4 Пачаби 12
12
1Егьу пачалъун вахъун анкьабилеб соналъ Егьоаш Ягьудиялъул пачалъун вахъана, ва кӀикъого соналъ пачалъи гьабуна гьес Иерусалималда. Гьесул эбелалда цӀар Цивия букӀана; гьей Беэр-Шеваялдаса гӀадан йикӀана. 2Кашиш ЕгьоядагӀил гӀакълуялда рекъон жив хьвадулебгӀанаб заманалда, Егьоашица БЕТӀЕРГЬАНАСДА битӀун бихьанщинаб гьабуна. 3ЦохӀо гохӀазул мукъадасал бакӀал тун рукӀана риххичӀого ва халкъалъ гьенир жеги къурбанал гьарулел ва кьеккенги бухӀулеб букӀана.
Егьоашица Мукъадасаб Рукъ цӀи гьаби
4Егьоашица кашишзабазда абуна: «БЕТӀЕРГЬАНАСУЛ рукъалъе къваригӀараб-тараб босизе халкъалъ кьолеб кинабго гӀарац данде гьабе, – жив-жив чияс жинда тӀадаб фарз тӀубазабун кьурабги ва гӀадамаз жиндиего бокьун кьурабги. 5Биччанте кашишзабазул щивас жиндирго чагӀазухъа босун гьеб гӀарац Мукъадасаб Рукъалъул биххараб-тараб бакӀ къачӀазе хӀалтӀизабизе», – ян.
6Егьоаш пачалъун вахъун къоло анлъабилеб сон сверана, амма кашишзабаз Мукъадасаб Рукъ жеги цӀи гьабун бахъинчӀо.
7Цинги Егьоаш пачаяс кашиш ЕгьоядагӀги цогидал кашишзабиги ахӀана жиндихъего ва гьездаса жаваб тӀалаб гьабуна: «Щай нужеца Мукъадасаб Рукъ къачӀалареб? Халкъалъ бачӀараб гӀарац тӀокӀаб нужеего босуге. Рукъ къачӀаялъе хӀалтӀизабизе кье гьеб», – ин.
8Гьебмехалъ кашишзаби разилъана тӀокӀаб гӀарац жидеего босичӀого тезе ва Рукъ къачӀаялъул жавабчилъиги цогидаз гьабизе тезе.
9Кашиш ЕгьоядагӀица гьитӀинаб цӀулал гъамас босана ва гьелъул тӀалъелалда каратӀ бахъана. Цинги гьес гьеб БЕТӀЕРГЬАНАСУЛ Рукъалъул кӀалтӀа, кваранаб рахъалда, къурбаналъе бакӀалда аскӀоб лъуна. Гьенир кӀалтӀа хъаравуллъиялда чӀарал кашишзабаз БЕТӀЕРГЬАНАСУЛ Рокъобе бачӀарабщинаб гӀарац гьеб гъансинибе балеб букӀана. 10Гъамас гӀарцул цӀурабщинаб мехалъ, пачаясул хъвадарухъанги кӀудияв кашишги вачӀун, гьез гьеб БЕТӀЕРГЬАНАСУЛ Рокъобе бачӀараб гӀарац малъун къандалъоялда жанибе чӀехьолаан. 11Хадуб гьеб гӀарац цӀалаан ва БЕТӀЕРГЬАНАСУЛ Рукъалъул хӀалтӀабазда тӀад тарал чагӀазухъе кьолаан. Гьез БЕТӀЕРГЬАНАСУЛ Рукъ къачӀалел хӀалтӀухъабазе мухь кьолаан: цӀулал ва бакӀал раялъул устарзабазе, 12къадахъабазе ва ганчӀил устарзабазе. Гьединго БЕТӀЕРГЬАНАСУЛ Рукъ цӀи гьабизе цӀул ва бекӀараб гамачӀ босулаан гьез гьелъухъ ва Мукъадасаб Рукъ цӀи гьабиялъе къваригӀарабщиналъеги хӀалтӀизабулаан.
