4 Пачаби 14
14
Амациягь – Ягьудиялъул пача
1ГӀизраилалъул пачалъун Егьоахазил вас Иоаш вахъун кӀиабилеб соналъ Егьоашил вас Амациягь пачалъун вахъана Ягьудиялда. 2Къоло щуго сон барав чи вахъана гьев пачалъун ва къоло ичӀго соналъ Иерусалималда пачалъи гьабуна гьес. Гьесул эбелалда цӀар Егьоаддан букӀана, гьейги Иерусалималдаса гӀадан йикӀана. 3Гьес БЕТӀЕРГЬАНАСДА берцин бихьанщинаб гьабуна, амма Давудида ващалъичӀо. Сундулъго жиндирго эмен Егьоашидаса мисал босун хьвадана гьев. 4ЦохӀо рорхалъабазда гьересиаллагьзабазе гӀибадаталъе рарал бакӀал риххизарун рукӀинчӀо ва халкъалъ гьенир къурбанал гьарулел ва кьеккенал рухӀулел рукӀана.
5Жиндирго хъатикь пачалъи щулалъарабго, гьес жиндирго эмен чӀварал чагӀазе жаза гьабуна. 6Амма, Мусал Къануналда гьабураб хъвай-хъвагӀаялда рекъон, гьезул лъимал чӀвачӀого тана. Гьениб хъван бугелъул БЕТӀЕРГЬАНАСУЛ амру: «Лъималазул такъсиралъе гӀоло эбел-эмен чӀвазе бегьуларо, ва эбел-инсул такъсир сабаблъун, лъимал чӀвазе бегьуларо; жив-жив чияс жиндирго такъсиралъухъ босе абе гӀажал», – ин.
7Гьесин ЦӀамгӀалаб расалъи абулеб бакӀалда анцӀазарго эдомиял чӀварал ва Села абураб шагьарги кверде босараб. Гьес гьелда Ёктеил абун цӀар лъуна, гьедин абула гьелда жакъа къоялъги.
Амациягьидаги Иоашидаги гьоркьоб рагъ
8Егьоахазил вас, Егьул васасул вас, ГӀизраилалъул пача Иоашихъе чапарзаби ритӀана Амациягьица цо чӀухӀараб рагӀигун: «РачӀа кӀиялго цоцалъ рагъизе рахъине!» – ян.
9Амма ГӀизраилалъул пача Иоашица гьадинаб жаваб гьабуна Ягьудиялъул пача Амациягьие: «Ливаналъул зазил хъархъица Ливаналъул кедралъухъе вакил витӀаравила: „Дур яс кье дир васасе“, – янги абун. Амма бачӀун гӀалхул жанаваралъ мерхьарабила гьеб зазил хъарахъ. 10Дуца Эдомалда тӀад бергьенлъи босун букӀиндал дур гӀамал кӀодолъун буго. Дурго бергьенлъигун ва къадру-къиматгун рокъов чӀун лъикӀ дуе! Мунгоги, цадахъ Ягьудияги щапизе дагӀба-рагӀи щай дуе?»
11Амма Амациягьица гӀин тӀамичӀо гьеб рагӀухъ ва ГӀизраилалъул пача Иоашица жиндирго аскаралгун цадахъ гьужум гьабуна гьесда тӀаде. Ягьудиялда бугеб Бет-Шемешалда ккана гьеб рагъ. 12Ягьудиял гъурун рана гӀизраилаз ва гьезул рагъухъаби рокъо-рокъоре лъутун ана.
13ГӀизраилалъул пача Иоашица Ягьудиялъул пача Амациягь Бет-Шемешалда асир гьавуна. Хадув Иоашица Иерусалималде нух босана ва Ефраимил абулеб кавудухъа байбихьун «Солбол каву» абулеб бакӀалде щвезегӀан ункънусго натӀ шагьаралъул къадал биххана. 14БЕТӀЕРГЬАНАСУЛ Рокъоб ва пачаясул кӀалгӀаялъуб батарабщинаб гӀарац-меседги, хазинаги ва киналго тӀагӀелалги росана Иоашица; гьениса асир гьарурал гӀадамалги цадахъ рачун гьев Самариялде тӀадвуссана.
