3 Пачаби 7
7
Сулейманил кӀалгӀа
1Хадуб Сулейманица жиндиего кӀалгӀа бана. Гьеб кӀалгӀа рагӀа-ракьанде щун бан лъугӀизабизе анцӀила лъабго сон ана. 2«Ливаналъул рохьил кӀалгӀа» абулеб бакӀ бана гьес нусго натӀалъ халатаб, кӀикъоялда анцӀго натӀалъ гӀебаб ва лъеберго натӀалъ борхатаб. Ункъо кьер кедралъул хӀубазул эхетана рахал кквезе. 3ХӀубазда тӀад лъурал рахазда тӀасан кедралъул хъарщи кьабун тӀох гьабуна, кинабниги гьениб кӀикъоялда щуго рахи лъун букӀана, анцӀила щу-щу жиб-жиб кьералда. 4КӀалгӀаялъул гордал лъаб-лъаб цо кьерда ва лъабго мухъалда гьаруна, цоцада дандритӀун. 5Киналго нуцӀбиги гордалги ункъбокӀонал рукӀана, ва гордазул лъаб-лъаб кьер гьабуна цоцада дандритӀун.
6КӀудияб, хӀубал жанир эхетараб рукъги бана Сулейманица кӀикъоялда анцӀго натӀалъ халатаб ва лъеберго натӀалъ гӀебаб. Гьелда цебе бана рагъи ва гьелъул тӀох кквезеги хӀубал эхетана.
7Гьединго пачаясул кӀудияб «Диваналъул Рукъ» бана ва гьениб кедралъул хъарщи кьабуна гӀодоса мокърукье щвезегӀан. 8Гьесул живго вега-вахъулеб рукъги букӀана гьелдаго релълъараб, гьеб рукъалъул нахъисеб рахъалда, цогидаб азбаралда. Жиндицаго ячарай пиргӀавнасул ясалъеги бана Сулейманица гьелдаго релълъараб рукъ.
9КьочӀодаса бахъараб мокърукье щвезегӀан гьел киналго бакӀал, къватӀиса рахъгун цадахъ кӀудияб азбаралде щвезегӀан, бекӀун ва хъухъадироялъ цо роценалда рекъон, цересаги нахъасаги хъухъан къачӀарал багьаял ганчӀазул гьаруна. 10КьочӀое лъуна анцӀго ва микьго натӀ бугел чӀахӀиял багьаял ганчӀал. 11Гьезда тӀасанги лъуна багьаяб бекӀун рекъезабураб гамачӀ ва кедралъул рахал. 12КӀудияб азбар сверун ккун бана лъаб-лъаб кьер бекӀараб гамачӀ ва цо-цо кьер кедралъул чӀалаби лъун гьабураб къед. БЕТӀЕРГЬАНАСУЛ Рукъалъул жанибе бачараб азбаралда ва Рукъалъул рагъиялда релълъун гьабуна гьеб.
Хирам – пахь-мазгаралъул устар
13Сулейман пачаяс хадув чиги витӀун жиндихъего Тиралдаса Хирам ахӀана. 14Гьев вукӀана Нафталил къавмалъул цо къоролалъул вас. Гьесул эменги вукӀана Тиралдаса маххул устар. Мазгарул киналго хӀалтӀабазе лъикӀаб хӀалбихьиги махщелги букӀана Хирамил. Гьев Сулейманихъе вачӀана ва гьес кинабго гьесда тӀадкъарабщинаб хӀалтӀи тӀубазабуна.
КӀиго мазгарул хӀуби
15Гьес гьабуна кӀиго мазгаралъул хӀуби. Гьелъул цояб анцӀила микьго натӀалъ борхатаб букӀана ва гьелда сверунги анцӀила кӀиго натӀ букӀана. КӀиабилеб хӀубиги гьелда бащадаб букӀана. 16Жеги гьес хӀубазда тӀад лъезе, мазгаралъул биун тӀун, кӀиго хӀобокькквел гьабуна. Жиб-жиб хӀобокькквел букӀана щуго натӀалъ борхатаб. 17Гьел хӀубазул жиб-жибалда тӀад лъураб хӀобокькквел хьухьарал рахсазул гьинги бигъун къачӀана. 18Цинги хӀубазул хӀобокькквелал къачӀазе жиб-жиб гьин сверун ккун гьабуна кӀи-кӀи кьер соноялъул суратазул. КӀиябго хӀобокькквел цоцада релълъун гьабуна. 19Рагъида чӀарал хӀубазул хӀобокькквелал ункъо натӀалъ рорхатго ва гагалидул сураталда релълъун гьаруна. 20КӀиябго хӀобол хӀобокькквелазда тӀад, гьел сверун, гьиналда аскӀоса гӀебеде кьер-кьерккун лъуна кӀинусго соноялъул суратал.
