4 Пачаби 6
6
ГӀащтӀи лъеда тӀад чӀей
1Аварагзабазул къокъа кӀалъана ЭлишагӀида: «Гьаниб, дуда аскӀор рукӀине нижее киназего гӀураб бакӀ гьечӀо. 2Изну кье Иорданалдеги ун, нижер жив-живас цо-цо чӀалуги къотӀун, гьениб нилъеего рукъ базе». Айилан абуна гьес.
3Цинги гьезул цояс абуна: «Бегьулеб батани мунги вилълъа нижеда цадахъ!» «Дунги вилълъина», – ян абуна ЭлишагӀица. 4Гьев гьезда цадахъ ана. Гьел Иордан лъарахъе щвана ва гъутӀби къотӀизе лъугьана. 5ГъветӀ щапизабулев вукӀаго, гьезул цоясул гӀощтӀол махх бортун ана лъадалъе.
«Вай, дир бетӀергьан! – ин ахӀдана гьев. – Дица гьеб чияхъайин босун букӀараб!» 6ЭлишагӀица цӀехана: «Кибе гьеб бортараб?» – ин. Гьес гьеб бортараб бакӀ бихьизабун хадуб, ЭлишагӀица къотӀун цо гӀаркьел рехана гьенибе ва махх тӀаде борхун бачӀана. 7«Босе гъоб», – ин абуна гьес. Дов чияс кверги битӀун босана гьеб.
Сириял беццлъизари
8Сириялъул пачаяс ГӀизраилалда данде рагъ гьабуна. Жиндирго чукъбузда гӀакълу дандбан, пачаяс аскаразе къайи чӀвазе бакӀ тӀаса бищулаан, 9амма ЭлишагӀ аварагас гьебсагӀаталдаго ГӀизраилалъул пачаясухъе хабар битӀулаан: «Вореха, пуланаб бакӀалдаса гӀебеде цӀодорго вукӀа мун, доре сириял ракӀарулел руго», – ян.
10Аварагас бихьизабураб щибаб бакӀалде чагӀи ритӀун, цӀодорлъи гьабеян лъазабулаан ГӀизраилалъул пачаяс. Гьедин ккана чанго нухалъ. 11Гьебмехалда кӀудияб ургъел чӀвана Сириялъул пачаясда. Жиндирго божарал чагӀиги ахӀун гьес гьезда цӀехана: «Нужеда лъаларищ нилъер чагӀазда гьоркьоб лъицадай гӀизраилазул рахъ ккун бугеб?» – ин.
12«Лъицаго гьечӀо, дир бетӀергьан пача, – ян жаваб кьуна гьезул цояс. – ГӀизраилалда вугев ЭлишагӀ аварагасин мунго кьижулеб рокъоб жаниб дуца бицараб рагӀицин ГӀизраилалъул пачаясухъе щвезабулеб бугеб». 13«Инеги ун, гьев вугеб бакӀ лъазабун рачӀа, – ян буюрухъ кьуна пачаяс, – цинги дица гьев кквезе чагӀи ритӀизе рукӀине».
Гьев Дотаналда вугин бицана гьесда. 14Цинги гьес чуялгун, чолгьакалгун цадахъ кӀудияб аскар битӀана гьенибе. Къаси рачӀун шагьар сверун ккуна гьез. 15ХъахӀлъи рехулеб гӀужалъ ЭлишагӀил лагъ тӀаде вахъун къватӀивехун вилълъиндал, гьесда бихьана чуялгун ва чолгьакалгун цадахъ аскаралъ шагьар сверун ккун букӀин. «Вай, дир бетӀергьан, щиб гьанже нилъеца гьабилеб?» – ин абуна лагъас.
16«Мун хӀинкъуге, – ян абуна аварагас. – Нилъер рахъалда ругел, дозул рахъалда ругездаса цӀикӀкӀун руго». 17ЭлишагӀица дугӀа гьабуна: «Я БЕТӀЕРГЬАН, рагье гьасул берал, гьасда канлъи бихьизе букӀине!»
