3 Пачаби 3
3
Сулейманица гӀакълу гьари
1Сулейман, Мисриялъул пиргӀавнасул#3:1 ПиргӀавн – Мисриялъул пачаясда пиргӀавнилан абулаан. ясги ячун, гьесул дурцлъун вахъана. Жиндирго кӀалгӀа, БЕТӀЕРГЬАНАСУЛ Мукъадасаб Рукъ ва Иерусалим сверун къараб къед бан лъугӀизегӀан, гьес гьей Давудил Шагьаралде яхъинаюна.
2Халкъалъ цебего гӀадин батӀи-батӀиял мукъадасал бакӀазда хъолел рукӀана къурбанал, щайгурелъул БЕТӀЕРГЬАНАСУЛ Мукъадасаб Рукъ жеги бан букӀинчӀелъул. 3Сулейман жиндирго инсул амруялда рекъон хьвадана ва гьесие БЕТӀЕРГЬАН хиралъана, амма гьесги гьелго бакӀазда хъолаан къурбанал ва кьеккеналъе махӀ гьуинал нахалги рухӀулаан.
4Цо къоялъ пача Гаваоналде вилълъана къурбан хъвезе – гьениб букӀиндал бищун кӀудияб, бетӀераб мукъадасаб бакӀ – азарго жо хъуна гьес гьениб ва къурбаналъе бакӀалда тӀад бухӀана. 5Гьениб, Гаваоналда, къаси макьилъ илгьам гьабун БЕТӀЕРГЬАН вачӀана Сулейманихъе ва Аллагьас гьесдехун калам гьабуна: «Щиб бокьаниги гьаре Дида».
6Сулейманица жаваб кьун абуна:
«Дир эмен Давудида кӀудияб цӀоб лъуна Дуца; гьев Дуда цеве ритӀухъго, иманалда, ракӀбацӀцӀадго хьвадаралъухъ, Дуца кӀудияб цӀобалда хьихьана гьев, ва, гьале жакъа къоялъ тахида лъезе, гьесие вас кьуна. 7Гьанже дир БЕТӀЕРГЬАН Аллагь, Дуца дун, Дур лагъ, пачалъун гьавуна дир эмен Давудил бакӀалда. Амма дун жеги гӀолохъанав хӀалбихьи гьечӀев чи вуго. 8Дуца тӀаса бищараб дур халкъалда гьоркьов вуго дун, гьебги буго кӀудияб халкъ – гьезул къадар кутакалда цӀикӀкӀараб буго, рикӀкӀунцин бажаруларо гьел гӀемерлъиялъ. 9Дур халкъалъе нухмалъи гьабизе ва квешаб лъикӀаб батӀа бахъизе лъазе, Дур лагъасе рекӀел цӀодорлъи кье. Гурони, лъихъа бажарулеб жо гьеб – Дур кӀудияб халкъалъе нухмалъи гьабизе?»
10БетӀергьанасул ракӀ рекъана Сулейманил гьариялда. 11Аллагьас гьесда абуна:
«Дуца дуего я халатаб гӀумру, я бечелъи, я дурго тушбабазе хвелги гьаричӀого, гьеб гьари гьараралъухъ, ай гӀадилаб нухмалъиялъе цохӀо гӀакълу-лъай гьараралъухъ, 12Дица къабул гьабила дур гьари. Дица кьолеб буго дуе гӀакъиллъи ва цӀодораб ракӀ – я цере рукӀаразда, я хадур рукӀине ругезда гьоркьор дуде щивго чи ващалъизе гьечӀо. 13Гьелда тӀадеги, дуца гьаричӀебги кьолеб буго Дица дуе – дур заманалда киналго пачабазда гьоркьов цониги пача дуда бащалъулареб хӀалалда бечелъиги кӀодолъиги кьолеб буго дуе. 14Мун Дир нухккун хьвадани ва дур эмен Давудица гӀадин Дир амруял ва ахӀкамал тӀуразаруни, Дица дуе халатаб гӀумруги кьела».
15Сулейман гьеб бакӀалда ворчӀана ва гьесда бичӀчӀана гьеб макьу букӀин. Цинги гьес Иерусалималде нух босана, гьенив БетӀергьанасул КъотӀиялъул гъамасалда цеве вахъана, тӀуран рухӀулел ва ракълил къурбанал хъуна. Хадуб гьес тӀолабго пачаясул хъалаялъе квана-гьекъей гьабуна.
ГӀакъилаб хӀукму
16Цо нухалда пачаясухъе рачӀана кӀиго хъахӀбаял руччаби ва гьесда цере эхетана. 17Гьезул цоялъ абуна:
«Я дир бетӀерчӀахъад! Гьай гӀадангун цадахъ нижер цо минаялда чӀей буго. Гьайги гьений йикӀаго дица лъимер гьабуна. 18Дица лъимер гьабун лъабабилеб къоялъ гьалъги гьабуна лъимер. Ниж цадахъ рукӀана; ниж тун батӀиял тӀокӀал щалго чагӀиги рукӀинчӀо минаялъур. 19Къаси гьай гӀаданалъул вас хвана – кьижун ккедал, лъачӀого тӀад егун гьелъ гьев гъанкъизавуна. 20Къаси яхъун, дун кьижун йикӀаго, гьалъ дир вас восун вуго жиндихъего. Дир вас лъун вуго жиндирго каранда, жиндирго васин абуни, дир каранда лъун вуго. 21Радал дун тӀаде яхъана лъимер хахинабизе, гьевин абуни хун ватана, амма дица мухӀканго хал-шал гьабидал, дида бичӀчӀана гьев дица гьавурав вас гуревлъи».