21Гьел хӀубал гьес БетӀергьанасул Рукъалъул рагъида эхетана. Кваранаб рахъалда эхетизабураб хӀобода Яхин абун, квегӀаб рахъалда эхетизабуралда БогӀаз абун цӀар лъуна. 22ХӀубазда тӀад гагалидул сураталда гьарурал хӀобокькквелалги лъуна. Гьединан ахиралде щвезабуна хӀубазул хӀалтӀи.
Мазгарул хӀавуз
23Мазгар биун тӀун гьабуна анцӀго натӀалъ гӀебаб ва щуго натӀалъ борхатаб, гургинаб, «Ралъад» абун цӀар лъураб хӀавуз. Гьелъул мицӀир сверун лъеберго натӀ букӀана. 24Гъоркьехун гьеб сверун ккун кӀиго кьер гьитӀинаб хъабхъида релълъарал суратазул гьабуна – анцӀ-анцӀ жо рекъезабуна цо-цо натӀалъул манзилалда. ХӀавузалда цадахъго риун тӀун гьарун рукӀана гьел.
25ХӀавуз анцӀила кӀиго мазгарул оцода тӀад эхетизабуна. Гьезул лъабго оц шималияб, лъабго бакътӀерхьул, лъабго къилбаялъул ва лъабго бакъбаккул рахъалде ралагьун лъуна. БутӀрулги къватӀирехун ралагьун эхетизаруна гьел оцал. 26Цо рокьоялъ биццатаб букӀана гьеб хӀавуз. Гьелъул мицӀир, щурмил мицӀиралда релълъараб, гагалидул тӀегь гӀадаб букӀана. КӀиазарго бат#7:26 2000 бат – 44 000 литра. унаан гьелда жанибе.
Мазгарул гьакал
27Жеги гьес гьабуна анцӀго мазгарул гьоко#7:27 Мазгарул гьоко – хӀерчазе гъоркьлъел.; гьезул жиб-жибаб букӀана ункъо натӀалъ халатаб, ункъо натӀалъ гӀебаб ва лъабго натӀалъ борхатаб. 28Гьезул гӀуцӀи гьадинаб букӀана: Гьакил жиб-жиб рахъалда рамаялда жанире рачун, ункъбокӀонал мазгарул тӀанчал рекъезаруна. 29Гьел тӀанчазда тӀад ва гьел жанире рачарал рамабазда тӀад рикӀун рукӀана гъалбацӀазул, оцазул ва хъерувимазул суратал. ГъалбацӀазда ва оцазда тӀадехунги гъоркьахунги рачитӀа рухун гьарурал тажал рукӀана. 30Жиб-жиб гьакил букӀана мазгаралъул хӀосалги ругеб, жибго мазгаралъул гьабураб ункъо гьакибер. Гьаказда тӀад, гьезул ункъалго бокӀназда риун тӀун гьарурал, тӀад накъишалги рахъарал цӀутӀелал рукӀана – хӀерчазе. 31Гьакида тӀад хӀерч кквезе гор лъуна – гьелъул хӀатӀалгун цадахъ борцун, цо натӀалъ борхатаб ва натӀгин бащдалъ гӀебаб букӀана гьеб гор. Гьелда свера-тирун рекъезарурал мазгарул тӀанчалги гургинал гурел, ункъбокӀонал рукӀана, гьезда тӀадги рачитӀа рухун гьарурал батӀи-батӀиял суратал рахъана.
32Гьакил мазгарул тӀанчазда гъоркьехун рекъезарун рукӀана гьакиберал. Гьезул хӀосал гьаказда цадахъго риун тӀун гьаруна. Жиб-жиб гьакибер натӀгин бащдалъ борхатаб букӀана. 33Чолгьаказе гӀадин гьаруна гьакиберал: хӀос, горал, гӀучӀал, гьакил ражихаби – кинабго мазгар биун тӀун гьабуна.
