щулаго ккун бугониги. 13Дир чорхолъ рухӀ бугебгӀан заманаялда нахъаса къотӀичӀого гьеб нужеда ракӀалде щвезаби дица дида тӀадаб ишлъун рикӀкӀуна. 14Дида лъала дир чорхолъ рухӀ гӀемераб мехалъ хутӀизе гьечӀеблъи. Гьеб дие загьир гьабуна нилъер ТӀадегӀанав ГӀиса МасихӀица. 15Амма дица дида кӀварабщинаб гьабила, – дун ун хадубги, бокьараб мехалда нужеда гьеб ракӀалде щвезе.
ГӀиса МасихӀил къудрат
16Нилъер ТӀадегӀанав ГӀиса МасихӀ жиндирго къудратгун тӀадвуссине вукӀиналъул хӀакъалъулъ нужеда бицунаго, нижеца такрар гьаричӀо лъицаялиго сихӀирго ургъарал гьерсал. 17Ниж руго жиндирго Эмен – Аллагьасдасан бачӀараб гьесул кӀодолъиги къудратги нижерго беразда бихьарал гӀадамал. Гьеб мехалъ гьесда рагӀана Къудратав БетӀергьанасул гьаракь: «Гьав вуго Дие вокьулев Дир Вас. Гьасдаса вохун вуго Дун». 18Зобалаздасан бахъараб гьеб гьаракь нижедаго рагӀана, мукъадасаб магӀарда ниж гьесда цадахъ рукӀараб мехалъ.
19Гьелъ нилъер дагьабги цӀикӀкӀун ракӀчӀезабулеб буго аварагзабазул рагӀаби ритӀухълъун рукӀиналда. Нужеца гьел рагӀаби гӀадахъ росани, нуж ритӀарал рукӀина. Жеги бакъул кунчӀи чӀвалелде ва нужер рекӀелъ Рогьалил ЦӀва баккилелде, бецӀлъуда рекӀараб чирахълъун рукӀина нужее гьел рагӀаби. 20Амма сундасаго цебе ракӀалда чӀезабизе ккола ТӀухьдузда хъвараб цониги калимаялъул магӀна живго лъугьун инсанас гьабизе бегьулареблъи. 21Инсанасе бокьунилан Аллагьасул цониги калима рещтӀинчӀелъулха ракьалде. Аллагьасул калам инсанас халкъалъе бицунаго, Илагьияб РухӀалъин гьев кӀалъазе тӀамулев.
Currently Selected:
Пётрил кӀиабилеб кагъат 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Пётрил кӀиабилеб кагъат 1
1
1 бетӀер
Саламалъул рагӀабиги дугӀаги
1ГӀиса МасихӀил лагъ ва чапар Симеон Пётрица гьаб кагъат хъвалеб буго нижее гӀадинаб цӀакъго къиматаб божи-иман жидее щваразухъе. Божи-иман лъедал, нилъер Аллагьасда ва нилъ хвасар гьарурав ГӀиса МасихӀида цере ритӀухълъараллъун рикӀкӀана нужги.
2Аллагь ва нилъер ТӀадегӀанав ГӀиса тӀубанго лъаралъухъ рекъелги цӀобги цӀикӀкӀаги нужее!
