4 Пачаби 22
22
Ёшиягь – Ягьудиялъул пача
1Микьго сон барав чи вахъана Ёшиягь пачалъун ва лъебералда цо соналъ пачалъи гьабуна гьес Иерусалималда. Гьесул эбелалда цӀар букӀана Едида ва гьей Боцкаталдаса ГӀадаягьил яс йикӀана. 2Ёшиягьица БЕТӀЕРГЬАНАСДА цебе ритӀухъабщинаб гьабуна ва дове-гъове кьуричӀого жиндирго умумузул чи Давудил нухккун хьвадана.
3Пачалъун вахъун анцӀила микьабилеб соналъ Мешуламил васасул вас, Азалиягьил вас хъвадарухъан Шафан витӀана Ёшиягьица БЕТӀЕРГЬАНАСУЛ Рокъове гьадинаб тӀадкъайгун: 4«КӀудияв кашиш Хилкиягьихъе а. Кавудахъ тарал кашишзабаз халкъалъухъа БЕТӀЕРГЬАНАСУЛ Рокъобе бакӀарарабщинаб гӀарац рикӀкӀине биччанте гьес. 5Цинги гьеб гӀарац БЕТӀЕРГЬАНАСУЛ Рукъалъул хӀалтӀабазда тӀад тарал чагӀазухъе кье, биччанте гьез БЕТӀЕРГЬАНАСУЛ Рукъ цӀигьабулел ругел хӀалтӀухъабазе мухь кьезе, – 6цӀулал, ганчӀил устарзабазе ва къадахъабазе. Биччанте гьединго Мукъадасаб Рукъ цӀи гьабизе цӀул ва бекӀараб гамачӀ бичун босизе гьелъухъ. 7Гьеб гьезда божун кьураб гӀарцул хӀисаб-суалги тӀалаб гьабуге гьездаса, щайгурелъул гьел ракӀбацӀцӀадаб хьвада-чӀвадиялъул чагӀи ругелъул».
Мукъадасаб Рокъоб Къануналъул ТӀехь бати
8КӀудияв кашиш Хилкиягьица хъвадарухъан Шафанида абуна: «Дида БЕТӀЕРГЬАНАСУЛ Рокъоб Къануналъул тӀехь батана», – ян.
Гьес гьеб Шафанихъе кьуна ва Шафаница гьеб цӀалана. 9Хадуб хъвадарухъан Шафан пачаясухъе вилълъана: «Дур хъулухъчагӀаз БЕТӀЕРГЬАНАСУЛ Рокъоб батарабщинаб гӀарац бакӀарун, хӀалтӀухъабазда тӀад тарал чагӀазухъе кьуна», – ян бицана гьес.
10Хадуб хъвадарухъан Шафаница пачаясда абуна: «Кашиш Хилкиягьица цо тӀехь кьуна дихъе». Ва Шафаница гьеб пачаясе цӀалана.
11Гьеб Къануналъул тӀехьалда хъварал рагӀаби рагӀидал, пачаяс тӀад букӀараб ретӀел бихъана. 12Гьес кашиш Хилкиягьиеги, Шафанил вас АхӀикамиеги, Микаягьил вас ГӀахбориеги, хъвадарухъан Шафаниеги, пачаясул божарав лагъ ГӀасаягьиеги буюрухъ кьуна:
13«Дирги, халкъалъулги, Ягьудиялъулги цӀаралдасан гьаб тӀехьалда хъвараб жоялъул хӀакъалъулъ БЕТӀЕРГЬАНАСДА гьаризе ва гӀакълу дандбазе а. Гьаб тӀехьалда хъварал рагӀабазухъ нилъер умумуз гӀинтӀамичӀолъиялъ ва гьелда бихьизабураб гьез тӀубазабичӀолъиялъ, БЕТӀЕРГЬАНАСУЛ кутакаб ццин рещтӀун буго нилъеда тӀаде».