34Жиб-жиб гьакил ункъ-ункъ гӀоркь букӀана щибаб сибилалда. Гьелги гьакида цадахъго риун тӀун гьаруна. 35Жиб-жиб гьакида тӀад бащдаб натӀалъ борхатго гор лъуна. Гьелъул гӀоркьалги гьелда цадахъго риун тӀун гьаруна. 36Гьаказда ккурал мазгарул тӀанчазда тӀад киса-кибего рачитӀа рухун хъерувимазул, гъалбацӀазул ва чамасдакил гъутӀбузул гӀаркьалабазул суратал ва тажал рахъана. 37Гьедин гьаруна гьес анцӀалго гьакал. Гьел киналго цоцада релълъун ва цо роценалда гьарун рукӀана.
38Хадуб гьес анцӀго кӀудияб мазгарул хӀерч гьабуна. Гьезул щибалъубе жанибе кӀикъого бат#7:38 40 бат – 880 литра. унаан ва гьел ункъо натӀалъ гӀебал рукӀана; жиб-жиб гьакие цо-цо кӀудияб хӀерч гьабуна. 39Гьес щуго гьоко Рукъалъул къилбаялъул рахъалда ва щуго гьоко шималияб рахъалда лъуна. «Ралъад» гьес Рукъалъул къилбаялъулгун бакъбаккул сибилалда лъуна.
40Хирамица жеги тӀарсал, гулдул ва щурмал гьаруна.
БетӀергьанасул Рукъалъул тӀагӀелазул сияхӀ
Гьелдалъун Хирамица БЕТӀЕРГЬАНАСУЛ Рокъоб Сулеймание гьабулеб букӀараб кинабго хӀалтӀи лъугӀизабуна. Гьес гьабуна:
41КӀиго хӀуби; гьел хӀубазе кӀиго щурмазул куцалда гьарурал хӀобокькквелал,
гьел хӀобокькквелал къачӀазе кӀиго гьинкатан,
42кӀиго гьинкатаналъе ункънусго соно (щурмил куц бугел хӀобокькквелал къачӀазе гьабураб щибаб гьиналъе кӀи-кӀи кьер соноялъул),
43хӀерчалгун цадахъ анцӀго гьоко,
44«Ралъад» ва гьелда гъоркь анцӀила кӀиго оц,
45хъуби, гулдул ва щурмал.
Киналго Хирамица Сулеймание БЕТӀЕРГЬАНАСУЛ Рукъалъе гьарурал тӀагӀелал рукӀана цӀвакизабураб мазгаралъул. 46Сукоталдаги Цартаналдаги гьоркьоб бугеб Иорданалъул расалъиялда, щагӀил гъалипазухъе риун тӀун гьаре гьелин буюрухъ кьун букӀана пачаяс. 47Гьел киналго тӀагӀелазул гӀемерлъиялъ Сулейманица гьел цӀачӀого тана. Пахь-мазгаралъул цӀайи рикӀкӀун бажаричӀо.
48БЕТӀЕРГЬАНАСУЛ Рукъалъул жанисеб рахъалъеги киналго хӀажаталщинал тӀагӀелал гьаруна Сулейманица:
меседалъул гьабураб къурбаналъе бакӀ,
мукъадасаб чед тӀад лъолеб бакӀ, 49бацӀцӀадаб меседалъул гьарурал нахучирахъал лъолел жал (Бищунго Мукъадасаб бакӀалда цебесеб рокъоб, кваранаб рахъалда щуго ва квегӀаб рахъалда щуго жо),
меседил тӀугьдул, гьитӀинал нахучирахъал ва гъуцӀдул, 50суркӀаби, нусал, щурмал, гьитӀинал тӀарсал ва кьеккен жаниб бухӀулел рагӀал – гьеб кинабго бацӀцӀадаб меседалъул.
Жеги гьес гьаруна Бищунго Хирияб Мукъадасеб БакӀалъул нуцӀбузе ва Рукъалъул къватӀиса нуцӀбузе, меседил нукьдул.
51Сулейманица БЕТӀЕРГЬАНАСУЛ Рукъалъе гьабулеб тӀолабго хӀалтӀи ахиралде щварабго, гьес жиндирго эмен Давудица данде гьабун тараб гӀарац, месед ва тӀагӀелал росана гьенире, ва БетӀергьанасул Рукъалъул хазина цӀунулеб бакӀалда лъуна.