ХӀалалаб-бацӀцӀадаб гӀумру
3Аллагьасул къудраталъ нилъее кьуна хӀалалаб-бацӀцӀадаб гӀумруялъе хӀажалъулебщинаб жо. Жиндир къуваталъулги лъикӀлъиялъулги бутӀа щвезелъун жинца нилъ ахӀарав МасихӀ нилъеда лъана. 4Гьес нилъее сайигъат гьабуна жинца рагӀи кьун букӀараб кӀудияб ва хирияб хазина, – гьелъул кумекалдалъун гьаб дуниялалда ругел гӀадамал пасалъиялде ва хвалде рачунел къасдаздаса цӀунун, нужее илагьиябщиналъул бутӀа щвезе. 5Гьединлъидал кутакаб хӀаракат бахъе нужерго божи-иманалде лъикӀаб гӀамал жубазе, лъикӀаб гӀамалалдеги гӀелму-лъай жубазе, 6гӀелму-лъаялдеги нужедаго квелъ базе кӀвей жубазе, нужедаго квелъ базе кӀвеялдеги сабру жубазе, сабруялдеги муъминлъи жубазе, 7муъминлъиялдеги вацлъи жубазе, вацлъиялдеги рокьи жубазе. 8Гьеб кинабгойин нужелъ букӀине кколеб! Нужелъ гьеб гьарзаго бугони, нужеда цӀикӀкӀун лъала нилъер ТӀадегӀанав ГӀиса МасихӀ, щибго пайда гьечӀеллъун ва сундуего ярагьунареллъунги лъугьинаро нуж. 9Гьеб кинабго жиндилъ камурасда канлъи бихьуларо: гьесда кӀочон тана жиндир цересел мунагьал чурун рукӀин. 10Гьединлъидалин, вацал, нужеца цӀикӀкӀараб хӀаракат бахъун тасдикъ гьабизе кколеб нуж Аллагьас ахӀарал ва тӀаса рищарал чагӀи рукӀин. Гьедин хьвадани – нужер хӀетӀе киданиги тариларо! 11Нужее гьарзаго щвела нилъер ТӀадегӀанав ва нилъ хвасар гьарурав ГӀиса МасихӀил абадияб ПарччахӀлъиялде жанире лъугьине ихтияр.
12Гьединлъидал дица нужеда гьеб кидаго ракӀалде щвезабила, – нужее загьирлъараб хӀакъабщинаб нужеда гьанжего лъалеб бугониги ва щулаго ккун бугониги. 13Дир чорхолъ рухӀ бугебгӀан заманаялда нахъаса къотӀичӀого гьеб нужеда ракӀалде щвезаби дица дида тӀадаб ишлъун рикӀкӀуна. 14Дида лъала дир чорхолъ рухӀ гӀемераб мехалъ хутӀизе гьечӀеблъи. Гьеб дие загьир гьабуна нилъер ТӀадегӀанав ГӀиса МасихӀица. 15Амма дица дида кӀварабщинаб гьабила, – дун ун хадубги, бокьараб мехалда нужеда гьеб ракӀалде щвезе.
ГӀиса МасихӀил къудрат
16Нилъер ТӀадегӀанав ГӀиса МасихӀ жиндирго къудратгун тӀадвуссине вукӀиналъул хӀакъалъулъ нужеда бицунаго, нижеца такрар гьаричӀо лъицаялиго сихӀирго ургъарал гьерсал. 17Ниж руго жиндирго Эмен – Аллагьасдасан бачӀараб гьесул кӀодолъиги къудратги нижерго беразда бихьарал гӀадамал. Гьеб мехалъ гьесда рагӀана Къудратав БетӀергьанасул гьаракь: «Гьав вуго Дие вокьулев Дир Вас. Гьасдаса вохун вуго Дун». 18Зобалаздасан бахъараб гьеб гьаракь нижедаго рагӀана, мукъадасаб магӀарда ниж гьесда цадахъ рукӀараб мехалъ.
19Гьелъ нилъер дагьабги цӀикӀкӀун ракӀчӀезабулеб буго аварагзабазул рагӀаби ритӀухълъун рукӀиналда. Нужеца гьел рагӀаби гӀадахъ росани, нуж ритӀарал рукӀина. Жеги бакъул кунчӀи чӀвалелде ва нужер рекӀелъ Рогьалил ЦӀва баккилелде, бецӀлъуда рекӀараб чирахълъун рукӀина нужее гьел рагӀаби. 20Амма сундасаго цебе ракӀалда чӀезабизе ккола ТӀухьдузда хъвараб цониги калимаялъул магӀна живго лъугьун инсанас гьабизе бегьулареблъи. 21Инсанасе бокьунилан Аллагьасул цониги калима рещтӀинчӀелъулха ракьалде. Аллагьасул калам инсанас халкъалъе бицунаго, Илагьияб РухӀалъин гьев кӀалъазе тӀамулев.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023