1 Пачаби 25
25
1Цодагьаб заманалдасан Шамуил хвана. ТӀолалго гӀизраилал ракӀарун, гьез магӀу бахъана гьесда хадуб, ва гьесул шагьар Рамаялда хабалъ лъуна гьев.
Гьебго заманалда Давуд Паран авлахъалде гочана.
Давудги Навалги Авигайлги
2Маон шагьаралдаса кутакалда бечедав, Кармил магӀарда жиндирго гӀемераб боцӀи-рикъзиги бугев цо чи вукӀана; гьесул букӀана лъабазарго гӀи ва азарго цӀцӀе. Кармил магӀарда гьесул гӀи къунцӀулеб заман букӀана. 3Гьесда цӀар – Навал, гьесул лъадуда цӀар Авигайл букӀана. Гьей йикӀана гӀакълуги камилай куцги берцинай гӀадан, амма гьелъул рос вукӀана гӀамал мекъав чи.
4Авлахъалда вугев Давудида рагӀана Навалил гӀи къунцӀулеб бугилан. 5Гьес анцӀго чи витӀана гьесухъе хадусеб тӀадкъайгун:
«Кармил магӀарде Навалихъе а, ва гьесда дир салам бице. 6Гьесда абе: „Мунги дур хъизан-къайги сах-саламат хутӀаги! Дур кинабго буголъиялда баракат лъеги! 7Дида рагӀана дур гӀи къунцӀулеб бугин. Нижеда аскӀоса гӀебеде дур гӀухьби ругебгӀан мехалъ, нижеца гьезие зарал ккезе биччачӀо ва Кармилалда гьел ругебгӀан заманалъ гьезие щибго камиги ккечӀо. 8Дурго хӀалтӀухъабазда цӀехе, гьезги бицина дуда. Гьединлъидал, гьал гӀолохъаби берцинго къабул гьаре, байрамалъул къоялълъидал ниж дур къавулъе рачӀун ругел. Дур вас Давудиеги гьесул чагӀазеги букӀине, щиб букӀаниги цебе батараб тӀагӀамги битӀе гьелгун“, – ян».
9Давудица ритӀарал чагӀи Навалихъе рачӀана ва Давудица малъухъе салам-калам бицана гьесда. Цинги гьесул жавабалъухъ балагьун чӀана. 10Амма Навал гьадин кӀалъана гьезда:
«ДавудгӀаги щив чи? Йишайил вас кутакав чи лъугьунищ? Жиндирго бетӀергьабазухъа лъутарал лагъзал гӀемерлъун руго гьанже. 11Дир гӀи къунцӀулел чагӀазе хӀадурараб чедги, лъимги, гьанги дица киса щалали лъаларел чагӀазедай кьолеб?»
12Давудил чагӀи тӀадруссун нахъе ана, ва гьез рачӀун Давудида бицана кинабго Навалица абураб. 13Цинги Давудица жиндирго рагъухъабазе буюрухъ кьуна: «Хвалчаби рорче!» – ян.
Давудицаги ярагъ борчана, ва рорчун хвалчабигун, гьесул ункънусго чиги къачӀана цадахъ. КӀинусго чи къайи-къоногун тана. 14Ккараб жо цояс Навалил лъади Авигайлида бицана:
«Давудица жиндирго чагӀи ритӀун рачӀун рукӀана авлахъалдаса нилъер хважаинасухъе салам-каламгун, амма гьев, гьелги къабихӀ гьарун, кӀалъана гьезда. 15Дол чагӀийин абуни, нижедехун кутакалда лъикӀ рукӀана. Ниж авлахъалда дозда аскӀоса гӀебеде ругебгӀан мехалъ, доз я инжит-хӀакъир гьаричӀо, я нижее ками ккезе биччачӀо. 16Дора гӀиязул рехъада ругебгӀан заманалъ, къасиги къадги нижее хъаравулзабилъун эхетана дол. 17Гьанже дуцаго хӀисаб гьабе гьелъул ва гьабизе кӀолеб жо бугищали ургъе, щайгурелъул нилъер хважаинасде ва гьесул хъизан-къаялдего тӀаде кӀудияб балагь бачӀунеб бугелъул. Навалги хӀалихьатав-къадарав чи вуго – гьесда кӀалъан щибго пайда гьечӀо».
