3 Пачаби 9
9
Илгьам лъугьун БетӀергьан вачӀуна Сулейманида цеве
1Сулейманица БЕТӀЕРГЬАНАСУЛ Рукъ, пачаясул кӀалгӀа ва киналго разе къасд гьабуралщинал бакӀал ран лъугӀарабго, 2кӀиабилеб нухалъги илгьам лъугьун, доб Гаваоналдаго гӀадин, БЕТӀЕРГЬАН вачӀана гьесухъе. 3БЕТӀЕРГЬАНАС гьесда абуна:
«Дур дугӀа-гьари Дица къабул гьабуна. Дуца Дие бараб Мукъадасаб Рукъ, абадиялъего гьениб Дир цӀар кӀодо гьабизе букӀине, Дица Диего батӀа гьабуна. Кидаго бер тӀаса босиларо Дица гьелдаса. 4Мунги Дида цеве, дур эмен Давуд гӀадин ракӀбацӀцӀадго ва ритӀухъго хьвадани, Дир тӀолалго амруялги тӀуразаруни ва Дир къануналги амруялги цӀунани, 5„ГӀизраилалъул тахидаса кидаго дур ирсилав камилароян“ Дица дур эмен Давудие кьураб рагӀуда рекъон, Дица ГӀизраилалда тӀад дур пачалъиялъул тах абадиялъего щула гьабила.
6Амма нужеца ва нужер лъималаз Диде мугъ рехани, Дица чӀезарурал ахӀкамалги амруялги тӀуразаричӀони, батӀиял аллагьзабазе бетӀер чӀвани ва гьезул как-диналде руссани, 7Дица дунялалдаса тӀагӀинабила ГӀизраил ва Дица Дирлъун букӀине батӀа гьабураб гьаб Мукъадасаб Рукъги батӀул гьабила. ТӀолалго халкъаз мисал тӀамун бицина гьелъул ва тӀад релъанхъила. 8Гьаб Мукъадасаб Рукъ чӀунтараб чӀвадназул гохӀлъун лъугьина, цинги аскӀоса уневщинас хӀикмалъун гьещтӀела ва абила: „Аб щайдай БЕТӀЕРГЬАНАС гьаб ракьалъе ва гьаб Рукъалъе гьадин гьабураб?“ – ин. 9Ва гьезие жавабалъе абизе буго: „Щайгурелъул гьел, жиндирго умумул Мисриялдаса къватӀире рачарав БЕТӀЕРГЬАНГИ рехун тун, батӀиял аллагьзабазде руссиндал, ва гьезие бетӀерги чӀвайдал, гьезул как-динги гьабидал – гьеле гьеб сабаблъунин БЕТӀЕРГЬАНАС гьеб балагь гьезда тӀаде биччараб“, – ин».
Сулейманил цогидал ишал
10Къого соналда жаниб бана Сулейманица кӀиябго бакӀ – БЕТӀЕРГЬАНАСУЛ Рукъ ва пачаясул кӀалгӀа. 11Хирамица гьесие щвезабулеб букӀана гьесие бокьарабгӀан кедралъул ва кипарисалъул цӀул, ва гьединго месед. Гьесги Тиралъул пача Хирамие Галилеялъул къого шагьар кьуна. 12Амма гьел Сулейманица кьурал шагьаразул хал-шал гьабизе Тиралдаса Хирам вачӀиндал, гьесул ракӀ рекъечӀо гьезда.
13«Я дир вац, гьал щал шагьарал дуца дие кьурал?» – ин кӀалъана гьев.
Гьес гьезда Кабул#9:13 Кабул – пайда гьечӀеб ракь абураб магӀна батизе бегьула гьаб рагӀул. абун цӀар лъуна. Гьеб цӀар жакъа къо щвезегӀанги хутӀана гьезда тӀад.
14Хирамица пачаясе нусиялда къого талант#9:14 120 талант – гӀага-шагарго 4,3 тонна. меседил битӀана.
15Сулейманица буюрухъги кьун гӀадамал лагъзаллъун гьарун хӀалтӀизе рахъинариялъе гьадинаб гӀилла букӀана. Гьес гьел хӀалтӀизаруна БЕТӀЕРГЬАНАСУЛ Рукъ базе, гьединго жиндирго кӀалгӀа, Милло абураб щулалъи, Иерусалималъул къед, Хацор, Мегиддо ва Гезер абурал шагьаралги разе гӀоло. 16Мисриялъул пиргӀавнас тӀадеги кӀанцӀун бахъун букӀана Гезер. Гьес гьеб цӀа гъун бухӀана, гьениб букӀараб ханааниязул халкъги гъурана ва жиндирго ясалъе – Сулейманил лъадуе – бахӀаралъул сайгъатлъун кьуна гьеб. 17Сулейманица цӀидасан бана Гезер, гъоркьияб Бет-Хорон, 18БагӀалат шагьар ва Ягьудиялъул авлахъалда Тамарги. 19Гьединго нахърателал жанир цӀунулел киналго шагьаралги, жиндирго чолгьаказе ва чотӀахъабазе шагьаралги рана. Иерусалималда, Ливаналда ва киналго гьесул нухмалъиялда гъоркь рукӀарал ракьазда жиндиего бокьарабщинаб бакӀ бана Сулейманица.