Currently Selected:
3 Пачаби 7: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
3 Пачаби 7
7
Сулейманил кӀалгӀа
1Хадуб Сулейманица жиндиего кӀалгӀа бана. Гьеб кӀалгӀа рагӀа-ракьанде щун бан лъугӀизабизе анцӀила лъабго сон ана. 2«Ливаналъул рохьил кӀалгӀа» абулеб бакӀ бана гьес нусго натӀалъ халатаб, кӀикъоялда анцӀго натӀалъ гӀебаб ва лъеберго натӀалъ борхатаб. Ункъо кьер кедралъул хӀубазул эхетана рахал кквезе. 3ХӀубазда тӀад лъурал рахазда тӀасан кедралъул хъарщи кьабун тӀох гьабуна, кинабниги гьениб кӀикъоялда щуго рахи лъун букӀана, анцӀила щу-щу жиб-жиб кьералда. 4КӀалгӀаялъул гордал лъаб-лъаб цо кьерда ва лъабго мухъалда гьаруна, цоцада дандритӀун. 5Киналго нуцӀбиги гордалги ункъбокӀонал рукӀана, ва гордазул лъаб-лъаб кьер гьабуна цоцада дандритӀун.
6КӀудияб, хӀубал жанир эхетараб рукъги бана Сулейманица кӀикъоялда анцӀго натӀалъ халатаб ва лъеберго натӀалъ гӀебаб. Гьелда цебе бана рагъи ва гьелъул тӀох кквезеги хӀубал эхетана.
7Гьединго пачаясул кӀудияб «Диваналъул Рукъ» бана ва гьениб кедралъул хъарщи кьабуна гӀодоса мокърукье щвезегӀан. 8Гьесул живго вега-вахъулеб рукъги букӀана гьелдаго релълъараб, гьеб рукъалъул нахъисеб рахъалда, цогидаб азбаралда. Жиндицаго ячарай пиргӀавнасул ясалъеги бана Сулейманица гьелдаго релълъараб рукъ.
9КьочӀодаса бахъараб мокърукье щвезегӀан гьел киналго бакӀал, къватӀиса рахъгун цадахъ кӀудияб азбаралде щвезегӀан, бекӀун ва хъухъадироялъ цо роценалда рекъон, цересаги нахъасаги хъухъан къачӀарал багьаял ганчӀазул гьаруна. 10КьочӀое лъуна анцӀго ва микьго натӀ бугел чӀахӀиял багьаял ганчӀал. 11Гьезда тӀасанги лъуна багьаяб бекӀун рекъезабураб гамачӀ ва кедралъул рахал. 12КӀудияб азбар сверун ккун бана лъаб-лъаб кьер бекӀараб гамачӀ ва цо-цо кьер кедралъул чӀалаби лъун гьабураб къед. БЕТӀЕРГЬАНАСУЛ Рукъалъул жанибе бачараб азбаралда ва Рукъалъул рагъиялда релълъун гьабуна гьеб.
Хирам – пахь-мазгаралъул устар
13Сулейман пачаяс хадув чиги витӀун жиндихъего Тиралдаса Хирам ахӀана. 14Гьев вукӀана Нафталил къавмалъул цо къоролалъул вас. Гьесул эменги вукӀана Тиралдаса маххул устар. Мазгарул киналго хӀалтӀабазе лъикӀаб хӀалбихьиги махщелги букӀана Хирамил. Гьев Сулейманихъе вачӀана ва гьес кинабго гьесда тӀадкъарабщинаб хӀалтӀи тӀубазабуна.
КӀиго мазгарул хӀуби
15Гьес гьабуна кӀиго мазгаралъул хӀуби. Гьелъул цояб анцӀила микьго натӀалъ борхатаб букӀана ва гьелда сверунги анцӀила кӀиго натӀ букӀана. КӀиабилеб хӀубиги гьелда бащадаб букӀана. 16Жеги гьес хӀубазда тӀад лъезе, мазгаралъул биун тӀун, кӀиго хӀобокькквел гьабуна. Жиб-жиб хӀобокькквел букӀана щуго натӀалъ борхатаб. 17Гьел хӀубазул жиб-жибалда тӀад лъураб хӀобокькквел хьухьарал рахсазул гьинги бигъун къачӀана. 18Цинги хӀубазул хӀобокькквелал къачӀазе жиб-жиб гьин сверун ккун гьабуна кӀи-кӀи кьер соноялъул суратазул. КӀиябго хӀобокькквел цоцада релълъун гьабуна. 19Рагъида чӀарал хӀубазул хӀобокькквелал ункъо натӀалъ рорхатго ва гагалидул сураталда релълъун гьаруна. 20КӀиябго хӀобол хӀобокькквелазда тӀад, гьел сверун, гьиналда аскӀоса гӀебеде кьер-кьерккун лъуна кӀинусго соноялъул суратал.
