3 Пачаби 19
19
Иляс Изавелихъа лъути
1Ахавица кинабго Илясица гьабураб жо ва гьес киналго БагӀалил аварагзаби хвалчаца чӀвараллъи Изавелида бицана. 2Цинги Изавелица Илясихъе вакил витӀун ана гьадинаб хабаргун:
«Аллагьзабаз кьварараб тамихӀ гьабеги дие, метер гьаб гӀужде дица дуе дуца дол аварагзабазе гьабураб гьабичӀони», – ян.
3Гьеб рагӀидал гьев вахъун жиндирго гӀумру хвасар гьабизе лъутана. Ягьудиялда бугеб Беэр-Шеваялде щваравго, гьенив лагъги тун, 4гьев живго, рилълъун ани цо къойил манзилалъ рикӀкӀада бугеб авлахъалде ана. Гьенив цо рицӀцӀигъотӀода гъоркь гӀодовги чӀун, хвел гьарана жиндиего.
«Гьанже гӀун буго, БЕТӀЕРГЬАН, – илан кӀалъана гьев, – бахъе дир рухӀ, дунги дир умумуздаса цӀакъав гьечӀелъул!» 5Хадув гьев рицӀцӀигъотӀода гъоркь вегана ва кьижун ккана. Гьедин кьижун вукӀаго танкан малаик хъвана гьесда, ва малаикас абуна: «ТӀадеги вахъун кванай».
6Тира-сверун валагьидал, гьале къаданиб лъун цӀадул хӀенхӀазда бежараб чедги, лъадал цӀураб парччиги буго. Гьев кванана, лъим гьекъана ва нахъеги вегана.
7КӀиабилеб нухалъги БЕТӀЕРГЬАНАСУЛ малаик вачӀун гьесда хъвана ва кӀалъана: «ТӀадеги вахъун кӀалдиб жо лъе, гурони нух цӀакъго захӀмалъизе буго дуе».
8Гьев тӀаде вахъана, кванана ва лъим гьекъана. Цинги гьеб квараб кванида кӀикъого сордо-къоялъ вилълъун ана гьев, ахирги Аллагьасул мегӀер Хоривалде#19:8 Хорив – гьеб ккола Синаялъул батӀияб цӀар. щвезегӀан. 9Гьенив цо нохъода жанивеги ун, сордо бана.
БетӀергьан Илясида кӀалъай
Илгьам лъугьун БЕТӀЕРГЬАН кӀалъана Илясида: «Щиб дуца гьаниб гьабулеб жо, Иляс?»
10Гьес жаваб кьуна: «Гучал Аскаразул БЕТӀЕРГЬАН Аллагь, ракӀ-ракӀалъго хӀаракат бахъун Дуе хъулухъалъе чӀарав чи вуго дун. ГӀизраилаз Дургун къотӀи хвезабун буго, Дур къурбаналъе бакӀги биххизабун, Дур аварагзабиги хвалчаца чӀван руго. ЦохӀо дун хутӀана, дунги чӀвазе къваригӀун буго дозие».
11БЕТӀЕРГЬАНАС абуна: «Мун къватӀиве вахъа гьанже ва магӀарда Дида цеве эхете. Дун ине вуго гьениса, дуда аскӀоса!»
Ва гьале БЕТӀЕРГЬАН аскӀоса ине лъугьана ва цо гӀасияб гьури бахъун бачӀун мугӀрул кьватӀизаруна ва кьураби щущахъ разаруна БЕТӀЕРГЬАНАСДА цере, амма гьоролъ вукӀинчӀо БЕТӀЕРГЬАН. Гьорода хадуб ракь багъарана, амма ракь багъариялъулъ вукӀинчӀо БЕТӀЕРГЬАН. 12Ракь багъариялда хадуб цӀа рурудана, амма цӀадулъ вукӀинчӀо БЕТӀЕРГЬАН. ЦӀаялда хадуб цо хӀеренаб шуршури бахъана. 13Гьеб рагӀарабго Илясица, гӀабаги тӀаде бачун гьумер бахчана, цинги къватӀивеги вилълъун, нохъодул кӀалтӀа эхетана. Гьесда цо гьаракь рагӀана ва гьаркьица гьесда цӀехана: «Щиб дуца гьаниб гьабулеб жо, Иляс?»
14Гьес жаваб кьуна: «Гучал Аскаразул БЕТӀЕРГЬАН Аллагь, ракӀ-ракӀалъго хӀаракат бахъун Дуе хъулухъалъе чӀарав чи вуго дун. ГӀизраилаз Дургун къотӀи хвезабун буго, Дур къурбаналъе бакӀги биххизабун, Дур аварагзабиги хвалчаца чӀван руго. ЦохӀо дун хутӀана, дунги чӀвазе къваригӀун буго дозие».