Цинги БЕТӀЕРГЬАНАС лагъасул берал рагьана ва гьесда бихьана ЭлишагӀида сверухъ магӀарда киса-кирего цӀадул чуялги чолгьакалги рукӀин. 18Тушбабаз гьесда тӀаде гьужум гьабизе байбихьарабго, ЭлишагӀица БЕТӀЕРГЬАНАСДЕ дугӀа гьабуна: «Цо хутӀичӀого беццлъаги гьал чагӀи», – янги абун.
ЭлишагӀ аварагасул рагӀуда рекъон, БетӀергьанас гьел беццлъизаруна. 19Хадуб ЭлишагӀ кӀалъана гьезда: «Гьаб гуро доб шагьар, нуж мекъаб нухда руго. Дида хадур рилълъа; дица щвезарила нуж нужеца валагьулев вугев чиясухъе», – ян. Цинги гьес гьел Самариялде рачана. 20Шагьаралда жанире щведал, ЭлишагӀица абуна: «Я БЕТӀЕРГЬАН, рагье гьал чагӀазул берал, гьазда канлъи бихьизе букӀине».
БЕТӀЕРГЬАНАС гьезул берал рагьана ва гьезда бихьана жал Самариялда рукӀин. 21ГӀизраилалъул пачаясда гьел рихьидал, гьес ЭлишагӀ аварагасда абуна: «Гьел киналго гъурун ран лъикӀ гурищ, дир эмен?» 22«ЛъикӀ гуро, – ян абуна гьес. – Дуца рагъда асир гьарунищ гьал ругел, дуца чӀвазе ккани? Кваназе квенги гьекъезе лъимги кье гьазие, биччанте гьал кваназе ва хадур жиндирго пачаясухъе тӀадруссине».
23Гьебмехалъ пачаяс кӀудияб сухӀмат гьабуна гьезие; гьел гӀорцӀизегӀан квана-гьекъон хадур гьес риччан тана, ва гьел жиндирго пачаясухъе тӀадруссана. Гьелдаса хадуб Сириялдаса рагъухъабаз гӀезегӀан мехалъ ГӀизраилалде чабхъен гьабичӀо.
Самариялда ккараб гӀасияб ракъи
24Заман ун хадуб Сириялъул пача Бен-Гьадад#6:24 Гьев ккола II Бен-Гьадад – тӀоцевесев Бен-Гьададил вас, ялъуни васасул вас (бал. 3 Пач. 15:18). Гьесул пачалъиялъул заман ккола гӀага-шагарго цебесеб эраялъул 860–841 сс., бакӀарун аскаргун, рагъде вахъана ва Самария сверун ккуна. 25Цинги шагьаралда гӀасияб ракъи ккана. Гьеб сверун ккун гӀемераб мех индал, ракъиялъул кутакалъ хӀамил ботӀрол багьа букӀана ункъого гӀарцул шекел#6:25 80 гӀарцул шекел – гӀага-шагарго 1 кило гӀарацалъул., ва макказул ракул цо дангъураялъул багьа букӀана щуго гӀарцул шекел#6:25 5 гӀарцул шекел – гӀага-шагарго 60 гр. 26Цо нухалда ГӀизраилалъул пача шагьаралъул къеда тӀад хьвада-чӀвадулев вукӀаго, цо чӀужугӀадан ахӀдана: «Вай дир бетӀерчӀахъаяв пача, кумек гьабе дие!» – ян.
27Пачаяс жаваб гьабуна: «БЕТӀЕРГЬАНАС гьабичӀеб кумек дица киса балагьилеб дуе? ГьоцӀисайищ? Ялъуни цӀибил жаниб цӀцӀулеб чаналъусайищ?» 28Хадуб гьес гьелда цӀехана: «Щиб ккараб?»