22Цогидай гӀаданалъ абуна: «Гуро! ЧӀагояв вас дир вуго; дур дов хварав вуго».
Амма тӀоцее кӀалъаралъ тӀадчӀун абулеб букӀана: «Гуро! Хварав дур вуго, чӀагоявин абуни дир вуго!» – ян.
Гьедин къацандана гьел пачаясда цере.
23Пача кӀалъана: «Цоялъ абулеб буго: „Дир вас чӀаго вуго, дур вас хвана“, – ян. Цогидалъ абулеб буго: „Гуро! Дур вас хвана, дир вас чӀаго вуго“, – ян».
24Цинги пачаяс абуна: «Хвалчен босе гьанибе».
Пачаясухъе хвалчен босун бачӀана. 25Гьебмехалда гьес буюрухъ кьуна: «Бакьулъа хъвалхье гьеб чӀагояб лъимер ва бащадав цоялъе, бащадав цогиялъе кье».
26Лъимер чӀагояй гӀаданалъул ракӀ сородана, жиндирго васасда гурхӀун, ва гьелъ пачаясда абуна: «Я дир бетӀерчӀахъад! ЧӀаго тун, гьелъие кье гьеб лъимер! ЧӀваге гьев!»
Цогидалъ абуна: «Я дуе вукӀинаро гьев, я дие вукӀинаро. Хъвалхьун рехе!»
27Гьебмехалда пачаяс гьадинаб хӀукму къотӀана: «ЧӀагояб лъимер гьей тӀоцеесей гӀаданалъе кье. ЧӀваге гьев, – гьей йиго гьесул эбел».
28Гьеб пачаясул хӀукмуялъул хӀакъалъулъ хабар тӀолабго ГӀизраилалда рагӀидал, гьезул гьесдехун хӀурмат цӀикӀкӀана, щайгурелъул гьезда бихьана, гӀадилаб диван гьабизе Аллагьасдасан гьесие гӀакълу щун букӀин.
Currently Selected:
3 Пачаби 3: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
3 Пачаби 3
3
Сулейманица гӀакълу гьари
1Сулейман, Мисриялъул пиргӀавнасул#3:1 ПиргӀавн – Мисриялъул пачаясда пиргӀавнилан абулаан. ясги ячун, гьесул дурцлъун вахъана. Жиндирго кӀалгӀа, БЕТӀЕРГЬАНАСУЛ Мукъадасаб Рукъ ва Иерусалим сверун къараб къед бан лъугӀизегӀан, гьес гьей Давудил Шагьаралде яхъинаюна.
2Халкъалъ цебего гӀадин батӀи-батӀиял мукъадасал бакӀазда хъолел рукӀана къурбанал, щайгурелъул БЕТӀЕРГЬАНАСУЛ Мукъадасаб Рукъ жеги бан букӀинчӀелъул. 3Сулейман жиндирго инсул амруялда рекъон хьвадана ва гьесие БЕТӀЕРГЬАН хиралъана, амма гьесги гьелго бакӀазда хъолаан къурбанал ва кьеккеналъе махӀ гьуинал нахалги рухӀулаан.
4Цо къоялъ пача Гаваоналде вилълъана къурбан хъвезе – гьениб букӀиндал бищун кӀудияб, бетӀераб мукъадасаб бакӀ – азарго жо хъуна гьес гьениб ва къурбаналъе бакӀалда тӀад бухӀана. 5Гьениб, Гаваоналда, къаси макьилъ илгьам гьабун БЕТӀЕРГЬАН вачӀана Сулейманихъе ва Аллагьас гьесдехун калам гьабуна: «Щиб бокьаниги гьаре Дида».
6Сулейманица жаваб кьун абуна:
«Дир эмен Давудида кӀудияб цӀоб лъуна Дуца; гьев Дуда цеве ритӀухъго, иманалда, ракӀбацӀцӀадго хьвадаралъухъ, Дуца кӀудияб цӀобалда хьихьана гьев, ва, гьале жакъа къоялъ тахида лъезе, гьесие вас кьуна. 7Гьанже дир БЕТӀЕРГЬАН Аллагь, Дуца дун, Дур лагъ, пачалъун гьавуна дир эмен Давудил бакӀалда. Амма дун жеги гӀолохъанав хӀалбихьи гьечӀев чи вуго. 8Дуца тӀаса бищараб дур халкъалда гьоркьов вуго дун, гьебги буго кӀудияб халкъ – гьезул къадар кутакалда цӀикӀкӀараб буго, рикӀкӀунцин бажаруларо гьел гӀемерлъиялъ. 9Дур халкъалъе нухмалъи гьабизе ва квешаб лъикӀаб батӀа бахъизе лъазе, Дур лагъасе рекӀел цӀодорлъи кье. Гурони, лъихъа бажарулеб жо гьеб – Дур кӀудияб халкъалъе нухмалъи гьабизе?»
