4 Пачаби 1
1
Иляс авараг ва Ахазиягь пача
1Ахав хун хадуб ГӀизраилалъул кверщалида данде чӀана МогӀав. 2Цо къоялъ, Самариялда жиндирго рокъов, цебе хьуриги ккураб тӀадрукъалъул рагъидаса гӀодове вортана Ахазиягь ва захӀматго лъукъун бусаде ккана. Гьес вакилзаби нухде ритӀана хадусеб тӀадкъайгун: «Экроналъул аллагь БагӀал-Зевувида#1:2 БагӀал-Зевув – пилистимазул шагьар Экроналъул аллагь. ЖугьутӀазул мацӀалда гьеб цӀаралъул магӀна ккола тӀутӀазул цевехъан абураб. Инжилалда (БегӀел-Зевул – жундузул пача) ГӀиса МасихӀица гьев жибго шайтӀабазул бетӀер илбисалда данде кколев вуго (бал. Мат. 10:25; 12:24-28). цӀехезе а, дун гьаб унтудаса сахлъизе вугищилан».
3Амма БЕТӀЕРГЬАНАСУЛ Малаик кӀалъана Тишбиялдаса Иляс аварагасда: «Самариялъул пачаясул вакилзабазда данде ун, гьезда цӀехе: „Экроналъул аллагь БагӀал-Зевувида цӀех-рех гьабизе нуж ине ккани, ГӀизраилалда Аллагь гьечӀогойищ вугев?“ 4Гьединлъидал, гьале БЕТӀЕРГЬАНАСУЛ рагӀи: „Гьеб тӀад вегараб бусадаса мун тӀокӀав гъоркье лъугьине гьечӀо. Мун хвечӀого хутӀуларо!“ – ян».
Иляс аварагас гьеб рагӀи Ахазиягьил вакилзабазухъе щвезабуна. 5Цинги вакилзаби пачаясухъе нахъруссана ва пачаяс гьезда цӀехана: «Нуж щай тӀадруссарал?» – ин. 6«Нижеда данде цо чи вачӀана, – ян жаваб кьуна гьез. – Гьес нижеда абуна нужерго пачаясухъе нахъруссун, БЕТӀЕРГЬАНАС гьадин абулеб бугин абе гьесдайин: „Экроналъул аллагь БагӀал-Зевувида цӀех-рех гьабизе нуж ине ккани, ГӀизраилалда Аллагь гьечӀогойищ вугев? Гьединлъидал, гьеб тӀад вегараб бусадаса мун тӀокӀав гъоркье лъугьине гьечӀо. Мун хвечӀого хутӀуларо!“»
7Пачаяс гьезда цӀехана: «Дов нужеда данде вачӀарав ва нужеда гьедин кӀалъарав чи кинаб куц-мухъалъул чи вукӀарав?» 8Гьез жаваб кьуна: «Керчав, къухьдулги тӀад ретӀарав, къохьол рачелги барав чи вукӀана». Пачаяс абуна: «Гьев чи Тишбиялдаса Иляс авараг вуго», – ян.
9Цинги гьес кӀикъоялда анцӀго рагъухъангун цадахъ цо рагъул цевехъан витӀана Иляс аварагасухъе. ГохӀда, гьелъул тӀогьив гӀодов чӀун вугев Илясихъеги вачӀун гьес абуна: «Аллагьасул авараг, пачаяс абулеб буго: „ГӀодове вачӀа!“ – ян». 10Иляс аварагас рагъул цевехъанасда абуна: «Дун Аллагьасул авараг ватани, биччанте зобалаздаса гӀодобе цӀаги рещтӀун, мунги дур чагӀиги гьелъ къулчӀизе!»
Цинги, зобалаздаса рещтӀун, цӀаялъ къулчӀана гьевги гьесул кӀикъоялда анцӀго рагъухъанги. 11Пачаяс, кӀикъоялда анцӀго рагъухъангун цадахъ, цоги рагъул цевехъан витӀана гьесухъе. Гьес Иляс аварагасда абуна: «Аллагьасул авараг, пачаяс абулеб буго: „Хехго гӀодове рещтӀа!“ – ян». 12Иляс аварагас гьев рагъул цевехъанасда абуна: «Дун Аллагьасул авараг ватани, биччанте зобалаздаса гӀодобе цӀаги рещтӀун, мунги дур кӀикъоялда анцӀавго чиги гьелъ къулчӀизе!»