Гьелъ жаваб гьабуна: «Гьай гӀаданалъ абуна дида: „РачӀа жакъа дур вас кваназе, метер дирги кванала“, – ян. 29Нижеца велъун кванана дир вас. Нахъисеб къоялъ дица гьалда абуна: „Гьанже рачӀа дур вас кваназе“, – ян. Амма гьалъ вас вахчана».
30Гьей чӀужугӀаданалъул рагӀаби рагӀидал, пачаяс, чара бухӀун, тӀад букӀараб ретӀел бихъана. Гьев къеда тӀад хьвадулев вукӀиндал, халкъалда бихьулеб букӀана гъоркьа ратӀлил бакӀалда гьес хӀебтил гӀаба ретӀун букӀин#6:30 Жиндирго къварилъи, пакъирлъи ва балагьалъукье ккей загьир гьабизе бихъун ретӀелгун хӀебтил гьабураб гӀаба ретӀунаан доб заманалда.. 31Гьес абуна: «Аллагьас балагьалъукье ккезавеги дун, Шапатил вас ЭлишагӀил бетӀер гьесда тӀад хутӀани жакъа». 32ЭлишагӀ кквезе чи витӀана гьес.
ЭлишагӀ авараг жиндирго рокъов, кӀудиял чагӀигун цадахъ, гӀодов чӀун вукӀана гьебмехалда. Пачаясул чи вачӀиналда цебе ЭлишагӀица кӀудиял чагӀазда абуна: «Нужеда лъалищ дов чӀвадарухъанасул васас дир бетӀер къотӀизе чи витӀун вачӀунев вугеблъи? Гьев вачӀараб мехалъ, вореги нуцӀа рахай ва гьесие гьеб ричӀуге. Гьесдаго хадув вачӀунев пачаясул хӀатӀил сасги рагӀулеб буго».
33Гьев кӀалъан вахъиналде, пачаяс гьесухъе витӀарав чи вачӀана ва гьес абуна: «Вай, БЕТӀЕРГЬАНАС биччан бугеб балагь! ТӀокӀалъги кин БЕТӀЕРГЬАНАСДЕ хьул лъолеб?»
Currently Selected:
4 Пачаби 6: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 6
6
ГӀащтӀи лъеда тӀад чӀей
1Аварагзабазул къокъа кӀалъана ЭлишагӀида: «Гьаниб, дуда аскӀор рукӀине нижее киназего гӀураб бакӀ гьечӀо. 2Изну кье Иорданалдеги ун, нижер жив-живас цо-цо чӀалуги къотӀун, гьениб нилъеего рукъ базе». Айилан абуна гьес.
3Цинги гьезул цояс абуна: «Бегьулеб батани мунги вилълъа нижеда цадахъ!» «Дунги вилълъина», – ян абуна ЭлишагӀица. 4Гьев гьезда цадахъ ана. Гьел Иордан лъарахъе щвана ва гъутӀби къотӀизе лъугьана. 5ГъветӀ щапизабулев вукӀаго, гьезул цоясул гӀощтӀол махх бортун ана лъадалъе.
«Вай, дир бетӀергьан! – ин ахӀдана гьев. – Дица гьеб чияхъайин босун букӀараб!» 6ЭлишагӀица цӀехана: «Кибе гьеб бортараб?» – ин. Гьес гьеб бортараб бакӀ бихьизабун хадуб, ЭлишагӀица къотӀун цо гӀаркьел рехана гьенибе ва махх тӀаде борхун бачӀана. 7«Босе гъоб», – ин абуна гьес. Дов чияс кверги битӀун босана гьеб.
Сириял беццлъизари
8Сириялъул пачаяс ГӀизраилалда данде рагъ гьабуна. Жиндирго чукъбузда гӀакълу дандбан, пачаяс аскаразе къайи чӀвазе бакӀ тӀаса бищулаан, 9амма ЭлишагӀ аварагас гьебсагӀаталдаго ГӀизраилалъул пачаясухъе хабар битӀулаан: «Вореха, пуланаб бакӀалдаса гӀебеде цӀодорго вукӀа мун, доре сириял ракӀарулел руго», – ян.