13Амма я гӀарцул щурмал гьаризе, я нахучирахъазул билтабазе квекьмаххал, я суркӀаби, я сурал, я БЕТӀЕРГЬАНАСУЛ Рукъалъе цоги меседил ва гӀарцул тӀагӀелал гьариялда тӀад хӀалтӀизабичӀо гьеб гӀарац. 14Гьеб кинабго гӀарац кьолаан БЕТӀЕРГЬАНАСУЛ Рукъ цӀи гьабулел чагӀазухъе, гьез гьеб гьениб къваригӀараб-таралъе хӀалтӀизабизе. 15ХӀалтӀухъабазе мухь кьезе гӀарцул тадбиралъе таразухъа хӀисабкьей тӀалаб гьабулароан, щайгурелъул гьез ракӀбацӀцӀадго гьабулеб букӀиндал гьеб хӀалтӀи. 16Ккараб такъсир бецӀизелъун ва мунагьаздаса рацӀцӀалъизелъун хъолел къурбаназухъ кьураб гӀарац БЕТӀЕРГЬАНАСУЛ Рокъобе босулароан – гьеб кашишзабазе кьолаан.
Егьоашица Иерусалим цӀуни
17Гьебго заманалда Сириялъул пача Хазаил тӀаде кӀанцӀана Гат абураб шагьаралде ва гьеб кверде босана. Хадув Иерусалималде тӀаде кӀанцӀизе ине къасд ккана гьесул. 18Гьебмехалъ Ягьудиялъул пача Егьоашица жиндирго умумул Егьошафатица, Егьорамица, Ахазиягьица ва гьес жинцаго БЕТӀЕРГЬАНАСЕ сайгъат гьарурал мукъадасал тӀагӀелалги, Мукъадасаб Рокъоб ва пачаясул кӀалгӀаялъуб батарабщинаб меседги босун, Хазаил пачаясе битӀана. Гьебмехалъ гьев Иерусалимги тун нахъе тана.
Егьоашил хвел
19Егьоашил пачалъиялъул хутӀарал лъугьа-бахъинал ва цоги киналго гьес гьарурал ишазул хӀакъалъулъ хъван буго «Ягьудиялъул пачабазул тарих» абураб тӀехьалда. 20Гьесул хъулухъчагӀаз гъоркьчӀелги гьабун Силлаялде гӀодоре унеб нухда бугеб Бет-Миллоялда чӀвана гьев. 21ШимгӀатил вас Иозавад ва Шомерил вас Егьозавад рукӀана гьев чӀварал чагӀи. Гьев Давудил Шагьаралда жиндирго умумузда аскӀов хабалъ лъуна. Гьесул вас Амациягь гьесул бакӀалда пачалъун вахъана.
Currently Selected:
4 Пачаби 12: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 12
12
1Егьу пачалъун вахъун анкьабилеб соналъ Егьоаш Ягьудиялъул пачалъун вахъана, ва кӀикъого соналъ пачалъи гьабуна гьес Иерусалималда. Гьесул эбелалда цӀар Цивия букӀана; гьей Беэр-Шеваялдаса гӀадан йикӀана. 2Кашиш ЕгьоядагӀил гӀакълуялда рекъон жив хьвадулебгӀанаб заманалда, Егьоашица БЕТӀЕРГЬАНАСДА битӀун бихьанщинаб гьабуна. 3ЦохӀо гохӀазул мукъадасал бакӀал тун рукӀана риххичӀого ва халкъалъ гьенир жеги къурбанал гьарулел ва кьеккенги бухӀулеб букӀана.
Егьоашица Мукъадасаб Рукъ цӀи гьаби
4Егьоашица кашишзабазда абуна: «БЕТӀЕРГЬАНАСУЛ рукъалъе къваригӀараб-тараб босизе халкъалъ кьолеб кинабго гӀарац данде гьабе, – жив-жив чияс жинда тӀадаб фарз тӀубазабун кьурабги ва гӀадамаз жиндиего бокьун кьурабги. 5Биччанте кашишзабазул щивас жиндирго чагӀазухъа босун гьеб гӀарац Мукъадасаб Рукъалъул биххараб-тараб бакӀ къачӀазе хӀалтӀизабизе», – ян.
6Егьоаш пачалъун вахъун къоло анлъабилеб сон сверана, амма кашишзабаз Мукъадасаб Рукъ жеги цӀи гьабун бахъинчӀо.
7Цинги Егьоаш пачаяс кашиш ЕгьоядагӀги цогидал кашишзабиги ахӀана жиндихъего ва гьездаса жаваб тӀалаб гьабуна: «Щай нужеца Мукъадасаб Рукъ къачӀалареб? Халкъалъ бачӀараб гӀарац тӀокӀаб нужеего босуге. Рукъ къачӀаялъе хӀалтӀизабизе кье гьеб», – ин.
8Гьебмехалъ кашишзаби разилъана тӀокӀаб гӀарац жидеего босичӀого тезе ва Рукъ къачӀаялъул жавабчилъиги цогидаз гьабизе тезе.
