Пётрил тӀоцебесеб кагъат 4
4
4 бетӀер
ГӀазаб-гӀакъуба хӀехьеялъул магӀнаги пайдаги
1Жиндир черхалъ гӀазаб-гӀакъуба хӀехьезе ккараб мехалда МасихӀил рукӀарал гӀадинал пикрабаз нужерго ракӀал къвакӀизаре, – черхалъ гӀазаб-гӀакъуба баччизе ккарас мунагьазде мугъ рехулелъулха, 2хутӀараб гӀумру, чорхол гьаваялъе бокьухъе гуреб, Аллагьасул амруялги тӀуразарун, тӀамизелъун. 3Мажусиязе бокьулеб куцалда, пасалъиялдаги чорхол гьаваялдаги хадур ун, гьекъолдулаго, гьакълил рокъоса къватӀире рахъинчӀого кеп-гӀоркьалда ва гьересиаллагьзабазе инжитаб-къабихӀаб гӀибадат гьабулаго тӀамураб гӀеларищ нужеца цебехун букӀараб гӀумру? 4Жидерго гьел гӀасиял ишазулъ нуж гӀахьаллъунгутӀиялда гӀажаиблъи гьабун гьез нуж какулел руго. 5Амма чӀагоязеги хваразеги суд гьабизе къачӀан вугесда цебе жаваб кьезе ккелебха гьез. 6Кинабгоги рижиялъе гӀадин, жидееги суд гьабун букӀарал хвараздаги Рохалил хабар лъазабуна, хварал чагӀигицин, Аллагь гӀадин, хвел гьечӀеллъун лъугьине.
7Гьаб дуниял ахирлъулеб буго. Аллагьасе гьари-дугӀа гьабизе бажарулеб хӀалалда цӀодорго чӀа, ригьун рукӀа. 8РакӀ-ракӀалъго цоцазе рокьа. Гьеб буго аслияб жо – рокьиялъ гӀемерал мунагьал рахчула. 9Нодо букӀкӀинчӀого гьабе цоцазе гьоболлъи. 10Аллагьас нужер щивав чиясе кьураб баркатаб гьунар цоцазе пайдаялъе хӀалтӀизабе, батӀи-батӀиял хъулухъазде тӀамурал лъикӀал чагӀаз гӀадин. 11КӀалалда гьунар бугес вагӀза-насихӀат гьабе, хъулухъалъе гьунар бугес, Аллагьас жиндие кьураб къуват-жаналда рекъон, хъулухъ гьабе, – нужеца гьабулебщиналъухъ гӀадамаз, абадул абадиялъ жиндир реццги къудратги тӀаса ине гьечӀев ГӀиса МасихӀил цӀарги рехсон, Аллагьасе рецц гьабизе. Амин!
12ЗахӀматаб-къваридаб къо тӀаде бачӀунилан гӀажаиблъи гьабуге, дир хириял, нужеца, хӀикматаб иш лъугьанилан ракӀалдеги ккоге. 13МасихӀие букӀараб гӀадаб гӀазаб-гӀакъуба нужееги насиблъиялдаса рохун рукӀа нуж, гьесул къудрат загьирлъараб къоялъ рохуца холел рукӀине. 14Гьардарал гурищ нуж, МасихӀиде иман лъей сабаблъун инжит-хӀакъир гьарулел ругел, Аллагьасдасан рещтӀараб къудраталъул рухӀ нужелъе лъугьун бугелъулха! 15Бидуласе, цӀогьорасе, яги цогидав такъсирчиясе, ялъуни мацӀихъанасе букӀунеб тамихӀалъул гӀазаб-гӀакъуба хӀехьезе ккогеги нужер цонигияс. 16Амма гьеб кинабго христианав вукӀин сабаблъун кколеб бугони, намуслъизе ккеларо. МасихӀил агьлуялъул вугилан Аллагьасе рецц гьабе. 17Иман лъуразул агьлуялдасан байбихьун, киназего Аллагьас суд гьабулеб заман тӀаде щун буго. Гьес нилъедасан байбихьи гьабулеб бугони, Аллагьасул Рохалил хабаралда божичӀезул ахир кинабдай букӀина? 18ТӀехьалда буго: «Муъминчиясегицин хвасарлъизе захӀмалъулеб мехалда, иман гьечӀев мунагьчиясул щибдай ккела?» – ян. 19Гьединлъидал Аллагьасул къадаралдалъун гӀазаб-гӀакъубаялда ругез лъикӀлъи гьабичӀого тоге, нилъ Рижарасул ва РагӀи холаресул амруялда разилъун чӀа.