10БетӀергьанасул ракӀ рекъана Сулейманил гьариялда. 11Аллагьас гьесда абуна:
«Дуца дуего я халатаб гӀумру, я бечелъи, я дурго тушбабазе хвелги гьаричӀого, гьеб гьари гьараралъухъ, ай гӀадилаб нухмалъиялъе цохӀо гӀакълу-лъай гьараралъухъ, 12Дица къабул гьабила дур гьари. Дица кьолеб буго дуе гӀакъиллъи ва цӀодораб ракӀ – я цере рукӀаразда, я хадур рукӀине ругезда гьоркьор дуде щивго чи ващалъизе гьечӀо. 13Гьелда тӀадеги, дуца гьаричӀебги кьолеб буго Дица дуе – дур заманалда киналго пачабазда гьоркьов цониги пача дуда бащалъулареб хӀалалда бечелъиги кӀодолъиги кьолеб буго дуе. 14Мун Дир нухккун хьвадани ва дур эмен Давудица гӀадин Дир амруял ва ахӀкамал тӀуразаруни, Дица дуе халатаб гӀумруги кьела».
15Сулейман гьеб бакӀалда ворчӀана ва гьесда бичӀчӀана гьеб макьу букӀин. Цинги гьес Иерусалималде нух босана, гьенив БетӀергьанасул КъотӀиялъул гъамасалда цеве вахъана, тӀуран рухӀулел ва ракълил къурбанал хъуна. Хадуб гьес тӀолабго пачаясул хъалаялъе квана-гьекъей гьабуна.
ГӀакъилаб хӀукму
16Цо нухалда пачаясухъе рачӀана кӀиго хъахӀбаял руччаби ва гьесда цере эхетана. 17Гьезул цоялъ абуна:
«Я дир бетӀерчӀахъад! Гьай гӀадангун цадахъ нижер цо минаялда чӀей буго. Гьайги гьений йикӀаго дица лъимер гьабуна. 18Дица лъимер гьабун лъабабилеб къоялъ гьалъги гьабуна лъимер. Ниж цадахъ рукӀана; ниж тун батӀиял тӀокӀал щалго чагӀиги рукӀинчӀо минаялъур. 19Къаси гьай гӀаданалъул вас хвана – кьижун ккедал, лъачӀого тӀад егун гьелъ гьев гъанкъизавуна. 20Къаси яхъун, дун кьижун йикӀаго, гьалъ дир вас восун вуго жиндихъего. Дир вас лъун вуго жиндирго каранда, жиндирго васин абуни, дир каранда лъун вуго. 21Радал дун тӀаде яхъана лъимер хахинабизе, гьевин абуни хун ватана, амма дица мухӀканго хал-шал гьабидал, дида бичӀчӀана гьев дица гьавурав вас гуревлъи».
22Цогидай гӀаданалъ абуна: «Гуро! ЧӀагояв вас дир вуго; дур дов хварав вуго».
Амма тӀоцее кӀалъаралъ тӀадчӀун абулеб букӀана: «Гуро! Хварав дур вуго, чӀагоявин абуни дир вуго!» – ян.
Гьедин къацандана гьел пачаясда цере.
23Пача кӀалъана: «Цоялъ абулеб буго: „Дир вас чӀаго вуго, дур вас хвана“, – ян. Цогидалъ абулеб буго: „Гуро! Дур вас хвана, дир вас чӀаго вуго“, – ян».
24Цинги пачаяс абуна: «Хвалчен босе гьанибе».
Пачаясухъе хвалчен босун бачӀана. 25Гьебмехалда гьес буюрухъ кьуна: «Бакьулъа хъвалхье гьеб чӀагояб лъимер ва бащадав цоялъе, бащадав цогиялъе кье».
26Лъимер чӀагояй гӀаданалъул ракӀ сородана, жиндирго васасда гурхӀун, ва гьелъ пачаясда абуна: «Я дир бетӀерчӀахъад! ЧӀаго тун, гьелъие кье гьеб лъимер! ЧӀваге гьев!»
Цогидалъ абуна: «Я дуе вукӀинаро гьев, я дие вукӀинаро. Хъвалхьун рехе!»
27Гьебмехалда пачаяс гьадинаб хӀукму къотӀана: «ЧӀагояб лъимер гьей тӀоцеесей гӀаданалъе кье. ЧӀваге гьев, – гьей йиго гьесул эбел».
28Гьеб пачаясул хӀукмуялъул хӀакъалъулъ хабар тӀолабго ГӀизраилалда рагӀидал, гьезул гьесдехун хӀурмат цӀикӀкӀана, щайгурелъул гьезда бихьана, гӀадилаб диван гьабизе Аллагьасдасан гьесие гӀакълу щун букӀин.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023