Коринфиязухъе кӀиабилеб кагъат 5
5
5 бетӀер
1Гьаб панадуниялалда нилъ чӀолеб бакӀ биххараб мехалъ, Аллагьас нилъее рукъ кьезе бугеблъи лъала нилъеда. Зобалазда бугеб инсанасул квераз гьабичӀеб абадияб рукъин гьеб. 2Гьанир ругебгӀан заманаялъ пашманго зигардула нилъ, нилъее бокьун букӀуна гьеб зобалазул рокъоре лъугьине. 3Гьаб дуниялалда сундасаго махӀрумлъаниги, рукъ гьечӀого хутӀиларо нилъ гьенир. 4Гьанир ругебгӀан заманаялъ къварилъахъдула нилъ. Гьаб панадуниялалда нилъер бугеб черхалдаса махӀрумлъизе бокьиялъ гуребха, зобалазда нилъер букӀунеб черх щвезе бокьиялъин. Холеб черх холареб черхалъ хисун гӀумру бергьина гьебмехалъ. 5Илагьияб РухӀ аманатлъун нилъее кьурав Аллагьас гьелъиейин нилъ тӀаса рищарал.
6Гьединлъидал нилъ сункьаниги киданиги хӀинкъулареллъун лъугьун руго. Нилъеда лъала, гьанир рокъор – нилъерго чорхолъ – ругебгӀан заманаялъ, нилъ ТӀадегӀанасдаса рикӀкӀад рукӀин. 7Беразда бихьулелда рекъон гуреб, божулелда рекъонин нилъ хьвадулел ругел. 8Сункьаниги киданиги хӀинкъулареллъун лъугьун ругелъул, нилъее лъикӀаб букӀинаан, нилъерго чорхолъа къватӀиреги лъугьун, ТӀадегӀанасда аскӀоре гочине. 9Гьединлъидалин нилъее бищунго бокьулеб – гьаб дуниялалда гьесдаса рикӀкӀад рукӀаниги, ахираталда аскӀор рукӀаниги – ТӀадегӀанав нилъедаса разилъизе. 10РухӀ чорхолъ букӀаго щивав чияс гьабураб лъикӀлъиялъухъ шапакъат щвезеги квешлъиялъухъ тамихӀ гьабизеги нилъ киналго МасихӀил судалда цере чӀезе ругелъулха.
Аллагьас МасихӀидалъун гӀалам Живгун рекъезабуна
11Аллагьасукьа хӀинкъи щиб жояли лъайдал, нижеца хӀаракат бахъулеб буго цогидаздаги гьеб лъазабизе. Ниж щал чагӀияли Аллагьасда лъала. Дида ракӀалде ккола нужедаги кӀвеларин ниж щалали лъаларин абизе. 12Ниж щал чагӀияли бихьизабизе гуро гьеб такрар гьабулеб бугеб. Жидерго рекӀелъ бугеб бахчун, бералда бихьулебаб рихьдаего цебе рехизабун, жидеего рецц-бакъ гьабулел гӀадамалги руго гьенир. Нижеца гьедин абулеб буго гьединал гӀадамазе жаваб кьезе нужее бигьалъизе ва нижедаса чӀухӀизе нужее рес букӀинеги. 13Биччанте ниж гӀантлъун ругилан абизе. Нижеца Аллагьасе хъулухъ гьабулеб бугелъулин гьез гьедин абулеб бугеб. ЦӀодорго ругеб мехалъ гьабураб – гьеб нужее гӀоло буго. 14МасихӀил рокьиялъул кверщаликь руго ниж. Нижеда бичӀчӀана киназего гӀоло цо Чи хваравлъи. Гьесда цадахъ киналгоги хун руго. 15Гьев хвана киназего гӀоло, цинги чӀаго ругелаз гӀумру жидеего гӀоло гьабичӀого, – жидее гӀоло хварасе ва хваралъуса вахъинавурасе гӀоло гьабизе.
16Гьанжеялдаса хадуб нилъеца лъиениги къимат кьезе бегьуларо гӀадамазул гӀакълу-пикруялдалъун. Цере нилъ МасихӀихъги ралагьулел рукӀарал ратани гӀадамазул бераздалъун, гьанже тӀокӀаб гьабулеб гьечӀо нилъеца гьедин. 17МасихӀиде цолъарав чи ккола цӀидасан вижарав чи. Басрияб ана-хвана, гьале цӀияб тӀаде гӀунтӀана. 18МасихӀидалъун нилъ Живгун рекъезарурав ва цогидалги нужеца Живгун рекъезареян нилъее амру гьабурав Аллагьасдасан буго гьеб кинабго. 19Аллагьас МасихӀидалъун Живгун рекъезабуна тӀолабго гӀалам, гьезул мунагьалги рикӀкӀинчӀо Гьес. ГӀадамал рекъезареян амруги гьабуна Гьес нилъее.
20Ниж руго МасихӀил вакилзаби ва Аллагьас нижер кӀалдисан кӀалъан гӀадамазде ахӀулеб буго Жинде руссаян. МасихӀил цӀар рехсон гьарулеб буго нижеца Аллагьгун рекъе нужилан. 21Мунагьго гьечӀевав нилъер мунагьалъе гӀоло къурбанлъун гьавуна Аллагьас, – гьесдалъун нилъеде Аллагьасдасан ритӀухълъи рещтӀинабизе.