Цинги, зобалаздаса рещтӀун, цӀаялъ къулчӀана гьевги гьесул кӀикъоялда анцӀавго рагъухъанги. 13Цинги пачаяс лъабабилеб нухалъги витӀана, кӀикъоялда анцӀго рагъухъангун цадахъ, цоги рагъул цевехъан. Гьев тӀадеги вачӀун Илясида цеве накабазде ккана. «Я, Аллагьасул авараг, – ян гьардана гьев, – гьарула дуда, гурхӀа дида ва гьав кӀикъоялда анцӀавго рагъухъанасда, дур лагъзадерида, – чӀваге ниж! 14Дида цере арал рагъул церехъабиги гьезул рагъухъабиги зобалаздаса гӀодобе рещтӀун цӀаялъ къулчӀидал, гьарула, цӀуне дир гӀумру!»
15Цинги БЕТӀЕРГЬАНАСУЛ Малаик кӀалъана Иляс аварагасда: «Мун гьесукьа хӀинкъуге, гьесда цадахъ гӀодове а».
Гьебмехалъ Иляс авараг тӀаде вахъун, гьесда цадахъ пачаясухъе вилълъана. 16Гьес пачаясда абуна: «Гьале БЕТӀЕРГЬАНАСУЛ рагӀи: „ЦӀех-рехалъе ГӀизраилалда Аллагь гьечӀогойищ вугев, дуца Экроналъул аллагь БагӀал-Зевувихъе вакилзаби ритӀарал, гьесда цӀех-рех гьабизе? Гьеб сабаблъун гьеб тӀад вегараб бусадаса мун тӀокӀав гъоркье лъугьине гьечӀо. Мун хвечӀого хутӀуларо!“»
17Иляс аварагас бицараб БЕТӀЕРГЬАНАСУЛ рагӀуда рекъон гьев хвана. Ахазиягьил вас вукӀинчӀелъул, гьесул бакӀалда гьесул вац Иорам вахъана пачалъун. Егьошафатил вас Егьорам Ягьудиялъул пачалъун вахъун кӀиабилеб сон букӀана гьеб.
18Ахазиягьил пачалъиялъул хутӀарал лъугьа-бахъинал ва гьесул ишал «ГӀизраилалъул пачабазул тарих» абураб тӀехьалда хъван руго.
Currently Selected:
4 Пачаби 1: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 1
1
Иляс авараг ва Ахазиягь пача
1Ахав хун хадуб ГӀизраилалъул кверщалида данде чӀана МогӀав. 2Цо къоялъ, Самариялда жиндирго рокъов, цебе хьуриги ккураб тӀадрукъалъул рагъидаса гӀодове вортана Ахазиягь ва захӀматго лъукъун бусаде ккана. Гьес вакилзаби нухде ритӀана хадусеб тӀадкъайгун: «Экроналъул аллагь БагӀал-Зевувида#1:2 БагӀал-Зевув – пилистимазул шагьар Экроналъул аллагь. ЖугьутӀазул мацӀалда гьеб цӀаралъул магӀна ккола тӀутӀазул цевехъан абураб. Инжилалда (БегӀел-Зевул – жундузул пача) ГӀиса МасихӀица гьев жибго шайтӀабазул бетӀер илбисалда данде кколев вуго (бал. Мат. 10:25; 12:24-28). цӀехезе а, дун гьаб унтудаса сахлъизе вугищилан».
3Амма БЕТӀЕРГЬАНАСУЛ Малаик кӀалъана Тишбиялдаса Иляс аварагасда: «Самариялъул пачаясул вакилзабазда данде ун, гьезда цӀехе: „Экроналъул аллагь БагӀал-Зевувида цӀех-рех гьабизе нуж ине ккани, ГӀизраилалда Аллагь гьечӀогойищ вугев?“ 4Гьединлъидал, гьале БЕТӀЕРГЬАНАСУЛ рагӀи: „Гьеб тӀад вегараб бусадаса мун тӀокӀав гъоркье лъугьине гьечӀо. Мун хвечӀого хутӀуларо!“ – ян».