9Кашиш ЕгьоядагӀица гьитӀинаб цӀулал гъамас босана ва гьелъул тӀалъелалда каратӀ бахъана. Цинги гьес гьеб БЕТӀЕРГЬАНАСУЛ Рукъалъул кӀалтӀа, кваранаб рахъалда, къурбаналъе бакӀалда аскӀоб лъуна. Гьенир кӀалтӀа хъаравуллъиялда чӀарал кашишзабаз БЕТӀЕРГЬАНАСУЛ Рокъобе бачӀарабщинаб гӀарац гьеб гъансинибе балеб букӀана. 10Гъамас гӀарцул цӀурабщинаб мехалъ, пачаясул хъвадарухъанги кӀудияв кашишги вачӀун, гьез гьеб БЕТӀЕРГЬАНАСУЛ Рокъобе бачӀараб гӀарац малъун къандалъоялда жанибе чӀехьолаан. 11Хадуб гьеб гӀарац цӀалаан ва БЕТӀЕРГЬАНАСУЛ Рукъалъул хӀалтӀабазда тӀад тарал чагӀазухъе кьолаан. Гьез БЕТӀЕРГЬАНАСУЛ Рукъ къачӀалел хӀалтӀухъабазе мухь кьолаан: цӀулал ва бакӀал раялъул устарзабазе, 12къадахъабазе ва ганчӀил устарзабазе. Гьединго БЕТӀЕРГЬАНАСУЛ Рукъ цӀи гьабизе цӀул ва бекӀараб гамачӀ босулаан гьез гьелъухъ ва Мукъадасаб Рукъ цӀи гьабиялъе къваригӀарабщиналъеги хӀалтӀизабулаан.
13Амма я гӀарцул щурмал гьаризе, я нахучирахъазул билтабазе квекьмаххал, я суркӀаби, я сурал, я БЕТӀЕРГЬАНАСУЛ Рукъалъе цоги меседил ва гӀарцул тӀагӀелал гьариялда тӀад хӀалтӀизабичӀо гьеб гӀарац. 14Гьеб кинабго гӀарац кьолаан БЕТӀЕРГЬАНАСУЛ Рукъ цӀи гьабулел чагӀазухъе, гьез гьеб гьениб къваригӀараб-таралъе хӀалтӀизабизе. 15ХӀалтӀухъабазе мухь кьезе гӀарцул тадбиралъе таразухъа хӀисабкьей тӀалаб гьабулароан, щайгурелъул гьез ракӀбацӀцӀадго гьабулеб букӀиндал гьеб хӀалтӀи. 16Ккараб такъсир бецӀизелъун ва мунагьаздаса рацӀцӀалъизелъун хъолел къурбаназухъ кьураб гӀарац БЕТӀЕРГЬАНАСУЛ Рокъобе босулароан – гьеб кашишзабазе кьолаан.
Егьоашица Иерусалим цӀуни
17Гьебго заманалда Сириялъул пача Хазаил тӀаде кӀанцӀана Гат абураб шагьаралде ва гьеб кверде босана. Хадув Иерусалималде тӀаде кӀанцӀизе ине къасд ккана гьесул. 18Гьебмехалъ Ягьудиялъул пача Егьоашица жиндирго умумул Егьошафатица, Егьорамица, Ахазиягьица ва гьес жинцаго БЕТӀЕРГЬАНАСЕ сайгъат гьарурал мукъадасал тӀагӀелалги, Мукъадасаб Рокъоб ва пачаясул кӀалгӀаялъуб батарабщинаб меседги босун, Хазаил пачаясе битӀана. Гьебмехалъ гьев Иерусалимги тун нахъе тана.
Егьоашил хвел
19Егьоашил пачалъиялъул хутӀарал лъугьа-бахъинал ва цоги киналго гьес гьарурал ишазул хӀакъалъулъ хъван буго «Ягьудиялъул пачабазул тарих» абураб тӀехьалда. 20Гьесул хъулухъчагӀаз гъоркьчӀелги гьабун Силлаялде гӀодоре унеб нухда бугеб Бет-Миллоялда чӀвана гьев. 21ШимгӀатил вас Иозавад ва Шомерил вас Егьозавад рукӀана гьев чӀварал чагӀи. Гьев Давудил Шагьаралда жиндирго умумузда аскӀов хабалъ лъуна. Гьесул вас Амациягь гьесул бакӀалда пачалъун вахъана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023