Иоашил хвел
15Иоашил пачалъиялъул хутӀарал лъугьа-бахъинал, гьесул лебаллъи ва Ягьудиялъул пача Амациягьгун гьес гьабураб рагъ – гьеб кинабго хъван буго «ГӀизраилалъул пачабазул тарих» абураб тӀехьалда. 16Иоаш хвана ва Самариялда ГӀизраилалъул пачабазда аскӀов хабалъ лъуна. Гьесул вас Яровоам вахъана гьесул бакӀалда пачалъун.
Амациягьил хвел
17ГӀизраилалъул пача Иоаш хун хадуб жеги анцӀила щуго соналъ гӀумру гьабуна Ягьудиялъул пача Амациягьица. 18Амациягьил пачалъиялъул хутӀарал лъугьа-бахъиназул хӀакъалъулъ хъван буго «Ягьудиязул пачабазул тарих» абураб тӀехьалда.
19Иерусалималда Амациягь чӀвазе гьесда данде гъоркьанго рекӀкӀ ургъун букӀин лъан гьев Лахишалде лъутана. Амма Лахишалдеги гьесда хадур чагӀи ритӀун, гьенив чӀвана гьев. 20Чода тӀад лъун Иерусалималде босана гьесул жаназа ва Давудил Шагьаралда жиндирго умумузда аскӀоб хабалъ лъуна.
21Цинги Ягьудиялъул жамагӀаталъ анцӀила анлъго сон барав Азариягь пачалъун гьавуна гьесул эмен Амациягьил бакӀалда. 22Амациягь хун хадуб гьесин Элат абураб порт Ягьудиялъул кверщаликье нахъбуссинабураб ва цӀидасан бараб.
23Ягьудиялъул пача Егьоашил вас Амациягь Ягьудиялда тӀад пачалъун вахъун анцӀила щуабилеб соналъ, ГӀизраилалда Иоашил вас Яровоам пачалъун вахъана, ва Самариялда кӀикъоялда цо соналъ пачалъи гьабуна гьес. 24Гьес БЕТӀЕРГЬАНАСДА квешбихьанщинаб гьабуна ва Наватил вас Яровамица ГӀизраилги къосинабун гьарурал мунагьазул цохӀоги гьоркьоб биччачӀо.
25Шималияб рахъалда бугеб Лево-Хаматалдаса бахъараб къилбаялъул рахъалда бугеб ЦӀамгӀалаб ралъдахъе щвезегӀан ГӀизраилалъул ракьал гьесин тӀадруссинарурал. Гьеб ккана БЕТӀЕРГЬАНАС цебеккунго Амитавил вас Гат-Хепералдаса Юнус аварагги гьоркьов ккун бицараб рагӀуда рекъон. 26БЕТӀЕРГЬАНАСДА бихьана, я лагъ, я эркенав батӀалъи гьечӀого, тӀолалго ГӀизраилазе бугеб кӀудияб гӀазаб-гӀакъуба ва гьезие кумекалъе щивго гьечӀевлъи. 27БЕТӀЕРГЬАНАС ГӀизраилалъул цӀар дунялалдасаго тӀагӀинабилин абун букӀинчӀелъул, Гьес Иоашил вас Яровоамги гьоркьов ккун хвасар гьаруна гьел.
28Яровоамил пачалъиялъул хутӀарал лъугьа-бахъинал, кинабго гьес гьабурабщинаб, ва гьес рагъулъ бергьун, Дамаскги Хаматги Ягьудиялъухъа нахъе рахъун ГӀизраилалъухъе тӀадруссинариги рикӀкӀун, гьесул киналго бергьенлъабазул хӀакъалъулъ хъван буго «ГӀизраилалъул пачабазул тарих» абураб тӀехьалда.
29Яровоам хун жиндирго умумузда, ГӀизраилалъул пачабазда аскӀов хабалъ лъуна ва гьесул бакӀалда гьесул вас Закариягь пачалъун вахъана.