10Аварагас бихьизабураб щибаб бакӀалде чагӀи ритӀун, цӀодорлъи гьабеян лъазабулаан ГӀизраилалъул пачаяс. Гьедин ккана чанго нухалъ. 11Гьебмехалда кӀудияб ургъел чӀвана Сириялъул пачаясда. Жиндирго божарал чагӀиги ахӀун гьес гьезда цӀехана: «Нужеда лъаларищ нилъер чагӀазда гьоркьоб лъицадай гӀизраилазул рахъ ккун бугеб?» – ин.
12«Лъицаго гьечӀо, дир бетӀергьан пача, – ян жаваб кьуна гьезул цояс. – ГӀизраилалда вугев ЭлишагӀ аварагасин мунго кьижулеб рокъоб жаниб дуца бицараб рагӀицин ГӀизраилалъул пачаясухъе щвезабулеб бугеб». 13«Инеги ун, гьев вугеб бакӀ лъазабун рачӀа, – ян буюрухъ кьуна пачаяс, – цинги дица гьев кквезе чагӀи ритӀизе рукӀине».
Гьев Дотаналда вугин бицана гьесда. 14Цинги гьес чуялгун, чолгьакалгун цадахъ кӀудияб аскар битӀана гьенибе. Къаси рачӀун шагьар сверун ккуна гьез. 15ХъахӀлъи рехулеб гӀужалъ ЭлишагӀил лагъ тӀаде вахъун къватӀивехун вилълъиндал, гьесда бихьана чуялгун ва чолгьакалгун цадахъ аскаралъ шагьар сверун ккун букӀин. «Вай, дир бетӀергьан, щиб гьанже нилъеца гьабилеб?» – ин абуна лагъас.
16«Мун хӀинкъуге, – ян абуна аварагас. – Нилъер рахъалда ругел, дозул рахъалда ругездаса цӀикӀкӀун руго». 17ЭлишагӀица дугӀа гьабуна: «Я БЕТӀЕРГЬАН, рагье гьасул берал, гьасда канлъи бихьизе букӀине!»
Цинги БЕТӀЕРГЬАНАС лагъасул берал рагьана ва гьесда бихьана ЭлишагӀида сверухъ магӀарда киса-кирего цӀадул чуялги чолгьакалги рукӀин. 18Тушбабаз гьесда тӀаде гьужум гьабизе байбихьарабго, ЭлишагӀица БЕТӀЕРГЬАНАСДЕ дугӀа гьабуна: «Цо хутӀичӀого беццлъаги гьал чагӀи», – янги абун.
ЭлишагӀ аварагасул рагӀуда рекъон, БетӀергьанас гьел беццлъизаруна. 19Хадуб ЭлишагӀ кӀалъана гьезда: «Гьаб гуро доб шагьар, нуж мекъаб нухда руго. Дида хадур рилълъа; дица щвезарила нуж нужеца валагьулев вугев чиясухъе», – ян. Цинги гьес гьел Самариялде рачана. 20Шагьаралда жанире щведал, ЭлишагӀица абуна: «Я БЕТӀЕРГЬАН, рагье гьал чагӀазул берал, гьазда канлъи бихьизе букӀине».
БЕТӀЕРГЬАНАС гьезул берал рагьана ва гьезда бихьана жал Самариялда рукӀин. 21ГӀизраилалъул пачаясда гьел рихьидал, гьес ЭлишагӀ аварагасда абуна: «Гьел киналго гъурун ран лъикӀ гурищ, дир эмен?» 22«ЛъикӀ гуро, – ян абуна гьес. – Дуца рагъда асир гьарунищ гьал ругел, дуца чӀвазе ккани? Кваназе квенги гьекъезе лъимги кье гьазие, биччанте гьал кваназе ва хадур жиндирго пачаясухъе тӀадруссине».