18Гьебмехалъ Авигайлица хехлъиялда кӀинусго чед хӀадур гьабуна, гьединго – кӀиго рахълъен чӀагӀдал, щуго бежа-белъараб гӀиялъажо, цо гьитӀинаб къандалъо чӀералъул, кишмишалъул къараб нусго чед, кӀинусго инжиралъул гъал, ва гьеб кинабго хӀамида къана. 19Гьелъ жиндирго рагьдателазда абуна:
«Дида цере-цере а нуж, дун нужеда хадуй ячӀина», – ян.
Амма жиндирго росасда гьелъ щибго бицинчӀо. 20ХӀамидаги рекӀун уней гьелда, цо мугӀрул кӀкӀалахъе жание лъугьарайго, жиндирго чагӀигун вачӀунев Давуд данде ккана. 21Гьеб параялъ Давудица абулеб букӀана:
«Гьале, гӀадада цӀунана дица дов чиясул рехъада букӀараб гӀи-боцӀи, щибго тӀаса камизе биччачӀого. Гьанже лъикӀлъиялъухъ квешлъи гьабуна дос дие. 22Аллагьас балагьалъукье ккезавеги дун, гьаб сордо рогьинегӀан досул хъизан-агьлуялъул цониги бихьинчи дица нахъе тани!» – ян.
23Давудида бер чӀвайдал, Авигайл хехлъи гьабун хӀамидаса гъоркье рещтӀана ва, накабазде ккун, нодо ракьалда цузегӀан гьесие къулана. 24Гьесул хӀатӀазда цебе нодоги гӀодоб чӀван, гьелъ абуна:
«Вай, дир бетӀерчӀахъад, дида ккана кинабго гӀайиб. Бегьулеблъун батани, дие, дур лагъалъе, изну кье дуда кӀалъазе; дур лагъалъул рагӀабазухъ гӀенекке. 25Дов Навал абулев квешав чи сан гьавичӀого те абе дир бетӀерчӀахъадица. Жиндирго цӀаралда релълъараб буго досул гӀамалги, – досда цӀар буго ГӀабдал#25:25 ЖугьутӀазул мацӀалда навал абураб рагӀул магӀна гӀабдал буго. ва гӀантлъиялъул цӀурав вугизеги вуго дов. Дида, дур лагъалдайин абуни, рихьичӀо дир бетӀерчӀахъадица ритӀарал чагӀи.
26Гьанже, дир бетӀерчӀахъад, чияр би гӀодобе тӀеялъукьа ва дурго квераз гӀайибго гьечӀел чагӀиги чӀван рецӀел босиялъукьа мун цӀунарав БЕТӀЕРГЬАНАСУЛ цӀаралхӀа ва дур гӀумруялхӀа, Навалида релълъина тӀолалго дур тушбаби ва дуе квешлъи ургъулелщинал. 27Гьанже босе гьаб дур лагъалъ дуе, дир бетӀерчӀахъадие, босун бачӀараб сайгъат ва дурго чагӀазе кье. 28Гьарула дуда, дур лагъалда тӀаса лъугьаян; БЕТӀЕРГЬАНАСУЛ амруялда рекъон рагъал гьарулев дур агьлу БЕТӀЕРГЬАНАС ракӀчӀун щула гьабизе бугелъул. Гьаб дунялалда вугебгӀан мехалъ кинабгӀаги мекълъи дулъ батугеги. 29Мун чӀвазеян абун дуда хадув чи лъугьаниги, дир бетӀерчӀахъад, дур БЕТӀЕРГЬАН Аллагьас Жиндирго тахида лъурав пача гӀадин цӀунила мун. Амма дур тушбаби, кварида ран ганчӀал речӀчӀулев чияс гӀадин, ганчӀаллъун хьвагӀун нахъе рала Гьес. 30Цинги, цебеккунго БЕТӀЕРГЬАНАС дур рахъалъ загьир гьабураб лъикӀабщинабги тӀубазабун, мун ГӀизраилалъулго цевехъанлъун гьавураб къо бачӀиндал, 31кигӀан лъикӀаб хӀалтӀи ккана дица гӀадада би гӀодобе тӀечӀого тей ва диего гӀоло рецӀелги босун, гӀайибго гьечӀел чагӀи чӀвачӀел абун вохун вукӀина мун, – ракӀ бухӀизе ва рекӀекълъизе ккараб жо щибниги батиларо цинги. БЕТӀЕРГЬАНАС дир бетӀерчӀахъадие бергьенлъи кьураб къо тӀаде щведал, дун, дур лагъги, кӀочон тоге дуда».