Currently Selected:
4 Пачаби 14: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 14
14
Амациягь – Ягьудиялъул пача
1ГӀизраилалъул пачалъун Егьоахазил вас Иоаш вахъун кӀиабилеб соналъ Егьоашил вас Амациягь пачалъун вахъана Ягьудиялда. 2Къоло щуго сон барав чи вахъана гьев пачалъун ва къоло ичӀго соналъ Иерусалималда пачалъи гьабуна гьес. Гьесул эбелалда цӀар Егьоаддан букӀана, гьейги Иерусалималдаса гӀадан йикӀана. 3Гьес БЕТӀЕРГЬАНАСДА берцин бихьанщинаб гьабуна, амма Давудида ващалъичӀо. Сундулъго жиндирго эмен Егьоашидаса мисал босун хьвадана гьев. 4ЦохӀо рорхалъабазда гьересиаллагьзабазе гӀибадаталъе рарал бакӀал риххизарун рукӀинчӀо ва халкъалъ гьенир къурбанал гьарулел ва кьеккенал рухӀулел рукӀана.
5Жиндирго хъатикь пачалъи щулалъарабго, гьес жиндирго эмен чӀварал чагӀазе жаза гьабуна. 6Амма, Мусал Къануналда гьабураб хъвай-хъвагӀаялда рекъон, гьезул лъимал чӀвачӀого тана. Гьениб хъван бугелъул БЕТӀЕРГЬАНАСУЛ амру: «Лъималазул такъсиралъе гӀоло эбел-эмен чӀвазе бегьуларо, ва эбел-инсул такъсир сабаблъун, лъимал чӀвазе бегьуларо; жив-жив чияс жиндирго такъсиралъухъ босе абе гӀажал», – ин.
7Гьесин ЦӀамгӀалаб расалъи абулеб бакӀалда анцӀазарго эдомиял чӀварал ва Села абураб шагьарги кверде босараб. Гьес гьелда Ёктеил абун цӀар лъуна, гьедин абула гьелда жакъа къоялъги.
Амациягьидаги Иоашидаги гьоркьоб рагъ
8Егьоахазил вас, Егьул васасул вас, ГӀизраилалъул пача Иоашихъе чапарзаби ритӀана Амациягьица цо чӀухӀараб рагӀигун: «РачӀа кӀиялго цоцалъ рагъизе рахъине!» – ян.
9Амма ГӀизраилалъул пача Иоашица гьадинаб жаваб гьабуна Ягьудиялъул пача Амациягьие: «Ливаналъул зазил хъархъица Ливаналъул кедралъухъе вакил витӀаравила: „Дур яс кье дир васасе“, – янги абун. Амма бачӀун гӀалхул жанаваралъ мерхьарабила гьеб зазил хъарахъ. 10Дуца Эдомалда тӀад бергьенлъи босун букӀиндал дур гӀамал кӀодолъун буго. Дурго бергьенлъигун ва къадру-къиматгун рокъов чӀун лъикӀ дуе! Мунгоги, цадахъ Ягьудияги щапизе дагӀба-рагӀи щай дуе?»
11Амма Амациягьица гӀин тӀамичӀо гьеб рагӀухъ ва ГӀизраилалъул пача Иоашица жиндирго аскаралгун цадахъ гьужум гьабуна гьесда тӀаде. Ягьудиялда бугеб Бет-Шемешалда ккана гьеб рагъ. 12Ягьудиял гъурун рана гӀизраилаз ва гьезул рагъухъаби рокъо-рокъоре лъутун ана.
13ГӀизраилалъул пача Иоашица Ягьудиялъул пача Амациягь Бет-Шемешалда асир гьавуна. Хадув Иоашица Иерусалималде нух босана ва Ефраимил абулеб кавудухъа байбихьун «Солбол каву» абулеб бакӀалде щвезегӀан ункънусго натӀ шагьаралъул къадал биххана. 14БЕТӀЕРГЬАНАСУЛ Рокъоб ва пачаясул кӀалгӀаялъуб батарабщинаб гӀарац-меседги, хазинаги ва киналго тӀагӀелалги росана Иоашица; гьениса асир гьарурал гӀадамалги цадахъ рачун гьев Самариялде тӀадвуссана.