Currently Selected:
Коринфиязухъе кӀиабилеб кагъат 5: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Коринфиязухъе кӀиабилеб кагъат 5
5
5 бетӀер
1Гьаб панадуниялалда нилъ чӀолеб бакӀ биххараб мехалъ, Аллагьас нилъее рукъ кьезе бугеблъи лъала нилъеда. Зобалазда бугеб инсанасул квераз гьабичӀеб абадияб рукъин гьеб. 2Гьанир ругебгӀан заманаялъ пашманго зигардула нилъ, нилъее бокьун букӀуна гьеб зобалазул рокъоре лъугьине. 3Гьаб дуниялалда сундасаго махӀрумлъаниги, рукъ гьечӀого хутӀиларо нилъ гьенир. 4Гьанир ругебгӀан заманаялъ къварилъахъдула нилъ. Гьаб панадуниялалда нилъер бугеб черхалдаса махӀрумлъизе бокьиялъ гуребха, зобалазда нилъер букӀунеб черх щвезе бокьиялъин. Холеб черх холареб черхалъ хисун гӀумру бергьина гьебмехалъ. 5Илагьияб РухӀ аманатлъун нилъее кьурав Аллагьас гьелъиейин нилъ тӀаса рищарал.
6Гьединлъидал нилъ сункьаниги киданиги хӀинкъулареллъун лъугьун руго. Нилъеда лъала, гьанир рокъор – нилъерго чорхолъ – ругебгӀан заманаялъ, нилъ ТӀадегӀанасдаса рикӀкӀад рукӀин. 7Беразда бихьулелда рекъон гуреб, божулелда рекъонин нилъ хьвадулел ругел. 8Сункьаниги киданиги хӀинкъулареллъун лъугьун ругелъул, нилъее лъикӀаб букӀинаан, нилъерго чорхолъа къватӀиреги лъугьун, ТӀадегӀанасда аскӀоре гочине. 9Гьединлъидалин нилъее бищунго бокьулеб – гьаб дуниялалда гьесдаса рикӀкӀад рукӀаниги, ахираталда аскӀор рукӀаниги – ТӀадегӀанав нилъедаса разилъизе. 10РухӀ чорхолъ букӀаго щивав чияс гьабураб лъикӀлъиялъухъ шапакъат щвезеги квешлъиялъухъ тамихӀ гьабизеги нилъ киналго МасихӀил судалда цере чӀезе ругелъулха.
Аллагьас МасихӀидалъун гӀалам Живгун рекъезабуна
11Аллагьасукьа хӀинкъи щиб жояли лъайдал, нижеца хӀаракат бахъулеб буго цогидаздаги гьеб лъазабизе. Ниж щал чагӀияли Аллагьасда лъала. Дида ракӀалде ккола нужедаги кӀвеларин ниж щалали лъаларин абизе. 12Ниж щал чагӀияли бихьизабизе гуро гьеб такрар гьабулеб бугеб. Жидерго рекӀелъ бугеб бахчун, бералда бихьулебаб рихьдаего цебе рехизабун, жидеего рецц-бакъ гьабулел гӀадамалги руго гьенир. Нижеца гьедин абулеб буго гьединал гӀадамазе жаваб кьезе нужее бигьалъизе ва нижедаса чӀухӀизе нужее рес букӀинеги. 13Биччанте ниж гӀантлъун ругилан абизе. Нижеца Аллагьасе хъулухъ гьабулеб бугелъулин гьез гьедин абулеб бугеб. ЦӀодорго ругеб мехалъ гьабураб – гьеб нужее гӀоло буго. 14МасихӀил рокьиялъул кверщаликь руго ниж. Нижеда бичӀчӀана киназего гӀоло цо Чи хваравлъи. Гьесда цадахъ киналгоги хун руго. 15Гьев хвана киназего гӀоло, цинги чӀаго ругелаз гӀумру жидеего гӀоло гьабичӀого, – жидее гӀоло хварасе ва хваралъуса вахъинавурасе гӀоло гьабизе.
16Гьанжеялдаса хадуб нилъеца лъиениги къимат кьезе бегьуларо гӀадамазул гӀакълу-пикруялдалъун. Цере нилъ МасихӀихъги ралагьулел рукӀарал ратани гӀадамазул бераздалъун, гьанже тӀокӀаб гьабулеб гьечӀо нилъеца гьедин. 17МасихӀиде цолъарав чи ккола цӀидасан вижарав чи. Басрияб ана-хвана, гьале цӀияб тӀаде гӀунтӀана. 18МасихӀидалъун нилъ Живгун рекъезарурав ва цогидалги нужеца Живгун рекъезареян нилъее амру гьабурав Аллагьасдасан буго гьеб кинабго. 19Аллагьас МасихӀидалъун Живгун рекъезабуна тӀолабго гӀалам, гьезул мунагьалги рикӀкӀинчӀо Гьес. ГӀадамал рекъезареян амруги гьабуна Гьес нилъее.
20Ниж руго МасихӀил вакилзаби ва Аллагьас нижер кӀалдисан кӀалъан гӀадамазде ахӀулеб буго Жинде руссаян. МасихӀил цӀар рехсон гьарулеб буго нижеца Аллагьгун рекъе нужилан. 21Мунагьго гьечӀевав нилъер мунагьалъе гӀоло къурбанлъун гьавуна Аллагьас, – гьесдалъун нилъеде Аллагьасдасан ритӀухълъи рещтӀинабизе.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023