23Гьебмехалъ пачаяс кӀудияб сухӀмат гьабуна гьезие; гьел гӀорцӀизегӀан квана-гьекъон хадур гьес риччан тана, ва гьел жиндирго пачаясухъе тӀадруссана. Гьелдаса хадуб Сириялдаса рагъухъабаз гӀезегӀан мехалъ ГӀизраилалде чабхъен гьабичӀо.
Самариялда ккараб гӀасияб ракъи
24Заман ун хадуб Сириялъул пача Бен-Гьадад#6:24 Гьев ккола II Бен-Гьадад – тӀоцевесев Бен-Гьададил вас, ялъуни васасул вас (бал. 3 Пач. 15:18). Гьесул пачалъиялъул заман ккола гӀага-шагарго цебесеб эраялъул 860–841 сс., бакӀарун аскаргун, рагъде вахъана ва Самария сверун ккуна. 25Цинги шагьаралда гӀасияб ракъи ккана. Гьеб сверун ккун гӀемераб мех индал, ракъиялъул кутакалъ хӀамил ботӀрол багьа букӀана ункъого гӀарцул шекел#6:25 80 гӀарцул шекел – гӀага-шагарго 1 кило гӀарацалъул., ва макказул ракул цо дангъураялъул багьа букӀана щуго гӀарцул шекел#6:25 5 гӀарцул шекел – гӀага-шагарго 60 гр. 26Цо нухалда ГӀизраилалъул пача шагьаралъул къеда тӀад хьвада-чӀвадулев вукӀаго, цо чӀужугӀадан ахӀдана: «Вай дир бетӀерчӀахъаяв пача, кумек гьабе дие!» – ян.
27Пачаяс жаваб гьабуна: «БЕТӀЕРГЬАНАС гьабичӀеб кумек дица киса балагьилеб дуе? ГьоцӀисайищ? Ялъуни цӀибил жаниб цӀцӀулеб чаналъусайищ?» 28Хадуб гьес гьелда цӀехана: «Щиб ккараб?»
Гьелъ жаваб гьабуна: «Гьай гӀаданалъ абуна дида: „РачӀа жакъа дур вас кваназе, метер дирги кванала“, – ян. 29Нижеца велъун кванана дир вас. Нахъисеб къоялъ дица гьалда абуна: „Гьанже рачӀа дур вас кваназе“, – ян. Амма гьалъ вас вахчана».
30Гьей чӀужугӀаданалъул рагӀаби рагӀидал, пачаяс, чара бухӀун, тӀад букӀараб ретӀел бихъана. Гьев къеда тӀад хьвадулев вукӀиндал, халкъалда бихьулеб букӀана гъоркьа ратӀлил бакӀалда гьес хӀебтил гӀаба ретӀун букӀин#6:30 Жиндирго къварилъи, пакъирлъи ва балагьалъукье ккей загьир гьабизе бихъун ретӀелгун хӀебтил гьабураб гӀаба ретӀунаан доб заманалда.. 31Гьес абуна: «Аллагьас балагьалъукье ккезавеги дун, Шапатил вас ЭлишагӀил бетӀер гьесда тӀад хутӀани жакъа». 32ЭлишагӀ кквезе чи витӀана гьес.
ЭлишагӀ авараг жиндирго рокъов, кӀудиял чагӀигун цадахъ, гӀодов чӀун вукӀана гьебмехалда. Пачаясул чи вачӀиналда цебе ЭлишагӀица кӀудиял чагӀазда абуна: «Нужеда лъалищ дов чӀвадарухъанасул васас дир бетӀер къотӀизе чи витӀун вачӀунев вугеблъи? Гьев вачӀараб мехалъ, вореги нуцӀа рахай ва гьесие гьеб ричӀуге. Гьесдаго хадув вачӀунев пачаясул хӀатӀил сасги рагӀулеб буго».
33Гьев кӀалъан вахъиналде, пачаяс гьесухъе витӀарав чи вачӀана ва гьес абуна: «Вай, БЕТӀЕРГЬАНАС биччан бугеб балагь! ТӀокӀалъги кин БЕТӀЕРГЬАНАСДЕ хьул лъолеб?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023