Иоашил хвел
15Иоашил пачалъиялъул хутӀарал лъугьа-бахъинал, гьесул лебаллъи ва Ягьудиялъул пача Амациягьгун гьес гьабураб рагъ – гьеб кинабго хъван буго «ГӀизраилалъул пачабазул тарих» абураб тӀехьалда. 16Иоаш хвана ва Самариялда ГӀизраилалъул пачабазда аскӀов хабалъ лъуна. Гьесул вас Яровоам вахъана гьесул бакӀалда пачалъун.
Амациягьил хвел
17ГӀизраилалъул пача Иоаш хун хадуб жеги анцӀила щуго соналъ гӀумру гьабуна Ягьудиялъул пача Амациягьица. 18Амациягьил пачалъиялъул хутӀарал лъугьа-бахъиназул хӀакъалъулъ хъван буго «Ягьудиязул пачабазул тарих» абураб тӀехьалда.
19Иерусалималда Амациягь чӀвазе гьесда данде гъоркьанго рекӀкӀ ургъун букӀин лъан гьев Лахишалде лъутана. Амма Лахишалдеги гьесда хадур чагӀи ритӀун, гьенив чӀвана гьев. 20Чода тӀад лъун Иерусалималде босана гьесул жаназа ва Давудил Шагьаралда жиндирго умумузда аскӀоб хабалъ лъуна.
21Цинги Ягьудиялъул жамагӀаталъ анцӀила анлъго сон барав Азариягь пачалъун гьавуна гьесул эмен Амациягьил бакӀалда. 22Амациягь хун хадуб гьесин Элат абураб порт Ягьудиялъул кверщаликье нахъбуссинабураб ва цӀидасан бараб.
23Ягьудиялъул пача Егьоашил вас Амациягь Ягьудиялда тӀад пачалъун вахъун анцӀила щуабилеб соналъ, ГӀизраилалда Иоашил вас Яровоам пачалъун вахъана, ва Самариялда кӀикъоялда цо соналъ пачалъи гьабуна гьес. 24Гьес БЕТӀЕРГЬАНАСДА квешбихьанщинаб гьабуна ва Наватил вас Яровамица ГӀизраилги къосинабун гьарурал мунагьазул цохӀоги гьоркьоб биччачӀо.
25Шималияб рахъалда бугеб Лево-Хаматалдаса бахъараб къилбаялъул рахъалда бугеб ЦӀамгӀалаб ралъдахъе щвезегӀан ГӀизраилалъул ракьал гьесин тӀадруссинарурал. Гьеб ккана БЕТӀЕРГЬАНАС цебеккунго Амитавил вас Гат-Хепералдаса Юнус аварагги гьоркьов ккун бицараб рагӀуда рекъон. 26БЕТӀЕРГЬАНАСДА бихьана, я лагъ, я эркенав батӀалъи гьечӀого, тӀолалго ГӀизраилазе бугеб кӀудияб гӀазаб-гӀакъуба ва гьезие кумекалъе щивго гьечӀевлъи. 27БЕТӀЕРГЬАНАС ГӀизраилалъул цӀар дунялалдасаго тӀагӀинабилин абун букӀинчӀелъул, Гьес Иоашил вас Яровоамги гьоркьов ккун хвасар гьаруна гьел.
28Яровоамил пачалъиялъул хутӀарал лъугьа-бахъинал, кинабго гьес гьабурабщинаб, ва гьес рагъулъ бергьун, Дамаскги Хаматги Ягьудиялъухъа нахъе рахъун ГӀизраилалъухъе тӀадруссинариги рикӀкӀун, гьесул киналго бергьенлъабазул хӀакъалъулъ хъван буго «ГӀизраилалъул пачабазул тарих» абураб тӀехьалда.
29Яровоам хун жиндирго умумузда, ГӀизраилалъул пачабазда аскӀов хабалъ лъуна ва гьесул бакӀалда гьесул вас Закариягь пачалъун вахъана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023