Иляс аварагас гьеб рагӀи Ахазиягьил вакилзабазухъе щвезабуна. 5Цинги вакилзаби пачаясухъе нахъруссана ва пачаяс гьезда цӀехана: «Нуж щай тӀадруссарал?» – ин. 6«Нижеда данде цо чи вачӀана, – ян жаваб кьуна гьез. – Гьес нижеда абуна нужерго пачаясухъе нахъруссун, БЕТӀЕРГЬАНАС гьадин абулеб бугин абе гьесдайин: „Экроналъул аллагь БагӀал-Зевувида цӀех-рех гьабизе нуж ине ккани, ГӀизраилалда Аллагь гьечӀогойищ вугев? Гьединлъидал, гьеб тӀад вегараб бусадаса мун тӀокӀав гъоркье лъугьине гьечӀо. Мун хвечӀого хутӀуларо!“»
7Пачаяс гьезда цӀехана: «Дов нужеда данде вачӀарав ва нужеда гьедин кӀалъарав чи кинаб куц-мухъалъул чи вукӀарав?» 8Гьез жаваб кьуна: «Керчав, къухьдулги тӀад ретӀарав, къохьол рачелги барав чи вукӀана». Пачаяс абуна: «Гьев чи Тишбиялдаса Иляс авараг вуго», – ян.
9Цинги гьес кӀикъоялда анцӀго рагъухъангун цадахъ цо рагъул цевехъан витӀана Иляс аварагасухъе. ГохӀда, гьелъул тӀогьив гӀодов чӀун вугев Илясихъеги вачӀун гьес абуна: «Аллагьасул авараг, пачаяс абулеб буго: „ГӀодове вачӀа!“ – ян». 10Иляс аварагас рагъул цевехъанасда абуна: «Дун Аллагьасул авараг ватани, биччанте зобалаздаса гӀодобе цӀаги рещтӀун, мунги дур чагӀиги гьелъ къулчӀизе!»
Цинги, зобалаздаса рещтӀун, цӀаялъ къулчӀана гьевги гьесул кӀикъоялда анцӀго рагъухъанги. 11Пачаяс, кӀикъоялда анцӀго рагъухъангун цадахъ, цоги рагъул цевехъан витӀана гьесухъе. Гьес Иляс аварагасда абуна: «Аллагьасул авараг, пачаяс абулеб буго: „Хехго гӀодове рещтӀа!“ – ян». 12Иляс аварагас гьев рагъул цевехъанасда абуна: «Дун Аллагьасул авараг ватани, биччанте зобалаздаса гӀодобе цӀаги рещтӀун, мунги дур кӀикъоялда анцӀавго чиги гьелъ къулчӀизе!»
Цинги, зобалаздаса рещтӀун, цӀаялъ къулчӀана гьевги гьесул кӀикъоялда анцӀавго рагъухъанги. 13Цинги пачаяс лъабабилеб нухалъги витӀана, кӀикъоялда анцӀго рагъухъангун цадахъ, цоги рагъул цевехъан. Гьев тӀадеги вачӀун Илясида цеве накабазде ккана. «Я, Аллагьасул авараг, – ян гьардана гьев, – гьарула дуда, гурхӀа дида ва гьав кӀикъоялда анцӀавго рагъухъанасда, дур лагъзадерида, – чӀваге ниж! 14Дида цере арал рагъул церехъабиги гьезул рагъухъабиги зобалаздаса гӀодобе рещтӀун цӀаялъ къулчӀидал, гьарула, цӀуне дир гӀумру!»
15Цинги БЕТӀЕРГЬАНАСУЛ Малаик кӀалъана Иляс аварагасда: «Мун гьесукьа хӀинкъуге, гьесда цадахъ гӀодове а».
Гьебмехалъ Иляс авараг тӀаде вахъун, гьесда цадахъ пачаясухъе вилълъана. 16Гьес пачаясда абуна: «Гьале БЕТӀЕРГЬАНАСУЛ рагӀи: „ЦӀех-рехалъе ГӀизраилалда Аллагь гьечӀогойищ вугев, дуца Экроналъул аллагь БагӀал-Зевувихъе вакилзаби ритӀарал, гьесда цӀех-рех гьабизе? Гьеб сабаблъун гьеб тӀад вегараб бусадаса мун тӀокӀав гъоркье лъугьине гьечӀо. Мун хвечӀого хутӀуларо!“»
17Иляс аварагас бицараб БЕТӀЕРГЬАНАСУЛ рагӀуда рекъон гьев хвана. Ахазиягьил вас вукӀинчӀелъул, гьесул бакӀалда гьесул вац Иорам вахъана пачалъун. Егьошафатил вас Егьорам Ягьудиялъул пачалъун вахъун кӀиабилеб сон букӀана гьеб.
18Ахазиягьил пачалъиялъул хутӀарал лъугьа-бахъинал ва гьесул ишал «ГӀизраилалъул пачабазул тарих» абураб тӀехьалда хъван руго.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023