14Кашиш Хилкиягьги, АхӀикамги, ГӀахборги, Шафанги, ГӀасаягьги ХӀулдагь аварагалъухъе рилълъана. Тиквагьил вас, Хархасил васасул вас, Мукъадасаб Рукъалъул ретӀел-куналъул тадбирчи Шалумил лъади йикӀана гьей. Гьелъул яшав Иерусалималъул цӀияб рахъалда букӀана. Цинги гьез гьелда кинабго бицана. 15Гьелъ гьезда абуна:
«Гьале ГӀизраилалъул БЕТӀЕРГЬАН Аллагьасул калима: „Нуж Дихъе вакил гьарурав чиясда абе 16гьадин абулеб бугин БЕТӀЕРГЬАНАС: ‘Ягьудиялъул пачаяс цӀалараб гьеб тӀехьалда хъварабщиналда рекъон гьаб бакӀалде ва гьалъул жамагӀаталда тӀаде балагь биччазе буго Дица. 17Диде мугъги рехун чияр аллагьзабазе кьеккенал рухӀаралъухъ ва дир ццин бахъинабулел ишал гьаруралъухъ, гьаб ракьалде бахъараб Дир гьелегьараб ццин гӀодобе къазе гьечӀо’. 18БЕТӀЕРГЬАНАСУЛ гӀакълу тӀалаб гьабизе нуж ритӀарав Ягьудиялъул пачаясда абе ГӀизраилалъул БЕТӀЕРГЬАН Аллагьас гьадин абулеб бугин гьесда жиндаго: 19‘Гьаб бакӀалъе ва гьалъул жамагӀаталъе Дица жаза гьабизе букӀин ва гьезие нагӀанаги чӀунтиги насиблъизе букӀин рагӀидал, мун Дида цеве бихъун ретӀелгун, магӀуги тӀун рекӀекълъаралъухъ ва Дие мун мукӀурлъаралъухъ Дица къабул гьабуна дур дугӀа, – ян лъазабулеб буго БЕТӀЕРГЬАНАС. 20Гьединлъидал, дур гӀумруялда жаниб рекъел букӀина ва мун берцинго хабалъ лъела. Дица гьаб ракьалда тӀаде бачине бугеб балагь дур беразда бихьиларо’“». Цинги гьез гьелъул жаваб пачаясухъе щвезабуна.
Currently Selected:
4 Пачаби 22: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 22
22
Ёшиягь – Ягьудиялъул пача
1Микьго сон барав чи вахъана Ёшиягь пачалъун ва лъебералда цо соналъ пачалъи гьабуна гьес Иерусалималда. Гьесул эбелалда цӀар букӀана Едида ва гьей Боцкаталдаса ГӀадаягьил яс йикӀана. 2Ёшиягьица БЕТӀЕРГЬАНАСДА цебе ритӀухъабщинаб гьабуна ва дове-гъове кьуричӀого жиндирго умумузул чи Давудил нухккун хьвадана.
3Пачалъун вахъун анцӀила микьабилеб соналъ Мешуламил васасул вас, Азалиягьил вас хъвадарухъан Шафан витӀана Ёшиягьица БЕТӀЕРГЬАНАСУЛ Рокъове гьадинаб тӀадкъайгун: 4«КӀудияв кашиш Хилкиягьихъе а. Кавудахъ тарал кашишзабаз халкъалъухъа БЕТӀЕРГЬАНАСУЛ Рокъобе бакӀарарабщинаб гӀарац рикӀкӀине биччанте гьес. 5Цинги гьеб гӀарац БЕТӀЕРГЬАНАСУЛ Рукъалъул хӀалтӀабазда тӀад тарал чагӀазухъе кье, биччанте гьез БЕТӀЕРГЬАНАСУЛ Рукъ цӀигьабулел ругел хӀалтӀухъабазе мухь кьезе, – 6цӀулал, ганчӀил устарзабазе ва къадахъабазе. Биччанте гьединго Мукъадасаб Рукъ цӀи гьабизе цӀул ва бекӀараб гамачӀ бичун босизе гьелъухъ. 7Гьеб гьезда божун кьураб гӀарцул хӀисаб-суалги тӀалаб гьабуге гьездаса, щайгурелъул гьел ракӀбацӀцӀадаб хьвада-чӀвадиялъул чагӀи ругелъул».
