Иоаннил тӀоцебесеб кагъат 5
5
5 бетӀер
Дуниялалда тӀад бергьенлъи босула
1ГӀиса МасихӀлъун вукӀиналда божаравщинав чи Аллагьасдасан лъугьарав вуго. Жинца гьавурав вокьулевщинасе жив гьавуравги вокьула. 2Нилъее Аллагь вокьиялдалъунги ва гьесул амраби тӀуразариялдалъунги лъала Аллагьасул лъималазде нилъер рокьи. 3Аллагьасде рокьи кколелъулха гьесул амраби нилъеца тӀуразари. Гьесул амраби захӀматал гьечӀо. 4Аллагьасдасан лъугьаравщинав дуниялалдаса бергьуна! Дуниялалда тӀад босараб бергьенлъи – гьеб ккола нилъер божи-иман. 5ГӀиса Аллагьасул Вас вукӀиналда божарав чиясда гурони, цоги лъидаха кӀвелеб дуниялалда тӀад бергьенлъи босизе!
6ГӀиса МасихӀин вачӀарав лъимгун ва бигун, цохӀо лъимгун гурев, лъимгун ва бигун вачӀана гьев. Гьелъие РухӀалъ нугӀлъи гьабула, РухӀ хӀакъаб бугелъул. 7Лъабго нугӀги бугелъул: 8РухӀги, лъимги, биги. Гьеб лъабабгоги цойихъан руго. 9ГӀадамазул нугӀлъицин нилъее гӀолеб бугеб мехалда, Аллагьасул нугӀлъи дагьабги кӀудияб буго. Аллагьасул нугӀлъиялъул магӀна ккола жиндирго Васасул хӀакъалъулъ гьес жинцаго нугӀлъи гьабулеб букӀин. 10Аллагьасул Васасда божулесулъ жиндилъго буго гьеб нугӀлъи. Аллагьасда божуларев чияс Аллагь гьереси гьавулев вуго, жиндирго Васасул хӀакъалъулъ Аллагьас гьабураб нугӀлъиялда гьев божичӀелъул. 11Аллагьас нилъее кьураб абадияб гӀумруялъул хӀакъалъулъги буго гьеб нугӀлъи. Гьесул Васасулъин гьеб гӀумру бугеб. 12Аллагьасул Васгун цолъарав чиясе гӀумру буго, гьевгун цолъичӀесе гӀумру гьечӀо.
Ахирисел насихӀатал
13Аллагьасул Васасда божулел нужехъе дица гьаб хъвана нужее абадияб гӀумру насиблъун бугеблъи лъан букӀине. 14Аллагьасда цебе нилъее хӀинкъи гьечӀолъи сундалъунха лъалеб? Гьесул изнуялдалъун нилъеца щиб гьараниги, гьесда гьеб рагӀула. 15Нилъеца гьарарабщинаб гьесда рагӀулеб букӀин нилъеда лъани, нилъеда лъала гьарарабщинаб гьесдасан щвезе букӀинги.
16Хвалде рачунеб хутӀун, цогидаб мунагь вацас гьабулеб бихьани, гьесул рахъалъ дугӀа гьабе, ва Аллагьас гьесие абадияб гӀумру кьела. (Хвалде рачунебги буго мунагь; гьелъул рахъалъ дугӀа гьабиялъул гуро дица бицунеб бугеб. 17Кинабго квешлъи гьаби мунагь ккола, амма хвалде рачунареб мунагьги букӀуна.)
18Аллагьасдасан лъугьарас мунагь гьабулареблъи лъала нилъеда, Аллагьасул васас гьев цӀунулелъул! Илбисалдаги кӀоларо гьесда хъатӀизе. 19Нилъеда лъала нилъ Аллагьасдасан лъугьун ругеллъи ва тӀолабго дуниялги илбисалъул кверщаликь бугеблъи. 20Нилъеда лъала вачӀун Аллагьасул Васас нилъее ХӀакъав лъазе гӀакълу кьураблъиги. Нилъги руго ХӀакъавгун ва гьесул Вас ГӀиса МасихӀгун цолъун. Гьев вуго хӀакъав Аллагь ва абадияб гӀумру.
21Гьересиаллагьзабаздаса цӀуне, дир лъимал, нужго!