32Гьебмехалъ Давудица абуна:
«Жакъа мун дида данде йитӀарав ГӀизраилалъул БЕТӀЕРГЬАН Аллагьасе рецц! 33Гьедин би гӀодобе тӀеялдаса ва рецӀел босиялдаса дун цӀунарай дуда ва дур гӀакълуялда баракат лъеги! 34Амма дуе квешлъи гьабиялдаса дун цӀунарав хӀакъав ГӀизраилалъул БЕТӀЕРГЬАН Аллагьасул цӀаралхӀа, мун дида данде гӀедегӀичӀейани, Навалил къавулъ къаси сордо рогьинегӀан цо бихьинчи чӀаго хутӀизе вукӀинчӀебха.
35Парахат рокъое тӀадюсса. Дица дур гьари-мурад тӀубала», – янги абун, гьес гьелъ босун бачӀараб сайгъат къабул гьабуна.
36Авигайл Навалихъе тӀадюссиндал, пачаясул гӀадаб гӀодорчӀейги гӀуцӀун, квана-гьекъеялда ватана гьев. Кутакалда мехтун кепалда вукӀана Навал, гьединлъидал Авигайлица рогьинегӀан цо рагӀи абичӀо гьесда. 37Радал, Навал вигьа-вичараб мехалъ, лъадуца гьесда кинабго бицана. Гьеб лахӀзаталъго гьесул ургьимес цӀоро-гъорона ва ганчӀиде сверарав чи гӀадин лъугьана. 38АнцӀго къо ун хадуб БЕТӀЕРГЬАНАС гӀажал хъвана Навалие ва гьев хвана.
39Навал хванилан рагӀидал, Давудица абуна:
«Дун хӀакъир гьавун кӀалъарав Навалидаса рецӀел босарав БЕТӀЕРГЬАНАСЕ рецц! БЕТӀЕРГЬАНАС дун, Жиндирго лагъ, мекъаб иш гьабиялдаса цӀунана ва Навалил квешлъи гьесде жиндего тӀаде ккезабуна», – ян.
Хадуб Давудица Авигайлида хадур чагӀи ритӀана жиндие лъадилъун ячӀайин гьаригун. 40Давудил чагӀи рачӀана Кармилалде ва гьез Авигайлида абуна:
«Давудица ритӀун рачӀана ниж мун гьесие лъадилъун ячине», – ян. 41Гьей, гӀодоб нодо цун къулана ва данде жаваб гьабун абуна: «Гьале дун, дур лагъ. Дур лагъзадерил хӀатӀал чуризе хӀадурай йиго дун», – ин.
42Авигайл хехлъи гьабун хӀамида рекӀана ва жиндирго щуго гъараващги цадахъ ячун, Давудил вакилзабазда хадуй гьесухъе ине нухде яхъана ва Давудил лъадилъун лъугьана. 43Изреелалдаса АхӀиноамги ячана гьес, ва гьел кӀиялго рукӀана гьесул лъудбилъун.
44Давудил лъадилъун йикӀарай Михала гьелъул эмен Шаулица нахъе ячун Галималдаса Лаишил вас Палтие рукъалде кьуна.