Мукъадасаб Рокъоб Къануналъул ТӀехь бати
8КӀудияв кашиш Хилкиягьица хъвадарухъан Шафанида абуна: «Дида БЕТӀЕРГЬАНАСУЛ Рокъоб Къануналъул тӀехь батана», – ян.
Гьес гьеб Шафанихъе кьуна ва Шафаница гьеб цӀалана. 9Хадуб хъвадарухъан Шафан пачаясухъе вилълъана: «Дур хъулухъчагӀаз БЕТӀЕРГЬАНАСУЛ Рокъоб батарабщинаб гӀарац бакӀарун, хӀалтӀухъабазда тӀад тарал чагӀазухъе кьуна», – ян бицана гьес.
10Хадуб хъвадарухъан Шафаница пачаясда абуна: «Кашиш Хилкиягьица цо тӀехь кьуна дихъе». Ва Шафаница гьеб пачаясе цӀалана.
11Гьеб Къануналъул тӀехьалда хъварал рагӀаби рагӀидал, пачаяс тӀад букӀараб ретӀел бихъана. 12Гьес кашиш Хилкиягьиеги, Шафанил вас АхӀикамиеги, Микаягьил вас ГӀахбориеги, хъвадарухъан Шафаниеги, пачаясул божарав лагъ ГӀасаягьиеги буюрухъ кьуна:
13«Дирги, халкъалъулги, Ягьудиялъулги цӀаралдасан гьаб тӀехьалда хъвараб жоялъул хӀакъалъулъ БЕТӀЕРГЬАНАСДА гьаризе ва гӀакълу дандбазе а. Гьаб тӀехьалда хъварал рагӀабазухъ нилъер умумуз гӀинтӀамичӀолъиялъ ва гьелда бихьизабураб гьез тӀубазабичӀолъиялъ, БЕТӀЕРГЬАНАСУЛ кутакаб ццин рещтӀун буго нилъеда тӀаде».
14Кашиш Хилкиягьги, АхӀикамги, ГӀахборги, Шафанги, ГӀасаягьги ХӀулдагь аварагалъухъе рилълъана. Тиквагьил вас, Хархасил васасул вас, Мукъадасаб Рукъалъул ретӀел-куналъул тадбирчи Шалумил лъади йикӀана гьей. Гьелъул яшав Иерусалималъул цӀияб рахъалда букӀана. Цинги гьез гьелда кинабго бицана. 15Гьелъ гьезда абуна:
«Гьале ГӀизраилалъул БЕТӀЕРГЬАН Аллагьасул калима: „Нуж Дихъе вакил гьарурав чиясда абе 16гьадин абулеб бугин БЕТӀЕРГЬАНАС: ‘Ягьудиялъул пачаяс цӀалараб гьеб тӀехьалда хъварабщиналда рекъон гьаб бакӀалде ва гьалъул жамагӀаталда тӀаде балагь биччазе буго Дица. 17Диде мугъги рехун чияр аллагьзабазе кьеккенал рухӀаралъухъ ва дир ццин бахъинабулел ишал гьаруралъухъ, гьаб ракьалде бахъараб Дир гьелегьараб ццин гӀодобе къазе гьечӀо’. 18БЕТӀЕРГЬАНАСУЛ гӀакълу тӀалаб гьабизе нуж ритӀарав Ягьудиялъул пачаясда абе ГӀизраилалъул БЕТӀЕРГЬАН Аллагьас гьадин абулеб бугин гьесда жиндаго: 19‘Гьаб бакӀалъе ва гьалъул жамагӀаталъе Дица жаза гьабизе букӀин ва гьезие нагӀанаги чӀунтиги насиблъизе букӀин рагӀидал, мун Дида цеве бихъун ретӀелгун, магӀуги тӀун рекӀекълъаралъухъ ва Дие мун мукӀурлъаралъухъ Дица къабул гьабуна дур дугӀа, – ян лъазабулеб буго БЕТӀЕРГЬАНАС. 20Гьединлъидал, дур гӀумруялда жаниб рекъел букӀина ва мун берцинго хабалъ лъела. Дица гьаб ракьалда тӀаде бачине бугеб балагь дур беразда бихьиларо’“». Цинги гьез гьелъул жаваб пачаясухъе щвезабуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023