21Гьел хӀубал гьес БетӀергьанасул Рукъалъул рагъида эхетана. Кваранаб рахъалда эхетизабураб хӀобода Яхин абун, квегӀаб рахъалда эхетизабуралда БогӀаз абун цӀар лъуна. 22ХӀубазда тӀад гагалидул сураталда гьарурал хӀобокькквелалги лъуна. Гьединан ахиралде щвезабуна хӀубазул хӀалтӀи.
Мазгарул хӀавуз
23Мазгар биун тӀун гьабуна анцӀго натӀалъ гӀебаб ва щуго натӀалъ борхатаб, гургинаб, «Ралъад» абун цӀар лъураб хӀавуз. Гьелъул мицӀир сверун лъеберго натӀ букӀана. 24Гъоркьехун гьеб сверун ккун кӀиго кьер гьитӀинаб хъабхъида релълъарал суратазул гьабуна – анцӀ-анцӀ жо рекъезабуна цо-цо натӀалъул манзилалда. ХӀавузалда цадахъго риун тӀун гьарун рукӀана гьел.
25ХӀавуз анцӀила кӀиго мазгарул оцода тӀад эхетизабуна. Гьезул лъабго оц шималияб, лъабго бакътӀерхьул, лъабго къилбаялъул ва лъабго бакъбаккул рахъалде ралагьун лъуна. БутӀрулги къватӀирехун ралагьун эхетизаруна гьел оцал. 26Цо рокьоялъ биццатаб букӀана гьеб хӀавуз. Гьелъул мицӀир, щурмил мицӀиралда релълъараб, гагалидул тӀегь гӀадаб букӀана. КӀиазарго бат#7:26 2000 бат – 44 000 литра. унаан гьелда жанибе.
Мазгарул гьакал
27Жеги гьес гьабуна анцӀго мазгарул гьоко#7:27 Мазгарул гьоко – хӀерчазе гъоркьлъел.; гьезул жиб-жибаб букӀана ункъо натӀалъ халатаб, ункъо натӀалъ гӀебаб ва лъабго натӀалъ борхатаб. 28Гьезул гӀуцӀи гьадинаб букӀана: Гьакил жиб-жиб рахъалда рамаялда жанире рачун, ункъбокӀонал мазгарул тӀанчал рекъезаруна. 29Гьел тӀанчазда тӀад ва гьел жанире рачарал рамабазда тӀад рикӀун рукӀана гъалбацӀазул, оцазул ва хъерувимазул суратал. ГъалбацӀазда ва оцазда тӀадехунги гъоркьахунги рачитӀа рухун гьарурал тажал рукӀана. 30Жиб-жиб гьакил букӀана мазгаралъул хӀосалги ругеб, жибго мазгаралъул гьабураб ункъо гьакибер. Гьаказда тӀад, гьезул ункъалго бокӀназда риун тӀун гьарурал, тӀад накъишалги рахъарал цӀутӀелал рукӀана – хӀерчазе. 31Гьакида тӀад хӀерч кквезе гор лъуна – гьелъул хӀатӀалгун цадахъ борцун, цо натӀалъ борхатаб ва натӀгин бащдалъ гӀебаб букӀана гьеб гор. Гьелда свера-тирун рекъезарурал мазгарул тӀанчалги гургинал гурел, ункъбокӀонал рукӀана, гьезда тӀадги рачитӀа рухун гьарурал батӀи-батӀиял суратал рахъана.
32Гьакил мазгарул тӀанчазда гъоркьехун рекъезарун рукӀана гьакиберал. Гьезул хӀосал гьаказда цадахъго риун тӀун гьаруна. Жиб-жиб гьакибер натӀгин бащдалъ борхатаб букӀана. 33Чолгьаказе гӀадин гьаруна гьакиберал: хӀос, горал, гӀучӀал, гьакил ражихаби – кинабго мазгар биун тӀун гьабуна.