Currently Selected:
1 Пачаби 25: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
1 Пачаби 25
25
1Цодагьаб заманалдасан Шамуил хвана. ТӀолалго гӀизраилал ракӀарун, гьез магӀу бахъана гьесда хадуб, ва гьесул шагьар Рамаялда хабалъ лъуна гьев.
Гьебго заманалда Давуд Паран авлахъалде гочана.
Давудги Навалги Авигайлги
2Маон шагьаралдаса кутакалда бечедав, Кармил магӀарда жиндирго гӀемераб боцӀи-рикъзиги бугев цо чи вукӀана; гьесул букӀана лъабазарго гӀи ва азарго цӀцӀе. Кармил магӀарда гьесул гӀи къунцӀулеб заман букӀана. 3Гьесда цӀар – Навал, гьесул лъадуда цӀар Авигайл букӀана. Гьей йикӀана гӀакълуги камилай куцги берцинай гӀадан, амма гьелъул рос вукӀана гӀамал мекъав чи.
4Авлахъалда вугев Давудида рагӀана Навалил гӀи къунцӀулеб бугилан. 5Гьес анцӀго чи витӀана гьесухъе хадусеб тӀадкъайгун:
«Кармил магӀарде Навалихъе а, ва гьесда дир салам бице. 6Гьесда абе: „Мунги дур хъизан-къайги сах-саламат хутӀаги! Дур кинабго буголъиялда баракат лъеги! 7Дида рагӀана дур гӀи къунцӀулеб бугин. Нижеда аскӀоса гӀебеде дур гӀухьби ругебгӀан мехалъ, нижеца гьезие зарал ккезе биччачӀо ва Кармилалда гьел ругебгӀан заманалъ гьезие щибго камиги ккечӀо. 8Дурго хӀалтӀухъабазда цӀехе, гьезги бицина дуда. Гьединлъидал, гьал гӀолохъаби берцинго къабул гьаре, байрамалъул къоялълъидал ниж дур къавулъе рачӀун ругел. Дур вас Давудиеги гьесул чагӀазеги букӀине, щиб букӀаниги цебе батараб тӀагӀамги битӀе гьелгун“, – ян».
9Давудица ритӀарал чагӀи Навалихъе рачӀана ва Давудица малъухъе салам-калам бицана гьесда. Цинги гьесул жавабалъухъ балагьун чӀана. 10Амма Навал гьадин кӀалъана гьезда:
«ДавудгӀаги щив чи? Йишайил вас кутакав чи лъугьунищ? Жиндирго бетӀергьабазухъа лъутарал лагъзал гӀемерлъун руго гьанже. 11Дир гӀи къунцӀулел чагӀазе хӀадурараб чедги, лъимги, гьанги дица киса щалали лъаларел чагӀазедай кьолеб?»
12Давудил чагӀи тӀадруссун нахъе ана, ва гьез рачӀун Давудида бицана кинабго Навалица абураб. 13Цинги Давудица жиндирго рагъухъабазе буюрухъ кьуна: «Хвалчаби рорче!» – ян.
Давудицаги ярагъ борчана, ва рорчун хвалчабигун, гьесул ункънусго чиги къачӀана цадахъ. КӀинусго чи къайи-къоногун тана. 14Ккараб жо цояс Навалил лъади Авигайлида бицана:
«Давудица жиндирго чагӀи ритӀун рачӀун рукӀана авлахъалдаса нилъер хважаинасухъе салам-каламгун, амма гьев, гьелги къабихӀ гьарун, кӀалъана гьезда. 15Дол чагӀийин абуни, нижедехун кутакалда лъикӀ рукӀана. Ниж авлахъалда дозда аскӀоса гӀебеде ругебгӀан мехалъ, доз я инжит-хӀакъир гьаричӀо, я нижее ками ккезе биччачӀо. 16Дора гӀиязул рехъада ругебгӀан заманалъ, къасиги къадги нижее хъаравулзабилъун эхетана дол. 17Гьанже дуцаго хӀисаб гьабе гьелъул ва гьабизе кӀолеб жо бугищали ургъе, щайгурелъул нилъер хважаинасде ва гьесул хъизан-къаялдего тӀаде кӀудияб балагь бачӀунеб бугелъул. Навалги хӀалихьатав-къадарав чи вуго – гьесда кӀалъан щибго пайда гьечӀо».