20-21ТӀуран гъурун тӀагӀинаризе кӀвечӀого хутӀарал, гӀизраилал гурел халкъазул – амориязул, хитиязул, перизиязул, хивиязул ва евусиязул наслаби Сулейманица лагъзаллъун гьарун хӀалтӀизаруна – жакъа къоялде щвезегӀанги гьеб гьедин буго. 22Амма гӀизраилал лагъзаллъун гьаричӀо Сулейманица, гьел рукӀана гьесул рагъухъабилъун, хъулухъчагӀилъун, аскаразул бутӀруллъун, чолгьаказул ва чотӀахъабазул бутӀруллъун. 23Жеги гьел рукӀана гьесул бакӀал раялъул аслиял церехъабилъун – щунусиялда кӀикъоялда анцӀго хӀалтӀухъабазул бетӀер вукӀана гьесул.
24Давудил Шагьаралда йикӀарай пиргӀавнасул яс, Сулейманица гьелъие бараб кӀалгӀаялъуе яхъана; гьебго заманалда гьес Миллоги бана.
25БЕТӀЕРГЬАНАСЕ бараб къурбаналъе бакӀалда тӀад, лъагӀалида жаниб лъабго нухалъ БЕТӀЕРГЬАНАСЕ тӀуран рухӀулел къурбанал ва ракълил къурбанал хъолаан Сулейманица, цадахъго махӀгьуинал нахалги рухӀулаан. Гьедин лъугӀизабуна Мукъадасаб Рукъ баялъул хӀалтӀи.
26Гьединго Сулейманица Эдомалъул ракьалда, Элаталда аскӀоб бугеб Эцион-Гевералда, БагӀараб ралъдал рагӀалда гумулги рана. 27Хирамица Сулейманил гамихъабазда цадахъ жиндирго чагӀи ритӀана – хӀалбихьи бугел, ралъад лъикӀ лъалел гамихъаби. 28Гьел Офиралде ана, гьениса ункънусиялда къого талант#9:28 420 талант – гӀага-шагарго 15 тонна. меседалъул бачӀана гьез ва гьеб Сулейман пачаясухъе щвезабуна.
Currently Selected:
3 Пачаби 9: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
3 Пачаби 9
9
Илгьам лъугьун БетӀергьан вачӀуна Сулейманида цеве
1Сулейманица БЕТӀЕРГЬАНАСУЛ Рукъ, пачаясул кӀалгӀа ва киналго разе къасд гьабуралщинал бакӀал ран лъугӀарабго, 2кӀиабилеб нухалъги илгьам лъугьун, доб Гаваоналдаго гӀадин, БЕТӀЕРГЬАН вачӀана гьесухъе. 3БЕТӀЕРГЬАНАС гьесда абуна:
«Дур дугӀа-гьари Дица къабул гьабуна. Дуца Дие бараб Мукъадасаб Рукъ, абадиялъего гьениб Дир цӀар кӀодо гьабизе букӀине, Дица Диего батӀа гьабуна. Кидаго бер тӀаса босиларо Дица гьелдаса. 4Мунги Дида цеве, дур эмен Давуд гӀадин ракӀбацӀцӀадго ва ритӀухъго хьвадани, Дир тӀолалго амруялги тӀуразаруни ва Дир къануналги амруялги цӀунани, 5„ГӀизраилалъул тахидаса кидаго дур ирсилав камилароян“ Дица дур эмен Давудие кьураб рагӀуда рекъон, Дица ГӀизраилалда тӀад дур пачалъиялъул тах абадиялъего щула гьабила.
6Амма нужеца ва нужер лъималаз Диде мугъ рехани, Дица чӀезарурал ахӀкамалги амруялги тӀуразаричӀони, батӀиял аллагьзабазе бетӀер чӀвани ва гьезул как-диналде руссани, 7Дица дунялалдаса тӀагӀинабила ГӀизраил ва Дица Дирлъун букӀине батӀа гьабураб гьаб Мукъадасаб Рукъги батӀул гьабила. ТӀолалго халкъаз мисал тӀамун бицина гьелъул ва тӀад релъанхъила. 8Гьаб Мукъадасаб Рукъ чӀунтараб чӀвадназул гохӀлъун лъугьина, цинги аскӀоса уневщинас хӀикмалъун гьещтӀела ва абила: „Аб щайдай БЕТӀЕРГЬАНАС гьаб ракьалъе ва гьаб Рукъалъе гьадин гьабураб?“ – ин. 9Ва гьезие жавабалъе абизе буго: „Щайгурелъул гьел, жиндирго умумул Мисриялдаса къватӀире рачарав БЕТӀЕРГЬАНГИ рехун тун, батӀиял аллагьзабазде руссиндал, ва гьезие бетӀерги чӀвайдал, гьезул как-динги гьабидал – гьеле гьеб сабаблъунин БЕТӀЕРГЬАНАС гьеб балагь гьезда тӀаде биччараб“, – ин».