Currently Selected:
Иоаннил тӀоцебесеб кагъат 5: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Иоаннил тӀоцебесеб кагъат 5
5
5 бетӀер
Дуниялалда тӀад бергьенлъи босула
1ГӀиса МасихӀлъун вукӀиналда божаравщинав чи Аллагьасдасан лъугьарав вуго. Жинца гьавурав вокьулевщинасе жив гьавуравги вокьула. 2Нилъее Аллагь вокьиялдалъунги ва гьесул амраби тӀуразариялдалъунги лъала Аллагьасул лъималазде нилъер рокьи. 3Аллагьасде рокьи кколелъулха гьесул амраби нилъеца тӀуразари. Гьесул амраби захӀматал гьечӀо. 4Аллагьасдасан лъугьаравщинав дуниялалдаса бергьуна! Дуниялалда тӀад босараб бергьенлъи – гьеб ккола нилъер божи-иман. 5ГӀиса Аллагьасул Вас вукӀиналда божарав чиясда гурони, цоги лъидаха кӀвелеб дуниялалда тӀад бергьенлъи босизе!
6ГӀиса МасихӀин вачӀарав лъимгун ва бигун, цохӀо лъимгун гурев, лъимгун ва бигун вачӀана гьев. Гьелъие РухӀалъ нугӀлъи гьабула, РухӀ хӀакъаб бугелъул. 7Лъабго нугӀги бугелъул: 8РухӀги, лъимги, биги. Гьеб лъабабгоги цойихъан руго. 9ГӀадамазул нугӀлъицин нилъее гӀолеб бугеб мехалда, Аллагьасул нугӀлъи дагьабги кӀудияб буго. Аллагьасул нугӀлъиялъул магӀна ккола жиндирго Васасул хӀакъалъулъ гьес жинцаго нугӀлъи гьабулеб букӀин. 10Аллагьасул Васасда божулесулъ жиндилъго буго гьеб нугӀлъи. Аллагьасда божуларев чияс Аллагь гьереси гьавулев вуго, жиндирго Васасул хӀакъалъулъ Аллагьас гьабураб нугӀлъиялда гьев божичӀелъул. 11Аллагьас нилъее кьураб абадияб гӀумруялъул хӀакъалъулъги буго гьеб нугӀлъи. Гьесул Васасулъин гьеб гӀумру бугеб. 12Аллагьасул Васгун цолъарав чиясе гӀумру буго, гьевгун цолъичӀесе гӀумру гьечӀо.
Ахирисел насихӀатал
13Аллагьасул Васасда божулел нужехъе дица гьаб хъвана нужее абадияб гӀумру насиблъун бугеблъи лъан букӀине. 14Аллагьасда цебе нилъее хӀинкъи гьечӀолъи сундалъунха лъалеб? Гьесул изнуялдалъун нилъеца щиб гьараниги, гьесда гьеб рагӀула. 15Нилъеца гьарарабщинаб гьесда рагӀулеб букӀин нилъеда лъани, нилъеда лъала гьарарабщинаб гьесдасан щвезе букӀинги.
16Хвалде рачунеб хутӀун, цогидаб мунагь вацас гьабулеб бихьани, гьесул рахъалъ дугӀа гьабе, ва Аллагьас гьесие абадияб гӀумру кьела. (Хвалде рачунебги буго мунагь; гьелъул рахъалъ дугӀа гьабиялъул гуро дица бицунеб бугеб. 17Кинабго квешлъи гьаби мунагь ккола, амма хвалде рачунареб мунагьги букӀуна.)
18Аллагьасдасан лъугьарас мунагь гьабулареблъи лъала нилъеда, Аллагьасул васас гьев цӀунулелъул! Илбисалдаги кӀоларо гьесда хъатӀизе. 19Нилъеда лъала нилъ Аллагьасдасан лъугьун ругеллъи ва тӀолабго дуниялги илбисалъул кверщаликь бугеблъи. 20Нилъеда лъала вачӀун Аллагьасул Васас нилъее ХӀакъав лъазе гӀакълу кьураблъиги. Нилъги руго ХӀакъавгун ва гьесул Вас ГӀиса МасихӀгун цолъун. Гьев вуго хӀакъав Аллагь ва абадияб гӀумру.
21Гьересиаллагьзабаздаса цӀуне, дир лъимал, нужго!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023