18Гьебмехалъ Авигайлица хехлъиялда кӀинусго чед хӀадур гьабуна, гьединго – кӀиго рахълъен чӀагӀдал, щуго бежа-белъараб гӀиялъажо, цо гьитӀинаб къандалъо чӀералъул, кишмишалъул къараб нусго чед, кӀинусго инжиралъул гъал, ва гьеб кинабго хӀамида къана. 19Гьелъ жиндирго рагьдателазда абуна:
«Дида цере-цере а нуж, дун нужеда хадуй ячӀина», – ян.
Амма жиндирго росасда гьелъ щибго бицинчӀо. 20ХӀамидаги рекӀун уней гьелда, цо мугӀрул кӀкӀалахъе жание лъугьарайго, жиндирго чагӀигун вачӀунев Давуд данде ккана. 21Гьеб параялъ Давудица абулеб букӀана:
«Гьале, гӀадада цӀунана дица дов чиясул рехъада букӀараб гӀи-боцӀи, щибго тӀаса камизе биччачӀого. Гьанже лъикӀлъиялъухъ квешлъи гьабуна дос дие. 22Аллагьас балагьалъукье ккезавеги дун, гьаб сордо рогьинегӀан досул хъизан-агьлуялъул цониги бихьинчи дица нахъе тани!» – ян.
23Давудида бер чӀвайдал, Авигайл хехлъи гьабун хӀамидаса гъоркье рещтӀана ва, накабазде ккун, нодо ракьалда цузегӀан гьесие къулана. 24Гьесул хӀатӀазда цебе нодоги гӀодоб чӀван, гьелъ абуна:
«Вай, дир бетӀерчӀахъад, дида ккана кинабго гӀайиб. Бегьулеблъун батани, дие, дур лагъалъе, изну кье дуда кӀалъазе; дур лагъалъул рагӀабазухъ гӀенекке. 25Дов Навал абулев квешав чи сан гьавичӀого те абе дир бетӀерчӀахъадица. Жиндирго цӀаралда релълъараб буго досул гӀамалги, – досда цӀар буго ГӀабдал#25:25 ЖугьутӀазул мацӀалда навал абураб рагӀул магӀна гӀабдал буго. ва гӀантлъиялъул цӀурав вугизеги вуго дов. Дида, дур лагъалдайин абуни, рихьичӀо дир бетӀерчӀахъадица ритӀарал чагӀи.
26Гьанже, дир бетӀерчӀахъад, чияр би гӀодобе тӀеялъукьа ва дурго квераз гӀайибго гьечӀел чагӀиги чӀван рецӀел босиялъукьа мун цӀунарав БЕТӀЕРГЬАНАСУЛ цӀаралхӀа ва дур гӀумруялхӀа, Навалида релълъина тӀолалго дур тушбаби ва дуе квешлъи ургъулелщинал. 27Гьанже босе гьаб дур лагъалъ дуе, дир бетӀерчӀахъадие, босун бачӀараб сайгъат ва дурго чагӀазе кье. 28Гьарула дуда, дур лагъалда тӀаса лъугьаян; БЕТӀЕРГЬАНАСУЛ амруялда рекъон рагъал гьарулев дур агьлу БЕТӀЕРГЬАНАС ракӀчӀун щула гьабизе бугелъул. Гьаб дунялалда вугебгӀан мехалъ кинабгӀаги мекълъи дулъ батугеги. 29Мун чӀвазеян абун дуда хадув чи лъугьаниги, дир бетӀерчӀахъад, дур БЕТӀЕРГЬАН Аллагьас Жиндирго тахида лъурав пача гӀадин цӀунила мун. Амма дур тушбаби, кварида ран ганчӀал речӀчӀулев чияс гӀадин, ганчӀаллъун хьвагӀун нахъе рала Гьес. 30Цинги, цебеккунго БЕТӀЕРГЬАНАС дур рахъалъ загьир гьабураб лъикӀабщинабги тӀубазабун, мун ГӀизраилалъулго цевехъанлъун гьавураб къо бачӀиндал, 31кигӀан лъикӀаб хӀалтӀи ккана дица гӀадада би гӀодобе тӀечӀого тей ва диего гӀоло рецӀелги босун, гӀайибго гьечӀел чагӀи чӀвачӀел абун вохун вукӀина мун, – ракӀ бухӀизе ва рекӀекълъизе ккараб жо щибниги батиларо цинги. БЕТӀЕРГЬАНАС дир бетӀерчӀахъадие бергьенлъи кьураб къо тӀаде щведал, дун, дур лагъги, кӀочон тоге дуда».