34Жиб-жиб гьакил ункъ-ункъ гӀоркь букӀана щибаб сибилалда. Гьелги гьакида цадахъго риун тӀун гьаруна. 35Жиб-жиб гьакида тӀад бащдаб натӀалъ борхатго гор лъуна. Гьелъул гӀоркьалги гьелда цадахъго риун тӀун гьаруна. 36Гьаказда ккурал мазгарул тӀанчазда тӀад киса-кибего рачитӀа рухун хъерувимазул, гъалбацӀазул ва чамасдакил гъутӀбузул гӀаркьалабазул суратал ва тажал рахъана. 37Гьедин гьаруна гьес анцӀалго гьакал. Гьел киналго цоцада релълъун ва цо роценалда гьарун рукӀана.
38Хадуб гьес анцӀго кӀудияб мазгарул хӀерч гьабуна. Гьезул щибалъубе жанибе кӀикъого бат#7:38 40 бат – 880 литра. унаан ва гьел ункъо натӀалъ гӀебал рукӀана; жиб-жиб гьакие цо-цо кӀудияб хӀерч гьабуна. 39Гьес щуго гьоко Рукъалъул къилбаялъул рахъалда ва щуго гьоко шималияб рахъалда лъуна. «Ралъад» гьес Рукъалъул къилбаялъулгун бакъбаккул сибилалда лъуна.
40Хирамица жеги тӀарсал, гулдул ва щурмал гьаруна.
БетӀергьанасул Рукъалъул тӀагӀелазул сияхӀ
Гьелдалъун Хирамица БЕТӀЕРГЬАНАСУЛ Рокъоб Сулеймание гьабулеб букӀараб кинабго хӀалтӀи лъугӀизабуна. Гьес гьабуна:
41КӀиго хӀуби; гьел хӀубазе кӀиго щурмазул куцалда гьарурал хӀобокькквелал,
гьел хӀобокькквелал къачӀазе кӀиго гьинкатан,
42кӀиго гьинкатаналъе ункънусго соно (щурмил куц бугел хӀобокькквелал къачӀазе гьабураб щибаб гьиналъе кӀи-кӀи кьер соноялъул),
43хӀерчалгун цадахъ анцӀго гьоко,
44«Ралъад» ва гьелда гъоркь анцӀила кӀиго оц,
45хъуби, гулдул ва щурмал.
Киналго Хирамица Сулеймание БЕТӀЕРГЬАНАСУЛ Рукъалъе гьарурал тӀагӀелал рукӀана цӀвакизабураб мазгаралъул. 46Сукоталдаги Цартаналдаги гьоркьоб бугеб Иорданалъул расалъиялда, щагӀил гъалипазухъе риун тӀун гьаре гьелин буюрухъ кьун букӀана пачаяс. 47Гьел киналго тӀагӀелазул гӀемерлъиялъ Сулейманица гьел цӀачӀого тана. Пахь-мазгаралъул цӀайи рикӀкӀун бажаричӀо.
48БЕТӀЕРГЬАНАСУЛ Рукъалъул жанисеб рахъалъеги киналго хӀажаталщинал тӀагӀелал гьаруна Сулейманица:
меседалъул гьабураб къурбаналъе бакӀ,
мукъадасаб чед тӀад лъолеб бакӀ, 49бацӀцӀадаб меседалъул гьарурал нахучирахъал лъолел жал (Бищунго Мукъадасаб бакӀалда цебесеб рокъоб, кваранаб рахъалда щуго ва квегӀаб рахъалда щуго жо),
меседил тӀугьдул, гьитӀинал нахучирахъал ва гъуцӀдул, 50суркӀаби, нусал, щурмал, гьитӀинал тӀарсал ва кьеккен жаниб бухӀулел рагӀал – гьеб кинабго бацӀцӀадаб меседалъул.
Жеги гьес гьаруна Бищунго Хирияб Мукъадасеб БакӀалъул нуцӀбузе ва Рукъалъул къватӀиса нуцӀбузе, меседил нукьдул.
51Сулейманица БЕТӀЕРГЬАНАСУЛ Рукъалъе гьабулеб тӀолабго хӀалтӀи ахиралде щварабго, гьес жиндирго эмен Давудица данде гьабун тараб гӀарац, месед ва тӀагӀелал росана гьенире, ва БетӀергьанасул Рукъалъул хазина цӀунулеб бакӀалда лъуна.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023