Currently Selected:
Пётрил тӀоцебесеб кагъат 4: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Пётрил тӀоцебесеб кагъат 4
4
4 бетӀер
ГӀазаб-гӀакъуба хӀехьеялъул магӀнаги пайдаги
1Жиндир черхалъ гӀазаб-гӀакъуба хӀехьезе ккараб мехалда МасихӀил рукӀарал гӀадинал пикрабаз нужерго ракӀал къвакӀизаре, – черхалъ гӀазаб-гӀакъуба баччизе ккарас мунагьазде мугъ рехулелъулха, 2хутӀараб гӀумру, чорхол гьаваялъе бокьухъе гуреб, Аллагьасул амруялги тӀуразарун, тӀамизелъун. 3Мажусиязе бокьулеб куцалда, пасалъиялдаги чорхол гьаваялдаги хадур ун, гьекъолдулаго, гьакълил рокъоса къватӀире рахъинчӀого кеп-гӀоркьалда ва гьересиаллагьзабазе инжитаб-къабихӀаб гӀибадат гьабулаго тӀамураб гӀеларищ нужеца цебехун букӀараб гӀумру? 4Жидерго гьел гӀасиял ишазулъ нуж гӀахьаллъунгутӀиялда гӀажаиблъи гьабун гьез нуж какулел руго. 5Амма чӀагоязеги хваразеги суд гьабизе къачӀан вугесда цебе жаваб кьезе ккелебха гьез. 6Кинабгоги рижиялъе гӀадин, жидееги суд гьабун букӀарал хвараздаги Рохалил хабар лъазабуна, хварал чагӀигицин, Аллагь гӀадин, хвел гьечӀеллъун лъугьине.
7Гьаб дуниял ахирлъулеб буго. Аллагьасе гьари-дугӀа гьабизе бажарулеб хӀалалда цӀодорго чӀа, ригьун рукӀа. 8РакӀ-ракӀалъго цоцазе рокьа. Гьеб буго аслияб жо – рокьиялъ гӀемерал мунагьал рахчула. 9Нодо букӀкӀинчӀого гьабе цоцазе гьоболлъи. 10Аллагьас нужер щивав чиясе кьураб баркатаб гьунар цоцазе пайдаялъе хӀалтӀизабе, батӀи-батӀиял хъулухъазде тӀамурал лъикӀал чагӀаз гӀадин. 11КӀалалда гьунар бугес вагӀза-насихӀат гьабе, хъулухъалъе гьунар бугес, Аллагьас жиндие кьураб къуват-жаналда рекъон, хъулухъ гьабе, – нужеца гьабулебщиналъухъ гӀадамаз, абадул абадиялъ жиндир реццги къудратги тӀаса ине гьечӀев ГӀиса МасихӀил цӀарги рехсон, Аллагьасе рецц гьабизе. Амин!
12ЗахӀматаб-къваридаб къо тӀаде бачӀунилан гӀажаиблъи гьабуге, дир хириял, нужеца, хӀикматаб иш лъугьанилан ракӀалдеги ккоге. 13МасихӀие букӀараб гӀадаб гӀазаб-гӀакъуба нужееги насиблъиялдаса рохун рукӀа нуж, гьесул къудрат загьирлъараб къоялъ рохуца холел рукӀине. 14Гьардарал гурищ нуж, МасихӀиде иман лъей сабаблъун инжит-хӀакъир гьарулел ругел, Аллагьасдасан рещтӀараб къудраталъул рухӀ нужелъе лъугьун бугелъулха! 15Бидуласе, цӀогьорасе, яги цогидав такъсирчиясе, ялъуни мацӀихъанасе букӀунеб тамихӀалъул гӀазаб-гӀакъуба хӀехьезе ккогеги нужер цонигияс. 16Амма гьеб кинабго христианав вукӀин сабаблъун кколеб бугони, намуслъизе ккеларо. МасихӀил агьлуялъул вугилан Аллагьасе рецц гьабе. 17Иман лъуразул агьлуялдасан байбихьун, киназего Аллагьас суд гьабулеб заман тӀаде щун буго. Гьес нилъедасан байбихьи гьабулеб бугони, Аллагьасул Рохалил хабаралда божичӀезул ахир кинабдай букӀина? 18ТӀехьалда буго: «Муъминчиясегицин хвасарлъизе захӀмалъулеб мехалда, иман гьечӀев мунагьчиясул щибдай ккела?» – ян. 19Гьединлъидал Аллагьасул къадаралдалъун гӀазаб-гӀакъубаялда ругез лъикӀлъи гьабичӀого тоге, нилъ Рижарасул ва РагӀи холаресул амруялда разилъун чӀа.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023