15Гьебмехалъ БЕТӀЕРГЬАНАС абуна:
«Мун вачӀараб нухалъ тӀадвусса ва Дамаскалъул авлахъалде а. Гьениве щваравго Хазаилида зайтуналъул нах бахе, гьев Сириялда тӀад пачалъун тезе. 16Жеги Нимшил вас Егьудаги бахе зайтуналъул нах, гьев ГӀизраилалда тӀад пачалъун тезе, ва Авел-Мехолаялдаса Шапатил вас ЭлишагӀидаги нах бахе, гьев дур бакӀалда авараглъун тезе. 17Хазаилил хвалчакьа ворчӀаравщинав Егьуца чӀвазе вуго, Егьул хвалчакьа ворчӀаравщинав ЭлишагӀица чӀвазе вуго. 18Амма Дица, БагӀалида цебе наку чӀвачӀев ва гьесда баичӀев анкьазарго чи цӀунун вуго ГӀизраилалда».
ЭлишагӀ авараглъун вахъин
19Гьениса нухде вахъана Иляс ва Шапатил вас ЭлишагӀ валагьана. АнцӀила кӀиго кӀи-кӀи данде рарал оцалгун векьарулев вукӀана ЭлишагӀ ва живгоги вукӀана анцӀила кӀиабилел кӀиго данде рарал оцазда хадув унев. АскӀосан унелъул Илясица гьесда тӀаде гӀаба рехана. 20Гьебмехалъ рехун тун оцалгун, Илясида хадув гӀедегӀана ЭлишагӀ.
«Эбел-эменгун къо-лъикӀ гьабизе изну кье дие, – ян абуна гьес. – Цинги дун дуда цадахъ вилълъина».
«А дурго. Дица ккунищ мун вугев?» – ин абуна Илясица.
21Гьебмехалъ ЭлишагӀ тӀадвуссана, кӀиго оцги бачана хъвезе. Гьезул пурцида цӀаги гъун гьан белъана, цинги гьеб кваназе гӀадамазе бикьана. Живгоян абуни, Илясида хадув ана ва гьесие хъулухъалъе чӀана.
Currently Selected:
3 Пачаби 19: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
3 Пачаби 19
19
Иляс Изавелихъа лъути
1Ахавица кинабго Илясица гьабураб жо ва гьес киналго БагӀалил аварагзаби хвалчаца чӀвараллъи Изавелида бицана. 2Цинги Изавелица Илясихъе вакил витӀун ана гьадинаб хабаргун:
«Аллагьзабаз кьварараб тамихӀ гьабеги дие, метер гьаб гӀужде дица дуе дуца дол аварагзабазе гьабураб гьабичӀони», – ян.
3Гьеб рагӀидал гьев вахъун жиндирго гӀумру хвасар гьабизе лъутана. Ягьудиялда бугеб Беэр-Шеваялде щваравго, гьенив лагъги тун, 4гьев живго, рилълъун ани цо къойил манзилалъ рикӀкӀада бугеб авлахъалде ана. Гьенив цо рицӀцӀигъотӀода гъоркь гӀодовги чӀун, хвел гьарана жиндиего.
«Гьанже гӀун буго, БЕТӀЕРГЬАН, – илан кӀалъана гьев, – бахъе дир рухӀ, дунги дир умумуздаса цӀакъав гьечӀелъул!» 5Хадув гьев рицӀцӀигъотӀода гъоркь вегана ва кьижун ккана. Гьедин кьижун вукӀаго танкан малаик хъвана гьесда, ва малаикас абуна: «ТӀадеги вахъун кванай».
6Тира-сверун валагьидал, гьале къаданиб лъун цӀадул хӀенхӀазда бежараб чедги, лъадал цӀураб парччиги буго. Гьев кванана, лъим гьекъана ва нахъеги вегана.
7КӀиабилеб нухалъги БЕТӀЕРГЬАНАСУЛ малаик вачӀун гьесда хъвана ва кӀалъана: «ТӀадеги вахъун кӀалдиб жо лъе, гурони нух цӀакъго захӀмалъизе буго дуе».
8Гьев тӀаде вахъана, кванана ва лъим гьекъана. Цинги гьеб квараб кванида кӀикъого сордо-къоялъ вилълъун ана гьев, ахирги Аллагьасул мегӀер Хоривалде#19:8 Хорив – гьеб ккола Синаялъул батӀияб цӀар. щвезегӀан. 9Гьенив цо нохъода жанивеги ун, сордо бана.
