1 Пачаби 27
27
Давудги гьесул чагӀиги пилистимазул ракьалда рахчи
1Давудица пикру гьабуна:
«Ахир-къадги дун дунялалдаса тӀагӀинавичӀого теларо Шаулица. Пилистимазул ракьалде лъутиялдаса лъикӀаб жо щибго букӀинаро дие. Гьебмехалъ ГӀизраилалъул ракь-мухъалда дун ватиялдаса хьулги къотӀун, Шаулица живго тела дун, цинги гьесул квердасаги хвасарлъила», – ян.
2Анлънусавго рагъухъангун цадахъ гьениса вилълъана Давуд Гаталъул пача Маохил вас Ахишихъе. 3Цинги гьевги гьесул рагъухъабиги Ахишил ракьалда Гаталда чӀана. Жив-живасда цадахъ гьесул хъизан-лъималги рукӀана. Давудил кӀиго лъади йикӀана: Изреелалдаса АхӀиноам ва Кармилалдаса Навалил йикӀарай Авигайл. 4Давуд Гаталде лъутанилан хабар щвана Шаулихъе ва гьев тӀокӀав гьесда хадув лъугьинчӀо.
5Давудица Ахишида абуна:
«Бегьулеблъун батани, дур дидехун божилъиги батани, дун жаниве вахъине дие цо гьитӀинаб шагьар кье. Дуда аскӀор пачаясул тахшагьаралда рукӀун щайха нижее?» – ян.
6Гьебмехалъ Ахишица Циклаг абураб шагьар кьуна гьесие. Гьелдаса хадуб Ягьудиялъул пачабазул ихтияралда хутӀана гьеб шагьар. 7Кинабниги лъагӀелгун ункъо моцӀ бана Давудица пилистимазул ракьалда.
8Давудги гьесул чагӀиги, гьениса ун, гешуриязде, герзиязде ва амалекиязде тӀаде чабхъад хьвадана. Гьел рукӀана Шуралъул ва Мисриялъул гӀорхъабазде щвезегӀан ругел ракьазда некӀо заманалдасаго чӀей гьабурал халкъал. 9ТӀаде кӀанцӀарабщинаб бакӀалда я бихьинал, я руччаби, цо чи чӀаго толароан Давудица; гьезул гӀи-боцӀи, хӀамул, варанаби ва ретӀел-кун, щибго нахъе течӀого, бахъулаан ва гьеб кӀудияб давлагун Ахишихъе тӀадвуссунаан.
10Кире чабхъад ун рукӀарал жакъаян Ахишица цӀехедал, Давудица абулаан «ягьудиязул Негевалде», ялъуни «ерахмеэлиязул Негевалде», ялъуни «кениязул Негевалде», – ян. 11«Гьабги добги гьабуна Давудицаянги абун, доз гӀарз бахъизе бегьула», – ян пикруги гьабун, я бихьинав, я цӀуяв, цониги чи чӀаго толароан гьес ва Гаталде асирлъуде вачунароан. Пилистимазул ракьалда вугебгӀан мехалъ гьедин гьабуна Давудица.
12Ахиш божулаан Давудида ва гьесда кколаан: «Гьанже ракӀчӀун рихана гьав ГӀизраилалъул халкъалда, гьединлъидал гьав абадиялъего дир лагълъун вукӀина», – ян.
Currently Selected:
1 Пачаби 27: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
1 Пачаби 27
27
Давудги гьесул чагӀиги пилистимазул ракьалда рахчи
1Давудица пикру гьабуна:
«Ахир-къадги дун дунялалдаса тӀагӀинавичӀого теларо Шаулица. Пилистимазул ракьалде лъутиялдаса лъикӀаб жо щибго букӀинаро дие. Гьебмехалъ ГӀизраилалъул ракь-мухъалда дун ватиялдаса хьулги къотӀун, Шаулица живго тела дун, цинги гьесул квердасаги хвасарлъила», – ян.
2Анлънусавго рагъухъангун цадахъ гьениса вилълъана Давуд Гаталъул пача Маохил вас Ахишихъе. 3Цинги гьевги гьесул рагъухъабиги Ахишил ракьалда Гаталда чӀана. Жив-живасда цадахъ гьесул хъизан-лъималги рукӀана. Давудил кӀиго лъади йикӀана: Изреелалдаса АхӀиноам ва Кармилалдаса Навалил йикӀарай Авигайл. 4Давуд Гаталде лъутанилан хабар щвана Шаулихъе ва гьев тӀокӀав гьесда хадув лъугьинчӀо.
5Давудица Ахишида абуна:
«Бегьулеблъун батани, дур дидехун божилъиги батани, дун жаниве вахъине дие цо гьитӀинаб шагьар кье. Дуда аскӀор пачаясул тахшагьаралда рукӀун щайха нижее?» – ян.
6Гьебмехалъ Ахишица Циклаг абураб шагьар кьуна гьесие. Гьелдаса хадуб Ягьудиялъул пачабазул ихтияралда хутӀана гьеб шагьар. 7Кинабниги лъагӀелгун ункъо моцӀ бана Давудица пилистимазул ракьалда.
8Давудги гьесул чагӀиги, гьениса ун, гешуриязде, герзиязде ва амалекиязде тӀаде чабхъад хьвадана. Гьел рукӀана Шуралъул ва Мисриялъул гӀорхъабазде щвезегӀан ругел ракьазда некӀо заманалдасаго чӀей гьабурал халкъал. 9ТӀаде кӀанцӀарабщинаб бакӀалда я бихьинал, я руччаби, цо чи чӀаго толароан Давудица; гьезул гӀи-боцӀи, хӀамул, варанаби ва ретӀел-кун, щибго нахъе течӀого, бахъулаан ва гьеб кӀудияб давлагун Ахишихъе тӀадвуссунаан.
10Кире чабхъад ун рукӀарал жакъаян Ахишица цӀехедал, Давудица абулаан «ягьудиязул Негевалде», ялъуни «ерахмеэлиязул Негевалде», ялъуни «кениязул Негевалде», – ян. 11«Гьабги добги гьабуна Давудицаянги абун, доз гӀарз бахъизе бегьула», – ян пикруги гьабун, я бихьинав, я цӀуяв, цониги чи чӀаго толароан гьес ва Гаталде асирлъуде вачунароан. Пилистимазул ракьалда вугебгӀан мехалъ гьедин гьабуна Давудица.
12Ахиш божулаан Давудида ва гьесда кколаан: «Гьанже ракӀчӀун рихана гьав ГӀизраилалъул халкъалда, гьединлъидал гьав абадиялъего дир лагълъун вукӀина», – ян.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023