Сулейманил цогидал ишал
10Къого соналда жаниб бана Сулейманица кӀиябго бакӀ – БЕТӀЕРГЬАНАСУЛ Рукъ ва пачаясул кӀалгӀа. 11Хирамица гьесие щвезабулеб букӀана гьесие бокьарабгӀан кедралъул ва кипарисалъул цӀул, ва гьединго месед. Гьесги Тиралъул пача Хирамие Галилеялъул къого шагьар кьуна. 12Амма гьел Сулейманица кьурал шагьаразул хал-шал гьабизе Тиралдаса Хирам вачӀиндал, гьесул ракӀ рекъечӀо гьезда.
13«Я дир вац, гьал щал шагьарал дуца дие кьурал?» – ин кӀалъана гьев.
Гьес гьезда Кабул#9:13 Кабул – пайда гьечӀеб ракь абураб магӀна батизе бегьула гьаб рагӀул. абун цӀар лъуна. Гьеб цӀар жакъа къо щвезегӀанги хутӀана гьезда тӀад.
14Хирамица пачаясе нусиялда къого талант#9:14 120 талант – гӀага-шагарго 4,3 тонна. меседил битӀана.
15Сулейманица буюрухъги кьун гӀадамал лагъзаллъун гьарун хӀалтӀизе рахъинариялъе гьадинаб гӀилла букӀана. Гьес гьел хӀалтӀизаруна БЕТӀЕРГЬАНАСУЛ Рукъ базе, гьединго жиндирго кӀалгӀа, Милло абураб щулалъи, Иерусалималъул къед, Хацор, Мегиддо ва Гезер абурал шагьаралги разе гӀоло. 16Мисриялъул пиргӀавнас тӀадеги кӀанцӀун бахъун букӀана Гезер. Гьес гьеб цӀа гъун бухӀана, гьениб букӀараб ханааниязул халкъги гъурана ва жиндирго ясалъе – Сулейманил лъадуе – бахӀаралъул сайгъатлъун кьуна гьеб. 17Сулейманица цӀидасан бана Гезер, гъоркьияб Бет-Хорон, 18БагӀалат шагьар ва Ягьудиялъул авлахъалда Тамарги. 19Гьединго нахърателал жанир цӀунулел киналго шагьаралги, жиндирго чолгьаказе ва чотӀахъабазе шагьаралги рана. Иерусалималда, Ливаналда ва киналго гьесул нухмалъиялда гъоркь рукӀарал ракьазда жиндиего бокьарабщинаб бакӀ бана Сулейманица.
20-21ТӀуран гъурун тӀагӀинаризе кӀвечӀого хутӀарал, гӀизраилал гурел халкъазул – амориязул, хитиязул, перизиязул, хивиязул ва евусиязул наслаби Сулейманица лагъзаллъун гьарун хӀалтӀизаруна – жакъа къоялде щвезегӀанги гьеб гьедин буго. 22Амма гӀизраилал лагъзаллъун гьаричӀо Сулейманица, гьел рукӀана гьесул рагъухъабилъун, хъулухъчагӀилъун, аскаразул бутӀруллъун, чолгьаказул ва чотӀахъабазул бутӀруллъун. 23Жеги гьел рукӀана гьесул бакӀал раялъул аслиял церехъабилъун – щунусиялда кӀикъоялда анцӀго хӀалтӀухъабазул бетӀер вукӀана гьесул.
24Давудил Шагьаралда йикӀарай пиргӀавнасул яс, Сулейманица гьелъие бараб кӀалгӀаялъуе яхъана; гьебго заманалда гьес Миллоги бана.
25БЕТӀЕРГЬАНАСЕ бараб къурбаналъе бакӀалда тӀад, лъагӀалида жаниб лъабго нухалъ БЕТӀЕРГЬАНАСЕ тӀуран рухӀулел къурбанал ва ракълил къурбанал хъолаан Сулейманица, цадахъго махӀгьуинал нахалги рухӀулаан. Гьедин лъугӀизабуна Мукъадасаб Рукъ баялъул хӀалтӀи.
26Гьединго Сулейманица Эдомалъул ракьалда, Элаталда аскӀоб бугеб Эцион-Гевералда, БагӀараб ралъдал рагӀалда гумулги рана. 27Хирамица Сулейманил гамихъабазда цадахъ жиндирго чагӀи ритӀана – хӀалбихьи бугел, ралъад лъикӀ лъалел гамихъаби. 28Гьел Офиралде ана, гьениса ункънусиялда къого талант#9:28 420 талант – гӀага-шагарго 15 тонна. меседалъул бачӀана гьез ва гьеб Сулейман пачаясухъе щвезабуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023