БетӀергьан Илясида кӀалъай
Илгьам лъугьун БЕТӀЕРГЬАН кӀалъана Илясида: «Щиб дуца гьаниб гьабулеб жо, Иляс?»
10Гьес жаваб кьуна: «Гучал Аскаразул БЕТӀЕРГЬАН Аллагь, ракӀ-ракӀалъго хӀаракат бахъун Дуе хъулухъалъе чӀарав чи вуго дун. ГӀизраилаз Дургун къотӀи хвезабун буго, Дур къурбаналъе бакӀги биххизабун, Дур аварагзабиги хвалчаца чӀван руго. ЦохӀо дун хутӀана, дунги чӀвазе къваригӀун буго дозие».
11БЕТӀЕРГЬАНАС абуна: «Мун къватӀиве вахъа гьанже ва магӀарда Дида цеве эхете. Дун ине вуго гьениса, дуда аскӀоса!»
Ва гьале БЕТӀЕРГЬАН аскӀоса ине лъугьана ва цо гӀасияб гьури бахъун бачӀун мугӀрул кьватӀизаруна ва кьураби щущахъ разаруна БЕТӀЕРГЬАНАСДА цере, амма гьоролъ вукӀинчӀо БЕТӀЕРГЬАН. Гьорода хадуб ракь багъарана, амма ракь багъариялъулъ вукӀинчӀо БЕТӀЕРГЬАН. 12Ракь багъариялда хадуб цӀа рурудана, амма цӀадулъ вукӀинчӀо БЕТӀЕРГЬАН. ЦӀаялда хадуб цо хӀеренаб шуршури бахъана. 13Гьеб рагӀарабго Илясица, гӀабаги тӀаде бачун гьумер бахчана, цинги къватӀивеги вилълъун, нохъодул кӀалтӀа эхетана. Гьесда цо гьаракь рагӀана ва гьаркьица гьесда цӀехана: «Щиб дуца гьаниб гьабулеб жо, Иляс?»
14Гьес жаваб кьуна: «Гучал Аскаразул БЕТӀЕРГЬАН Аллагь, ракӀ-ракӀалъго хӀаракат бахъун Дуе хъулухъалъе чӀарав чи вуго дун. ГӀизраилаз Дургун къотӀи хвезабун буго, Дур къурбаналъе бакӀги биххизабун, Дур аварагзабиги хвалчаца чӀван руго. ЦохӀо дун хутӀана, дунги чӀвазе къваригӀун буго дозие».
15Гьебмехалъ БЕТӀЕРГЬАНАС абуна:
«Мун вачӀараб нухалъ тӀадвусса ва Дамаскалъул авлахъалде а. Гьениве щваравго Хазаилида зайтуналъул нах бахе, гьев Сириялда тӀад пачалъун тезе. 16Жеги Нимшил вас Егьудаги бахе зайтуналъул нах, гьев ГӀизраилалда тӀад пачалъун тезе, ва Авел-Мехолаялдаса Шапатил вас ЭлишагӀидаги нах бахе, гьев дур бакӀалда авараглъун тезе. 17Хазаилил хвалчакьа ворчӀаравщинав Егьуца чӀвазе вуго, Егьул хвалчакьа ворчӀаравщинав ЭлишагӀица чӀвазе вуго. 18Амма Дица, БагӀалида цебе наку чӀвачӀев ва гьесда баичӀев анкьазарго чи цӀунун вуго ГӀизраилалда».
ЭлишагӀ авараглъун вахъин
19Гьениса нухде вахъана Иляс ва Шапатил вас ЭлишагӀ валагьана. АнцӀила кӀиго кӀи-кӀи данде рарал оцалгун векьарулев вукӀана ЭлишагӀ ва живгоги вукӀана анцӀила кӀиабилел кӀиго данде рарал оцазда хадув унев. АскӀосан унелъул Илясица гьесда тӀаде гӀаба рехана. 20Гьебмехалъ рехун тун оцалгун, Илясида хадув гӀедегӀана ЭлишагӀ.
«Эбел-эменгун къо-лъикӀ гьабизе изну кье дие, – ян абуна гьес. – Цинги дун дуда цадахъ вилълъина».
«А дурго. Дица ккунищ мун вугев?» – ин абуна Илясица.
21Гьебмехалъ ЭлишагӀ тӀадвуссана, кӀиго оцги бачана хъвезе. Гьезул пурцида цӀаги гъун гьан белъана, цинги гьеб кваназе гӀадамазе бикьана. Живгоян абуни, Илясида хадув ана ва гьесие хъулухъалъе чӀана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023