32Гьебмехалъ Давудица абуна:
«Жакъа мун дида данде йитӀарав ГӀизраилалъул БЕТӀЕРГЬАН Аллагьасе рецц! 33Гьедин би гӀодобе тӀеялдаса ва рецӀел босиялдаса дун цӀунарай дуда ва дур гӀакълуялда баракат лъеги! 34Амма дуе квешлъи гьабиялдаса дун цӀунарав хӀакъав ГӀизраилалъул БЕТӀЕРГЬАН Аллагьасул цӀаралхӀа, мун дида данде гӀедегӀичӀейани, Навалил къавулъ къаси сордо рогьинегӀан цо бихьинчи чӀаго хутӀизе вукӀинчӀебха.
35Парахат рокъое тӀадюсса. Дица дур гьари-мурад тӀубала», – янги абун, гьес гьелъ босун бачӀараб сайгъат къабул гьабуна.
36Авигайл Навалихъе тӀадюссиндал, пачаясул гӀадаб гӀодорчӀейги гӀуцӀун, квана-гьекъеялда ватана гьев. Кутакалда мехтун кепалда вукӀана Навал, гьединлъидал Авигайлица рогьинегӀан цо рагӀи абичӀо гьесда. 37Радал, Навал вигьа-вичараб мехалъ, лъадуца гьесда кинабго бицана. Гьеб лахӀзаталъго гьесул ургьимес цӀоро-гъорона ва ганчӀиде сверарав чи гӀадин лъугьана. 38АнцӀго къо ун хадуб БЕТӀЕРГЬАНАС гӀажал хъвана Навалие ва гьев хвана.
39Навал хванилан рагӀидал, Давудица абуна:
«Дун хӀакъир гьавун кӀалъарав Навалидаса рецӀел босарав БЕТӀЕРГЬАНАСЕ рецц! БЕТӀЕРГЬАНАС дун, Жиндирго лагъ, мекъаб иш гьабиялдаса цӀунана ва Навалил квешлъи гьесде жиндего тӀаде ккезабуна», – ян.
Хадуб Давудица Авигайлида хадур чагӀи ритӀана жиндие лъадилъун ячӀайин гьаригун. 40Давудил чагӀи рачӀана Кармилалде ва гьез Авигайлида абуна:
«Давудица ритӀун рачӀана ниж мун гьесие лъадилъун ячине», – ян. 41Гьей, гӀодоб нодо цун къулана ва данде жаваб гьабун абуна: «Гьале дун, дур лагъ. Дур лагъзадерил хӀатӀал чуризе хӀадурай йиго дун», – ин.
42Авигайл хехлъи гьабун хӀамида рекӀана ва жиндирго щуго гъараващги цадахъ ячун, Давудил вакилзабазда хадуй гьесухъе ине нухде яхъана ва Давудил лъадилъун лъугьана. 43Изреелалдаса АхӀиноамги ячана гьес, ва гьел кӀиялго рукӀана гьесул лъудбилъун.
44Давудил лъадилъун йикӀарай Михала гьелъул эмен Шаулица нахъе ячун Галималдаса Лаишил вас Палтие рукъалде кьуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023